Գովազդի համար զանգահարել 099 999 409
  • Կարեն Ավագյան
  • Երկրի ամենալավ պաշտպանն այն մարդն է, ով գիտակցում է իր բաժին պատասխանատվությունը հայրենիքի համար: Պատասխանատվությունը վերացական և վերամբարձ հասկացություն չէ:  Պատասխանատու է այն մարդը, ով ունի գոնե իր սեփական անկյունը: Եթե անգամ չունի, վստահ է, որ իր ազնիվ աշխատանքով այդ անկյունը վաստակելու է: Այդ մարդը ոչ միայն ստեղծելու է անկյունը, այլ ընդլայնելու է այն, դարձնելու է իր ընտանեկան օջախը: Եվ այդ միջավայրում է նա դաստիարակելու իր զավակներին, ովքեր տոգորվելու են այդ նույն սեփականատիրոջ զգացումով: Սա, իմ խորին համոզմամբ, ամենալավ հայրենասիրական դաստիարակությունն է: Առանց հայրենի հողին կառչած տղամարդկանց ու կանանց հնարավոր չէ որևէ հայրենասիրական դաստիարակություն». ՀՀ Նախագահ Սերժ Սարգսյան։ Նյութի աղբյուր՝ https://www.facebook.com/avagyankaren/posts/1434974333242878 ...

    Կարդալ ավելին
  • Կարդացի հետընտրական տրամադրությունների մասին Լևոն Տեր-Պետրոսյանի կարծիքը։ Հիմա սա կարծի՞ք է, թե՞ նեղացած բամբասանք։ Հետաքրքիր է՝ ումի՞ց են նեղացել։ Հարյուրհազարավոր ընդդիմադիր ձայներից ընդամենը 25 հազար ձայն վաստակելը պարտադի՞ր է բացատրել ամեն ինչով, բայց ոչ սեփական սխալներով։ Իմ կարծիքով՝ ազնիվ չէ։ Բա թքել-մրե՞լը։ Դրա իմաստը ո՞րն է։ Դարձ ի շրջանս յո՞ւր. դեպի ծայրահեղական ընդդիմադիր Օլիմպո՞ս. տեսնես նույն գետը մի քանի անգամ մտած քանիսն են ինչ-որ բանի հասել։ Բոլորի աչքի առաջ այս ընտրություններում վերջնականապես արմատախիլ արվեցին նախորդ դարի 90-ականներին ներդրված կոպիտ ընտրախախտումների 90 տոկոսից ավելին՝ քվեատուփերի գողանալ, համատարած լցոնումներ, ուժի կիրառում, կարուսել, և այլն, և այլն։ Ասում է՝ բայց մի ընտրախախտման ձև կա, այս ընտրություններում դրա օգտագործման մասին լուրեր ենք լսել. հայ- հարայ, էս ի՜նչ խայտառակություն է։ Դե բարև Ձեզ։ Ձեր ներդրած «ընտրակարգ-ազատ ոճի ըմբշամարտ»-ը տարիների հետևողական աշխատանքով դարձվել է քաղաքակիրթ ու շատերի համար ընդօրինակելի գործընթաց, հիմա Դուք ինչի՞ մասին եք աղաղակում։ Բա Արցախի հարցում մանիպուլյացիանե՞րը։ Ասում է՝ Ղարաբաղի խնդրի ավելի լավ լուծման չենք հանգելու, քան մեզ առաջարկվում էր 1997 թվականին։ 2009 թվականից մեզ առաջարկվում է լուծում, որտեղ ասված է. «Լեռնային Ղարաբաղի վերջնական իրավական կարգավիճակի հետագա որոշում իրավականորեն պարտադիր բնույթ կրող կամարտահայտման միջոցով»։ Հետաքրքիր է, ի՞նչ էր ասված 1997 թվականին... Եթե լավագույն լուծումը 1997 թվականին մեզ առաջարկվածն է, ուրեմն՝ ստացվում է, որ 2011 թվականին Կազանում և մինչ օրս Ադրբեջանը հրաժարվում է այսօր առաջարկվող լուծման տարբերակից, որովհետև հայերիս մասին է մտածում։ Փաստորեն՝ շատ մարդասեր ու հարևանասեր է պարոն Ալիևը։ Էլի ու էլի բազմաթիվ նման հարցեր վերոհիշյալ կարծիքն ընթերցելիս։ Հարցեր իրոք շատ կան։ Շուտով կմեկնարկի «Անդրանիկ Մարգարյան» քաղաքական դպրոցի երկրորդ հոսքը. կփորձենք հարգարժան առաջին Նախագահին հրավիրել դասախոսության, ուրախ կլինենք, որ համաձայնվի, որովհետև հարցեր իրոք շատ կան։ Նյութի աղբյուր՝ https://www.facebook.com/avagyankaren/posts/1422160714524240 ...

    Կարդալ ավելին
  • Մինչև ընդամենը վերջերս մեր իրականության մեջ ընտրություններից հետո մրցակից ուժերի կողմից հաղթողին շնորհավորելը համարվում էր արևմտյան ընտրական մշակույթ։ 2017թ. խորհրդարանական ընտրությունները կարծես թե կոտրում են այդ կարծրատիպը։ Այն նաև դառնում է մեր քաղաքական իրականության մաս։ Ազգային ժողովի ընտրությունների քվեարկությունից հետո ընտրական գործընթացներին մասնակցած քաղաքական ուժերն ընդունել են արդյունքները։ Սա բարձր ժողովրդավարության, բոլոր քաղաքական ուժերին ազատ գործելու ու ինքնաարտահայտվելու ցուցիչ է։ Նյութի աղբյուր՝ https://www.facebook.com/avagyankaren/posts/1412404015499910 ...

    Կարդալ ավելին
  • Ի գիտություն Նիկոլ Փաշինյանի. ժամանակի ցանկացած պահի, նույնիսկ ֆինանսատնտեսական ճգնաժամի ամենածանր ամիսներին, նախագահ Սերժ Սարգսյանի վարկանիշը նվազագույնը 6-7 անգամ գերազանցել է Նիկոլ Փաշինյանի վարկանիշը։ Խոսելուց առաջ իրազեկված լինելը օգտակար բան է։ Նյութի աղբյուր՝ https://www.facebook.com/avagyankaren/posts/1405740506166261 ...

    Կարդալ ավելին
  • Երեխաներ ունեցող ուսանողները կարող են դիմել ՀԵՀ-ին՝ ուսման վարձի փոխհատուցման համար։ Հայաստանի երիտասարդական հիմնադրամը փոխհատուցում է ՀՀ պետական բուհերի բակալավրիատի առկա ուսուցման վճարովի համակարգում (բուհ ընդունվելու պահից սովորել են առկա համակարգում) սովորող, 36 տարին չլրացած ուսանողների ուսման վարձը, որոնք ունեն երկու կամ ավելի երեխա։ Ուսանող-ծնողներն իրենց դիմում-հայտերը պետք է ներկայացնեն Հայաստանի երիտասարդական հիմնադրամի՝ Տերյան 74 հասցեում գտնվող գրասենյակ աշխատանքային օրերին՝ ժամը 10.00-17.00 (ընդմիջում՝ 13.00-14.00)։ Դիմումների ընդունման վերջնաժամկետն է մարտի 2-ը: Հայտատուները պետք է ներկայացնեն՝ Դիմում (լրացվում է տեղում) Անձնագրի և/կամ նույնականացման քարտի պատճենը Մեկ լուսանկար (3x4) Ուսանողական տոմսի պատճենը Ստուգման գրքույկի պատճենը՝ հաստատված դեկանի կողմից Տեղեկանք բուհից (պարտադիր պետք է նշված լինի առկա և վճարովի համակարգում սովորելու փաստը, ուսման վարձի չափը, ուսանողն օգտվում է բուհում գործող զեղչից, թե ոչ (զեղչից օգտվելու պարագայում անհրաժեշտ է նշել նաև զեղչված գումարի չափը) Երեխաների ծննդյան վկայականների պատճենները Փոխանցման հաշիվ Նյութի աղբյուր՝ https://www.facebook.com/avagyankaren/posts/1355321877874791 ...

    Կարդալ ավելին
  • Նեղացածներ չպետք է լինեն: Մեր գործիչներն այնտեղ են, որտեղ նրանց կարիքը կա: Ես երբեք չեմ հանդուրժելու ավելորդ հրմշտոցները։ Գիտեք՝ մայր գետերը առաջընթաց են ապահովում իրենց հոսքի ողջ երկայնքով, կյանք են տալիս, հաց են տալիս, ջուր են տալիս, և այն առվակները, որոնք պոկվում են մայր գետից և կարճ ժամանակում նորից չեն մտնում նույն հոսքի մեջ, չորանում ու գնում են: Սա է բնության օրենքը, և որևէ մեկը մեզնից չի կարող հակադրվել բնության օրենքներին, մենք կարող ենք փորձել կառավարել, կարգավորել, բայց, ըստ էության, այսպես է լինելու: Մենք երբեք անձերի խնդիր չենք լուծել, հիմա էլ անձերի խնդիր չենք լուծում: Մենք լուծում ենք մեր ծրագրերի արդյունավետ իրականացման ու մարտահրավերների հաղթահարման խնդիր: Խորհրդարանական հանրապետական մոդելը նոր լուծումներ է պահանջում: Իշխանության օրենսդիր և գործադիր մարմիններում մեր թեկնածուներին առաջադրելիս հաշվի են առնվելու հայրենիքի շենացման գործում յուրաքանչյուրի ունակություններն ու ընդունակությունները և ոչ թե հավակնությունները։ ՀՀ նախագահ Սերժ Սարգսյան Նյութի աղբյուր՝ https://www.facebook.com/avagyankaren/posts/1332710590135920 ...

    Կարդալ ավելին
  • Գագիկ Ծառուկյանի հայտարարությանը վերաբերյալ մեր լրատվամիջոցների բազմաթիվ հարցերի մասով ասեմ հետևյալը. իհարկե և՛ Գագիկ Ծառուկյանի ու ԲՀԿ-ի, և՛ արդեն իսկ հայտարարություններ տարածած մյուսների մտադրությունները՝ մասնակցելու 2017 թվականի խորհրդարանական ընտրություններին, դրական են ընտրական գործընթացի տեսանկյունից։ Սա փաստ է։ Հիմա չեմ կարծում, թե ամենաարդյունավետ աշխատանքն է անընդհատ քննարկել նախկին բանավեճերն ու զարգացումները. մտել ենք լրջագույն քաղաքական գործընթաց, հիմա արդեն մրցելու ենք մեր գաղափարներով, ապագայի մեր ծրագրերով ու արդյունավետ գործելու հնարավորություններով։ Սկսվում են քաղաքական պրոցեսներ, որոնք կընթանան քաղաքական տրամաբանությամբ։ Մենք այդ աշխատանքով ենք հիմա զբաղված։ Նյութի աղբյուր` https://www.facebook.com/avagyankaren/posts/1322209561186023 ...

    Կարդալ ավելին
  • Այսօր շնորհակալության միջազգային օրն է։ Ցավոք, հաճախ չենք նկատում թեկուզ աննշան առիթները, որոնց համար արժե երախտագետ լինել։ Չենք տեսնում այն մարդկանց, որոնք, շատ դեպքերում մնալով աննկատ, հսկայական աշխատանք են կատարում։ Մենք պետք է կարողանանք ավելի արմատավորել շնորհակալության և երախտագիտության մշակույթը, սովորենք շնորհակալ լինել մեր շրջապատում եղած ամեն դրականի համար։ Պետք է կարողանանք թոթափել բարդույթներն ու ավելի հաճախ ասել շնորհակալություն բառը։ Ու անպայման շնորհակալության ու երախտագիտության մթնոլորտը կբազմապատկի մեզ շրջապատող դրականն ու լավը, բարին ու գեղեցիկը։ Նյութի աղբյուր՝ https://www.facebook.com/avagyankaren/posts/1314070065333306 ...

    Կարդալ ավելին
  • 2016 թվականը ծանր տարի էր։ Բարդ զարգացումներ աշխարհում, պատերազմներ, հաղթանակներ, պարտություններ, աղետներ։  2016-ը հեշտ տարի չէր նաև Հայաստանի համար։ Փորձենք ամփոփել անցնող տարին՝ իր լավ ու վատ, ցավոտ ու հուսադրող կետերով՝   • 2016-ին ԵԱՏՄ նախագահությունն անցավ Հայաստանին, իսկ Եվրասիական տնտեսական հանձնաժողովի կոլեգիայի ղեկավարումը ստանձնեց ՀՀ նախկին վարչապետ Տիգրան Սարգսյանը։  • Ապրիլյան քառօրյա պատերազմ, ցավալի զոհեր, հերոսական դրվագներ, համազգային համախմբում  • «Ավրորա» մրցանակաբաշխություն, մարդասիրական աներևակայելի օրինակներ, համաշխարհային մասշտաբի միջոցառում, որը հպարտության, վեհության զգացումներով լցրեց մեր հոգին ու ևս մեկ անգամ շեշտեց մարդու անսահման հնարավորությունների և ուժի մասին  • Հռոմի Պապի այցելություն Հայաստան՝ առաջին քրիստոնյա երկիր։ Պատմական իրադարձություն, որը ուներ քաղաքակրթական, համաքրիստոնեկան, քաղաքական նշանակություն • Հուլիս-օգոստոսյան ցավալի իրադարձություններ, որոնք վերլուծությունների, եզրակացությունների և հետությունների տեղիք տվեցին • Ռիոյի օլիմպիական խաղեր, օլիմպիական ոսկի ու օլիմպիական կրքեր, անարդար մրցավարություն, մեր մարզիկների փայլուն մասնակցություն • Հայաստանի Հանրապետության անկախության 25-ամյակ։ Հաճախ դժվար իրավիճակներում և բարդագույն տարածաշրջանային զարգացումներում Հայաստանն անցել է քառորդդարյա ճանապարհ։ Ձեռքբերումներով հանդերձ մենք շարունակելու ենք կայունությանը, ժողովրդավարությանը և զարգացմանն ուղղված ջանքերը: • Տարվա ընթացքում մենք ունեցանք մարդկային կորուստներ՝ մշակութային, գիտական, քաղաքական գործիչներ, որոնք մեծ ներդրում են ունեցել մեր անկախ հայրենիքի կերտման գործում • Տնտեսական բարեփոխումներ, նոր կառավարություն, նոր հույսեր, որոնցով մտնում ենք 2017 թվական Ամփոփելով տարին՝ մի բան անկասկած է. 2016-ի ամենակարևոր մարդը, մարդիկ, ինչպես և նախորդ բոլոր տարիներին, մեր անվտանգության երաշխավորը շարունակում են մնալ սահմանին կանգնած զինվորն ու սպան: Նյութի աղբյուր` https://www.facebook.com/avagyankaren/posts/1284230754983904 ...

    Կարդալ ավելին
  • Երիտասարդությունը կյանքի ամենակարևոր փուլն է։ Այս շրջանում են հիմնականում կուտակվում գիտելիքներ, փորձ, ստեղծվում կապեր, ձեռք բերվում ընկերներ։ Երիտասարդ տարիքում է դրվում այն ամենի հիմքը, որի վրա հետագայում կառուցվելու է մեր ապագան։ Արդյունավետ օգտագործեք այդ ժամանակը, նպատակային ծախսած ամեն մի վայրկյանը հետագայում բազմապատիկ վերադառնալու է։ Սիրելի երիտասարդներ, շնորհավորում եմ ձեզ տոնի առթիվ։ Եղեք առողջ, համարձակ ու չվախենաք ոչնչից։ Ցանկացած խնդիր լուծելի է, ցանկացած նպատակի կարելի է հասնել, եթե կա հավատ, ուժ ու համախոհների թիմ։ Նյութի աղբյուր` https://www.facebook.com/avagyankaren/posts/1217174598356187 ...

    Կարդալ ավելին
Загрузка...

ՖԲՀ

Քաղաքականություն

  • /uploads/photos/bG5EiWZPvdLIp3DCH1Wd.jpg

    ԵԽԽՎ տխրահռչակ կաշառակեր նախագահ Պեդրո Ագրամունտը,ով իր պաշտոնական դիրքից օգտվելով բավական հարստացել է նավթախավիարային կապերի մեջ մտնելով ապշերոնյան բռնապետի վարչակարգի հետ և չի ցանկանում Սիրիա մեկնելուց և խայտառակվելուց հետո հրաժարական տալ ԵԽԽՎ նախագահի պաշտոնից սկսել է "մեղավորների" անուներ տալ,թե ովքեր են կանգնած իր անվան շուրջ վերջին օրերին կապված սկանդալի հետևում... Ագրամունտի մամլո խոսնակը իսպխանական El Confidencial-ին տված հարցազրույցում Ագրամունտի դժբախտությունների մեջ մեղադրել է հայտնի ֆինանսիստ Ջորջ Սորոսին և նրա կողմից հովանավորվող հիմնադրամներին,ինչպես նաև Հայաստանին...Պարզվում է,որ անմեղ Ագրամունտին չար ռուսները խաբեությամբ տարել էին Սիրիա,նրա կամքին հակառակ պարտադրել էին հանդիպել եվրոպացիների համար բռնապետ համարվող այդ երկրի նախագահ Բաշար Ասադին,ժպիտը դեմքին նկարահանվել նրա հետ,իսկ այդ ամենի մասին տեղեկություններն էլ տրամադրել Ագրամունտի թշնամի Սորոսին,ով գիշեր ցերեկ նստած մտածում է,թե ինչպես զրկի Պեդրոին ԵԽԽՎ նախագահի պաշտոնից... Հայաստանն էլ մեղավոր է այնքանով,որ դեռ 2013 թ-ի հունվարին European Stability Initiative (ESI) անկախ եվրոպական վերլուծական կենտրոնի հրապարակած խայտառակ բացահայտումների մեջ՝ կապված ԵԽԽՎ շրջանակներում Ագրամունտի և Ադրբեջանի իշխանությունների միջև համագործակցության,որի արդյունքում Ադրբեջանում մարդու իրավունքների ոտնահարման մասին զեկույց պատրաստող Ագրամունտն ամեն ինչ արել էր,որ այդ զեկույցում Ալիևի հասցեին ոչ մի քննադատություն չհնչի...Իսկ հետագայում Ագրամունտ -Ալիև նավթախավիարային գործարքներն էլ ավելի մասշտաբային բնույթ ստացան,որի կիզակետում վերջին տարվա մեջ Ագրամունտ,բրիտանացի պատգամավոր Ռոբերտ Ուոլթեր և բոսնիացի պատգամավոր Միլիցա Մարկովիչ եռյակն էր... Պարզվում է,որ եթե Ագրամունտը և նրա նման ոչ պակաս "ագրամունտները" կաշառք են վերցնում Ալիևից,որը հետագայում բացահայտվում է,ապա մեղավորը ոչ թե կաշառակերն է,այլ՝բացահատյողը և այդ մասին բարձրաձայնողը...Վերջին պարագայում՝դա Հայաստանն է... Այս ամենը սպասելի էր...Ագրամունտի շուրջ բարձրացված սկանդալից ժամեր անց նրա "համադասարանցի" որոշ կաշառակերներ իրենց հարցազրույցներում ակնարկում էին,թե ով կամ ովքեր են մեղավոր Ագրամունտի շուրջ ստեղծված իրավիճակի համար... Իսկ ապրիլի 27-ին կայքին հարցազրույց տված Ագրամունտի մտերիմ ընկեր,ԵԽԽՎ-ում Իսպանիան ներկայացնող պատգամավոր Ժորդի Շուկլուն,ում անունը ևս կա ESI-ի Ալիև-ԵԽԽՎ պատգամավորներ նավթախավիարային գործարքների բացահայտումների մեջ ևս փորձել էր հայերին մեղադրել այս ամենի մեջ... Հատկանաշական է,որ Ագրամունտի մամլո խոսնակը իր հարցազրույցում նաև մեղադրել է ուկրաինացի պատգամավորներին հակաագրամունտյան դիրքորոշման համար...Բայց չգիտես ինչու մոռացել է նշել վրացիներին,որոնք ևս բավական ակտիվ պահանջում են Ագրամունտի հրաժարականը... Իմ կողմից ավելացնեմ,որ եթե կաշառակեր և հակահայ գործունեություն ծավալող Ագրամունտի մամլո խոսնակը հայերին է մեղադրում այս ամենում,ապա ես շատ ուրախ եմ...Հայաստանը "ագրամունտահարեց" ԵԽԽՎ-ի Բաքվի գրպանում գտնվող նախագահին... Հ.Գ.Ագրամունտի մամլո խոսնակը մեղադրելով Սորոսին,հայերին և այլոք Ագրամունտի դեմ արշավի համար,չգիտես ինչու չի նշում,որ երեկ ԵԽԽՎ-ում տեղի ունեցած Ագրամունտի "իմպիչմենտի" քվեարկության ժամանակ Ագրամունտին կողմ են քվեարկել ընդամենը 3 պատգամավոր՝2 իսպանացի և 1 ազերի թուրք...

    Կարդալ ավելին