• Կարեն Ավագյան
  • Սիրելի երիտասարդներ, այսօր նշվում է Երիտասարդության համաշխարհային տոնը։ Շնորհավորում եմ ձեզ այս գեղեցիկ օրվա առթիվ։ Երիտասարդությունը գիտելիք, հմտություններ, կարողություններ ձեռք բերելու լավագույն շրջանն է։ Այս տարիներին են դրվում ապագայի ձեր հաջողությունների հիմքերը։ Ուստի մաղթանքս է՝ հնարավորինս շատ գիտելիքներ կուտակեք, կապեր հաստատեք, համախմբվեք գաղափարակիցներով, դրեք բարձր նպատակներ ու աշխատեք դրանք իրականություն դարձնելու ուղղությամբ։ Երբեք մի ընկրկեք դժվարությունների առջև, չկա անհաղթահարելի դժվարություն, եթե ունես հստակ ծրագրեր, լավ ընտրված թիմ ու մշակված քայլերի հաջորդականություն։  Մենք շատ ունենք նման երիտասարդներ, և վստահ եմ, որ այդ երիտասարդների թիվը տարեցտարի մեծանալու է, դառնալու է հզոր բանակ, որը շատ մոտ ապագայում հիմնովին փոխելու է մեր կյանքը` դարձնելով այն ավելի լավը։ Նյութի աղբյուր՝ https://www.facebook.com/avagyankaren/posts/1678487605558215?notif_id=1510298836850066 ...

    Կարդալ ավելին
  • 1. Չնայած բոլոր հոխորտանքներին, ուժային տարբերակին նախապատվություն տալու սպառնալիքներին՝ Ալիևը ստիպված էր գնալ հանդիպման, քանի որ գիտակցում է, թե նոր ավանտյուրան ինչ հետևանքներ կունենա իր համար։ 2. Երկխոսությունն ինքնին դրական է և ինչ-որ չափով ապահովագրում է անցանկալի զարգացումներից։ 3. Եզրափակիչ հայտարարության մեջ անցյալ տարվա գագաթնաժողովների ուղիղ հիշատակման բացակայությունը ամենևին չի նշանակում, որ Հայաստանը և ՄՊ համանախագահ երկրները հաշտվել են դրանց ձեռք բերված պայմանավորվածությունների կատարման հետ։ Հակառակը՝ նոր հայտարարությունն ուղիղ կերպով ամրագրում է պարտավորությունը միջոցներ ձեռնարկելու լարվածության թուլացման համար։ 4. Հանդիպումից րոպեներ անց նախագահի հայտարարություններն Արցախի կարգավիճակի, կարգավորման վերաբերյալ մեր սկզբունքների մասին վերահաստատում են, որ մենք պարզ ճակատով ենք բանակցում և որևէ մեկից թաքցնելու բան չունենք։ Նյութի աղբյուր՝ https://www.facebook.com/photo.php?fbid=1651043661635943&set=a.125335380873453.23472.100001909766688&type=3&theater ...

    Կարդալ ավելին
  • Հանրապետության նախագահի ուղերձը՝ 2040 թվականին ունենալ առնվազն 4 միլիոն բնակչությամբ Հայաստան, առաջիկա տարիներին պետք է լինի մեր նպատակադրումների առանցքում։  Ժողովրդագրական հարցը մեր կարևորագույն խնդիրներից է։ Եվ միայն իշխանությունների, կառավարության նախաձեռնությունները բավարար չեն այս հարցին լուծում տալու համար։ Բնակչության թվի ավելացումը միայն տնտեսական ցուցանիշներով չի պայմանավորած։ Բոլորս հանրային, անհատական մակարդակներում, ամենայն խորությամբ պետք է գիտակցենք խնդրի կարևորությունը, և այս բարձրագույն նպատակին պետք է ծառայեցնենք բոլոր ռեսուրսները:  Անկախությունից հետո 25 տարի շարունակ Հայաստանը լքել են տարբեր՝ ներքին ու արտաքին պատճառներով։ Անկախ Հայաստանի պատմության ընթացքում երկրի ղեկավարը առաջին անգամ բարձրացնում է կարևորագույն այս խնդիրը, ուրեմն եկեք համախմբվենք և հավաքական ուժերով լուծենք ապագայի տեսակետից մեր լրջագույն խնդիրներից մեկը։ Նյութի աղբյուր՝ https://www.facebook.com/avagyankaren/posts/1624915834248726 ...

    Կարդալ ավելին
  • Բուժաշխատողները հանդիսանում են մեր երկրի առողջապահական համակարգի հիմնասյուները: իրականացնելով ծանր և պատասխանատու աշխատանք, ունենալով օրենսդրությամբ ամրագրված բազմաթիվ պարտականություններ, բուժաշխատողները բախվում են նաև այնպիսի խնդիրների հետ, որոնք որևէ առնչություն չունեն իրենց մասնագիտական առօրեայի հետ: Մասնավորապես, բուժաշխատողները իրենց մասնագիտական գործունեության իրականացման ընթացքում պարբերաբար ենթարկվում են բռնության, վիրավորանքի և այլն: Խնդրի համապարփակ լուծումը չի տալիս նաև Հայաստանի Հանրապետության քրեական օրենսգիրքը: Քրեաիրավական պատասխանատվության համար անհրաժեշտ է պատճառահետևանքային կապի առկայությունը արարքի և դրա առաջացրած հետևանքի միջև: Բուժաշխատողների նկատմամբ իրականացվող գործողությունները շատ հաճախ դուրս են քրեաիրավական տիրույթից, սակայն նրանց նկատմամբ իրականացվող գործողությունները խոչըդոտում են իրենց մասնագիտական պարտականությունների կատարմանը: Այդ գործողությունները նախաձեռնող անձանց պատասխանատվության համար, ըստ էության, մեր օրենսդրությունը նորմեր չի սահմանում: Կարծում ենք, մեր օրենսդրությամբ վերոգրյալ դրույթների ամրագրումը անհրաժեշտ խթան կհանդիսանա մեր հասարակությունում ձևավորված արատավոր երևույթի նվազեցման, կանխարգելման և իսպառ վերացման ուղղությամբ: Նյութի աղբյուր՝ https://www.facebook.com/avagyankaren/posts/1605453072861669 ...

    Կարդալ ավելին
  • «Բազեի» մասնակիցները և ՀԵՀ կամավորները պատրաստ են ներգրավվելու Խոսրովի անտառի վերականգնման աշխատանքներին Աշնանը «Բազե» հավաքի մասնակիցները և Հայաստանի երիտասարդական հիմնադրամի կամավորներն անհրաժեշտության դեպքում համապատասխան մարմինների հետ համագործակցաբար պատրաստ են ներգրավվելու Խոսրովի անտառի վերականգնմանը՝ մասնակցելով ծառատունկերի և այլ աշխատանքների, Հիշեցնեմ, որ օգոստոսի 21-ին Ծաղկաձորում կմեկնարկի «Բազե» համահայկական երիտասարդական հավաքը։ 2017-ը հավաքի համար հոբելյանական է. նշվում է «Բազեի» 15-ամյակը, ուստի ծրագրում նախատեսված են նաև մի շարք հոբելյանական միջոցառումներ։ Կհյուրընկալվեն հավաքի կազմավորման ակունքներում կանգնած մարդիկ։  Յոթ օրերի ընթացքում Հայաստանի, Արցախի, սփյուռքի շուրջ 500 երիտասարդներ կմրցեն ինտելեկտուալ, մշակութային և մարզական միջոցառումներին։  Հավաքի նպատակն է բացահայտել տարբեր բնագավառներում շնորհալի երիտասարդներին, մասնակիցներին տալ ինքնադրսևորման հնարավորություն։ Ի դեպ, «Բազեում» են իրենց առաջին քայլերն արել և հետագայում մեծ հաջողությունների հասել մշակութային տարբեր ոլորտներում հայտնի բազմաթիվ անձինք։  Նշենք նաև, որ «Բազեի» մասնակիցները 15 տարիների ընթացքում մասնակցել են բազմաթիվ հանրային ակցիաների, սոցիալական ծրագրերի։ Նյութի աղբյուր՝ https://www.facebook.com/avagyankaren/posts/1581960635210913 ...

    Կարդալ ավելին
  • Սիրելի երիտասարդներ Շնորհավորում եմ Երիտասարդության միջազգային օրվա առթիվ։ Երիտասարդությունը հասարակության ամենաառաջադեմ, ամենաակտիվ, ամենանպատակասլաց, ամենահզոր ուժն է։ Եվ դա մեր երիտասարդներն ապացուցում են ամենուր՝ թե՜ սահմանին ծառայությամբ՝ անառիկ պահելով առաջնագիծը, թե՜ տեղեկատվական տեխնոլոգիաների ոլորտում՝ բարդագույն լուծումներ առաջարկելով աշխարհին, թե՜ պետական ապարատում՝ նոր մշակույթ մտցնելով կառավարման ոլորտում… Մաղթում եմ, որպեսզի միշտ լինեք պայքարող հանուն ձեր բարի նպատակների, հանուն մեր երկրի զարգացման։ Համախմբեք ձեր ուժերը, աշխատեք համագործակցաբար, նայեք հեռուն, եղեք մաքսիմալիստ, մի վախեցեք դժվարություններից, գնացեք առաջ, հավատացեք ձեր երազանքներին ու անդադար աշխատեք դրանց իրականացման համար։ Ապագան կրթված, գործուն, հմտություններով զինված մարդկանցն է։ Օգտագործեք երիտասարդության ձեր տարիները՝ այդ որակները զարգացնելու համար։ Նյութի աղբյուր՝ https://www.facebook.com/avagyankaren/posts/1574987762574867 ...

    Կարդալ ավելին
  • Լեզվի շուրջ շահարկումները շարունակվում են, հավանաբար, այլ թեմաներ չլինելու պատճառով։ Շարունակվում են, երբ պաշտոնական մակարդակով նշվում է, որ Հայաստանում գործող «Լեզվի մասին» օրենքում որևէ փոփոխություն չի նախատեսվում։ Ի դեպ, Եվրասիական տնտեսական հանձնաժողովն արդեն առաջարկել է Ռուսաստանին վարորդական իրավունքի հետ կապված փոփոխություններ սահմանել առկա օրենքներում` բացառելով օրենքի կիրառումը ԵԱՏՄ անդամ պետությունների քաղաքացիների համար:  Թեման քննարկման ընթացքում է, կողմերը փնտրում են տարբերակներ՝ խնդրին լուծում տալու համար։  Խնդիրը միայն վարորդներին է վերաբերում, կրթական և մասնագիտական այլ փաստաթղթեր Ռուսաստանում վավեր են և ճանաչելի։ Նյութի աղբյուր՝ https://www.facebook.com/avagyankaren/posts/1546454862094824 ...

    Կարդալ ավելին
  • Երկրի ամենալավ պաշտպանն այն մարդն է, ով գիտակցում է իր բաժին պատասխանատվությունը հայրենիքի համար: Պատասխանատվությունը վերացական և վերամբարձ հասկացություն չէ:  Պատասխանատու է այն մարդը, ով ունի գոնե իր սեփական անկյունը: Եթե անգամ չունի, վստահ է, որ իր ազնիվ աշխատանքով այդ անկյունը վաստակելու է: Այդ մարդը ոչ միայն ստեղծելու է անկյունը, այլ ընդլայնելու է այն, դարձնելու է իր ընտանեկան օջախը: Եվ այդ միջավայրում է նա դաստիարակելու իր զավակներին, ովքեր տոգորվելու են այդ նույն սեփականատիրոջ զգացումով: Սա, իմ խորին համոզմամբ, ամենալավ հայրենասիրական դաստիարակությունն է: Առանց հայրենի հողին կառչած տղամարդկանց ու կանանց հնարավոր չէ որևէ հայրենասիրական դաստիարակություն». ՀՀ Նախագահ Սերժ Սարգսյան։ Նյութի աղբյուր՝ https://www.facebook.com/avagyankaren/posts/1434974333242878 ...

    Կարդալ ավելին
  • Կարդացի հետընտրական տրամադրությունների մասին Լևոն Տեր-Պետրոսյանի կարծիքը։ Հիմա սա կարծի՞ք է, թե՞ նեղացած բամբասանք։ Հետաքրքիր է՝ ումի՞ց են նեղացել։ Հարյուրհազարավոր ընդդիմադիր ձայներից ընդամենը 25 հազար ձայն վաստակելը պարտադի՞ր է բացատրել ամեն ինչով, բայց ոչ սեփական սխալներով։ Իմ կարծիքով՝ ազնիվ չէ։ Բա թքել-մրե՞լը։ Դրա իմաստը ո՞րն է։ Դարձ ի շրջանս յո՞ւր. դեպի ծայրահեղական ընդդիմադիր Օլիմպո՞ս. տեսնես նույն գետը մի քանի անգամ մտած քանիսն են ինչ-որ բանի հասել։ Բոլորի աչքի առաջ այս ընտրություններում վերջնականապես արմատախիլ արվեցին նախորդ դարի 90-ականներին ներդրված կոպիտ ընտրախախտումների 90 տոկոսից ավելին՝ քվեատուփերի գողանալ, համատարած լցոնումներ, ուժի կիրառում, կարուսել, և այլն, և այլն։ Ասում է՝ բայց մի ընտրախախտման ձև կա, այս ընտրություններում դրա օգտագործման մասին լուրեր ենք լսել. հայ- հարայ, էս ի՜նչ խայտառակություն է։ Դե բարև Ձեզ։ Ձեր ներդրած «ընտրակարգ-ազատ ոճի ըմբշամարտ»-ը տարիների հետևողական աշխատանքով դարձվել է քաղաքակիրթ ու շատերի համար ընդօրինակելի գործընթաց, հիմա Դուք ինչի՞ մասին եք աղաղակում։ Բա Արցախի հարցում մանիպուլյացիանե՞րը։ Ասում է՝ Ղարաբաղի խնդրի ավելի լավ լուծման չենք հանգելու, քան մեզ առաջարկվում էր 1997 թվականին։ 2009 թվականից մեզ առաջարկվում է լուծում, որտեղ ասված է. «Լեռնային Ղարաբաղի վերջնական իրավական կարգավիճակի հետագա որոշում իրավականորեն պարտադիր բնույթ կրող կամարտահայտման միջոցով»։ Հետաքրքիր է, ի՞նչ էր ասված 1997 թվականին... Եթե լավագույն լուծումը 1997 թվականին մեզ առաջարկվածն է, ուրեմն՝ ստացվում է, որ 2011 թվականին Կազանում և մինչ օրս Ադրբեջանը հրաժարվում է այսօր առաջարկվող լուծման տարբերակից, որովհետև հայերիս մասին է մտածում։ Փաստորեն՝ շատ մարդասեր ու հարևանասեր է պարոն Ալիևը։ Էլի ու էլի բազմաթիվ նման հարցեր վերոհիշյալ կարծիքն ընթերցելիս։ Հարցեր իրոք շատ կան։ Շուտով կմեկնարկի «Անդրանիկ Մարգարյան» քաղաքական դպրոցի երկրորդ հոսքը. կփորձենք հարգարժան առաջին Նախագահին հրավիրել դասախոսության, ուրախ կլինենք, որ համաձայնվի, որովհետև հարցեր իրոք շատ կան։ Նյութի աղբյուր՝ https://www.facebook.com/avagyankaren/posts/1422160714524240 ...

    Կարդալ ավելին
  • Մինչև ընդամենը վերջերս մեր իրականության մեջ ընտրություններից հետո մրցակից ուժերի կողմից հաղթողին շնորհավորելը համարվում էր արևմտյան ընտրական մշակույթ։ 2017թ. խորհրդարանական ընտրությունները կարծես թե կոտրում են այդ կարծրատիպը։ Այն նաև դառնում է մեր քաղաքական իրականության մաս։ Ազգային ժողովի ընտրությունների քվեարկությունից հետո ընտրական գործընթացներին մասնակցած քաղաքական ուժերն ընդունել են արդյունքները։ Սա բարձր ժողովրդավարության, բոլոր քաղաքական ուժերին ազատ գործելու ու ինքնաարտահայտվելու ցուցիչ է։ Նյութի աղբյուր՝ https://www.facebook.com/avagyankaren/posts/1412404015499910 ...

    Կարդալ ավելին
Загрузка...

ՖԲՀ

Քաղաքականություն