• Սարգիս Բալայան
  • Օրեր առաջ Հայաստան՝ իբրև թե վերադարձած, սակայն իրեն այստեղ զբասաշրջիկ զգացող և այլ արտասահմանցի զբոսաշրջիկների հետ միասին տուրիստական ավտոբուսով Գյումրի գնացած՝ «Ժառանգության» առաջնորդ Րաֆֆի Հովհաննիսյանը փաստորեն իսկապես որ որպես տուրիստ էր եկել, որովհետև ինչպես եկել էր, այդպես էլ նորից գնաց: Այս անգամ վստահաբար կարող ենք ասել, որ Րաֆֆին ոչ թե մեկնեց ԱՄՆ այլ վերադարձավ ԱՄՆ՝ իր հայրենիք, վերադարձավ հերթական տուրիստական ուղևորությունից: Եթե նախկինում մարդը փորձում էր ինչ-որ ձևով քողարկել իր՝ Հայաստանը չսիրելը և իրեն՝ հայաստանցի, հայ չզգալը, ապա հիմա այլևս քողարկելն անիմաստ է, և Րաֆֆին ամեն ինչ բացահայտ է անում՝ նույնիսկ իր վաղեմի ընկերոջ՝ «Նոր Հայաստանի» շտաբի ղեկավար Ժիրայր Սեֆիլյանի ձերբակալությունը նրան չի հուզում, ավելին՝ վերջին շրջանում արգելել էր նաև «Նոր Հայաստան»-ի ժողովներ անցկացնել «Ժառանգության» գրասենյակում: Հավանաբար Րաֆֆին արդեն ամբողջությամբ վստահում է իր սիրելի Զառային, և վստահում է նրան նաև գործնական, կուսակցական հարցերը, ուստի ինքը հանգիստ կարող է ապրել իր հայրենիքում՝ ԱՄՆ ում, քանի որ Զարուհին իր փոխարեն այստեղ «տիրություն» կանի կուսակցությանը (եթե, իհարկե, այն, ինչ մնացել է «Ժառանգությունից», կարելի է անվանել կուսակցություն): Դե Րաֆֆին էլ մեկ-մեկ մի քանի օրով կգա տուրիստական այցի, կշրջի ավտոբուսներով, կուսակցություն կղեկավարի: Նյութի աղբյուր՝ https://www.facebook.com/photo.php?fbid=1732162737065672&set=a.1387708084844474.1073741829.1000081588 ...

    Կարդալ ավելին
  • «Ժառանգության» առաջնորդ Րաֆֆի Հովհաննիսյանը կարծես թե սկսել է ահավոր չսիրել Հայաստանը, եթե իհարկե առաջ սիրում էր: Առաջ ժամանակ առ ժամանակ մեկնում էր ԱՄՆ դրամահավաքների, իսկ հիմա հակառակը` հիմնականում ԱՄՆ-ում է և ժամանակ առ ժամանակ գալիս է Հայաստան, այն էլ այնպես աննկատ է գալիս ու աննկատ էլ գնում, որ չես էլ հասցնում հասկանալ, թե ինչու եկավ այս մարդը: Մի քանի օր առաջ էլ աննկատ հայտնվեց, հարցազրույց տվեց, նույնիսկ հեռուստաէկրանին երևաց, հետո էլ մասնակցեց հոր գրքի շնորհահանդեսին ու նորից անհետացավ: Իսկ Րաֆֆիի անհայտանալու վայրը որպես կանոն անփոփոխ է` ԱՄՆ: Հիմա էլ Րաֆֆին արդեն 2-3 օր է այնտեղ է:  Չէի ասի, թե հայ ժողովուրդը ծանր է տանում Րաֆֆիի բացակայությունը կամ նույնիսկ նկատում է, բացի, իհարկե, մեկից, ով կարծես թե չի կարողանում երկար դիմանալ… Խոսքը Զարուհի Փոստանջյանի մասին է, այն հոգատար Զառայի, ով նույնիսկ այնքան էր հոգ տանում Րաֆֆիի մասին, որ վերջինիս բերում էր ամուսնու ատամնաբուժարան և ատամներն էր սարքել տալիս: Իսկ հիմա Րաֆֆին նրա համար էլ դարձել է դժվար հասանելի: Բայց Զառան իրեն չի կորցնում, նա միշտ կարողանում է ելք գտնել իրավիճակից: Տեսեք, իմացավ, որ Րաֆֆին ԱՄՆ է գնացել, միանգամից կազմակերպեց իր համար «աշխատանքային այց» Լոս Անջելես, որտեղ պետք է հանդիպի հայ համայնքի ներկայացուցիչների հետ: Նաև պետք է արձանագրեմ, որ Զառան շատ տաղանդավոր կազմակերպիչ է, այդ գործը նրա մոտ հիանալի է ստացվում: Իսկ մանավանդ երբ կա ստիմուլ, երբ կա ձիրք, ցանկություն, նպատակ` դա ավելի է բարձրացնում նրա կազմակերպչական ունակությունները: Այս ամենի նպատակը մեկն է, մեկնել ԱՄՆ, որտեղ Րաֆֆին է… Նյութի աղբյուր՝ https://www.facebook.com/photo.php?fbid=1722379608043985&set=a.1387708084844474.1073741829.1000081588 ...

    Կարդալ ավելին
  • Դեռ մինչև վերջերս, հետևելով Րաֆֆի Հովհաննիսյանի շրջագայությանը ԱՄՆ-ում՝ մենք գիտեինք, թե Հայաստանում հեղափոխություն անելն արժի 50 հազար դոլար, որովհետև Րաֆֆին այնտեղ այդքան էր կարողացել հավաքել: Բայց օրերս, երբ Րաֆֆին մեկնեց Ֆրանսիա, պարզվեց, որ հեղափոխության գինը 50 հազար չէ, այլ ավել է, 50 հազարը քչություն կանի: Րաֆֆիին Փարիզում շտապ փող հավաքել էր պետք, ուստի ըստ մեր աղբյուրների՝ մեր հեղափոխական առաջնորդը այնտեղ կապնվել է «Նոր Հայաստանի» բարեկամ-հովանավորներից Շանթ Ոսկերչյանի հետ, ով Րաֆֆիի համար դահլիճ է վարձել, որպեսզի վերջինս այնտեղ հանդիպում անցկացնի տեղի հայերի հետ: Ում կարողացել՝ հրավիրել են, բայց արի ու տես՝ հսկայական դահլիճում ընդամենը 35-40 մարդ է հավաքվել: Բայց դե մեր Րաֆֆին սովոր է քիչ մարդկանց առջև ելույթներ ունենալուն և 35-40-ն էլ են նրա համար լուրջ թիվ, ուստի սուր քաղաքական ելույթ է ունեցել, բողոքել է ՀՀ իշխանություններից, ընդգծել է Հայաստանում հեղափոխություն անելու անհրաժեշտությունը և ասել է, որ այդ հեղափոխություն անող «փրկիչը» ինքը կարող է լինել, իսկ իրեն դրա համար փող է պետք, փող, միայն փող:  Արդյունքում հանդիպում-դրամահավաքը անցել է ապարդյուն, քանզի ներկա գտնվոեղ հայերը հիմնականում եղել են սոցիալապես անապահով խավից: Նյութի աղբյուր՝ https://www.facebook.com/photo.php?fbid=1672956256319654&set=a.1387708084844474.1073741829.10000815 ...

    Կարդալ ավելին
  • Ընդդիմադիրի աշխատանք Հայաստանում, կրոնական-աղանդավորական կազմակերպություններ, 7-օրյա «սովաբուժության կուրս», դարակազմիկ աղոթք Ծիծեռնակաբերդում, 4 ու կես հոգանոց հանրահավաքներ, ավտոբուս, վարսավիրանոց, թաղում, գինարբուք, պոռնոֆիլմի դիտում սեփական կաբինետում երեկոյան, ատամնաբուժարան հանուն մի կնոջ, ԱՄՆ-ում ալկոհոլի ազդեցությունից բուժման կուրս, նորից թաղում, պոռնո, 3 ու կես հոգանոց հանրահավաքներ, և վերջում՝ Ամանոր ԱՄՆ-ում. սա Րաֆֆի Հովհաննիսյանի կյանքի «կատաղի» ռիթմն է: Հիրավի, բուռն ու ստեղծագործ մի կյանք՝ լի «բադասխանների» ու հրաժարականների պահանջով: Երևի ոմանք կհիշեն, որ այս տարվա մայիսին Րաֆֆի Հովհաննիսյանը գնաց Թուրքիա: Պարզվում է՝ թուրքերն էլ իրենց «րաֆֆին» ունեն, որի անունն է Էսրև Քան, և որի հետ մեր Րաֆֆին այնտեղ ծանոթացավ: Թուրքական «րաֆֆին» պակաս հետաքրքիր կերպար չէ՝ Թուրքիայի քաղաքացի է, «Քրդական ժողովուրդների դեմոկրատական կուսակցության» անդամ է, միաժամանակ նաև սերտ կապեր ունի ՀՀ-ում գործող որոշ կրոնական-աղանդավորական կազմակերպությունների հետ: Չգիտեմ, իհարկե, Էսրև Քանը պոռնո նայո՞ւմ է, «զառչկա» ունի՞, 7 օր սով պահո՞ւմ է կամ հրապարակային «նամազ» անո՞ւմ է, թե՞ ոչ, բայց դե որ մեր Րաֆֆին նրա հետ ծանոթացել ու մտերմացել է, ուրեմն հավանաբար մի բան գիտի: Վերջիվերջո, «նմանն զնմանին կսիրե»: Թե կոնկրետ ինչ ծրագրեր են միասին իրականացնում իրար հանդիպած այս երկու «հարազատ հոգիները»՝ ստույգ չգիտեմ, բայց կարելի է ենթադրել, օրինակ, որ մեր Րաֆֆին թուրքական «րաֆֆիի» օժանդակությամբ ուզում է Արևմտյան Հայաստանում, իսկ ավելի կոնկրետ՝ Սասուն քաղաքում «Ժառանգության» գրասենյակ բացել:  Րաֆֆին հիմա էլ մեկնել է ԱՄՆ: Երևի իր ծրագրերում ԱՄՆ-ում ևս աղանդավորների հետ հանդիպելու մտադրություններ ունի կամ էլ նոր դրամաշնորհներ ձեռք բերելու ուղիներ է փնտրում՝ Ազատության հրապարակում «տաք ձմեռ» ապահովելու համար: Նյութի աղբյուր`https://www.facebook.com/photo.php?fbid=1658317731116840&set=a.1387708084844474.1073741829.100008158872984&type=3&theater&__mref=message_bubble ...

    Կարդալ ավելին

ՖԲՀ

  • /uploads/photos/qvmytUK0xT5aCPMMixu6.jpg

    Այսօր վերջնականապես համոզվեցի, որ պետք է օրենսդրական փոփոխություն լինի, ու ցանկացած աշխատանքի անցնելու համար պարտադիր պայման լինի IQ թեստը ու նվազագույն 80-90 գնահատականը։ Աշխատանքային հարցով մտել եմ մի դեղատուն։ Ներկայանում եմ, ասում եմ՝ ինչ հարցով եմ եկել և ասում եմ, որ հավանաբար այդ հարցով պետք է զրուցեմ տնօրենի հետ, ճշտում եմ՝ ինչպես կարող եմ դա անել։ Վաճառողուհին ինձ մոտավորապես «Բայց ավելի լավա ամառ, քան ձմեռ» կամ «Ես այս տարի ծիրան չեմ կերել» կարգի պատասխան է տալիս։ Բացատրում եմ, որ ես վաճառքի մենեջեր չեմ ու պատվեր չենք գրելու։ Մի տասը րոպե իմ ասածը ավելի մանրամասն բացատրելուց հետո զանգում է տնօրենին ու նրան ասում է իմ ասածի հետ իմաստով կապ չունեցող ինչ-որ բան։ Նույն գործողությունն անում է 3 անգամ։ Ամեն անգամ ասում է, որ ավելի լավ կլինի 4-5-ի կողմերը գամ, հնարավոր է՝ տնօրենն այնտեղ լինի կամ էլ մոտ օրերս մտնեմ, էլի հնարավոր է՝ այնտեղ լինի։ Տնօրենի համարը ինձ տալ չէր կարելի, նույնիսկ չէր կարելի այդ վաճառողուհու հեռախոսով հարց տալ տնօրենին։ Մոտ 40 րոպեում այդ «ինտելեկտուալ» աշխատողի միջոցով մոտ 20 րոպե հեռախոսով խոսացող խիստ զբաղված նրա տնօրենից չկարողացա ճշտել՝ նրանք համագործակցում են մեր ընկերության հետ, թե ոչ։ Իսկ մեր ընկերության բրենդները հնարավոր չէ չճանաչել, քանի որ դրանք ամենահայտնիներն են աշխարհում։ Դրա համար էլ 15-20 քմ-ոց դեղատունը կիսադատարկ էր, ու հասկացա, թե ինձնից առաջ մտած հաճախորդը ինչու էր բարկացած դուրս գալիս իմ մտնելու պահին։ Նյութի աղբյուր՝ https://www.facebook.com/davitgevorkyan/posts/1320947864670053

    Կարդալ ավելին

Քաղաքականություն

  • /uploads/photos/RmHr3HLMoSfQuSO8U6cE.jpg

    Հայաստանի ունիկալությունը կայանում է նրանում,որ ի տարբերություն Հետսովետական մնացած երկրների,այս երկիրը միակն է,որտեղ հանրության պատկերացումները պետական գրեթե բոլոր ոլորտների վերաբերյալ հասցված են մինիմումի։ Ասել կուզեմ՝ տեսլական չկա։ Ու սա տեղի չի ունեցել մի օրում,ավելի շուտ ձևավորվել է 25 տարվա քաղաքական իրողությունների հիման վրա։ Անցյալ տարի ապրլյան պատերազմի,հուլիսյան դեպքերի,դրան նախորդող՝ 2013-ի հայտնի մեկ գիշերվա ու 2015 «Ծառուկյան օպերացիայի» ժամանակ, «ինչու չի խոսում Սերժ Սարգսյանը» նախադասությունը եղել է լրատվականների,սոցիալական ցանցերի ու մամուլի առաջին էջերում։ Միջազգային պրակտիկայում,երկրում տեղի ունեցող ցանկացած ցնցումից հետո նախագահը անմիջապես դիմում է կոչով հանրությանը ու այդ խոսքը կարող է էական դեր խաղալ տրամադրություններ զսպման համար։ Որովհետև մարդիկ խոսքի սպասում են ու դրանից է շատ ժամանակ կախված նրանց հետագա վարքագիծը։ Ֆրանսուալ Օլանդի վարկանիշը ինչքան էլ ցածր լիներ,Էմմանունել Մակրոնի հաղթանակի ամենամեծ գրավականներից մեկն էլ արդեն նախկին նախա+գահի աջակացությունը ստանալ էր,որովհետև այստեղ գործ ունենք ինստիտուտի,ոչ թե անձի հետ։ Դառնանք Հայաստանին։ Հիմա պատկերացրեք 2013 թվականին Սերժ Սարգսյանը հայտրարարում է հանրաքվե՝ եԱՏՄ թե Եվրոմիություն։ Եվ Հայաստանի բնակչության 65 տոկոսը (եթե սխալ եմ ուղղեք) համաձայնվում է ոչ միայն դառնալ ԵԱՏՄ անդամ,այլև Ռուսաստանի երկրամաս։ Եթե կասկածում եք սույն դիագնոզին,կարող եք շրջել Հայաստանի մարզերում,քաղաքներում,ինչպես նաև մոնիտորինգ անել թե գերտերություններից և որ բևեռն է առավել ուժեղ հետաքրքրություն ցուցաբերել Հայաստանի նկատմամբ՝ ժողովրդական լեզվով ասած՝ վիզ դրել։ Ապրիլյան դեպքերի ժամանակ,երբ ափալ-թափալ ամբողջ հայությունը լցվեց Ստեփանակերտի հրապարակներ, սահմանում թուրքերին թողած՝ հայ -հայ իրար էին մոռթում,մինչդեռ գոյություն ունի պետության անվտանգությունը կազմակերպող մեկ մարմին՝ բանակ,որը և լավ վատ կատարաում էր իր վրա դրված պատրականությունը։ եվ այլն։ Ու այս ֆոնին առանց այն էլ տարին 200 բառ խոսող Սերժ Սարգսյանը ենթադրենք կանգնում է ու ասում՝ «սիրելի ժողովուրդ՝անշուշտ ձեր ընտրությունն էր միանալ Ռուասաստանին,որով որ դուք վերջ դրեցիք յաբախտի ձեռք բերած անկախությունը։ Սիրելի կամավորներ,անշուշտ,ստիպված եմ ձեզ գնդակահարել,որովհետև եթե հրաման չեմ տվել գնալ սահման,դուք այդ քանի գլուխ ունեք,գնանք առաջնագիծ ու մայմունություն անեք։ Սիրելի Պավլիկ, 2008 թվականին,երբ ընտրատեղամասում ինձ համար դոշ էիր տալիս ու մարդ ծեծում,անշուշտ այդ ժամանակ ես պետք է քեզ մեկուսացնեի ասպարեզից,որ այսօր վաղը դու հանձը չառնես առանց այն էլ երկու ոտքից հիվանդ պետությանը անդամահատելու «ծանրագույն» գործընթացը»։ Դեհ չի խոսում մարդը,լուռ վերցնում է դրանք իր վրա,խոսի ինչ անի,՞ Լինչի դատաստանի ենթարկեն՞։ Եվ հիմա,երբ Հայաստանում դեսպանների աննախադեպ ակտվիություն է նկատվում,ԱՄՆ դեսպանը սկսել է խոսել միլիարդների ներդրումների,այն էլ որտեղ՝ էներգետիկ ոլորտում, Եվրոմիության դեսպանը սկսել է խոսել Հայաստանի անկախությանը սպառնացող իրական պատվիրատուին փնտրել,Սարգսյանը նորից լռում է։ Լռում է,ոչ թե նրա համար որ ասելիք չկա,այլ նրա համար,որ ցավոք սրտի մեր երկրում այդպես է չձևավորվեց խոսելուց առաջ գոնե մեկ րոպե մտածելու ավանդույթը։ Փոխարենը մեծանում է Հայաստանի վրա կատարվող խաղադրույքը։ Ռազմավարական դաշնակցի աշխարհաքաղաքական հոգեվարքը 2018-ին մտնելու է ամփոփիչ փուլ,որից երևի թե կսկսվի անկախ Ռուսաստանի ամենամեծ դեպերսիան (ընտրությունները ֆիկտիվ բնույթ են կրում,ավելի շատ համակարգի ճգնաժամ)։ Դեռ պարզ չէ ԱՄՆ-ի մետեցումը տարածաշրջանում կատարվող իրադարձություններին, սակայն միլիարդավոր գումարների մասին են խոսում, Սվիտալսկին չեղած տեղից յոթ միլիոն է քերում Հայաստանի համար ու անկախ Վահրամ Բաղդասարյանի բլթոցներից հայտարարում, որ ամեն դեպքում քաղաքական համագործակցություն է ստորագրվելու... Անշուշտ լուրջ կորուստ է Աշոտյանը,ով այսպիսի հարցերում կարողանում էր գոնե չնեղացնել դեսպաններին,սակայն ամպլուայի փոփոխությանը այլընտրանք չկար,իսկ կադրային սովը ստիպում է մնալ բաղդասարյանների հույսին։ Սա իհարկե նոր ֆորս մաժոռի հավանակությունը ոչ միայն չի քչացնում,միգուցե ինչ-որ տեղ բարձրացնում է,բայց ցավոք սրտի այլ տրաբերակ էլ կարծես չի մնում։ Հ.Գ. Ժամանակին Վանո Սիրադեղյանը, արդեն հետախուզման մեջ գտնվելու տարիներին ՀԺ-ի լրագրողի հարցին,թե ինչու այնուամենայնիվ հենց իր հանդեպ հետապնդումներ սկսվեցին,պատասխանել էր՝ «է, հա բա ում հանդեպ սկսվեր»։ Նյութի աղբյուր՝ https://www.facebook.com/karen.hambardzumyan.3910/posts/262547627485637

    Կարդալ ավելին