Գովազդի համար զանգահարել 099 999 409
  • Հարություն Մնացականյան
  • Երկակի ստանդարտներ Հաց թափողը ակցիա է անում «Հաց բերողի» համար։ Ձեր ու «Հաց բերողի» տարբերությունը սա է, հացն իր համար բացարձակ արժեք էր, ձեզ համար՝ հարաբերական իր` երբեմն ուտելու, իսկ դիվիդենտ շահելու համար՝ նույնիսկ շպրտելու։ Դուք, հերիք չէ, կեղծ եք, դրան գումարած՝ անգրագետ կեղծ եք, ձեր անգրագիտության պատճառով էլ ձեր արտահայտած կեղծ հույզերը վեր են ածվում ռաբիս ու գռեհիկ ներկայացման։ Այդպես էլ ձեզ չտվեցիք մի սովորական հարց` ինչո՞ւ են գերակշիռ մեծամասնությունը սիրում Արթուրին, իսկ ձեզ՝ ոչ, ինչու՞ ձեր հետևից չեն գալիս։ Ինչու՞։ Պատասխանն ակնհայտ է. Արթուրը պարզ, անկեղծ, ստեղծող ու կիրթ տղա էր, իսկ դո՞ւք, նայեք ձեզ կողքից։ Օրենքի գերակայությունից ու օրինապաշտությունից խոսողները գոռում են` «սպանեցի՛ք Հաց բերողին»` խախտելով պարզագույն անմեղության կանխավարկած հասկացողությունը։ Նույնիսկ մեղադրելուց գրագետ չեք, կարող էիք, չէ՞, այդ արտահայտության դիմաց գոնե գրել «իմ սեփական կարծիքով» կամ «ըստ իս» կամ լավ գոնե կիրառեիք «ձեր պատճառով մահացավ» արտահայտությունը։ Չկա պատասխանատվության հասարակ գիտակցություն, ազատությունն ամեն ինչ ասելը չէ, ազատությունն ամեն ինչ ասել ու ասածին պատասխան տալն է։ Նյութի աղբյուր՝ https://www.facebook.com/photo.php?fbid=1309196895831327&set=a.386109994806693.95103 ...

    Կարդալ ավելին
  • Հաց բերողը մահացավ, ափսոս էր շատ, ինձ թվում է՝ նա մեր պատմության մեջ կմնա որպես բարության, մարդասիրության և կարեկցող ընկերոջ սիմվոլ։ Նյութի աղբյուր՝ https://www.facebook.com/harutyun.mnatsakanyan1/posts/1307078916043125 ...

    Կարդալ ավելին
  • Քաղաքական դաշտի երիտասարդության մասին մի ակնարկ եմ ուզում անել ,հուսով եմ շատ չեք քարկոծի։ Երեկ Սամվել Մարտիրոսյանը մի միտք հայտնեց ,որը քանի օր էր գլխումս պտտվում էր ու չէի արտահայտվում։ Ժողովուրդ շատ ցավալի է , բայց այսօր ամենապոզիտիվ ,ամենադրական ,ամենահամարձակ, ամենաժպտերես երիտասարդ քաղաքական գործիչը բանից պարզվում է մեր վարչապետն է։ Ամբողջ քաղաքական դաշտում չունենք խարիզմատիկ, համարձակ ,ժպտերես , ճնշող մեծամասնության կողմից սիրված երիտասարդ քաղաքական գործիչ։ Չեմ տեսել առ այսօր մի երիտասարդ կուսակցականի, որը գոնե մեկ անգամ համարձակ կանգնալ ասած լինի , օրինակ իր առաջնորդի հետ համամիտ չէ ,տեսակետները չեն համընկնում, բայց քանի որ առաջնորդն այդպես է ասել, որպես կուսակցական նա պիտի այդ քայլն անի։ Այսինքն այսօր հանրությունը չի տեսնում անկեղծ երիտասարդի, որը ցանկացած ժամանակ կարող է հակադրվել բոլորին` ունենալով իր տեսակետը։ Չկան ստեղծագործ առաջնորդ երիտասարդները, որոնք երբևէ հանդես են եկել սեփական ինչ֊որ համարձակ նախաձեռնությամբ, որոնք էությամբ լոկ կատարող չեն , էությամբ զինվորական չեն ,այլ առաջնորդ են` դրական ,թեկուզ մի երաժշտական գործիք նվագող, քաղաքականությունից դուրս ինչ֊որ հետաքրքրություններ առաջացնող։ Հիմա կասեք, որ երբ նման քայլեր անեն նրանց կվռնդեն կուսակցությունից, ես կպատասխանեմ ,որ միանշանակ սուտ է։ 1999 թվականից ՀՀԿ֊ի անդամատոմս ունեմ, ինձանից շատ ՀՀԿ քննադատող չի եղել, ինձանից շատ ՀՀԿ տեսակետներին հակադիր տեսակետ հայտնող չի եղել, բայց երբևէ ինձ չկանչեցին ասեին հետ տուր անդամատոմսդ։ Սա նշանակում է, որ երիտկուսակցականների մեջ է խնդիրը , լուրջ մտածելու տեղիք ունեն, չի կարելի արդեն փոքր տարիքից երիտասարդ քաղաքական ու հասարակական գործիչը լինի նեգատիվ ,չսիրված ,ոչ կրեատիվ ու միայն հրաման կատարող` ծառայի հոգեբանությամբ։ Աշխատեք ձեր վրա։ Նյութի աղբյուր՝ https://www.facebook.com/harutyun.mnatsakanyan1/posts/1302632973154386 ...

    Կարդալ ավելին
  • ԱՄՆ֊ում կամ այլ զարգացած երկրներում սննդի` հիմնականում մրգեր բանջարեղենի գնման և հանգիստն անցկացնելու հետաքրքիր մեթոդ են կիրառում։ Ցանկացողները վճարելով 3 դոլար իսկ հանգստյան օրերին 6 դոլար,կամ տարեկան բաժանորդագրվելով ընդամենը 36 դոլարով ,կարող են մտնել այգի օգտվել ցանկացած կուլտուրայից, ընտրել ուզածդ որակը, քաղել ,վճարել քաղածի չափով ,տանել տուն։ Հանգստյան օրերին հիանալի պայմաններ են ստեղծված ամբողջ ընտանիքով` երեխաների հետ հրաշալի օր անցկացնել բնության գրկում և օգտվել բարիքներից։ Կից տեղադրում եմ նկարները և երանությամբ նայում իրենց։ Նաև չարանում ու նախանձում։     Նյութի աղբյուր՝ https://www.facebook.com/harutyun.mnatsakanyan1/posts/1293932740691076 ...

    Կարդալ ավելին
  • Չինաստանի մասին երեկ նյութ եմ լսում, որտեղ պատմվում էր, որ Չինաստանը 18-րդ դարում եղել է, հետամնաց, փակ, ինքնաբավ երկիր։ Եվրոպան անընդհատ փորձել է առևտրային հարաբերությունների մեջ մտնել Չինաստանի հետ` մետաքսի և ճենապակու փոխանակում կատարել եվրոպական որևէ ապրանքի հետ, բայց չինացիներին եվրոպական ոչինչ չի հետաքրքրել։ Եվրոպան ելքը գտել է, սկսել են թմրանյութեր ներկրել, չինացիներին թմրանյութ օգտագործել սովորեցնել։ Կարճ ժամանակ անց Չինաստանի բնակչության գերակշիռ մեծամասնությունը դառնում են թմրամոլ և կախվածության մեջ ընկնում Եվրոպայից։ Չինաստանի կայսրը ստիպված փակում է սահմանները, որից հետո Եվրոպան ամբողջովին գաղութացնում է Չինաստանը։ Գաղութացումը տևում է հարյուր տարի, որի համար այդ ժամանակահատվածը չինացիներն անվանում են ամոթի հարյուրամյակ ։ Իսկ հիմա ամբողջ աշխարհն է կախվածության մեջ չինական ապրանքներից։ Չինաստանը ոնց որ մուռը հանում է։ ՀՆԱ-ով հիմա աշխարհում առաջինն է։ Նյութի աղբյուր՝ https://www.facebook.com/harutyun.mnatsakanyan1/posts/1278486692235681 ...

    Կարդալ ավելին
  • Քանի որ մինչև հիմա չեն հանդարտվել Լևոն Տեր Պետրոսյանի հանրահայտ ելույթի շուրջ կրքերը, մի գաղտնիք բացեմ թե՛ հակալևոնական մանրապճեղների, թե՛ ՀԱԿ֊ի զոմբիների համար, որոնք ամեն օր իրար կոկորդ են կրծում` մի մասը Բաքու հասնելով, մյուսն էլ արդեն հայաթի բոստանը ազերներին հանձնելով։  Ժողովու՛րդ, այդ 7 շրջանը ազատագրել են որպես բուֆերային գոտի, որպեսզի բանակցային սեղանին մեր ձեռքում կոնկրետ հաղթաթուղթ լինի՝ կոմպրոմիսի գնալու համար։ Այդ 7 շրջանը հանձնվելու է միայն Արցախի Հանրապետության անկախության ճանաչման և կոնկրետ խաղաղության 100%-անոց երաշխիքների դեպքում, ինչը պրակտիկորեն անհնար է։ Առաջին նախագահն էլ ցանկացած պահի օգտագործում է այդ հաղթաթուղթը` ցույց տալով Եվրոպային և աշխարհին, որ մենք խաղաղության միտում ունենք, պատրաստ ենք բայց... Դե ինքներդ եք տեսնում՝ դեռևս անհնար է դա իրագործել, չնայած որ Ալիևը «պրագմատիկ» մարդ է։ Նույն կերպով վաղը մյուս օր ՀՀ ներկայիս նախագահ Սերժ Սարգսյանն էլ է բանակցություն վարելու։ Ոչ ոք ամենալավ ցանկության դեպքում չի կարող եվրոպացուն համոզել, որ այդ 7 շրջանները մեր պապական հողերն են, նամանավանդ երբ այդ համոզողների 99%-ը երբեք չի եղել, չի տեսել այդ հողերը։ Ցավում եմ ՀԱԿ֊ի այն զոմբիացած հատվածի համար, որ այդքան սիրելով իրենց կուռքին՝ երբեք չկարողացան վերլուծել հասկանալ նրա խոսքերի ենթատեքստը, չհասկացան նրա դիվանագիտական ճկուն հնարքները և նրա պես երբեք չկարողացան պահել էթիկայի տարրական նորմերը։ Թերևս այսքանը։ Նյութի աղբյուր՝ https://www.facebook.com/harutyun.mnatsakanyan1/posts/1264998370251180 ...

    Կարդալ ավելին
  • Հայկական «երեխասիրության» մասին մի բան եմ ուզում գրել, հուսով եմ՝ շատ չեք գանահարի։ Ուրեմն՝ գնացել եմ սուպերմարկետներից մեկում գումարս ստանալու, մոտեցա տնօրենի սենյակին, բարձր խոսակցության ձայներ լսեցի ներսում, չմտա։ Մի քիչ երկար սպասեցի, հասկացա, որ երկար կտևի, դուռը թակեցի, մտա ներս։  Ներսում երեք, տասնութին մոտ երեխաներ են ծնողների մոտ` երեխաները գլուխները կախած, ծնողներն իրար կոկորդ են կրծում։ Պարզվեց, որ դեկտեմբերին ընդունվել են աշխատանքի, գայթակղությանը չեն դիմացել, պահեստից գողություն են արել՝ հիմնականում ծխախոտի տեսքով։  Խանութի տերը, որպեսզի խուսափի ավելորդ քաշքշուկներից, երեքի ծնողներին էլ կանչել էր մոտը։ Սկզբում ծնողները հարձակվել էին խանութի տիրոջ վրա, իբր շառ ես անում, մեր անմեղ դաստիարակված երեխեքին ո՞նց կարաս մեղադրես, բերեցիր աշխատացրեցիր, չես ուզում փողը տալ, գլխներին սարքում ես։ Տնօրենը հանգիստ միացրեց տեսագրությունը, որտեղ պարզ երևում էր՝ ինչ են գողացել և ոնց։ Մտածում էի՝ սրանից հետո ծնողները գլուխները կկախեն, ներողություն կխնդրեն, երեխաներին էլ խիստ կպատժեն, բայց չէէէէ... Հիմա էլ հագել են իրար, մեկը մեկին է մեղադրում, թե իմ լուսի պես երեխուն քո տղեն գցել է ազդեցության տակ, դու ես մեղավոր, էն մյուսը նրան, մի խոսքով՝ ահավոր տհաճ միջադեպ։ Տնօրենը հանգիստ նայեց, ասում է` - Գիտե՞ք՝ ինչի էի ձեզ կանչել, որ ցույց տամ՝ ձեր երեխեքը շեղվել են ճամփից, ուշադիր լինեք, վաղը, մյուս օր ճաղերի հետևում չհայտնվեն, կյանքները չկործանվի։ Էսքան փաստերից հետո դուք, փոխանակ հետևություն անեք, դեմն առնեք, ամեն ինչ անում եք ծածկելու, պաշտպանելու համար, վաղը հենց դուք եք տառապելու, վաղը, մյուս օր պարտքերի, վարկերի տակ ընկնելով, ձեր նստած տղերքի պարտված ղումարի փողերը հասցնելով ու ձեր գլխին տալով, իսկ հիմա բոլորդ դուրս եկեք, էլ ասելու բան չունեմ, եթե դուք ռեալ խնդրին չեք կարողանում նայել, փորձում եք ինքնախաբեությամբ զբաղվել, ես ոչնչով չեմ կարող օգնել, կհաշվեմ գողացածի գումարը, աշխատավարձից կհանեմ, եթե ավել եղավ աշխատավարձից, ինքներդ կբերեք, տարբերությունը կվճարեք։ Եթե այս տարբերակի հետ համաձայն չեք, ուրեմն՝ կդիմեմ իրավապահ մարմիններին։ Ցտեսություն ձեզ։ Ազգային հիվանդություն է դառել` մերն ամենալավն է, իմ երեխան ուրիշ է, դե մենք, մենք շատ ուրիշն ենք, պուպուշն ենք, դիմացինն ա վատը։ Նյութի աղբյուր՝ https://www.facebook.com/harutyun.mnatsakanyan1/posts/1254014788016205 ...

    Կարդալ ավելին
  • Հող զիջեն, էլի այս վիճակը լինելու է, չզիջեն, էլի է այս վիճակը շարունակվելու, մնանք ՀԱՊԿ-ում, էլի շարունակվելու է, ՀԱՊԿ-ից դուրս գանք, էլի ոչինչ չի փոխվելու, ԵԱՀԿ, ՄԱԿ, Մինսկի խումբ` ով ուզում է խառնվի, միևնույն է, այս վիճակը շարունակվելու է, միայն ունենք ընդամենը մեկ տարբերակ, որ չշարունակվի ու լռեն տևականորեն, դա մեր երկրի արագ տնտեսական աճն է, զարգացումը, ուրիշ ոչինչ։ Չեք հավատում, տեսեք 1999-2010 թվականի վիճակագրական տվյալները, ռիսկ չէին անում լպտային, 3 տարին մեկ մի թեթև փորձ ու հետո քար լռություն։ Նյութի աղբյուր՝ https://www.facebook.com/harutyun.mnatsakanyan1/posts/1226356880781996 ...

    Կարդալ ավելին
  • Երկրաշարժն այդքան չդժբախտացրեց մարդկանց, ինչքան դրանից առաջ շինանյութերը գողացող, քաղաքը շինող շինարարները, որոնցից ոչ ոք ցայսօր պատասխանատվության չենթարկվեց։ Այ այստեղից ազգովի սկսեցինք զգալ անպատժելիության հետևանքները մեր կաշվի վրա։ Նյութի աղբյուր՝ https://www.facebook.com/harutyun.mnatsakanyan1/posts/1205966659487685 ...

    Կարդալ ավելին
  • Մի բան ասեմ խփել չկա, ես վերջնական համոզվել եմ ,որ մեր ժողովուրդը չի սիրում մտածել , բացարձակ չի ուզում շարժել ուղեղի բջիջները։ Բազմաթիվ ընդօրինակումներից , պլավիատներից ու նման ծեծված թեմաներից չխոսեմ ։ Մտնում եմ բանկ մոտ 60 հոգանոց հերթ, ու ամեն օր նույն վիճակը,հետաքրքրեց սկսեցի ուսումնասիրել։ Հաճախորդների մոտ 90%-ը վարկ են մուծում ։ Ուրեմն լուռ ամեն մեկը մոտ 40 րոպե հերթ է կանգնում ,դիմացը տերմինալը ազատ ղրած, գրեթե մոտեցող չկա։ Նայում եմ մեծ մասի ձեռքը սմարտֆոն։  Հիմա հարց .դժվա՞ր է մեկ անգամ հաշվեհամարը գրել թղթի վրա և ամեն գալուց արագ ազատորեն տերմինալի վրա հավաքել հաշվեհամարը 1 րոպեում մուծել ու գնալ։ Կամ Էդ անտեր սմարտֆոնը միայն սելֆիի համար չի, բանկի Էդ անտեր ծրագիրը ներբեռնում եք ձեր ուզած ժամին հերթագրվում ,արագ գալիս հարցերը լուծում գնում։ Չէէէէէ մեր ազգը տառապյալ ազգ է, նա պիտի տառապի պիտի ինքնախարազանվի։ Նյութի աղբյուր՝ https://www.facebook.com/harutyun.mnatsakanyan1/posts/1185344914883193 ...

    Կարդալ ավելին

ՖԲՀ

Քաղաքականություն