• Կարեն Մկոյան
  • Օրենսդրական այս նախաձեռնությամբ է հանդես եկել ՀՀ կառավարությունը` իր ս.թ. փետրվարի 11- ի նիստում փոփոխություններ և լրացումներ առաջարկելով «Գովազդի մասին», «Տեղական տուրքերի մասին», «Ճանապարհային վճարի մասին» ՀՀ օրենքներում: Բանն այն է, որ մեր օրենսդրության մեջ չկա «սոցիալական գովազդ» հասկացությունը, ուստի նպատակահարմար է համարվել սահմանել այն: Միաժամանակ սոցիալական գովազդի տարածման ավելի բարենպաստ օրենսդրական միջավայր ստեղծելու նպատակով կառավարությունն առաջարկում է սոցիալական գովազդ տարածելու դեպքում գովազդակրին ազատել տեղական տուրք վճարելու պարտականությունից: Այն դեպքում, երբ գովազդակիրը գովազդային դատարկ վահանակն զբաղեցնում է իր կազմակերպության գովազդով, առաջարկվում է տուրքի չափ սահմանել յուրաքանչյուր քառակուսի մետրի համար տվյալ համայնքում այլ արտաքին գովազդ տեղադրելու թույլտվության համար սահմանված տուրքի 10 տոկոսը: Այս մոտեցումը կնպաստի նաև համայնքներում դատարկ գովազդային վահանակներրի նվազմանը: Նկատի առնելով այն հանգամանքը, որ սոցիալական գովազդի միջոցով տեղեկություն է տարածվում հասարակությանը հուզող հարցերի վերաբերյալ, մինչև այդպիսի գովազդի տարածումը առաջարկվում է այն քննարկել և հավանության արժանացնել լիազորված մարմնին կից ստեղծվող հանձնաժողովում: Այս մոտեցումը, ըստ հարցը կառավարությունում ներկայացրած ՀՀ մշակույթի նախարարության հիմնավորման, հնարավորություն կտա ապահովել առաջարկվող սոցիալական գովազդի թեմայի հրապարակային և շահագրգիռ քննարկումը: Լիազոր մարմնին կից ստեղծված հանձնաժողովը բաղկացած կլինի 11- անդամից, 7- ը ՀԿ- ների, իսկ 4- ը` պետական մարմինների ներկայացուցիչներից: Բացի այդ, «Գովազդի մասին» օրենքում առաջարկվում է տարբերակված մոտեցում ցուցաբերել և բացառապես Երևանի քաղաքապետին վերապահել արտաքին գովազդի թույլտվության պայմանների խախտման կամ առանց արտաքին գովազդ տեղադրելու թույլտվության այն տեղադրելու համար տուգանք կիրառելու իրավունքը: Օրենքների նախագծերի փաթեթը սահմանված կարգով կներկայացվի ՀՀ Ազգային ժողով: Նյութի աղբյուր`https://www.facebook.com/permalink.php?story_fbid=1559993724321776&id=100009334896794 ...

    Կարդալ ավելին
  • ՀՅԴ-ՀՀԿ համագործակցությունը՝ կոալիցիայի, թե մեկ այլ ձևով այն նվազագույն անակնկալն էր, որը կարող էր դրսևորվել քաղաքական դաշտում: Ավելին՝ այն այդքան առանձնահատուկ պրոցես չէր, ինչի վրա քաղաքական դաշտը պետք է կենտրոնացներ իր ուշադրությունը: ՀՅԴ-ն ու ՀՀԿ-ն միմյանց կախված էին երկար տարիներ, դեռ 2000-ականների սկզբին իրար ջան-ջիգյար էին անում ներկայիս վարչապետն ու Լոքյան-Լևոն Մկրտյան զույգը, ավելին՝ նրանք նույնիսկ միմյանց քավոր-սանիկական հարաբերություններով են կապված: Ի՞նչ է փոխվում կոալցիայից հետո. Լոքյանը, Լևոն Մկրտչյանը, Արծվիկ Մինասյանը գալիս են կառավարություն, Աշոտյանն ու Ճշմարիտյանը գնում են: Կարա՞ք ասեք, ի՞նչ է փոխվում: Վարչապետի կուսակցական ընկերները գնում են, քավոր-սանիկները գալիս, գերդաստանային դուքյանա դառնում, ուրիշ ոչինչ: Իսկ ինչ վերաբերվում է Սերժին, ապա ամբողջ քաղաքական դաշտն է երևացող-չերևացող ձևով շաղկապված նրա հետ՝ բացառություն կարմիր գրքում հայտնված 1-2 ուժերի ու գործիչների, ովքեր դեռ մի կերպ պահում են «ընդդիմության պորտֆելը»: Նյութի աղբյուր՝ https://www.facebook.com/permalink.php?story_fbid=1559974967656985&id=100009334896794&__mref=message_bu ...

    Կարդալ ավելին
  • Մեկ անգամ չէ, որ խոսվել է Հայաստանի զբոսաշրջային պոտենցիալի մասին: Սակայն միայն պոտենցիալը բավական չէ, պետք է նաև այն օգտագործել: Այս ուղղությամբ պարբերաբար կատարվում է աշխատանք տարբեր երկրների հետ: Նմանօրինակ քայլերից է այսօրվա նիստի ընթացքում «Հայաստանի Հանրապետության կառավարության և Չեռնոգորիայի կառավարության միջև զբոսաշրջության բնագավառում համագործակցության մասին» համաձայնագրի կնքման առաջարկությանը հավանության տալը: Այսպիսով, ՀՀ կառավարությունը և Չեռնոգորիայի կառավարությունը ցանկանաում են զարգացնել և ամրապնդել երկու երկրների միջև զբոսաշրջության բնագավառում համագործակցությունը: Այս համաձայնագրի շնորհիվ հնարավոր կլնին ամրապնդել և խթանել զբոսաշրջության բնագավառում համագործակցությունը, երկկողմանի աջակցել երկրներում զբոսաշրջության բնագավառում իրավասու պետական մարմինների, զբոսաշրջային օպերատորների և այլ կազմակերպությունների համագործակցությանը, դյուրացնել երկու երկրների միջև զբոսաշրջային փոխայցելությունների ընթացակարգերը, զարգացնել փոխադարձ համագործակցությունը կադրերի մասնագիտական վերապատրաստման, փորձագետների և լրագրողների փոխանակման բնագավառներում, աջակցել փորձի փոխանակմանը զբոսաշրջության, մասնավորապես զբոսաշրջության կառավարման և մարքեթինգի, ինչպես նաև հյուրանոցային գործի կառավարման բնագավառներում: Սա ևս մեկ խթան կհանդիսանա ոլորտի զարգացման և կբացի նոր շուկա տուրիստական կազմակերպությունների համար Նյութի աղբյուր՝  https://www.facebook.com/permalink.php?story_fbid=1559558537698628&id=100009334896794 ...

    Կարդալ ավելին
  • Էներգետիկ ոլորտի զարգացումը օրակարգային է ՀՀ տնտեսության համար: Այստեղ կարևոր դեր է խաղում ներդրումային դաշտի դյուրացումը և արտաքին ներդրողների ներգրավման քաղաքականությունը: Սպասվում է, որ մոտ ապագայում մեր երկրում կկատարվի ավելի քան 435 մլն դոլարի ներդրում: Այդքան ներդրում կատարվելու է միայն երկու ծրագրի շրջանակներում: Մասնավորապես Երևանում և Վանաձորում կկառուցվեն ջերմային նոր կայաններ: Վանաձորի 234 մեգավատ հզորությամբ շոգեգազային կայանի կառուցմամբ շահագրգռված է բրիտանական «Գրեյնջ Փաուեր» ընկերությունը: Վանաձորի ծրագիրի համար նախատեսվում է հատկացնել  220 մլն դոլար։ Եվս 215 միլիոն է նախատեսվում ներդնել «Երևան ՋԷԿ»-ի հարակից հատվածում կառուցվող նոր ջերմային կայանում: Երկու ծրագրերն էլ ներդրումային են և չեն ակնկալում որևէ վարկային աջակցություն: Նյութի աղբյուր`https://www.facebook.com/permalink.php?story_fbid=1559092277745254&id=100009334896794 ...

    Կարդալ ավելին
  • Գունավոր մետաղի համաշխարհային գների անկումը խոսում է այն մասին, որ այն երկները, որոնց տնտեսության մեջ այս ոլորտը ունի զգալի ազդեցություն, պետք է վերանայեն իրենց քաղաքականությունը, հակառակ դեպքում հնարավոր են կորուստներ: Մետաղների վերջին տարիների գնանկումը պետությունը փոխհատուցում է արտադրողական ծավալների ավելացմամբ: Եթե հաշվի առնենք, որ համաշխարհային շուկայում տեղի ունեցող իրադարձությունները գների իջեցման միտում են ակնկալում, ապա պետք է արձանագրել, որ այս տարի ևս անհրաժեշտ է ավելացնել արդյունահանման ծավալները: Զանգեզուրի պղնձամոլիբդենային կոմբինատը 2016 թվականի համար նախատեսել է ունենալ տասը տոկոս աճ: Շահագործման է հանձնվել նոր աղաց: Ընդհանուր նախագծի արժեքը կազմել է ավելի քան 11 միլիարդ ՀՀ դրամ: Հինգ տարի առաջ շահագործման հանձնված Կասկադ ինքնաղացը, իր գնդիկավոր մեկ աղացի հետ միասին բերել է 27 տոկոս արտադրության աճ: Սպասվում է, որ նախորդ տարվա վերամշակված 18 միլիոն 237 հազար հանքաքարի դիմաց, այս տարի կմշակվի 20 միլիոն 103 հազար 900 տոննա: Նյութի աղբյուր՝  https://www.facebook.com/permalink.php?story_fbid=1558627664458382&id=100009334896794 ...

    Կարդալ ավելին
  • Արդյունաբերությունը ՀՀ տնտեսության ամենակարևոր և դոմինանտ ոլորտներից է: Դրա հետ մեկտեղ այն լի է ռիսկերով: Արտաքին գործոնների ազդեցությունը այստեղ շատ կարևոր դեր է խաղում: Վերջին տարիներին զգալիորեն նվազել են գունավոր մետաղների գները, ինչը ուղակի չէր կարող չանդրադառնալ ՀՀ տնտեսության վրա: Նախորդ տարվա գնանկմանը ի պատասխան, պետությունը ավելացրեց արդյունահանման ծավալները գնանկման բացը լրացնելու համար: Ցավոք, շուկայում առկա ներկայիս իրավիճակը ավելի շատ բացասական միտում ունի քան դրական: Գները շարունակում են անկում ապրել: Զանգեզուրի պղնձամոլիբդենային կոմբինատը նախատեսում է ավելացնել արտադրողականությունը 10 տոկոսով: Նախորդ տարի բարեհաջող գործարկվել է երկրորդ գնդիկավոր աղացը : Հիշեցնեմ, որ առաջին գնդիկավոր աղացը շահագործման է հանձնվել 2011թ. և այն ժամանակ արտադրության ծավալները ավելացել են 27 տոկոսով: Չնայած ստեղծված ոչ բարենպաստ իրավիճակին, կոմբինատում աշխատատեղերի կրճատում չի եղել: Նախորդ տարի կոմբինատում 18 միլիոն 237 հազար տոննա հանքաքար է վերամշակվել, իսկ այս տարի նախատեսվում է վերամշակել 20 միլիոն 103 հազար 900 տոննա հանքաքար: Այս կերպ փորձ է արվում պաշտպանել արդյունաբերական ոլորտը արտաքին բացասական գործոններից: Նյութի աղբյուր`https://www.facebook.com/permalink.php?story_fbid=1557804827873999&id=100009334896794 ...

    Կարդալ ավելին
  • Օրերս մինչև 2 տարեկան երեխայի խնամքի նպաստի նշանակման և վճարման կարգում կատարվել են որոշակի փոփոխությունները: Այսպիսով, 2016 թվականի հունվարի 1-ից երեխայի խնամքի նպաստը նշանակում և վճարում կատարում են ՀՀ աշխատանքի և սոցիալական հարցերի նախարարության սոցիալական ապահովության պետական ծառայության տարածքային բաժինները: Առաջացած մի քանի տեխնիկական խնդիրներից ելնելով՝ հունվար ամսվա երեխայի խնամքի նպաստի վճարման ցուցակը վճարող կազմակերպություններին կփոխանցվի մինչև փետրվարի 10-ը: Այսուհետ ամեն ամսվա երրորդ աշխատանքային օրվանից սկսած կվճարվի նախորդ ամսվա խնամքի նպաստները: Հավելենք նաև, որ այսուհետև խնամքի նպաստը հանարավոր է վճարվել նաև բանկային հաշվին փոխանցում կատարելու միջոցով, եթե նպաստառուն անձամբ կամ մեկ այլ անձի միջոցով տարածքային բաժին ներկայացնի Նախարարության հետ համապատասխան պայմանագիր կնքած բանկում բացված բանկային հաշվեհամարը: Տվյալ բանկերն են` 1) Հայբիզնեսբանկ, 2) Պրոմեթեյբանկ 3) ՀայԷկոնոմբանկ Սա շատ լավ նորություն է, քանզի այսպիսով հնարավորություն է ստեղծվում խուսափել նպաստ ստանալու համար ավելորդ ժամանակ վատնելուց: Կարևոր է նաև, որ այժմ ընթանում են աշխատանքներ բոլոր բանկերի հետ խնամքի նպաստի անկանխիկ վճարման պայմանագիր կնքելու ուղղությամբ: Նյութի աղբյուր՝ https://www.facebook.com/permalink.php?story_fbid=1556747331313082&id=100009334896794&__mref=message ...

    Կարդալ ավելին
  • Ձմռան ամիսներին գազապառողների շրջանում դժգոհություններն ավելանում են: Չկարողանալով վճարել գազի սպառման արդյունքում առաջացած պարտքերը` բնակիչները երբեմն ստիպված են լինում անցնել ջեռուցման այլ տարբերակների: Սա էլ իր հերթին հանգեցնում է գազի ծավալների կրճատման: ՀՀ կառավարության ղեկավարի կարծիքով՝ «Գազպրոմ-Հայաստան» ընկերությունը կարող է ունենալ ավելի մեծ հասույթներ՝ ավելի ցածր գների դեպքում: Գազի սակագնի վերաբերյալ վարչապետը խոսել է Կառավարության նիստի ընթացքում: Վարչապետն ասել է, թե շահագրգռված են, որ «Գազպրոմ-Արմենիա» ընկերությունը լինի կայուն և խելամտորեն շահութաբեր, սակայն, նշել է, որ տնտեսության ու բնակչության համար ևս գները պետք է լինեն մատչելի և շահավետ: Գործադիրի ղեկավարը կարծիք է հայտնել, թե «Գազպրոմ-Արմենիա» ընկերության ղեկավարությունը մեծ անելիքներ ունի այս բիզնես տրամաբանությունը հանրությանը և իր վերադասին ներկայացնելու գործում, ինչի արդյունքում թե «Գազպրոմ» ընկերության, թե ՌԴ համար հստակ կդառնա բանակցային առաջարկի փոխշահավետ լինելը: Մինչ այս ՀՀ կառավարությունները դիմել են ՌԴ իշխանություններին՝ ներմուծվող գազի սակագնի նվազեցման հարցով: ՌԴ-ից դեռևս պատասխն չակ, գոնե պաշտոնապես որևէ հայտարարություն չի եղել: Մի բան պարզ է՝ այս հարցում գլխավորը սպառողի շահն է և գազի սակագնի նվազեցում իսկապես անհրաժեշտություն է հայ սպառողի համար: Նյութի աղբյուր`https://www.facebook.com/permalink.php?story_fbid=1556329974688151&id=100009334896794 ...

    Կարդալ ավելին
  • Խոշոր ձեռնարկատիրական կազմակերպություններին աջակցություն ցուցաբերելը կարևոր է հենց այն պարզ պատճառով, որ այդտեղ աշխատում են բազմաթիվ քաղաքացիներ: Այսօր ՀՀ կառավարությունը հաստատել է «Հրազդան Ցեմենտ» ընկերությանը 510 մլն դրամ տույժերից ազատելու որոշման նախագիծը: Վերջինիս հաշվիներն արգելափակված են, ընդհանուր պարտքն էլ կազմում է մոտ մեկ մլրդ դրամ: Վերոնշյալ կազմակերպության գույքը գրավադրված է նաև «ՎՏԲ Հայաստան» բանկում: Հիշյալ նախագծի ընդունումը հնարավորություն կընձեռի ընկերության գույքի և հաշվի վրայից հանել արգելանքը և «ՎՏԲ­ Հայաստան Բանկ» ՓԲ ընկերության կողմից հավանության արժանացած ծրագրի բարեհաջող իրականացման արդյունքում` մարել ընկերության պարտքերը, ստեղծել նոր աշխատատեղեր` ապահովելով հարկերի վճարման շարունակականությունը: Գործարանի այսպիսի պարտքերի կուտակման պատճառ է հանդիսացել համաշխարհային ֆինանսատնտեսական ճգնաժամի տարիներին հանրապետությունում շինարարության տեմպերի կտրուկ անկումը, որի հետևանքով ընկերության աշխատանքն ընթացել է անկայուն ռիթմով, հաճախակի ընդհատումներով, ինչն էլ իր բացասական հետևանքներն է թողել ընկերության ֆինանսատնտեսական գործունեության վրա` արդյունքում առաջացնելով ֆինանսական պարտավորություններ: Հարկ է նշել նաև, որ ներկայումս ընկերությունն իրականացնում է արտադրության ընդլայնման աշխատանքներ. ըստ ընկերության ՎՏԲ­ Հայաստան բանկի հավանությանը արժանացած ծրագրի` նախատեսվում է ցեմենտի արտադրության 2016 թ. տարեկան ծավալը հասցնել մինչև 200 հազ.տ. (2014 թ.` 23,3 հազ. տ., 2015 թ.` 80 հազ. տ.) և ստեղծել լրացուցիչ 450 աշխատատեղեր: Վերը նշվածի արդյունքում (ըստ ընկերության գնահատականի) պետբյուջե կվճարվի ավելի քան 700 մլն դրամի հարկ: Նյութի աղբյուր՝  https://www.facebook.com/permalink.php?story_fbid=1556180381369777&id=100009334896794 ...

    Կարդալ ավելին
  • Լոռու մարզի Հաղպատի գյուղական համայնքի վարչական տարածքում գտնվող, պետական սեփականություն համարվող անշարժ գույքի մասնավորեցումից ստացվել է 1 միլիոն 852 հազար դրամ, որը մուտքագրվել է համայնքի ֆոնդային բյուջե: Համայնքի ավագանին քննարկել և հավանություն է տվել համայնքի ղեկավարի ներկայացրած ծրագրին, որով նախատեսվում է իրականացնել ջրամատակարարման համակարգի կառուցման աշխատանքները: Կառավարությունը առաջիկա նիստում որոշել է հավանություն տալ պետական սեփականություն համարվող գույքի մասնավորեցումից ստացված միջոցների տնօրինման ծրագրին, ինչի արդյունքում Հաղպատ գյուղի շուրջ 270 տնտեսությունները, միջնակարգ դպրոցը, մանկապարտեզը, հյուրանոցն ու հյուրատունը կօգտվեն 24-ժամյա մատակարարմամբ մաքուր և սանիտարական նորմերին համապատասխանող ջրից: Նյութի աղբյուր`https://www.facebook.com/permalink.php?story_fbid=1555641158090366&id=100009334896794 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին