• Սուրեն Սարգսյան
  • ․․․Օվալաձև աշխատասենյակի հանդիպումից հետո նախագահները պատասխանում են լրագրողների մի քանի հարցերի։ Հարցուպատասխանից անմիջապես հետո սկսվում է երկու նախագահների առանձնազրույցը։ Նախագահները քննարկում են երկկողմ հարաբերությունները։ Քննարկվում են տարածաշրջանային խնդիրներ, Լեռնային Ղարաբաղի հիմնախնդրի խաղաղ կարգավորումը, ինչպես նաև ԱՄՆ-ի կողմից Հայաստանին տրամադրվող օգնության հետ կապված հարցեր։ Տեր-Պետրոսյանը նշում է, որ Հայաստանն ԱՄՆ-ից խնդրում է ոչ միայն մարդասիրական օգնություն, այլ կոնկրետ զարգմացմանը միտված ծրագրերի ֆինանսավորում։ Տեր-Պետրոսյան - Բիլ Քլինթոն հանդիպման արդյունքում երկու նախագահները համատեղ հայտարարություն են ընդունում։ Սա Հայաստանի և ԱՄՆ-ի միջև երբևէ ամենաբարձր մակարդակով ընդունված հայտարարությունն է, որը բովանդակային առումով ամբողջացնում է հայ-ամերիկյան հարաբերությունների էությունը։ Հայտարարության մեջ մասնավորապես ասվում է․ «Սպիտակ տանը կայացած հանդիպման ժամանակ ԱՄՆ Նախագահ Բիլ Քլինթոնը և Հայաստանի Հանրապետության նախագահ Լեւոն Տեր-Պետրոսյանը քննարկել են երկկողմ, տարածաշրջանային եւ միջազգային փոխադարձ հետաքրքրություն ներկայացնող հարցեր եւ պայմանավորվել են շարունակել իրենց ջանքերը խաղաղության և անվտանգության հաստատման համար Կովկասյան տարածաշրջանում: Հայաստանի՝ 1991 թվականին հռչակված անկախությունից ի վեր Միացյալ Նահանգները եւ Հայաստանը ամրապնդել են իրենց հարաբերությունները։ Միացյալ Նահանգները առաջին պետությունն էր, որ Հայաստանի Հանրապետությունում հիմնեց իր դեսպանատունը: Նախագահ Տեր-Պետրոսյանի պաշտոնական այցը կարևոր քայլ է, որն ի ցույց է դնում Միացյալ Նահանգների եւ Հայաստանի Հանրապետության ամուր կապը: Նախագահ Քլինթոնը եւ նախագահ Լեւոն Տեր-Պետրոսյանն ընդգծում են Լեռնային Ղարաբաղի հակամարտության խաղաղ կարգավորման հարցում հրատապ լուծում գտնելու անհրաժեշտությունը: Միացյալ Նահանգները ողջունում է վերջերս հաստատված հրադադարի պայմանավորվածությունը, որը ձեռք էր բերվել 1994 թվականի հուլիսի 27-ին կողմերի միջև։ Միացյալ Նահանգները եւ Հայաստանի Հանրապետությունը վերահաստատում են, որ միայն ԵԱՀԽ Մինսկի խմբի միջոցով աշխատելով է անհրաժեշտ հասնել հակամարտության խաղաղ կարգավորման եւ ընդգծել, որ անհրաժեշտ է համակարգել բոլոր միջնորդական ջանքերը: Միացյալ Նահանգները բարձր է գնահատում առաջընթացը, որ Հայաստանն իրականացնում է ժողովրդավարության զարգացման, օրենքի գերակայության հաստատման, ազատ շուկայական տնտեսության կառուցման գործում և վերահաստատում է իր հանձնառությունը՝ օգնել Հայաստանին հաղթահարելու խոչընդոտները, ամբողջապես իրագործելու տնտեսական բարեփոխումները: Երկու նախագահները խոստացել են պաշտպանել եւ խթանել այն արժեքների զարգացումը, որ երկու երկրները կիսում են ու որոնք պարտադիր են ժողովրդավարական հասարակության համար: Նախագահ Քլինթոնը եւ նախագահ Լեւոն Տեր-Պետրոսյանը համաձայնել են, որ Հայաստանի կայունությունը և նվիրվածությունը ժողովրդավարությանն ու տնտեսական բարեփոխումներին կարեւոր ներդրում են կովկասյան տարածաշրջանում կայունության հաստատման համար: Հայաստանի Հանրապետությունը վերահաստատում է բոլոր հարևանների հետ բնականոն հարաբերություններ հաստատելու և միջազգային քաղաքական տնտեսական կառույցներին լիարժեք ինտեգրվելու պատրաստակամությունը: Նախագահ Տեր-Պետրոսյանն ընդգծել է, որ Հայաստանի անկախությանը եւ բարգավաճմանը կարելի է հասնել միայն Հայաստանի ժողովրդավարությամբ: Նախագահ Քլինթոնը եւ նախագահ Տեր-Պետրոսյանը համաձայնել են աշխատել միասին՝ նպաստելու երկկողմ առևտրին ու ներդրումներին: Մի շարք համաձայնագրեր, որոնք վերաբերում են առեւտրին և ներդրումների խրախուսմանը, արդեն ստորագրվել են, և կողմերը պատրաստակամ են ստորագրելու համաձայնագիր՝ կրկնակի հարկումից խուսափելու վերաբերյալ։ Հայաստանի Հանրապետությունն իր գոհունակությունն ու շնորհակալությունն է հայտնում մարդասիրական եւ տեխնիկական օժանդակության համար, որը տրամադրվում է Միացյալ Նահանգների կողմից Հայաստանի առջեւ ծառացած այս դժվարին պայմաններում: Նախագահ Լեւոն Տեր-Պետրոսյանը հայ ժողովրդի անունից իր երախտագիտությունն է հայտնել Միացյալ Նահանգներին իր ռազմավարական պաշարներից Հայաստանին ցորեն տրամադրելու համար: Պայմանավորված ընդհանուր քաղաքական, տնտեսական և անվտանգության շահերով Միացյալ Նահանգները եւ Հայաստանի Հանրապետությունը հիմք են դնում ամուր և երկարատեւ հարաբերություններին: Բիլ Քլինթոն, Լևոն Տեր-Պետրոսյան»: Շնորհակալ եմ Վահրամ Կաժոյանին բացառիկ լուսանկարների համար։ Տեր-Պետրոսյանի հետ հարցազրույցին սպասելով՝ Սուրեն Սարգսյան Շարունակելի․․․ Նյութի աղբյուր՝ https://www.facebook.com/sargsyansuren/posts/10156624022105421 ...

    Կարդալ ավելին
  • Թրամփը բավականին հետաքրքիր մարտավարություն է որդեգրել այս, կամ այն պետության հետ բանակցելու համար։ Իհարկե նախապես հաշվարկելով իր և հակառակորդի ուժեղ և թույլ կողմերը, առավելություններն ու հնարավորությունները, քայլում է հետևյալ կերպ․  1. սկզբում դիվանագիտորեն զգուշացնում է (բնականաբար գիտակցելով, որ դա չի աշխատելու)։  2. սկսում է առավել ագրեսիվ տոնայնություն և ձևակերպումներ կիրառել (տեսեք Կորեայի օրինակը)։  3. ծայրաստիճան լարում է իրավիճակը (ասենք թվիթերյան գրառումներով և հայտարարություններով)։  4. ուժ է ցույց տալիս և սպառնալիքներ է հնչեցնում (տեսեք դեպի Կորեական թերակղզի ուղարկված նավատորմը)։  5. պատժամիջոցներ է սկսում կիրառել, կամ խորացնում է գոյություն ունեցողները (տես Իրանի պատժամիջոցները, կամ Թուրքիայի նկատմամբ վերջին քայլերը)։  6. ստիպում է իր դաշնակիցներին (որոնք հաճախ նրա հետ համաձայն չեն) գնալ նույն ճանապարհով՝ ինչ ԱՄՆ-ն, թե չէ նույնպես խնդիրներ կստեղծվեն իրենց ապրանքների և բիզնեսների համար (տեսեք ԵՄ մի քանի գիգանտ ձեռնարկությունների օրինակը)։  7. անհրաժեշտության դեպքում կիրառում է շանտաժը՝ որպես բանակցային գործիք, հակառակորդների և նույնիսկ դաշնակիցների դեմ։ 8. գործիքակազմի մնացած օրինակները չեմ բերում Ու այս ամենի արդյունքում մրցակիցը չի դիմանում ճնշմանը և գնում է համագործակցության այն ճանապարհով, որը Թրամփն է նախատեսում։  Միաժամանակ Թրամփը միշտ համագործակցության հույս է տալիս դիմացինին (տես Կորեայի, Իրանի, Ռուսաստանի ղեկավարություններին ուղղված մեսիջները և ընկեր լինելու հնարավորության վերաբերյալ հայտարարությունները, ինչպես նաև լարված պահերին Պոմպեոյի, կամ Բոլտոնի այցերը լարված մայրաքաղաքներ) և այս ամենը համեմված միջազգային կառույցների վրա ճնշելու և իր ուղեծիր բերելու արվեստով (տես ՆԱՏՕ-ն, ՄԱԳԱՏԵ-ն, ԵՄ-ն, կամ ՄԱԿ-ում հակաամերիկյան քվեարկություններն իր օգտին կիրառելու օրինակը)։ Նյութի աղբյուր՝ https://www.facebook.com/photo.php?fbid=10156621265555421&set=a.98218810420.117755.609935420&type=3&theater ...

    Կարդալ ավելին
  • Այցը բացառիկ էր մի քանի առումով։ Նախ, այն կրում էր պաշտոնական-աշխատանքային բնույթ։ Պահպանված էին արարողակարգի բոլոր առանձնահատկությունները, իսկ Հայաստանի պատվիրակությունը (պատմության մեջ առաջին ու դեռևս վերջին անգամ) հանգրվանել էր «Բլեյեր Հաուս»-ում, որն ԱՄՆ նախագահների հատուկ հյուրերի կեցավայրն է։ Տեր-Պետրոսյանի պատվիրակությունը բավականին ներկայացուցչական էր։ Պատվիրակության կազմում էին առաջին տիկինը, պետնախարար Վազգեն Սարգսյանը, արտգործնախարար Փափազյանը, էկոնոմիկայի նախարար Եղիազարյանը, ֆինանսենրի նախարար Բարխուդարյանը, ԿԲ նախագահ Ասատրյանը, նախագահի մամուլի քարտուղարը, անձնական բժիշկը և այլն։ Հայաստանի Նախագահի ինքնաթիռը վայրեջք է կատարում Վաշինգտոնի Դալլաս օդակայանում ամսի 7-ին ժամը 15:25-ին: Դրանից անմիջապես հետո Հայաստանի պատվիրակությունը ուղևորվում է «Ուիլիարդ» հյուրանոց, որտեղ և անցկացնում է առաջին երկու գիշերները։ Հաջորդ օրը առավոտյան ըստ արարողակարգի կանոնների, Հայաստանի Նախագահի պատվիրակությունը այցելում է Առլինգթոնի զինվորական գերեզմանատուն, ծաղկեպսակ դնում անհայտ զինվորի գերեզմանին, ինչպես նաև Նախագահ Ջոն Քեննեդիի և Ժակլին Քենեդիի գերեզմանին։ Նույն օրը, երեկոյան Տեր-Պետրոսյանն իր կեցավայրում ընդունում է Համաշխարհային Բանկի և Արժույթի միջազգային Հիմնադրամի ղեկավարներին։ Օգոստոսի 9-ի առավոտյան պատվիրակության հիմնական մասը տեղափոխվում է «Բլեյեր Հաուս» և սկսվում է այցի պաշտոնական մասը։ Նույն օրը Հայաստանի Նախագահը աշխատանքային ճաշ է ունենում ԱՄՆ փոխնախագահ Ալբերտ Գորի հետ։ Ճաշից անմիջապես հետ Հայաստանի պատվիրակությունը մեկնում է Պենտագոն՝ հանդիպելու ԱՄՆ պաշտպանության քարտուղար Ուիլիամ Փերիի հետ։  17:00-ին Սպիտակ Տան Օվալաձև Աշխատասենյակում սկսվում է Հայաստանի Նախագահի հանդիպումը ԱՄՆ նախագահ Քլինթոնի հետ։ Նախագահ Քլինթոնի գրադարանում պահպանվել է Հայաստանի Նախագահի այցի արարողակարգային ժամանակացույցը, իսկ այցի պատասխանատու էր նշանակված ազգային անվտանգության հարցերով ԱՄՆ Նախագահի խորհրդական Էնթոնի Լեյքը։ Հանդիպման արարողակարգն այսպիսի տեսք ուներ․ · 5:30:-7:30 Հանդիպում Հայաստանի Հանրապետության Նախագահի հետ · 5:30 Նախագահ Քլինթոնը ողջունում է Նախագահ Տեր-Պետրոսյանին (մամուլի մասնակցությամբ) · 5:35-6:05 Նախագահների փակ հանդիպում Օվալաձև աշխատասենյակում։ · 6:15 Նախագահ Քլինթոնը Նախագահ Տեր-Պետրոսանին ուղեկցում է «Կանաչ Սրահ»։ · Նախագահներն ու Առաջին տիկնայք ծանոթանում են միմյանց «Արևելյան Սրահ»-ում: · Նախագահը Քլինթոնի խոսքը։ · Նախագահ Տեր-Պետրոսյանի խոսքը։ · Նախագահներն ու առաջին տիկնայք գնում են «Կապույտ Սրահ»` հերթով ողջունելու հյուրերին։ Ընդունելության ավարտից հետո Նախագահ Քլինթոնն ու առաջին տիկին Հիլարի Քլինթոնը ճանապարհում են Նախագահ Տեր-Պետրոսյանին և ՀՀ առաջին տիկին Լյուդմիլա Տեր-Պետրոսյանին, ուղեկցելով Սպիտակ Տան հյուսիսային մուտք՝ Սյունազարդ սրահ։ Այ, որ առաջին Նախագահը ինձ հարցազրույց տար, ինչքան նոր բան կիմանաինք․․․ Այդուհանդերձ պատմական այցը «կլուսաբանեմ»: Շարունակելի։   Նյութի աղբյուր՝ https://www.facebook.com/sargsyansuren/posts/10156621323875421 ...

    Կարդալ ավելին
  • Այսօրվա ցեղասպանությունների վրա մենք աչք ենք փակում այնպես, ինչպես մեր ցեղասպանության ժամանակ աշխարհը։ Այսօր աշխարհում ընթացող 5 ցեղասպանություն կա՝ ռոհինգյաների ցեղասպանությունը՝ Մյանմարում, Նուերներինը՝ Հարավային Սուդանում, քրիստոնյաների և մուսուլմանների ցեղասպանությունը՝ Կենտրոնական Աֆրիկայի Հանրապետությունում, դարֆուրցիներինը՝ Սուդանում, եզդիներինն ու քրիստոնյաներինը՝ Իրաքում ու Սիրիայում։ Եզդիներինը միայն վերջերս ճանաչեցինք։ Տարբեր ցեղասպանությունների մասով տարբեր մակարդակի հայտարարություններ ու ելույթներ եղել են, սակայն միայն գործադիրի կողմից։ Այսքանը։ Հիմա ուզում եմ հասկանալ։ Երբ մենք մեղադրում ենք աշխարհին, որ մեր Ցեղասպանության ժամանակ ոչինչ չարեցին կանխելու կամ ճանաչելու համար, մենք հիմա ինչո՞վ ենք տարբերվում անտարբեր աշխարհից։ Հլա իրենք ցեղասպանություն չէին տեսել, իսկ մենք... Նյութի աղբյուր՝ https://www.facebook.com/sargsyansuren/posts/10156118464145421 ...

    Կարդալ ավելին
  • Ուղիղ մեկ տարի առաջ՝ Թրամփի երդմնակալության ելույթից հետո, ըստ 3 անանուն աղբյուրների, ԱՄՆ նախկին նախագահ Բուշն ասել էր. «This was a weird shit»։ Նայում եմ էս նկարին ու ուզում եմ հասկանալ՝ էդ ո՞ր երեքն են մամուլին սլիվ արել Բուշի ասածը։ Էս խմբով էլ դուրս են եկել արարողությունից։ Նյութի աղբյուր՝ https://www.facebook.com/sargsyansuren/posts/10156105975320421 ...

    Կարդալ ավելին
  • Կողմերը այդ մասին համատեղ հայտարարություն են ընդունել։ Ի դեպ Նազարբաևն էլ առաջին ԱՊՀ առաջնորդն է, ում ընդունեցին Օվալաձև աշխատասենյակում։ Ղազախստանը դարձավ այն բացառիկ պետությունը, որը ռազմավարական նշանակություն ունի և՛ ԱՄՆ-ի, և՛ Ռուսաստանի, և՛ Չինաստանի համար։ Կարծում եմ ԱՊՀ որևէ այլ՝ այն էլ ՀԱՊԿ, կամ ԵԱՏՄ անդամ պետություն իր արտաքին քաղաքականության մեջ դիվերսիֆիկացիայի նման մակարդակի չի հասել և հավանաբար չի էլ հասնի։ Իսկ Նազարբաևը ԱՊՀ միակ խորհրդային առաջնորդն է։ Նենց որ հետո էլ չասեք, որ հայ-ամերիկյան հարաբերությունների ներկա մակարդակը պայմանավորված է ԵԱՏՄ-ՀԱՊԿ-ԱՊՀ գործոններով, կամ ռուսական ուժեղ ազդեցությամբ։ Նյութի աղբյուր՝ https://www.facebook.com/sargsyansuren/posts/10156091686220421 ...

    Կարդալ ավելին
  • Անձնական այցով ԱՄՆ-ում գտնվող ՀՀ առաջին ԱԳ նախարար Ր. Հովհաննիսյանը հանդիպում խնդրեց պետքարտուղար Բեյքերից՝ նոտաների փոխանակման նպատակով։ Նախատեսված 20 րոպեների փոխարեն հանդիպումը տևեց 35 րոպե։ Բեյքերը հայտարարեց, որ Հայաստանը պետք է կարգավորի հարաբերությունները Թուրքիայի հետ, հետաքրքրվեց Հայաստանում ապաստանած Գամսախուրդիայի ճակատագրով, Արցախի հիմնախնդրով, պատրաստակամություն հայտնեց այցելել Երևան։ Ի դեպ պատմական նոտաների հայկական կողմի օրինակը անհետ կորել է։   Նյութի աղբյուր՝ https://www.facebook.com/photo.php?fbid=10156063828100421&set=a.386217890420.205177.609935420&type=3&theater ...

    Կարդալ ավելին
  • 1991թ. հունվարի 25-ի երեկոյան, երբ ամերիկացիները նշում էին Սուրբծննդյան տոնը, ԱՄՆ նախագահ Ջորջ Բուշն իր ամանորյա ուղերձում հայտարարեց. «ԱՄՆ-ն ճանաչում է Ուկրաինայի, Հայաստանի, Բելառուսի, Ղազախստանի և Ղրղզստանի անկախությունը։ Բոլոր այս պետությունները հստակ հանձնառություններ են ստանձնել։ Մենք շատ արագ դիվանագիտական հարաբերություններ կհաստատենք այս երկրների հետ, նոր կապեր կստեղծենք։ Մենք կաջակցենք ՄԱԿ-ին անդամակցել այն պետություններին, որոնք դեռ անդամ չեն»։ Այս նախադասությամբ Բուշի վարչակազմը, ի թիվս այլ պետությունների, ճանաչեց նաև Հայաստանի անկախությունը և հայտնեց դիվանագիտական հարաբերություններ հաստատելու իր պատրաստակամության մասին։ Նյութի աղբյուր՝ https://www.facebook.com/sargsyansuren/posts/10156018106515421 ...

    Կարդալ ավելին
  • Թուրքիայում ԱՄՆ հաջորդ դեսպանին լուրջ փորձություններ են սպասվում։ Հատկանշական է այն հանգամանքը, որ նախկին դեսպանին Էրդողանը համարում էր անձնական թշնամի, իսկ ԱՄՆ քաղաքականությունը՝ թշնամական։ Էրդողանը դեսպան Բասսին չի էլ ընդունել առաքելության ավարտի կապակցությամբ։ Ավելին, դեսպան Բասսին հորդորել են այլևս երբեք չվերադառնալ Թուրքիա որևէ կարգավիճակով։ Բասսը շուտով կնշանակվի ԱՄՆ դեսպան Աֆղանստանում։ Կարծում եմ սա ավելի դյուրին առաքելություն է, քան Թուրքիայում ԱՄՆ դեսպան լինելը, գոնե թուրք-ամերիկյան հարաբերությունների այս փուլում։ Մոտ ժամանակներս նոր դեսպանի թեկնածությունը Թրամփը կուղարկի Սենատ, իսկ թուրք-ամերիկյան խնդիրների ծավալն այնքան մեծ է, որ կծիկը մոտակա տասը տարում քանդել չի հաջողվի։ Չեմ բացառում նաև Հոգլանդի և Բրայզայի պատմության կրկնությունը, սակայն այս անգամ ոչ միայն հայկական, այլև թուրքական լոբբինգի աշխատանքի շնորհիվ։ Նայած ով է լինելու դեսպանի նոր թեկնածուն և նայած ինչպիսի վերաբերմունք կունենա նրա նկատմամբ անձամբ Էրդողանը։ Նյութի աղբյուր՝ https://www.facebook.com/sargsyansuren/posts/10155965867450421 ...

    Կարդալ ավելին
  • «Սպիտակ Տուն»-ը չգրված օրենք ունի՝ բացասական լուրերը հրապարակել ուրբաթ, օրվա երկրորդ կեսին։ Սրա նպատակը հանրության և մամուլի ուշադրությունը շեղելն է տարբեր անցանկալի քննարկումներից։ Մարդիկ ուրբաթ օրվա երկրորդ կեսին ամենաքիչն են մտածում քաղաքականության մասին։ Թրամփի թիմի բոլոր հրաժարականները տեղի են ունենում ուրբաթ, օրվա երկրորդ կեսին։ Բենոնը, Սփայսերը, Պրեբիուսը, Փրայսը «հրաժարական» են տվել հենց ուրբաթ օրերին։ Հիմա ամեն ուրբաթ նստած սպասում եմ Թիլերսոնի, կամ այլ պաշտոնյաի հրաժարականին։  Նյութի աղբյուր՝ https://www.facebook.com/sargsyansuren/posts/10155925215375421 ...

    Կարդալ ավելին

Քաղաքականություն