Գովազդի համար զանգահարել 099 999 409
  • Արթուր Բաղդասարյան
  • «Հայկական վերածնունդ» կուսակցության նախագահ Արթուր Բաղդասարյանի գլխավորած պատվիրակությունը նախօրեին  Լյուքսեմբուրգում հանդիպում է ունեցել «Եվրոպական ժողովրդական կուսակցության» նախագահ Ժոզեֆ Դոլի հետ: ԵԺԿ նախագահը կարեւորել է նման հանդիպումները՝ ինչպես միջկուսակցական կապերի ամրապնդման,  այնպես էլ՝ քաղաքական օրակարգի կարեւոր հարցերի շուրջ կարծիքներ եւ տեսակետներ փոխանակելու առումով: Իր հերթին Արթուր Բաղդասարյանը նշել է, որ նման ձեւաչափով շփումները եւս մեկ կարեւոր խողովակ են Հայաստան-ԵՄ հարաբերությունների զարգացման եւ ամրապնդման ուղղությամբ: Հաջորդիվ ՀՎԿ պատվիրակությունը հանդիպել է նաեւ ԵԺԿ փոխնախագահ Սարիուշ Վոլսկու հետ: «Հայկական վերածնունդ» կուսակցության նախագահի գլխավորած պատվիրակությունը հանդիպել է նաեւ «Կենտրոնամետ դեմոկրատների»  համաշխարհային ինտերնացիոնալի գլխավոր քարտուղար Անտոնիո Լոպեսի հետ: Արթուր Բաղդասարյանը ընդգծել է, որ դեռեւս 2005 թվականից «Օրինաց երկիր» կուսակցությունը հանդիսացել է համաշխարհային այս կառույցի անդամ եւ համոզմունք է հայտնել, որ արդյունավետ համագործակցության ավանդույթները առաջիկայում արդեն կշարունակի «Հայկական վերածնունդը»: ՀՎԿ պատվիրակությունը հանդիպում է ունեցել նաեւ Վիլֆրեդ Մարտենս Եվրոպական հետազոտությունների կենտրոնի նախագահ Նիկոլաշ Տյուրինդայի եւ Ռոբերտ Շուման ինստիտուտի գործադիր տնօրեն Գաբոռ Բերցելիի հետ: Երկու հայտնի կրթական հաստատությունների ղեկավարների հետ հանդիպման ժամանակ քննարկվել է համատեղ կրթական , երիտասարդ կադրերի փոխանակման ու վերապատրաստման հետ կապված կոնկրետ ծրագրեր: Նշված ինստիտուտների ղեկավարների հետ ՀՎԿ նախագահ Արթուր Բաղդասարյանի գլխավորած պատվիրակության հանդիպումների արդյունքում պայմանավորվածություն է ձեռք բերվել Հայաստանում  հիմնել եվրոպական հետազոտությունների կենտրոն: ...

    Կարդալ ավելին
  • Հայաստանում հիվանդությունները հարձակվել են մարդկանց վրա: Այսօր` քաղցկեղի դեմ պայքարի համաշխարհային օրը, ցանկանում եմ սթափության կոչ անել մեծացնելու համար ուշադրությունն ու պայքարը Հայաստանում օրեցօր տարածվող քաղցկեղածին, սիրտ-անոթային և այլ կարգի հիվանդությունների դեմ: Դատապարտելի է, երբ երիտասարդ տարիքում մարդիկ մահանում են վիրահատությունների և հիվանդությունների դեմ պայքարում անզոր լինելու պատճառով: Իսկ անզորությունը դրսևորվում է նախ և առաջ սոցիալական ծանր վիճակով և անվճարունակությամբ: Պետությունը պարտավոր է մեծացնել առողջապահության պետական ֆինանսավորումը, ընդլայնել անվճար վիրահատությունների և տարածված հիվանդությունների բուժման հնարավորությունները` առավել տարածված ուղղություններով դրանք դարձնելով ամբողջովին անվճար: Անհրաժեշտ է վերանայել վիրահատությունների, դեղերի, բուժօգնության աննախադեպ բարձր գները, և առողջապահությունը դարձնել մատչելի բոլորի համար, ոչ թե ունևորները կարող են օգտվել, իսկ չունևորները մահանան գումար չունենալու հետևանքով: Յուրաքանչյուր հայ մարդու կորուստը ` սոցիալական վիճակով և անվճարունակությամբ պայմանավորված, բացարձականապես անհանդուրժելի է և մերժելի: Առողջություն մեր բոլոր հայրենակիցներին: Նյութի աղբյուր`https://www.facebook.com/Baghdasaryan.Arthur/posts/1209769745703216 ...

    Կարդալ ավելին
Загрузка...

ՖԲՀ

Քաղաքականություն

  • /uploads/photos/bG5EiWZPvdLIp3DCH1Wd.jpg

    ԵԽԽՎ տխրահռչակ կաշառակեր նախագահ Պեդրո Ագրամունտը,ով իր պաշտոնական դիրքից օգտվելով բավական հարստացել է նավթախավիարային կապերի մեջ մտնելով ապշերոնյան բռնապետի վարչակարգի հետ և չի ցանկանում Սիրիա մեկնելուց և խայտառակվելուց հետո հրաժարական տալ ԵԽԽՎ նախագահի պաշտոնից սկսել է "մեղավորների" անուներ տալ,թե ովքեր են կանգնած իր անվան շուրջ վերջին օրերին կապված սկանդալի հետևում... Ագրամունտի մամլո խոսնակը իսպխանական El Confidencial-ին տված հարցազրույցում Ագրամունտի դժբախտությունների մեջ մեղադրել է հայտնի ֆինանսիստ Ջորջ Սորոսին և նրա կողմից հովանավորվող հիմնադրամներին,ինչպես նաև Հայաստանին...Պարզվում է,որ անմեղ Ագրամունտին չար ռուսները խաբեությամբ տարել էին Սիրիա,նրա կամքին հակառակ պարտադրել էին հանդիպել եվրոպացիների համար բռնապետ համարվող այդ երկրի նախագահ Բաշար Ասադին,ժպիտը դեմքին նկարահանվել նրա հետ,իսկ այդ ամենի մասին տեղեկություններն էլ տրամադրել Ագրամունտի թշնամի Սորոսին,ով գիշեր ցերեկ նստած մտածում է,թե ինչպես զրկի Պեդրոին ԵԽԽՎ նախագահի պաշտոնից... Հայաստանն էլ մեղավոր է այնքանով,որ դեռ 2013 թ-ի հունվարին European Stability Initiative (ESI) անկախ եվրոպական վերլուծական կենտրոնի հրապարակած խայտառակ բացահայտումների մեջ՝ կապված ԵԽԽՎ շրջանակներում Ագրամունտի և Ադրբեջանի իշխանությունների միջև համագործակցության,որի արդյունքում Ադրբեջանում մարդու իրավունքների ոտնահարման մասին զեկույց պատրաստող Ագրամունտն ամեն ինչ արել էր,որ այդ զեկույցում Ալիևի հասցեին ոչ մի քննադատություն չհնչի...Իսկ հետագայում Ագրամունտ -Ալիև նավթախավիարային գործարքներն էլ ավելի մասշտաբային բնույթ ստացան,որի կիզակետում վերջին տարվա մեջ Ագրամունտ,բրիտանացի պատգամավոր Ռոբերտ Ուոլթեր և բոսնիացի պատգամավոր Միլիցա Մարկովիչ եռյակն էր... Պարզվում է,որ եթե Ագրամունտը և նրա նման ոչ պակաս "ագրամունտները" կաշառք են վերցնում Ալիևից,որը հետագայում բացահայտվում է,ապա մեղավորը ոչ թե կաշառակերն է,այլ՝բացահատյողը և այդ մասին բարձրաձայնողը...Վերջին պարագայում՝դա Հայաստանն է... Այս ամենը սպասելի էր...Ագրամունտի շուրջ բարձրացված սկանդալից ժամեր անց նրա "համադասարանցի" որոշ կաշառակերներ իրենց հարցազրույցներում ակնարկում էին,թե ով կամ ովքեր են մեղավոր Ագրամունտի շուրջ ստեղծված իրավիճակի համար... Իսկ ապրիլի 27-ին կայքին հարցազրույց տված Ագրամունտի մտերիմ ընկեր,ԵԽԽՎ-ում Իսպանիան ներկայացնող պատգամավոր Ժորդի Շուկլուն,ում անունը ևս կա ESI-ի Ալիև-ԵԽԽՎ պատգամավորներ նավթախավիարային գործարքների բացահայտումների մեջ ևս փորձել էր հայերին մեղադրել այս ամենի մեջ... Հատկանաշական է,որ Ագրամունտի մամլո խոսնակը իր հարցազրույցում նաև մեղադրել է ուկրաինացի պատգամավորներին հակաագրամունտյան դիրքորոշման համար...Բայց չգիտես ինչու մոռացել է նշել վրացիներին,որոնք ևս բավական ակտիվ պահանջում են Ագրամունտի հրաժարականը... Իմ կողմից ավելացնեմ,որ եթե կաշառակեր և հակահայ գործունեություն ծավալող Ագրամունտի մամլո խոսնակը հայերին է մեղադրում այս ամենում,ապա ես շատ ուրախ եմ...Հայաստանը "ագրամունտահարեց" ԵԽԽՎ-ի Բաքվի գրպանում գտնվող նախագահին... Հ.Գ.Ագրամունտի մամլո խոսնակը մեղադրելով Սորոսին,հայերին և այլոք Ագրամունտի դեմ արշավի համար,չգիտես ինչու չի նշում,որ երեկ ԵԽԽՎ-ում տեղի ունեցած Ագրամունտի "իմպիչմենտի" քվեարկության ժամանակ Ագրամունտին կողմ են քվեարկել ընդամենը 3 պատգամավոր՝2 իսպանացի և 1 ազերի թուրք...

    Կարդալ ավելին