• Արտակ Զաքարյան
  • Բունդեսթագում 2016թ. հունիսի 2-ին «101 տարի առաջ հայերի եւ քրիստոնյա մյուս փոքրամասնությունների ցեղասպանության հիշատակն ու ոգեկոչումը» բանաձեւի ընդունումից հետո դրսևսևորված թուրքական հիստերիան, Գերմանիայի Բունդեսթագի ազգությամբ թուրք պատգամավորների հանդեպ սպառանալիքների աննախադեպ տարափը սառը ցնցուղ են համամարդկային քաղաքակրթության համար:  Թուրքիան պատռեց «ժողովրդավար»-ի իր դիմակը: Ցավալիորեն, բայց այսօր աշխարհը փաստորեն ունի նույն Թուրքիան, ինչպիսին որ այն կար 20-րդ դարի սկզբում: Նյութի աղբյուր՝ https://www.facebook.com/artak.zakaryan/posts/10209642564004575 ...

    Կարդալ ավելին
  • Արցախի ճանապարհին Արարատը գրավեց իր բացառիկ գեղեցիկ տեսարանով։  Եվրախորհրդարանի պատգամավոր Յարոմիր Շտետինայի հետ դեպի Ստեփանակերտ, 17.04.2016թ Նյութի աղբյուր` https://www.facebook.com/artak.zakaryan/posts/10209253767684910 ...

    Կարդալ ավելին
  • Գարեգին Նժդեհը որդիների և հայրերի պայքարը բնութագրում էր որպես Արարչի ստեղծած Մայր Բնության օրինաչափություն։ Սովորաբար այդ պայքարը ներդաշնակ համամասնությամբ բաղկացած է հայրերի բաժին հնացածի ժխտումից և որդիների բաժին նորի հաստատումից: Մինչդեռ մեր իրավիճակում այս համամասնությունը խախտվում է, ինչի պատճառով հայրերի բաժին գործը ոչ միայն մնում է և փոխանցվում որդիներին, այլև ծավալվում է որդիների բաժին նորի հաշվին և զբաղեցնում նրա տեղը՝ նոր ուժ տալով տեսակի ինքնապահպանման: Մեր Հայրենիքի արցախյան սահմանագիծը, որն այլևս վերածվել է ճակատի՝ այս օրերին հենց այդ փիլիսոփայության մեջ է։ Երբ առաջնագծում հանդիպում ես կողք կողքի կանգնած տարբեր սերունդների՝ հասկնում ես, որ մեր համաժողովրդական պայքարը ոչ թե հայրերից փոխանցվել է որդիներին, այլ ծավալվել, կարծրացել ու ավելի է արժևորվել՝ նոր իմաստ հաղորդելով Հայ Տեսակին։ Ապրիլյան քառօրյա պատերազմը նախկին ազատամարտիկին դարձրեց զինվոր, իսկ Հայոց Զինվորին՝ ազատամարտի Հերոս։ Պաշտպանական շրջանի առաջնագծի դիրքերից մեկում Հայրենիքի հարաբերական անդորրն ու փխրուն խաղաղությունն են հսկում 18-20 ամյա երիասարդ Զինվորներն ու 59 ամյա տարեց Կամավորականը, 28 ամյա Հրամանատարն ու 38 ամյա պայմանագրայինը, 25 ամյա Սերժանտն ու 46 ամյա Ենթասպան։ Սանկտ Պետերբուրգից ու Կրասնոդարից իրենց սեփական բիզնեսն ու ընտանիքը թողած Զինվորագրվել ու առաջնագիծ էին հասել երկու երիտասարդ հայորդիներ։ Այս հենակետն ընդամանը մեկն է այն հարյուրավորներից, որտեղ թագավորում է համազգային ոգին: Սերունդների համերաշխության այս ամրոց-հենակետում մի գաղափար է իշխում՝ “Իմ հայրենիքը մարդկայնորեն այն լավագույնն է, որը կա Հայաստանում”:  Անվերջ զինվել է հարկավոր՝ սա է մեր ապրելու բանաձևերից մեկը: Նյութի աղբյուր՝ https://www.facebook.com/artak.zakaryan/posts/10209247523488809 ...

    Կարդալ ավելին
  • Ադրբեջանական և պրոադրբեջանական ջանքերը տապալված են:  ԵԽԽՎ-ն մերժեց ղարաբաղա-ադրբեջանական հակամարտությունն ամբողջությամբ խեղաթյուրող զեկույցը: Դրանով կասեցվել է ԵԱՀԿ Մինսկի խմբի գործուներությանն ու խաղաղ կարգավորմանը խոչընդոտող մի մեծ քայլ: ԵԽԽՎ մեծամասնությունն արգելեց Ադրբեջանին զբաղվել խաբեությամբ ու վտանգել խաղաղությունը Հարավային Կովկասում:  Ես շնորհակալություն եմ հայտնում բոլոր այն մարդկանց, ովքեր ամեն բան արեցին հանուն ճշմարիտ ու արդար քաղաքականության հաղթանակի: Շնորհակալ եմ ԵԽԽՎ օտարերկրյա այն պատգամավորներին, ովքեր քվեարկեցին դեմ կամ առնվազն չմասնակցեցին ադրբեջանական ավանտյուրային կամ էլ ձեռնպահ մնացին դրանից: Մեկ առ մեկ բոլորին շնորհակալություն: Շնորհակալություն մեր պետական ու հասարակական ինստիտուտներին, իմ գործընկեր պատգամավորներին, դիվանագիտական կորպուսի ներկայացուցիչներին, սփյուռքյան կազմակերպություններին, անհատ մարդկանց` միասնական ու արդյունավետ աշխատանքի համար: P.S. Ինչ վերաբերում է Միլիցա Մարկովիչի զեկույցին, վստահ եմ, ադրբեջանցուն ջուրը չի, որ հետաքրքրում է: Նա փորձում է հումանիտար վերնագրերի տակ քաղաքական տեքստեր թաքցնել, որը մեկ բառով պետք է անվանել մանր ժուլիկություն: Կարծում եմ՝ ԵԱՀԿ ՄԽ-ի հետագա աշխատանքներին այն չի խոչընդոտի: Նյութի աղբյուր՝ https://www.facebook.com/artak.zakaryan/posts/10208525618081625 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին