• Մհեր Սիմոնյան
  • ՃՈ տեսուչները մեքենայով թաքնվում են, որպեսզի ճանապարհի խուճուճ հատվածում որսան իրավախախտ վարորդին, մինչդեռ, իմ կարծիքով, ոստիկանի ֆունկցիան իրավախախտումը կանխելն է, և նրանք պետք է իրենց ներկայությամբ վարորդի համար զգոնության հիմք հանդիսանան: Պետության երաշխավորությամբ «Սեքյուրիթի դրիմ» ընկերությունն իր տեսանկարահանող ու արագաչափ սարքերը տեղադրել է թակարդային տեղերում և ոչ թե կանխում է իրավախախտումները, այլ շահույթ հետապնդելու նպատակով խախտումներ է արձանագրում: Վարորդներն էլ առիթը բաց չեն թողնում ամեն հնարավոր պայմաններում օգտագործել զանազան հնարքներ՝ խուսափելու համար տեսանկարահանող սարքերից և արխային խախտումներ անելու բերկրանքն են վայելում: Հասուն կինը, երկու մանկահասակ երեխաների ձեռքից բռնած, հատում է 6 շարքանի բանուկ պողոտան, մինչդեռ մի տասը մետր այն կողմ գետնանցում կամ վերնանցում կա... Ինչ-որ բան սխալ է ՀԱՅ ժողովրդի ու ՀԱՅԱՍՏԱՆԻ ներկայում... Բարոյահոգեբանական զարգացման անհրաժեշտություն կա: Նյութի աղբյուր՝ https://www.facebook.com/mher.simonyan.3979/posts/10153806084778808 ...

    Կարդալ ավելին
Загрузка...

ՖԲՀ

  • /uploads/photos/NzH8QgWUKbiazeJTSsd2.jpg

    Ամփոփվեց «ԱԽՈՒՐՅԱՆ» ԵՀԿ-ի կողմից իրականացվող «Մարտունակ երիտասարդ՝ հզոր բանակ» ռազմահայրենասիրական ծրագիրը: Ծրագրի շահառու՝ ՀՀ 10 մարզերից, Արցախից, Ջավախքից և Երևան քաղաքից, 16-18 տարեկան 40 երիտասարդները Շիրակի մարզի Թորոսգյուղի «Երեքնուկ» հանգստյան գոտում մասնակցեցին վրանային ճամբարին, որի ընթացքում ինտերակտիվ սեմինարների միջոցով ծանոթացան զինծառայությանն առնչվող բոլոր թեմաներին, հնարավորություն ստացան իրենց հուզող հարցերն ուղղել ոլորտի փորձագետներին: Մասնակիցների օրակարգը բացառապես զինվորական ծառայության հիման վրա էր կառուցված` իր մեջ ներառելով առողջ ապրելակերպի, զինվորական պատրաստակամության, ճանաչողության, հայոց պետականության պահպանման և հայրենասիրության տարրեր: Ճամբարի վերջին օրը մասնակիցներն այցելություններ կատարեցին ՀՀ ՊՆ ԶՈւ Գյումրի քաղաքում տեղակայված N զորամաս, որի արդյունքում հնարավորություն ունեցան պրակտիկորեն ծանոթանալու զինվորական առօրյային, և Ազատամարտի փառքի թանգարան, որտեղ երիտասարդներին ներկայացվեցին Արցախյան հերոսամարտում կռված հերոսներն ու հերոսուհիները, նրանց կատարած սխրանքները, հայոց բանակի հիմնադիրներն ու հիմնադրման պայմանները: Ծրագրի ավարտին երիտասարդներին հանձնվեցին ծրագրի մասնակցության հավաստագրերը:  Ծրագրի նպատակն է` երիտասարդների մեջ սերմանել հայրենասիրություն, ազգասիրություն՝ նպատակ ունենալով վերջիններիս շրջանում բարձրացնել հայկական բանակի հանդեպ հարգանքը, սերը և հայկական բանակում ծառայելու պատրաստակամությունը։  Ծրագիրն իրականացվեց ՀՀ Սպորտի և Երիտասարդության հարցերի նախարարության ֆինանսավորմամբ և  Հայաստանի, Վրաստանի, Ռուսաստանի և Արևելյան Եվրոպայի Հայ Կաթողիկե Առաջնորդարանի աջակցությամբ։

    Կարդալ ավելին

Քաղաքականություն