• Նարեկ Մալյան
  • Սա հիանալի նորություն է, արաբական հրատարակչությունը գովազդում է իմ «Զրոյական Կետ» վեպը, որը մի քանի օրից կլինի արաբ ընթերցողի սեղանին։ Թարգմանեմ. «Սա վեպ է մի երկրից, որտեղ մենք երբեք չենք եղել։ Վեպում պատմվում է ասսասինների, խաչակրաց արշավանքների, ժամանակակից Փարիզի մասին, իսկ վերջում ընթերցողը ճամփորդում է Եգիպտոս և... Կարո՞ղ եք գուշակել, որ երկրի մասին է խոսքը։ Դա նախկին Սովետական պետություն է, դա մի լեռնային երկիր է, որը սահմանակից է Թուրքիայի և վրաստանի հետ»։ Նյութի աղբյուր՝ https://www.facebook.com/narek.malyan/posts/2235022186526000 ...

    Կարդալ ավելին
  • Վերջին օրերին համացանցում, ԶԼՄ-ներում և Երևանյան «բեսեդկաներում» բուռն քննարկման առարկա է դարձել օգոստոսի 29-ին Էրեբունի վարչական շրջանում իրականացված վնասազերծման գործողությունը: Առանձնացրել եմ ավելի հաճախ հնչող հարցերը: 1. Հնարավոր չէ՞ր չսպանել։ Միանգամից ասեմ, որ ոստիկանությունը պատանդ վերցրած անձին սպանելու նպատակ չի ունեցել: Խնդիր է դրվել վիրավորել ուսը, որպեսզի ձեռքն անշարժացվեր, որովհետև նրա գործողություններն ավելի ու ավելի վտանգավոր էին դառնում պատանդի կյանքի համար: Ասվածի վկայությունն առկա է տեսանյութերում. նույնիսկ ոչ պրոֆեսիոնալը կարող է տեսնել, որ պատանդառուի գլուխն ու պարանոցը բաց են և կներեք, որպես թիրախ ավելի հարմար դիպուկահարին, բայց նշանակետը եղել է ուսը: Այնպես որ, խնդիրը պատանդին սպառնացող վտանգը նվազեցնելն է եղել և՝ ո՛չ մահացու եղանակով, պարզապես ուսագոտու շրջանի երակները խիտ են ու խոցելի և ըստ իս, արյունատար անոթի վնասումն է դարձել մահվան պատճառ: Դատաբժշկական եզրակացությամբ, կարծում եմ, կտրվի այս հարցի հստակ պատասխանը: 2. դիպուկահարի՝ բազմության մեջ աշխատելը Ինչ վերաբերում է դիպուկահարի՝ բազմության մեջ աշխատելուն, ապա նրա նպատակը առանց մարդկանց վնասելու իր խնդիրը կատարելն է: Ինչ վերաբերում է կոնկրետ գործողությանը, ապա պատանդ վերցնողը պատուհանից տեսնում էր ամեն ինչ, և տարածքում գտնվող քաղաքացիներին հեռացնելու դեպքում հաստատ կդիմեր գործողությունների, որոնք կվտանգեին պատանդի կյանքը: Խնդիր կար պահպանել փողոցի առօրյա վիճակը, որպեսզի պատանդառուի ուշադրությունը չկենտրոնանար նշանառուի ուղղությամբ և դա պատանդին սպանելու առիթ չհանդիսանար։ Կարծում եմ՝ հարցին պետք է նայել այլ տեսանկյունից. Դրվել է խնդիր, դիպուկահարը կատարել է փայլուն՝ առանց տարածքի մարդկանց ու պատանդին վնասելու: 3. բանակցությունների արդյունավետությունը: Հայտնի է, որ բանակցությունները տևել են մեկ ժամից ավելի, և ընթացքում պատանդ վերցրած անձը որևէ կոնկրետ պահանջ չի ներկայացրել, ընդամենը արտահայտել է ինչ-որ ոչ ադեկվատ ցանկություններ, և անգամ երբ դրանք կատարվել են բանակցողների կողմից, պահանջել է չմոտենալ: Այնպես որ, դասական իմաստով բանակցություններ չեն եղել ի սկզբանե, իսկ պատանդին սպառնացող վտանգը չափազանց իրական էր: Իհարկե, անգամ իմ այս վերլուծությունները նախնական են. վերջնական ու պրոֆեսիոնալ վերլուծությունը կտան մասնգետները: Ուստի հորդորում եմ զինվել համբերությամբ և սպասել համալիր փորձաքննությունների ամփոփիչ եզրակացությանը: 4. Ի դեպ, հիմա էլ խոսակցություններ են գնում երկրորդ կրակոցի մասին։ Այո, դա նման իրավիճակներում գործադրվող պրոֆեսիոնալ միջոց է և կիրառվել է անգնդակ կրակոցի ձայնով վիրավոր պատանդառուի ուշադրությունը շեղելու նպատակով, կրկին ելնելով պատանդի կյանքին սպառնացող վտանգի իրական չափից: Նյութի աղբյուր՝ https://www.facebook.com/narek.malyan/posts/1795972773764279 ...

    Կարդալ ավելին
  • Խնդրում եմ ներեք, որ փրկեցինք պատանդ աղջկան... Մյուս անգամ, որ ձեզ կամ ձեր հարազատին պատանդ վերցնեն՝ կմտնենք ֆեյսբուք, կնայենք ձեր քոմենթներն ու ոնց ասեք, այդպես կանենք։ Նյութի աղբյուր՝ https://www.facebook.com/photo.php?fbid=1794065220621701&set=a.385206164840954.105961.100000547216314&type=3&theater ...

    Կարդալ ավելին
  • Ցանկացած հանցագործ ունի իր արդարացումը։ Մեկը գողությամբ երեխա է պահում, մյուսը՝ իր ինքնասիրությունը վիրավորողին է սպանել, մեկ ուրիշը համոզված է, որ այս իշխանությունների օրոք գնահատված չի և սպանում է իր հետ անհամաձայն մարդկանց, մյուսը մեքենայով շտապում էր հիվանդ հոր մոտ, սակայն վրաերթով կյանք խլեց, մի ուրիշը օլիգարխի խանութն է կողոպտել, զենքով սպառնալով վաճառողին... Հավատացեք, բոլոր հանցագործներն էլ ունեն սրտաճմլիկ (երբեմն ճշմարիտ) պատմություններ։ Իրավաբանականի առաջին կուրսում սովորեցնում են իրավական պետության այբուբենը։ Մարդուն իրավաբանը պետք է գնահատի բացառապես արարքով, այլապես ցանկացած հանցագործ իրեն կարող է համեմատել Սողոմոն Թեհլերյանի հետ, փողի համար ընկերոջը սպանածին կհերոսացնեն, որովհետև մարդասպանի սիրուհին ցանկանում է ամեն գնով իր սիրեկանին բանտից հանել, մեկ շնչին բաժին ընկնող «հերոսի» քանակով մեր երկիրը աշխարհում արդեն անվիճելի առաջատար է, իսկ արդարադատությունը բռնաբարվում է անբարեխիղճ պաշտոնյաների հուզիչ «սլիվերի» արանքում։ Մեր երկրում, ֆեյսբուքյան «դատավորներն» իրենք են որոշում հանցագործ է թե հերոս։ Ընդ որում արարքը երբեք չի քննարկվում։ «Այո սպանել է, բայց եկեք քննարկենք պատճառները...» այս դիսկուրսը մեխ է իրավական պետության դագաղին։ Նյութի աղբյուր՝ https://www.facebook.com/narek.malyan/posts/1761274853900738 ...

    Կարդալ ավելին
  • Վաղ առավոտից մարդիկ գալիս էին ՊՊԾ գունդ իրենց զորակցությունը հայտնելու սպանված ոստիկանների հարազատներին և ծառայակից ընկերներին։ Ընդհանուր առմամբ մոտ 10 ժամ տևած՝ (կեսօրից մինչև 22։00-ի կողմերը) մարդկանց հոսքը, ըստ ծաղիկների հսկայական սարի անցնում էր 25 000-ը։ Այս իրողությունը անթաքույց հաճելի էր անձամբ ինձ, քանի որ միշտ մտավախություն ունեի, ֆեյսբուքյան գաղջը իրական կյանքում տեսնելու։ Սակայն Փառք Աստծո այն ինչ ես այսօր տեսա անչափ հուսադրող և ոգևորող էր։  Հ.Գ. Աչքովս ընկավ, ինչ որ մարդկանց փորձեր այսօրվա խորհուրդը «հարամելու» նպատակով իբր մարդկանց «զոռով» բերելու մասին տարածած տխմարությունները։ Բերեք գոնե ՄԵԿ մարդու կոնկրետ օրինակ ով սրտանց չէր մասնակցում և ես կգրեմ հրաժարականիս դիմումը։ ԿՈՆԿՐԵՏ ՄԵԿ ՄԱՐԴ Նյութի աղբյուր՝ https://www.facebook.com/narek.malyan/posts/1747806608580896 ...

    Կարդալ ավելին
  • 2003 թվականին աշխատում էի Ռազմական ոստիկանության ՕՀԲ հետախուզական բաժանմունքում: Մի գեղեցիկ ու արևոտ օր օպերատիվ ինֆորմացիա ստացվեց, որ զորամասերից մեկի հրամանատարը հանցավոր պայմանավորվածության է եկել բենզալցակայաններից մեկի տիրոջ հետ ու իր զորամաս բերվող ամսական բենզինի ահռելի մասը նույն օրը մեքենաները բարձած տանում, հանձնում է այդ բենզալցակայան (այդ ժամանակ բենզինը առձեռն էին ստանում, ոչ թե կտրոնով): Մի խոսքով՝ օպերատիվ խմբի կազմում գնացի, դարանակալեցի ու բանակի բենզինի ապօրինի վաճառքի պահին, հենց տեղում ձերբակալեցինք հրամանատարին ու մասնակից էլի մի քանի հոգու:  Երբ օպերատիվ գործողությունից վերադառնում էինք վարչություն, ճանապարհին մտածում էի: Չէ, այդ գող հրամանատարի մասին չէի մտածում, հավատացեք, գողեր ամեն տեղ ու ամեն ժամանակներում եղել են: Ես մտածում էի բենզալցակայանի տիրոջ մասին: Փորձում էի պատկերացնել գողի ու նրա երկխոսությունը: - Ախպեր ջան, մեր հայակական բանակից գողացած բենզին կա, կարո՞ղ ա ուզես։ - Էժան տաս, իհարկե, կուզեմ ու մեկ էլ, ինչքան հնարավոր ա, մեծ քանակ բեր: Հասկանում եք, որևէ նորմալ, քաղաքակիրթ երկրի բանակում որևէ գող հայտնվի ու փորձի բենզալցակայանի տիրոջը իր իսկ երկրի բանակից գողացած բենզին առաջարկի, նրան իսկույն կհանձնեն ոստիկաններին որպես թշնամու գործակալ: Որովհետև միայն թշնամու գործակալը կարող է ներսից թալանել, թուլացնել, քանդել պետությունը, իսկ նմանների նկատմամբ պետք է լինել ԱՆՀԱՆԴՈՒՐԺՈՂ: Իհարկե, հեշտ է լինել հանցագործ ենթամշակույթի կրող ու պատասխանատվությունը շուռ տալով իրավապահների վրա հով ու երջանիկ ապրել: Դժվար է սեփական երկրում մեծ շաբաթօրյակ կազմակերպել ու սկսել հենց սեփական տնից ու բակից: Նյութի աղբյուր՝ https://www.facebook.com/narek.malyan/posts/1698707863490771 ...

    Կարդալ ավելին
  • Նոր մի դեպք տեղի ունեցավ, որը խորհրդանշում է հասարակական խնդիրների փունջ։ Մաշտոցի պողոտայում՝ օպերայի դիմացի մայթին, միջին տարիքի մի տղամարդ շատ ուժեղ ապտակեց մի կնոջ։ Մոտեցա, ձեռքերը ոլորեցի։ Տղամարդը սկսեց ամբողջ փողոցով գոռալ, որ ինքը ոստիկանության աշխատող է և պահանջում էր բաց թողել իրեն։ Պարզվեց «Արտաշի մոտ» ռեստորանի «ստայանշիկն» էր։  Ամենատարօրինակը այն էր, որ երբ արդեն իսկական ոստիկանները զբաղվեցին այս միջադեպով, խրոխտությունը միանգամից կորավ ու ինձ հարցնում էր. -Ախպեր ի՞նչ ես ուզում, իմ կնգան ես իրավունք չունե՞մ տփեմ։ Նյութի աղբյուր՝ https://www.facebook.com/narek.malyan/posts/1695908093770748 ...

    Կարդալ ավելին
  • Հանրային իրազեկում ՀՀ կառավարության կողմից ոստիկանությանը խնդիր է առաջադրվել արտաքին ծառայության ուժերով ապահովել չնախատեսված վայրերում աղբ թափելու դեպքերի կանխարգելումը: Ոստիկանությունը սկզբունքային, հետևողական ու խստապահանջ է լինելու այս խնդրի իրականացման գործում: Միևնույն ժամանակ, մեր համաքաղաքացիներին կոչ ենք անում այսօրվանից իսկ ընդգրկվել «Մաքուր Հայաստան» ծրագրում, օժանդակել իրավապահներին՝ բացառելու ճամփեզրերին, բնակավայրերում, հանգստի և ժամանցի գոտիներում աղբ թափելու դեպքերը: Տեղական ինքնակառավարման մարմիններին, ձեռնարկատերերին, առևտրի և սննդի կետերի, հանգստի վայրերի տնօրեններին առաջարկում ենք առկա բոլոր միջոցներով և առավելագույնս կարճ ժամանակում իրականացնել տնօրինած տարածքների մաքրման աշխատանքն ու կանխել աղբ թափելու դեպքերը: Ոստիկանությունը լիահույս է, որ «Մաքուր Հայաստան» ծրագրի իրականացման գործում կունենա պատկան մարմինների և իրավագիտակից քաղաքացիների լիարժեք աջակցությունը, իսկ օրինազանցները կենթարկվեն վարչական իրավախախտման համար նախատեսված պատասխանատվության: Համատեղ ու գործով հավաստենք առ Հայաստան մեր սերը, մեր ճանապարհներին, մեր քաղաքներում ու գյուղերում ապահովենք մեր երկրին ու ժողովրդին վայել մաքրություն: ՀՀ ոստիկանություն Նյութի աղբյուր՝ https://www.facebook.com/narek.malyan/posts/1640462675981957 ...

    Կարդալ ավելին
  • Այսօր գնդապետ Արթուր Վանոյանը կդառնար 50 տարեկան։ Կդառնար եթե նրան չսպանեին... Հոգուդ լույս իջնի էս Զատիկ օրով։ Նյութի աղբյուր` https://www.facebook.com/photo.php?fbid=1635195413175350&set=a.385206164840954.105961.100000547216314&type=3&theater ...

    Կարդալ ավելին
  • «Ելք» դաշինքից ահազանգ ստանալով ոստիկանները անմիջապես ժամանել են պարոն Փաշինյանի ասած վայրը, սակայն միջադեպի մասնակիցները հարավ արևմտյան թաղամասից շարժվել էին կենտրոնի ուղղությամբ։ Ոստիկանները կապ էին հաստատել Նիկոլ Փաշինյանի հետ որպեսզի մոտենան։ Ի վերջո ոստիկանների և պարոն Փաշինյանի հանդիպումը տեղի ունեցավ Հարավ արևմտյան թաղամասում, միջադեպի տեղում։ Ինքս անձամբ եղա թե Տերյան փողոցում և թե Հարավ Արևմտյան թաղամասում, որտեղ տեղի էր ունեցել միջադեպը։ Հանդիպեցի պարոն Փաշինյանին, հասցրեցինք նույնիսկ մի քանի բառ փոխանակել։ Արձանագրված միջադեպով զբաղվում է ոստիկանության Մալաթիայի բաժինը, հանգամանքները պարզվում են։ Ոստիկանության արձագանը ի սկզբանե եղել է օպերատիվ։ Նյութի աղբյուր՝ https://www.facebook.com/narek.malyan/posts/1614384431923115 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին