• Սիրանուշ Զաքարյան
  • Սուրբ Հարության տոնին ընդառաջ կտրուկ ավելանում են հավկիթի սպառման ծավալները, ինչի կապակցությամբ ևս մեկ անգամ ցանկանում ենք տեղեկացնել, որ համաձայն ՀՀ Կառավարության 2011 թ.-ի N 1438-ն «Ձվի և ձվամթերքի տեխնիկական կանոնակարգը հաստատելու մասին» որոշման չի թույլատրվում այն հավկիթների իրացումը, որոնք չունեն անվտանգությունը և ծագումը հաստատող փաստաթուղթ, թերի է կամ լրացած պիտանելիության ժամկետը կամ բացակայում է մակնշումը (բացառությամբ շուկաներում վաճառվող գյուղատնտեսական արտադրանք հանդիսացող հավկիթների, որոնց իրացման համար անհրաժեշտ է միայն անասնաբուժասանիտարական փորձաքննության կտրոն):  Հավկիթների մակնշման մեջ պետք է տեսանելի լինեն հավկիթի տեսակը, կարգը, արտադրության օրն ու պիտանելիության ժամկետը: Կախված հավկիթի տեսակից ու կարգից պիտանելիության ժամկետը տարբեր է. Ա դասի կամ թարմ հավկիթի «Էքստրա» տեսակի պիտանելիության ժամկետը 7 օր է, իսկ 1-ին տեսակի հավկիթներինը` 25 օր` օդի ջերմաստիճանի 00-200 C և 85-88% հարաբերական խոնավության պայմաններում:  Հավկիթի թարմությունը կարելի է որոշել ինչպես գնելիս, այնպես էլ արդեն տանը: Գնելիս պետք է ուշադրություն դարձնել վերջինիս գույնին և կճեպին: Գույնը պետք է լինի սպիտակ, եթե կաթնագույն է, դեղնավում կամ մոխրագույն, նշանակում է այն այլևս թարմ չէ: Կճեպը պետք է լինի չաղտոտված, հարթ և առանց ճաքերի: Եթե հաստ կճեպով հավկիթը արտահայտված ցան ունի, ապա վերջինս թարմ չէ: Հավկիթը չպետք է կոտրված կամ ճաքած լինի, քանի որ կճեպի ճաքերից և կոտրվածքներից մանրէները կարող են ներթափանցել հավկիթի մեջ: Իսկ եթե արդեն գնել եք հավկիթ, սակայն այնուամենայնիվ կասկածում եք վերջինիս թարմության մեջ, ապա այն դրեք ջրով լի տարայի մեջ, եթե ընկղմվեց ջրի մեջ, ուրեմն թարմ է, եթե ոչ, ուրեմն մի օգտագործեք այն: Ինչպես նաև կարելի է պարզապես թափահարել ձուն, եթե զգացվեց շատ թույլ շարժում, ուրեմն այն թարմ է, եթե շարժման ձայն լսվեց` հավկիթը թարմ չէ: Բացի այդ կարելի է ջարդել ձուն, եթե դեղնուցը չխանվեց սպիտակուցին, ուրմեն վերջինս թարմ է: Սպառողներին հորդորում ենք հավկիթ գնելիս ուշադրություն դարձնել մակնշմանը և վերջինիս թարմությանը, իսկ վերը նշված պահանջների խախտումներ հայտնաբերելիս խնդրում ենք տեղեկացնել Կազմակերպությանը` զանգահարելով +37410 430930 հեռախոսահամարով: Նյութի աղբյուր՝ https://www.facebook.com/siranush.zakaryan.12/posts/432128067141789 ...

    Կարդալ ավելին
  • Վերջին ժամանակահատվածում ակտիվ քննարկվում էին կաթնամթերքի շուկայում առկա խնդիրները: Սննդամթերքի անվտանգության պետական ծառայության կողմից իրականացված ուսումնասիրության արդյունքների հրապարակումից հետո, ցավոք, մտահոգությունները միայն ավելացան, քանզի հաղորդագրությամբ ոչ միայն չտրվեցին հանրությանը հուզող հարցերի պատասխանները, այլև առաջացան նոր հարցեր, մասնավորապես՝ որ կաթնամթերքներն են ենթարկվել փորձաքննության, և որ ընկերության որ արտադրատեսակում ինչպիսի խնդիրներ են հայտնաբերվել, քանի որ կաթնամթերք են համարվում ինչպես կաթն ու թթվասերը, այնպես էլ՝ սերուցքն ու պանիրը:  Հասարակական հատվածում ակտիվ քննարկվում էր նաև այն հանգամանքը, որ օրինախախտ տնտեսվարողների ցանկում հիմնականում նշված էին փոքր ընկերությունների անուններ: Շարունակում էր մտահոգիչ մնալ այն հարցը, թե ինչ իրավիճակ է սպառման հիմնական ծավալներն ապահովող ընկերություններում: «Իրազեկ և պաշտպանված սպառող» հասարակական կազմակերպության կողմից իրականացվել է ուսումնասիրություն կաթնամթերքի շուկայում: Իրացման ցանցից նմուշառվել և փորձաքննության են հանձնվել կաթնամթերքի սպառման հիմնական շուկան ապահովող արտադրողների` «Աշտարակ կաթ» ՓԲԸ, «Արզնի կաթ» ՍՊԸ, «Բիոկաթ» ՍՊԸ, «Բոնիլատ» ՍՊԸ, «Դուստր Մարիաննա» ՍՊԸ, «Թամարա և Անի» ՍՊԸ, «Մարիլա» ՍՊԸ և «Չանախ» ՍՊԸ-ների որոշ արտադրատեսակներ: Ստորև ներկայացվում են հայտնաբերված խախտումները` ըստ արտադրողի, արտադրատեսակի (համաձայն մակնշված արտադրության օրվա) և անհամապատասխության ցուցանիշների: «Աշտարակ կաթ» ՓԲԸ Կաթնաշոռ դասական «Աշտարակ կաթ» 180գ արտադրված 09.12.2016 թ. Չի համապատասխանում ԱՑԽՄ և խմորասնկերի ցուցանիշներով Թթվասեր դասական «Աշտարակ կաթ» 18% յուղ., 400գ արտադրված 09.12.2016 թ. Չի համապատասխանում խմորասնկերի ցուցանիշով «Արզնի կաթ» ՍՊԸ Կաթ պաստերացված Արզնի կաթ – 3,2% յուղ., 1լ արտադրված 09.12.16 թ. Չի համապատասխանում ԱՑԽՄ և ՄԱՖԱՄ ցուցանիշներով  Կաթնաշոռ «Արզնի կաթ» 9% յուղ., 180գ արտադրված 09.12.2016 թ. Չի համապատասխանում ԱՑԽՄ, խմորասնկերի և բորբոսասնկերի ցուցանիշներով Սերով թթվասեր Արզնի կաթ 20% յուղ., 400գ արտադրված 08.12.16 թ. Չի համապատասխանում ԱՑԽՄ և խմորասնկերի ցուցանիշներով «Բիոկաթ» ՍՊԸ Կաթ պաստերացված ֆիրմային Բիոկաթ – 3,5% յուղ, 1լ արտադրված 09.12.16 թ. Չի համապատասխանում ԱՑԽՄ և ՄԱՖԱՄ ցուցանիշներով Կաթնաշոռ «Բիոկաթ» 15% յուղ., 150գ արտադրված 10.12.2016 թ. Չի համապատասխանում ԱՑԽՄ և խմորասնկերի ցուցանիշներով Թթվասեր «Բիոկաթ» 20% յուղ., 400գ արտադրված 10.12.16 թ. Չի համապատասխանում ԱՑԽՄ և խմորասնկերի ցուցանիշներով «Բոնիլատ» ՍՊԸ Կաթ պաստերացված «Bonilat» - 3,6% յուղ., 1լ արտադրված 10.12.2016 թ. Չի համապատասխանում ՄԱՖԱՄ ցուցանիշով      Կաթնաշոռ «Բոնիլատ» 12% յուղ., 150գ արտադրված 10.12.2016թ. Չի համապատասխանում ԱՑԽՄ և խմորասնկերի ցուցանիշներով Թթվասեր «Բոնիլատ» 20% յուղ., 400գ արտադրված 10.12.16թ. Չի համապատասպանում ԱՑԽՄ ցուցանիշով «Դուստր Մարիաննա» ՍՊԸ  Կաթնաշոռ «Մարիաննա» 9% յուղ., 180գ արտադրված 10.12.2016թ. Չի համապատասխանում կաթնաթթվային մանրէների և խմորասնկերի ցուցանիշներով  «Թամարա և Անի» ՍՊԸ Կաթնաշոռ «Ani Product» 9% յուղ., 200գ արտադրված 09.12.2016թ. Չի համապատասխանում ԱՑԽՄ և խմորասնկերի ցուցանիշներով «Մարիլա» ՍՊԸ կաթ Կաթնաշոռ «Մարիլա» 9% յուղ., 200գ արտադրված 10.12.2016թ. Չի համապատասխանում կաթնաթթվային մանրէների և խմորասնկերի ցուցանիշներով «Չանախ» ՍՊԸ Կաթ պաստերացված Չանախ – 3,2% յուղ., 1լ արտադրված 10.12.2016 թ.  Չի համապատասխանում ՄԱՖԱՄ և ԱՑԽՄ ցուցանիշներով Հատիկային կաթնաշոռ «Չանախ» 4% յուղ, 180գ արտադրված 10.12.2016թ. Չի համապատասխանում ԱՑԽՄ, խմորասնկերի և բորբոսասնկերի ցուցանիշներով Թթվասեր«Չանախ» 20% յուղ., 400գ արտադրված 10.12.2016թ. Չի համապատասխանում ԱՑԽՄ և խմորասնկերի ցուցանիշներով Հաշվի առնելով, որ նմուշառումն իրականացվել է սառնարաններից, որոնք ապահովել են պահպանման պայմանները, ինչպես նաև այն հանգամանքը, որ նմուշների տեղափոխումն իրականացվել է պատշաճ սառնարանային պայմաններում, կարելի է եզրակացնել, որ խնդիրներն առաջացել են արտադրության կամ իրացման ցանց տեղափոխման փուլերում: Կոչ ենք անում` • Սպառողներին` խուսափել վերոնշյալ արտադրանքի օգտագործումից (թթվասերները դեռևս գտնվում են պիտանելիության ժամկետի մեջ) • Իրացնողներին` իրացման ցանցից դուրս բերել նշյալ խմբաքանակները • Սննդամթերքի անվտանգության պետական ծառայությանը` հետևողական լինել գործընթացին: Հայտնաբերված խախտումները փաստում են, որ նշված կաթնամթերքի սպառումը չի երաշխավորում սպառողների առողջության պաշտպանությունը և պարունակում է առողջական ռիսկեր: Հավելենք նաև, որ մթերքները փորձաքննության են ենթարկվել անվտանգության ընտրանքային ցուցանիշների նկատմամբ, հայտնաբերվել են նաև մակնշման խախտումներ: Փորձաքննության արդյունքների վերաբերյալ ամբողջական տեղեկատվությունը կտրամադրվի սննդամթերքի անվտանգության պետական ծառայությանը նաև գրավոր` համապատասխան քայլերի և գործողությունների առաջարկություններով: Նյութի աղբյուր՝ https://www.facebook.com/siranush.zakaryan.12/posts/359249207763009 ...

    Կարդալ ավելին
  • «Իրազեկ և պաշտպանված սպառող» հասարակական կազմակերպությունը քանիցս տեղեկացրել է, որ համաձայն «Սպառողների իրավունքների պաշտպանության մասին» ՀՀ օրենքի 23-րդ հոդվածի՝ սպառողն իրավունք ունի 14 օրվա ընթացքում փոխանակել պատշաճ որակի ապրանքը, եթե վերջինս չի կարող օգտագործվել ըստ նշանակության՝ հարմար չէ ձևով, եզրաչափքերով, գույնով, չափով կամ այլ պատճառներով, պահպանված է ապրանքային տեսքը, առկա է գնումը հաստատող փաստաթուղթը (ՀԴՄ կտրոն կամ ապրանքային չեկ): Իսկ եթե սպառողի՝ խանութ դիմելու պահին բացակայում է նմանօրինակ ապրանք, ապա սպառողն իրավունք ունի ըստ իր ընտրության լուծելու առուվաճառքի պայմանագիրը և պահանջելու հետ վերադարձնել տվյալ ապրանքի համար վճարված գումարը: Հետևաբար «գնված ապրանքը հետ չի ընդունվում» կամ նմանօրինակ հայտարարություններն ու վահանակները հանդիսանում են օրենքի բացահայտ խախտում: Կազմակերպության կողմից դեռևս 2013 թ.-ին իրականացվել էին շրջայցեր Երևան քաղաքի ավելի քան 900 իրացման կետերում, տնտեսվարողներին ներկայացվել էր օրենքի պահանջը, ինչպես տնտեսվարողներին, այնպես էլ սպառողներին տրամադրվել էին ավելի քան 2000 իրազեկող տեղեկատվական թերթիկներ: Խնդիրը համակողմանի քննարկելու նպատակով հրավիրվել էր աշխատանքային քննարկում, որին ներկա էին ինչպես ոլորտը վերահսկող պետական լիազոր մարմնի և սպառողների շահերի պաշտպանությամբ զբաղվող ՀԿ ներկայացուցիչներ, այնպես էլ տնտեսվարողներ ու վերջիններիս շահերի պաշտպաններ: Քննարկման ընթացքում ներկայացվել էր առկա իրավիճակը, հորդորվել գործել՝ ելնելով ՀՀ օրենսդրության պահանջներից: Չնայած նրան, որ այս գործընթացից հետո կարծես էականորեն նվազել էր օրենքի պահանջին չբավարարող վահանակների թիվը, սակայն վերջինիս հաջորդեց էլ ավելի արատավոր երևույթ: Կան տնտեսվարողներ, ովքեր մի կողմից տեղադրել են օրենքի պահանջի վերաբերյալ իրազեկող վահանակներ, մյուս կողմից միաժամանակ խախտում են նույն օրենքը՝ հետ չընդունելով գնված ապրանքը՝ ոտնահարելով սպառողների իրավունքը: Իրականացված աշխատանքներից հետո բացահայտված խախտումներին լուծում տալու նպատակով անհրաժեշտ օրենսդրական փոփոխությունների փաթեթը ներկայացվել էր ՀՀ էկոնոմիկայի նախարարությանը, ինչը հնարավորություն կընձեռեր ինչպես լուծելու խնդիրները, այնպես էլ բարձրացնելու հանրային վստահությունը պետական վերահսկողության նկատմամբ: Սակայն նախարարությունը ոչ միայն քայլեր չձեռնարկեց խնդիրների լուծման ուղղությամբ, այլև շարունակում է համառորեն խորհուրդ տալ սպառողներին խնդիրներ հանդիպելու պարագայում խախտված իրավունքը վերականգնել դատարանի միջոցով, մինչդեռ բազմիցս ներկայացվել է նաև հիմնավորումն առ այն, թե ինչ պատճառներով դատական կարգով խախտված իրավունքի վերականգնման մեխանիզմը չի կարող արդյունավետ գործել, և որ օրինախախտ տնտեսվարողները պարտադիր պետք է կրեն վարչական պատասխանատվություն, քանզի օրենքով սահմանվում է ոչ թե էթիկա, այլ իրավունք և պարտականություն, ինչն էլ հնարավորություն կընձեռեր խնդիրը տանել դեպի ինքնակարգավորում: Ինչպես նախկինում, այնպես էլ այժմ, կազմակերպությունը շարունակում է ստանալ նույնաբովանդակ ահահանգեր: Եվ եթե մի շարք տնտեսվարողներ փորձում են որևէ հակափաստարկ ներկայացնել վերադարձ չիրականացնելու նպատակով, ապա «Ռիթեյլ Գրուպ Արմենիա» ընկերությունը, որին բաժին է հասնում ստացված ահազանգերի գերակշռող մեծամասնությունը, ոչ միայն օրենքը խախտում է բացահայտ կերպով, այլև սպառողներին տեղեկատվություն է տրամադրում, թե իբրև օրենքն իրենց վրա չի տարածվում: Նշյալ ընկերության կազմում գործում է ավելի քան 20 իրացման կետ, իսկ վերջին ահազանգը Կազմակերպությունը ստացել է՝ կապված «Միսս Սելֆրիջ» (Miss Selfridge) խանութի հետ: Եվս մեկ անգամ կոչ ենք անում Էկոնոմիկայի նախարարությանն ի վերջո քայլեր ձեռնարկել նշյալ խնդրի կարգավորման ուղղությամբ, վերանայել գործող ընթացակարգը՝ հաշվի առնելով տեղային առանձնահատկություններն և այն կարևորագույն հանգամանքը, որ ՀԿ-ները չեն կարող աջակից լինել սպառողներին դատարան դիմելու հարցում, իսկ սպառողներին հորդորում ենք նախքան գնում իրականացնելը ճշտել գնվող ապրանքի փոխանակման և վերադարձի կարգը: Գնում չիրականացնել այն իրացման կետերից, որոնք հրաժարվում են կատարել օրենքի պահանջը և հրաժարվող տնտեսվարողների վերաբերյալ տեղեկատվությունը հանրայնացնել, որպեսզի մյուս սպառողները ևս գոնե իրազեկվածության շնորհիվ թույլ չտան ոտնահարել սեփական սպառողական իրավունքները, մինչև պատկան կառույցները կորոշեն զբաղվել սպառողների իրավունքների պաշտպանության հարցերով: Նյութի աղբյուր՝ https://www.facebook.com/siranush.zakaryan.12/posts/196991860655412 ...

    Կարդալ ավելին
  • Հայաստանի Հանրապետությունում արձանագրվել է դաբաղ հիվանդության դեպք: Այս մասին հայ հասարակությունը տեղեկացավ ռուսական մամուլից: Տարանջատենք փաստերը փաստերի մեկնաբանություններից. Փաստ 1. Ռուսական կողմն իր տեղական ԶԼՄ-ների միջոցով առաջինը հայ հասարակությանը տեղեկացրեց մեր երկրում արձանագրված հիվանդության մասին: Առնվազն 1 շաբաթ հայկական կողմը հասարակությունից թաքուն է պահել իրողությունը (հայկական կողմն է ռուսական կողմին տեղեկացրել, թե՝ ոչ, հարցի այլ կողմն է և փաստի հետ առնչություն չունի): Փաստ 2. Ռուսական կողմը, որն, ի դեպ, մեր մեդիայի համար դարձավ ինֆորմացիայի առաջին աղբյուրը, իր հաղորդագրության մեջ Հայաստանում դաբաղ հիվանդության նկատմամբ իրավիճակը գնահատեց անկայուն, ինչից հետո հայկական կողմը հարկ համարեց նշել, որ արձանագրվել է ընդամենը 1 դեպք՝ չպատասխանելով ամենակարևոր հարցին՝ այդ դեպքում ինչու են թույլ տվել, որպեսզի ռուսական կողմն իրավիճակը գնահատի անկայուն, ինչը հնարավորություն կտար հասկանալու՝ իրականում կաղացե՞լ ենք բանակցային փուլում, թե՞ ավելի արժանահավատ է անկայում իրավիճակ գնահատականը: Հարցազրույց փաստերի շուրջ. անկախ պատճառներից՝ փաստը մնում է փաստ: Հ.Գ. Ամենևին պետք չէ զարմանալ հայկական մեդիայի գործողությունների վրա և տնտեսության ձախողումն ու անհաջողությունները կապել այն փաստի հետ, որ մեդիայում աղմուկ բարձրացավ: Ռուսական կողմի հայտարարությունը հաղորդագրություն էր ուղղված ոչ միայն ՀՀ-ին, այլև ամբողջ աշխարհին. աղմուկը ռուսական կողմից էր՝ փաստ 3՝ աշխարհի տեսանկյունից:  Նյութի աղբյուր՝ https://www.facebook.com/siranush.zakaryan.12/posts/192916627729602 ...

    Կարդալ ավելին
Загрузка...

Քաղաքականություն