• Արտակ Հերիքյան
  • Հիշու՞մ եք ՍԱՍ-ից «պեչենի» գողացած մարդու վնասազերծման օպերացիան. սուպերմարկետի աչալուրջ աշխատակցի բղավոցին արագ արձագանքեցին ոստիկաններն ու ոլորեցին «ոճրագործի» թեւերը: Այսօր հիշեցի, ՍԱՍ-ի դրամարկղի մոտ: -… սիրոպը` 7.100 դրամ: -Բայց վաճառասեղանին կախված գնապիտակին գրված էր 5.200, թե 300… -Հիմա կճշտեն: Չորս-հինգ րոպե անց: -Դուք ճիշտ եք տեսել պիտակը` 5 հազար… բայց այն, իրականում, արժե 7.100: Կարող եք վճարել Ձեր տեսած գնով: - Ոչ, շնորհակալություն… Նույն ցանցի խանութներում սա արդեն երրորդ դեպքն է, երբ թանկ եմ վճարում ինչ-որ մեկի «շփոթմունքի» համար: Ոչ մի անգամ չի պատահում, որ «իրական» գինը իմ տեսածից ցածր լինի: Գոնե մի «պեչենու» գնի չափ: Հ.Գ.- Գնումներ անելիս ուշադիր եմ միայն վերջին երեք ամսում, կնոջս հորդորով: Նա «Երեւան սիթի»-ում միշտ ստուգում է կտրոնը. պատահում է «շփոթվում» են, մի ապրանքից մի քանիսն են հաշվում… Նյութի աղբյուր` https://www.facebook.com/photo.php?fbid=10154252824347270&set=a.10151279325327270.480970.745092269&type=3&theater ...

    Կարդալ ավելին
  • Հիմա 66-ամյա հացթուխ Միշելը իր մասնագիտությունն է սովորեցնում 37 տարեկան Ժերոմին։ Թափառական Ժերոմը հաճախ է գնալիս եղել փռի մոտ տաքանալու ու մի օր էլ անգիտակից վիճակում է գտել ծանոթ հացթուխին։ Գազի արտահոսքից թունավորված Միշելի կյանքը հնարավոր չէր լինի փրկել, եթե բժշկական օգնությունը մի քանի րոպե ուշանար։ Հացթուխը հիվանդանոցից դուրս գրվելուն պես կայացրել է այս «հեքիաթային» որոշումը։ Կից նյութն՝ այստեղ Նյութի աղբյուր՝ https://www.facebook.com/artak.herikian/posts/10153889882737270 ...

    Կարդալ ավելին
  • Հիշել թուրքավարի Թուրքիան փորձում է ԱՍԱԼԱ-ի մարտիկների վրիժառության զոհ դարձած թուրք դիվանագետի կիսանդրին կանգնեցնել Բրյուսելում: 1983-ի հուլիսի 14-ին, Ֆրանկլին Ռուզվելտ պողոտայի վրա սպանվել է Բրյուսելում Թուրքիայի դեսպանատան ադմինիստրատիվ կցորդ Դուրսան Ակսոյը: Ռուզվելտ պողոտայում կոթող բարձրացնելու առաջարկով թուրքերը Բրյուսելի իշխանությանը դիմել են անցած ամռանը, Ցեղասպապանության 100- ամյակի տարում: Մինչեւ օրս, այդ նախաձեռնությունը ադմինիստրատիվ տեղապտույտի մեջ է. պարզ չէ Բրյուսելի քաղաքապետարանը, թե Բրյուսելյան շրջանի վարչակազմը պետք է հուշարձան տեղադրելու թույլտվություն տա: "Լա լիբրը Բելժիք" պարբերականը գրում է` հայ համայնքը դեմ չէ թուրք դիվանագետի հիշատակի հավերժացմանը, բայց կասկածներ ունի դրա դրդապատճառների շուրջ: Նմանօրինակ մի գործընթաց էլ թուրքերը Ֆրանսիայում են փորձում առաջ մղել: "Մենք սկզբունքորեն համաձայն ենք, որ անկախ ահաբեկչության բնույթից պետք է հարգանքի տուրք մատուցել զոհերի հիշատակին: Սակայն ակնհայտ է, որ վերջին մեկուկես տարվա ընթացքում , թուրք պաշտոնյաները փորձում են նույն նժարի վրա դնել իրենց բնույթով բոլորովին տարբեր երկու փաստեր` ցեղասպանությունը եւ հարձակումը",- ասել է Բելգիայի հայ համայնքի ներկայացուցիչների ժողովի նախագահ Գրեգուար Ժախյանը (Grégoire Jakhian): Հայերը նկատում են` Բրյուսելում ուրիշ գործիչներ էլ են սպանվել, որոնց հիշատակին կոթողներ չկան: Նրանք հիշեցնում են` 1981-ի հունիսի 1-ին Ռուզվելտ պողոտայից մի հարյուր մետր հեռու սպանվեց Պաղեստինի ազատագրության կազմակերպության ներկայացուցիչ Նաիմ Խադերը...   ԿԻց նյութն՝ այստեղ Նյութի աղբյուր՝ https://www.facebook.com/artak.herikian/posts/10153860266577270 ...

    Կարդալ ավելին
  • Հրամանատարս ասում էր՝ էս համազգեստով էն չես, դու չես, խեղճ ես։ Այ, էկրանի էն ժիր տղան դու ես։ Մարդ նայում ա, ասում ա՝ երնե~կ սրա տիրոջը։ Ասում էր, ու աստղադիր ուսերը թույլ ցնցվում էին:  Հրամանատարս սիրում էր խելքս չափել։ Մեզ միավորում էին Մաքոլիները, Վեսլի Ջեքսոնը, Արամը , յոթանասուն հազար ասորին... խղճի գրականությունը, լավ պատմությունը: Երբ կյանք չտեսածի համոզվածությամբ «իմաստուն» դատողություններ էի անում, չէր առարկում, «չնվաճված աշխարհամասի» բարձր-բարձր երկնքի պարզությամբ ժպտում էր, հավատում էր ինձ… Հերթապահությանս օրերին տնտղում էր շարքայինի սեղանի գրքերը: Տուն գնալուց առաջ, աշխատասենյակի բանալին թողնում էր դրանց վրա, որպես գրական ճաշակիս հավանության նշան: Գիշերային ընթերցանության համար հարմար բազմոց կար իր` ՊՆ լրատվության վարչության պետի, հանգստի սենյակում: Էդ սովորությունը մի երկուշաբթի առավոտ ՉԷՊԷ էր բերել գլխին: Ամբողջ նախարարությունը իմացել էր` մի զինվոր ( ենթադրաբար, օլիգարխական ծագման) քնով է անցել, վարչության գլխավոր մուտքի դուռը չի բացում ծառայողների առաջ: <<Նախարարի լակոտ ես պահու՞մ մոտդ>>,- մի <<մարոզ>> փոխնախարար իր <<խորագետ>> լինելն էր ցույց տվել հրամանատարին:  Գնդապետ Վրեժ Իսրայելյանը զզվանքի , թե արհամարհանքի պես մի բան թաքցրել էր ժպիտի տակ ու աստղադիր ուսերը թույլ ցնցել: Նյութի աղբյուր՝ https://www.facebook.com/photo.php?fbid=10153848296452270&set=a.10151279325327270.480970.745092269& ...

    Կարդալ ավելին
  • Ֆրանսիայի նախագահը Եվրադատարանի նախկին նախագահ Ժան- Պոլ Կոստային է վստահել Հայոց ցեղասպանության ժխտումը քրեականացնող օրինագծի մշակմանը թափ հաղորդելու գործը: «Ես խնդրել եմ Ժան-Պոլ Կոստային, որը մեր ամենամեծ իրավագետներից մեկն է, գտնել, թե մեր իրավական օրենսդրության մեջ որոնք են այն հուսալի, անվիճելի ուղիները, որոնք հնարավորություն կտան պաշտպանել Հայոց ցեղասպանության հիշողությունը»,- ասել է Օլանդը ֆրանսահայ կազմակերպությունների համակարգող խորհրդի ամենամյա ընթրիքի ժամանակ: Ըստ նրա՝ Կոստան ամենակարճ ժամկետում պետք է եզարակացություն ներկայացնի այն երաշխիքների վերաբերյալ, որոնք կբացառեն ցանկացած օրենսդրական վիճարկում: P.S. - Ավելի վաղ այս գործն իր վրա էր վերցրել Արդարադատության նախարար Տոբիրան, որը մի երկու օր առաջ հրաժարական տվեց: P.S. - Ի տարբերություն Սարկոզիի՝ Օլանդը նախագահության առաջին օրվանից խոսում է ժխտողականությունը քրեականացնելու մասին: Նախկին նախագահը հայերին տված իր խոստումը հիշեց միայն նախագահական ժամկետի ավարտին՝ քարոզարշավից անմիջապես առաջ: Կից նյութն` այստեղ Նյութի աղբյուր՝ https://www.facebook.com/artak.herikian/posts/10153842495247270 ...

    Կարդալ ավելին
  • Գերմանահայերի հանդիպումը Հայաստանի նախագահի հետ վերջ չունի: Ամենաքիչը Հայաստանի բնակչության չափ թուրքական համայնք ունեցող երկրում հայերը խոսելիք ունեն: 2010 թ.-ն է, Բեռլինում ենք:  Լրագրողները փակ դռների մատույցներում ձանձրանում են, ինչպես զինվորը զորանոցում, վճռական մարտի ուշացող հրամանից առաջ: Մերկելի ասուլիսի ռեպորտաժները անփորձանք Երեւան են հասել, նեմեցի ու հայի մասին պատերազմական անեկդոտները էլ ծիծաղելի չեն, սրա- նրա թաղի <<Ֆրիցի>> արկածները նույնպես: Հյուրանոցի շքասրահի դռները բացվում են. սկսվում է տեսախցիկների զորաշարժը` քսան վայրկյանանոց սինքրոն- <<ավարների>> հետեւից: Արթուր Աբրահամի ուղղությամբ առաջինն եմ գրոհում. հաջող սկիզբ է: Բերանս դեռ չբացած` Արթուրը մանկության ընկերոջ անմիջականությամբ սկսում է ինտերվյուն. - Արտակ, ինձ գիտես չէ՞: - Բոլորը քեզ գիտեն: Կարող ա՞ էս աշխարհից չեմ... - Չե՞ս հիշում: - Ո՞նց թե… աշխարհի ամենաուժեղ հայն ես չէ՞ ☺ - Էդ նկատի չունեմ. բանակ ենք գնացել միասին… - Ախր, ես բանակում էլ եմ լրագրող եղել, իսկ դու, հաստատ, լրագրող չես, ոչ էլ օպերատոր: - Չէ, մենք միասին գնացինք բանակ… էն ի՞նչ են ասում… - Սբոռնի պունկտի՞ց… - Հա, հա…  - Բոլորն էլ էնտեղից են գնում բանակ, Արթուր ջան: - Հիշու՞մ ես մի տղա, սեւ շորերով, ասեց` եկե’ք նկարվենք… - … Հիշեցի…. - Գիտե՞ս, տատիկիս ո~նց էր ուրախացել իրա <<Հայլուր>>-ի տղայի հետ էդ նկարի համար… ։) Շնորհավո’ր տոնդ, Արթուր Աբրահամի եւ մեր բոլոր ուժեղ տղաների բանակ Նյութի աղբյուր՝ https://www.facebook.com/photo.php?fbid=10153840253647270&set=a.10152707423602270.1073741831.74509226 ...

    Կարդալ ավելին

ՖԲՀ

Քաղաքականություն