Գովազդի համար զանգահարել 099 999 409
  • Արսեն Բաբայան
  • Բելգիայի Վալոնիա-Բրյուսել Դաշնության խորհրդարանի պատգամավորներ Էմանուել Դը Բոկը և Անդրե Դյու Բյուսը, Բրյուսել-Մայրաքաղաքի շրջանայինխորհրդի անդամ Պիեր Կոմպանին, ՀՅԴ Եվրոպայի Հայ Դատի հանձնախմբի նախագահ Գասպար Կարապետյանի և հանձմախմբի անդամ Հեղինե Էվինյանի ուղեկցությամբ արդեն հանդիպումներ են ունեցել Արցախի Ազգային Ժողովի նախագահ Աշոտ Ղուլյանի և Արտաքին գործերի նախարար Կարեն Միրզոյանի հետ։ Սպասվում է հանդիպում Արցախի Հանրապետության Նախագահ Բակո Սահակյանի հետ։ Նյութի աղբյուր` https://www.facebook.com/arsenbabayan.am/posts/635119953364464 ...

    Կարդալ ավելին
  • Երբ դատական դեպարտամենտում էի աշխատում բազմաթիվ առիթներով ասել եմ, որ դատարանն ու արդարադատության նախարարությունը դատական գործերի քննության շրջանակներում որևէ կապ չունեն իրար հետ։ Ավելին, արդարադատության նախարարությունն ու մնացած բոլոր կառույցներն իրավունք չունեն որևէ կերպ միջամտելու արդարադատության իրականացմանը։ Այստեղից ակնհայտ է դառնում, որ արդարադատության նախարարությանը մեղադրելը, առավել ևս նախարարի հրաժարական պահանջելը, մեղմ ասած հեռու է ողջամտությունից։  Ինչ վերաբերում է պատժի կրման հետ անհամատեղելի հիվանդություններին, ապա այստեղ էլ արդարադատության նախարարության կապը զրոյական է, դրա համար կան հատուկ ընթացակարգեր, որոնցում որոշում ընդունողը համապատասխան բժշկական հանձնաժողովն է։ Առայժմ այսքանը, հետո, եթե առիթ լինի ու ժամանակ ունենամ, ավելի խորը կներկայացնեմ։ Նյութի աղբյուր՝ https://www.facebook.com/arsenbabayan.am/posts/633876840155442 ...

    Կարդալ ավելին
  • Քաղաքական բոլոր ուժերը նախընտրական այս փուլում խոսում են Արցախի մասին, Ղարաբաղյան հիմնախնդրի կարգավորումից։ Քաղաքական մի ուժ առաջարկում է փոխշահավետ զիջումային տարբերակ (շրջանների հանձնել եւ այլն), մեկ այլ ուժ պարտավորվում է առաջին գծից հանել շարքային կազմին ու փոխարինել պայմանագրայիններով։ Մի ուժ էլ պնդում է, որ Արցախը պետք է միացվի ՀՀ-ին եւ այլն։ Այս իրարամերժ ու գլխապտույտ առաջացնող առաջարկներն ուսումնասիրելուց հարց է առաջանում մոտս. իսկ որեւէ մեկդ այս ընթացքում, կամ ձեր նախընտրական ծրագրերը կազմելուց առաջ գոնե մեկ անգամ այդ առաջարկները քննարկե՞լ եք Արցախի իշխանությունների ու ժողովրդի հետ։ Օրինակ հարցրե՞լ եք, թե արդյո՞ք ճիշտ է շարքային կազմը պայմանագրայիններով փոխարինելը, հարցրե՞լ եք, թե ինչ են մտածում շրջանները փոխշահավետ տարբերակով հանձնելու մասին։ Հարցրե՞լ եք, թե ինչ կարգավիճակում են Արցախը տեսնում հենց արցախցիները։  Չեք հարցրել։ Չեք հարցրել, քանի որ ձեզ ամենագետների տեղն եք դրել։ Այսպես չի կարելի, մարդիկ կան, ապրում ու արարում են, գնացեք, քննարկեք, խոսեք հետները հետո նոր եկեք մեզ համոզեք ձեր մտադրությունների արդարացիությունը։ Նյութի աղբյուր՝ https://www.facebook.com/arsenbabayan.am/posts/633685176841275 ...

    Կարդալ ավելին
  • ԱՄՆ դատարաններից մեկն անվավեր է ճանաչել ԱՄՆ նախագահի հրամանագիրը։ Նախագահն էլ հայտնել է, որ իրավական վեճը կլուծի դատական բարձր ատյանում։ Ի դեպ՝ ԱՄՆ նախագահը դատավորին հրապարակային մեղադրել է լիազորությունները չարաշահելու մեջ։ Այսպիսով՝ փաստ է, որ ԱՄՆ դատական համակարգը կայացած է, անգամ այն դեպքում, եթե իսկապես պարզվի, որ դատավորը չարաշահել է լիազորությունները։ Նյութի աղբյուր՝ https://www.facebook.com/arsenbabayan.am/posts/633302513546208 ...

    Կարդալ ավելին
  • Մետրոյով ուղևորության քարտի արժեքն է 2000 դրամ, որը ներառում է 10 մուտք, այսինքն՝ 1000 դրամ։ Կարծում եմ՝ արդարացված չէ 1000 դրամ միայն քարտի գին սահմանելը։ Եթե հաշվի առնենք, որ քարտի դեպքում առնվազն 10 ուղևորության լիցքավորում կկատարենք, ապա, իմ կարծիքով, շատ ավելի արդյունավետ կլիներ ու նպատակին կծառայեր, եթե հանվեր քարտի գինը կամ սահմանվեր խելամիտ գին (օրինակ՝ 200 դրամ)։ Լավ բանն անելուց էլ պիտի ճիշտ արվի, որ արդյունավետ ստացվի։ Նյութի աղբյուր՝ https://www.facebook.com/arsenbabayan.am/posts/632424746967318 ...

    Կարդալ ավելին
  • Պարոն Ծառուկյանը նախընտրական քարոզչության ընթացքում բազմաթիվ ելույթներում նշում է, թե անհրաժեշտ է կասեցնել կուտակային կենսաթոշակների համակարգը, իսկ մինչ այժմ վճարված գումարներն էլ ուղղել ներկայիս թոշակների բարձրացմանը։ Ես ամենասկզբից եղել և մնում եմ կուտակային կենսաթոշակային համակարգի կողմնակիցը։ Այն ժամանակ, երբ գումարները վերադարձնում էին, ես չեմ դիմել իմ վճարած գումարը վերադարձնելու պահանջով, ավելին, կամավոր եմ ընդգրկվել կուտակային համակարգին։  Հարցեր.   1) եթե Ծառուկյան դաշինքը գա իշխանության կստացվի՞, որ ես կկորցնեմ այսքան տարիներ իմ վճարած գումարները, որոնք վճարել եմ ապագայում լավ թոշակ ունենալու ակնկալիքով։ Կկորցնեմ, քանի որ Ծառուկյան դաշինքը պատրաստվում է այն օգտագործել այլ նպատակով։ 2) ինձ այդ մասին կհարցնե՞ն, իհարկե ոչ, քանի որ դա արդեն ծրագրային դրույթ է, որի արդարացվածությանն իրենք կասկած չունեն։ 3) ենթադրենք եկան իշխանության ու այդ գումարները վերցրեցին և ավելացրեցին թոշակները, դա քանի՞ ամիս կհերիքի, կա՞ հաշվարկ։ Այսինքն կիսատ-պռատ քա՞յլ է։ Ես արդեն բավականին մեծ գումար ունեմ կուտակած ու չեմ պատրաստվում այն կորցնել... Նյութի աղբյուր՝ https://www.facebook.com/arsenbabayan.am/posts/631512767058516 ...

    Կարդալ ավելին
  • Եվրոպական խորհրդարանի «ԵՄ-Հայաստան և ԵՄ-Ադրբեջան Խորհրդարանական համագործակցության հանձնաժողովի» համանախագահ Սաջջադ Քարիմը հայտարարություն է տարածել որտեղ ուշագրավ հանգամանքներ կան։ Նախ ուշադրության է արժանի այն հանգամանքը, որ առաջին անգամ ԵՄ պաշտոնական հայտարարությունում Արցախի համար օգտագործվել է #պետություն   -պետականություն եզրույթը: Մեկ անգամ եւս փաստվել է, որ մարդիկ պետք է ազատ տեղաշարժվեն, ինչի համար չի կարելի իրականացնել հետապնդում։ Կարեւոր է նաեւ այն, որ խրախուսվում է այցելությունների միջոցով տեղում իրականության վերհանումը։ Հայտարարությունն ամբողջությամբ հայերենով «Լոնդոն-Բրյուսել, 26 փետրվարի, 2017 թ.  Ադրբեջանի Գլխավոր դատախազի կողմից, այս շաբաթ, Եվրոպական խորհրդարանի պատգամավորներ Էլենի Թեոխարուսի, Ֆրանկ Էնգելի և Յարոմիր Շետինայի նկատմամբ հայտարարվել է միջազգային հետախուզում՝ նրանց կողմից Լեռնային Ղարաբաղ այցելության և իրենց գործելակերպով ինքնահռչակ պետականությանն աջակցելու համար: Փետրվարի 20-ին, ԵԽ-ի վերոնշյալ պատգամավորներն իրականացրել են Լեռնային Ղարաբաղում անցկացված տեղական գործընթացի դիտորդական առաքելություն: Լեռնային Ղարաբաղում Եվրոպական խորհրդարանի պաշտոնական դիտորդական առաքելություն չի իրականացվել, իսկ այս ամենին հակառակ ստեղծված որևէ տպավորություն, հետևաբար, ամբողջապես հիմնազուրկ է: Եվրոպայի խորհրդարանի պատգամավորներն իրավունք ունեն այցելելու ցանկացած վայր՝ իրենց ընտրությամբ և առաջ տանելու իրենց անձնական համոզմունքները: Միևնույն ժամանակ, ԵԽ-ի պատգամավորները պետք է պատասխանատվությամբ ուշադրություն դարձնեն հրադադարի ակնհայտ փխրունությանը և աջակցեն Լեռնային Ղարաբաղի շուրջ քաղաքական միջնորդական գործընթացին և նման այցելությունների ժամանակ պարզ դարձնեն իրենց ոչ-պաշտոնական անհատական կարգավիճակը: Միջազգային հետախուզում հայտարարելը անողջունելի, անօգտակար և անցանկալի իրողություն է: Այն նաև չափազանցնում է ԵԽ-ի պատգամավորների անհատական այցելության կարևորությունը: Այն ինչ անհրաժեշտ է, Մինսկի խմբի գործընթացի վերաաշխուժացումն ու քաղաքական միջնորդական ջանքերն են՝ տարածաշրջանում ապրող ժողովուրդներին և շահագրգիռ պետություններին ներկայիս տևականորեն ձգձգվող հակամարտությունից տանելու դեպի խաղաղություն, տնտեսական առաջընթաց և կենսապայմանների բարելավում: Սա պետք է լինի մեր քաղաքական գործունեության շարժիչը, ինչը մենք իրականացնում ենք հրապարակայնորեն և թափանցիկությամբ՝ Եվրոպական խորհրդարանի պաշտոնական տարբեր մարմինների միջոցով: Մենք կարևորում ենք նաև ԵԽ-ի երեք պատգամավորների կողմից իրենց այցելության վերաբերյալ տեղեկատվության հրապարակմանը, ինչպես այն պահանջվում է ԵԽ-ի բոլոր պատգամավորների պարագայում»: Նյութի աղբյուր՝ https://www.facebook.com/arsenbabayan.am/posts/625700674306392 ...

    Կարդալ ավելին
  • Բուլղարիայի խորհրդարանի անդամ, «Ազգային ճակատ» միավորման նախագահ Վալերի Սիմեոնովի գլխավորած պատվիրակությունն այցելել է Լեռնային Ղարաբաղ։ Երեկ ՀՀ խորհրդարանում պատվիրակությանն ընդունել է ԱԺ փոխնախագահ Հերմինե Նաղդալյանը։ Նյութի աղբյուր` https://www.facebook.com/arsenbabayan.am/posts/621926778017115 ...

    Կարդալ ավելին
  • ԱԺ-ում հավատարմագրված լրագրողների այսօրվա բոյկոտի մասին Լրագրողական համայնքի այսօրվա միասնականությունն ու կազմակերպված բոյկոտն ինձ համար լուրջ և հաջողված նախաձեռնություն էր։ Դա էր պատճառը, որ չդիմացա ու այդ պահին գրեցի դրա մասին։ Միասնականությունը միշտ էլ հաջողության գրավականներից է եղել։ Լրագրող ընկերներս լավ գիտեն, թե որքան եմ կարևորում մեդիան ու կայացած և օբյեկտիվ, ինչպես նաև պրոֆեսիոնալ չորրորդ իշխանությունը։ Այն հանգամանքը, որ այդքան լրագրող միասնաբար դիմեց բոյկոտի քայլին ճշմարտացիության զուտ դասական գնահատմամբ ենթակա չէ կասկածի։ Այսինքն, եթե միասնությամբ որոշվեց ու մի քանի տասնյակ լրագրող միացավ դրան, նշանակում է իրենք ճիշտ են ու վերջ։ Բայց, անկախ դրանից, բոլորն ազատ են իրենց կարծիքն ունենալ ու ազատ արտահայտել, ինչն էլ հիմա ես կանեմ։ Հրապարակյան գործընկերներին էլ հորդորում եմ կարծիքիս հանդեպ, որը կարող է տարբերվել, լինել հանդուրժող։ Հիշենք, որ կարծիքը ճիշտ կամ սխալ չի լինում։ Այսպես, ես հատուկ որոշեցի մասնակցել այդ ասուլիսին այն հույսով, որ լրագրողներն իրենց հարցերով կկարողանային բացահայտել եղելությունը ու կստիպեին պարոն Հակոբյանին ընդունել, որ չէր կարելի դիմել բռնության։ Իհարկե գիտեի նաև, հենց սկզբից, որ բոյկոտը հնարավոր սցենար էր, բայց համարում էի, որ սխալ սցենար է։ Երբ արդեն ներսում պարոն Հակոբյանին հարցրեցի, թե ինչ եք մտածում բոյկոտի մասին, վերջինս հայտնեց, որ ճշմարտությունը բացահայտելուց խուսափելու փորձ էր։ Այդ մասին հետո Հակոբյանը նաև գրեց իր ֆեյսբուքյան էջում։  Ինչու եմ կարծում, որ բոյկոտը սխալ էր. հանրությունն իհարկե ներքին խոհանոցներին ծանոթ չէ, չգիտի, թե ովքեր էին կանգնած բոյկոտի «առաջնագծում», բայց ես հո լավ գիտեմ բոլորին ու շատ ավելին: Որքան էլ Ռուբիկ Հակոբյանը փաստացի սխալ լիներ իր պնդման մեջ, թե բոյկոտը կազմակերպվեց ճշմարտությունը չբացահայտվելու նպատակով, որքան էլ ես համաձայն չլինեմ դրան, այնուամենայնիվ բոյկոտի «առաջնագծի» ընկերների անձերը, ցավոք, օբյեկտիվ առիթ են տալիս նաև այդպես կարծելու։ Եվ ուրեմն, իմ կարծիքով, պետք էր մասնակցել ասուլիսին ու հարցերով «մերկացնել» բռնություն գործադրողին։ Կարծում եմ, որ այդկերպ ավելի ուժեղ նյութեր կհրապարակվեր, քան այն, որ պարզապես բոյկոտեցին ու վերջ։ Հիշեցնում եմ, սա սոսկ իմ կարծիքն է, որի հետ բոլորն իրավունք ունեն չհամաձայնել։ Նյութի աղբյուր՝ https://www.facebook.com/arsenbabayan.am/posts/591404667735993 ...

    Կարդալ ավելին
  • Իմ կարծիքը երեխաների նկատմամբ ծնողների կողմից բռնություն գործադրելու իրավական հետևանքի մասին Երեկվանից լայն ու ծանր քննարկումներ են սկսվել այն տեսանյութի առթիվ, որտեղ մի կին այգում ապտակում է մինչև 6 տարեկան աղջկան: Ոստիկանությունից պարզեցին և հայտնեցին, որ ապտակողը երեխայի մայրն է:  Մի կողմից մենք գործ ունենք երեխայի նկատմամբ ծանր բռնություն կիրառելու հանցատեսակների հետ, մյուս կողմից գործ ունենք ծնող-երեխա կարևոր հարաբերության հետ: Այսպիսով, հարցի լուծումն այպես եմ պատկերացնում. անհրաժեշտ է օրենսդրական նախաձեռնություն, որը հարցը կկարգավորի այսպես. ծնողի կողմից անչափահաս երեխայի նկատմամբ ուժգին ցավ պատճառելու, ծեծելու կամ այլ բռնի գործողության դեպքում, որը չի առաջացրել մարմնական վնասվածք կամ քրեական օրենսգրքով նախատեսված այլ ծանր հետևանք, պետք է առաջացնի քրեական պատասխանատվություն. 1-ին անգամ՝ տուգանք և պետական հսկողություն (ՏԻՄ համապատասխան ստորաբաժանման կողմից)՝ 1-ից 3 տարի ժամկետով:  Կրկնվելու դեպքում կալանք՝ 1-ից 3 ամիս ժամկետով կամ ազատազրկում՝ 1-ից 3 տարի ժամկետով:  Այլ ծանրացուցիչ հանգամանքների դեպքում, որը կարելի է սահմանել, ազատազրկում՝ 3-ից 6 տարի ժամկետով... Միաժամանակ, անհրաժեշտության դեպքում, պետք է իրավասու մարմինների կողմից քննարկվի ծնողական իրավունքից զրկելու հարցը: Սա որպես հայեցակարգ եմ ներկայացնում, որը կարելի է դարձնել օրենքի նախագիծ։ Նյութի աղբյուր՝ https://www.facebook.com/arsenbabayan.am/posts/560842037458923 ...

    Կարդալ ավելին

ՖԲՀ

  • /uploads/photos/5dhHlV60RumlZ9acxvBV.jpg

    Ադրբեջանում իշխանությունը դատապարտում է խոսքի ազատության և ազատ արտահայտվելու ջատագովներին՝ հետապնդումների ու բռնությունների ենթարկելով նրանց, իսկ ահա հանրության մեջ դատի են տալիս իրար հրավեր ընդունելու և միջոցառմանը չներկայանալու համար: Վատ օրինակն էլ է վարակիչ լինում: Այսպես՝ առցանց լրատվամիջոցներից մեկում կարդում եմ, որ Ադրբեջանի մի բնակիչ դատի է տվել իր հարսանիքին չմասնակցած 15 հոգու, որոնց չներկայանալու պատճառով ինքը հավելյալ գումար է ծախսել՝ հոգալով նրանց համար նախատեսված ռեստորանային ծախսերը: Ամենացնցողը, սակայն, հայց ներկայացնող կողմի մեկնաբանությունն էր, որ ինքը այդ 15 հոգու միջոցառումներին պարտաճանաչ ներկա է գտնվել, անգամ պարտքերի տակ է ընկել, որպեսզի հրավերը լիարժեք իրացնի: Նմանատիպ դեպքերը օրինաչափ են Ադրբեջանում: Այդպիսի մի դեպք էլ եղել է տարիներ առաջ, երբ ամուսնացողի հայրն է 80 հոգու դատի տվել նույն մեղադրանքով: Այս մարդակույտը ապրում է կենդանական բնազդին հավատարիմ և պոպուլյացիան չհաղթահարած կոմպլեքսի մշտական դրսևորմամբ: Իրենք էլ են համոզվում, որ իրենք անմշակույթ, անտրադիցիա, գառնարածների կաստա են, որոնք առավել շատ նման են իրենց կողմից խնամվող բառաչող կենդանիներին: Վատը այստեղ ոչ թե նման տեսակի գոյությունն է, այլ այն, որ իրենց հինավուրց և բարձրաշխարհիկ ազգ են հորջորջում տարբեր միջազգային ամբիոններում: Մենք շատ ուրախ ենք, որ Ադրբեջանում կենսաձևը պրիմիտիվության այս աստիճանին է: Նյութի աղբյուր՝ https://www.facebook.com/vahagnavan/posts/1606680046039096

    Կարդալ ավելին

Քաղաքականություն

  • /uploads/photos/fpYnd27OTQo7V78FHkXc.jpg

    Հրաշալի լուրեր են գալիս Սոֆիայից։ Մարտի 26-ին Բուլղարիայում տեղի ունեցած խորհրդարանական ընտրություններում տեղի թուրքերի կողմից ձևավորված և Անկարայի կողմից պաշտպանվող և հովանավորվող DOST կուսակցությունը Լյուտվի Մեսթանի գլխավորությամբ չի կարողացել հաղթահարել անցողիկ 4%-ոց արգելքը. հավաքելով ընդամենը 2,8%՝ պարտություն է կրում և չի հայտնվում խորհրդարանում։ Այս մասին վկայում են exit poll-ի տվյալները, ըստ որի՝ 4%-ոց արգելքը հաղթահարել են «ГЕРБ» կուսակցությունը, որն ստացել է 32,8%, Բուլղարիայի Սոցիալիստական կուսակցությունը՝ 28,4%, իր հակաթուրքականությամբ հայտնի «Միացյալ հայրենասերները»՝ 8,8%, «Ազատությունների և իրավունքների համար շարժումը»՝ 7,8 % և «Воля»-ն՝ 4,6%։ Նեոօսմանականության և պանթուրքիստական քաղաքականության ջատագով, Թուրքիայի բռնապետ Ռեջեփ Էրդողանը մեկ տարի էլ նախապատրաստվում էր Բուլղարիայում կայանալիք խորհրդարանական ընտրություններին։ Հենց Էրդողանի հովանավորությամբ էլ անցյալ տարվա ապրիլին ձևավորվեց DOST կուսակցությունը, որի նպատակն էր ստանալ Բուլղարիայում բնակվող թուրքերի և այլ մահմեդականների ձայները։ Իսկ դա կազմում է բնակչության 10%-ը։ Գործը հասել էր նրան, որ թուրք նախարարները և պաշտոնյաները բացեիբաց զբաղված էին DOST-ի գովազդով և ոչ միայն բուլղարաբնակ թուրքերին էին կոչ անում ձայնը տալ Անկարայի հովանավորյալ կուսակցությանը, այլև Թուրքիայում բնակվող 60 հազար բուլղարացիներին էին համոզում քվեարկել DOST-ի օգտին։ Պաշտոնական Սոֆիան կտրուկ պատասխանեց Թուրքիայի էմիսարների՝ երկրի ներքին գործերին միջամտելուն և Անկարայից հետ կանչեց Բուլղարիայի դեսպանին։ Սակայն Էրդողանի նմանը շարունակում էր իր հակաբուլղարական քաղաքականությունը՝ փորձելով Բուլղարիայի նոր խորհրդարանում տեսնել իր սեփական կուսակցությանը, որին նա դիտում էր որպես հինգերորդ շարասյուն հարևան երկրում, որն անհրաժեշտության դեպքում Անկարայից ստացած հրահանգները ի կատար կածեր, նույնիսկ եթե դրանք վնասեին Բուլղարիայի պետականությանը։ Էրդողանը չի էլ թաքցնում, որ նա Բուլղարիան դիտում է որպես ապագա թուրքական կայսրության բաղկացուցիչ մաս։ Սակայն ամեն ինչ բարվոք ավարտվեց։ Էրդողանի ապօրինի ծնունդ DOST-ը չանցավ Բուլղարիայի խորհրդարան։ Սա Էրդողանի հերթական պարտությունն էր եվրոպացիներից և եվրոպացիների հերթական հաղթանակը բարբարոս և աներես թուրքերի նկատմամբ։ Նյութի աղբյուր՝ https://www.facebook.com/gagik.hambaryan/posts/1306882659395680

    Կարդալ ավելին