Գովազդի համար զանգահարել 099 999 409
  • Արմեն Չիբուխչյան
  • Գրեթե բոլոր վերլուծություններն ու վերլուծաբանները Ռուսաստանի կամ ՀԱՊԿ-ի դեմ ընդվզման տարրեր հայտնաբերեցին այդ ելույթում: Իմ խորին համոզմամբ այդ ելույթում հակառուսական ոչինչ չկար,ավելին՝ վստահ եմ , որ ելույթը Մոսկվայի սրտով էր: Այս ելույթը իրականում Ղարաբաղի հետ այնքան էլ կապ չուներ, և պատահական չէր , որ Նազարբաևն ու Լուկաշենկոն մինչև վերջ սառնասրտորեն լռեցին: Բանն այն է , որ տարիներ շարունակ, երբ մենք ասում էինք , որ ՀԱՊԿ-ի մեր դաշնակիցները պարտավոր են արձագանքել ադրբեջանական կրակոցներին գոնե Հայաստանի սահմանամերձ գյուղերի ուղղությամբ, Ռուսաստանը Բելառուսը և Ղազախստանը արհամարական լռում էին , իսկ ռուսներն ու բելառուսները շարունակում էին զենք վաճառել ազերիներին: Ղազախներն էլ երբեք չեն թաքցրել, որ ազերիներին ազգակից, եղբայրական ժողովուրդ են համարում և երբևէ հակաադրբեջանական որևէ քայլ չեն անի: Սակայն երբ Թուրքիան ոչնչացրեց ռուսական ռազմական ինքաթիռը, Կրեմլը արժանացավ նույն արհամարական լռության իր դաշնակիցների կողմից, ինչպես մենք՝ տարիներ շարունակ. բելառուսները լռեցին , որովհետև չցանկացան ռուսների պատճառով արևմուքտի հետ ավելորդ լարվածության գնալ , ղազախների դրդապատճառները նույնն են ՝ թուրքերը իրենց եղբայրներն են: Բարեբախտաբար, մենք էլ կարողացանք դիվանագիտորեն լռել : Այսպիսով , ինչպես ժողովուրդն է ասում , ռուսների սրած բիզը ... դե գիտեք ուր մտավ )) Ռուսաստանը հասկացավ , որ իզուր է ՀԱՊԿ պահում , որովհետև ՀԱՊԿ պահվածքը միայն քմծիծաղ կարող է առաջացնել արևմուտքում: Եվ ահա, այս իրավիճակում հայկական կողմը ՀԱՊԿ-ի հասցեին Մոսկվայում նման գնահատականներ է հնչեցնում: Ավելին՝ Հունաստանի և ՆԱՏՕ-ի օրինակն էլ պատահական չէր բերված հենց ՍՈՒ 34-ի վերաբերյալ: Սա, ըստ էության, կշտամբանք էր՝ ուղղված Բելառուսին և Ղազախստանի Հայաստանի բերանով: Եվ ,ցավոք, այս օրինակով ռուսները նաև մասնակիորեն ստացան իրենց ուզածը , այսինքն Հայաստանը թեկուզև այսպիսի օրինակով , բայց դիրքորոշում հայտնեց ռուսական կործանված ինքնաթիռի վերաբերյալ : Ցավոք , Հայաստանին այս ամենից ոչինչ չհասավ , և մեզ կրկին թղթի շերեփով թողեցին; Եթե ես սխալվում եմ , ուրեմն հաջորդ իսկ միջադեպից հետո Հայաստանը պետք է դուրս գա ՀԱՊԿ-ից , քանի որ նման ելույթից հետո դա մինիմումն է , որ մենք պիտի անենք: Ինչպես հասկացաք , hակառուսական որևէ բան այստեղ փնտրելն անիմաստ է: P.S Այլ կայքերի համար նախատեսված չէ. Նյութի աղբյուր՝ https://www.facebook.com/armen.chibukhchyan/posts/1033062783413039 ...

    Կարդալ ավելին

ՖԲՀ

Քաղաքականություն

  • /uploads/photos/x3cwc9LbBSwds3XI5wNP.png

    Ինչպես հայտնի է, 18-ին ռուսական օդատիեզերական ուժերը թուրքական օդուժի հետ միասին իրականացրել են առաջին համատեղ ռազմագործողությունն «Իսլամական պետություն» ահաբեկչական կազմակերպության դեմ Սիրիայի Հալեպ նահանգի հյուսիսում՝ Ալ-Բաբ քաղաքի մերձակայքում: Ընդհանուր առմամբ, գործողությանը մասնակցել են ռուսական ԶՈՒ 9 և թուրքական օդուժի 8 միավորներ՝ հետախուզության կողմից կանխավ տրամադրված և կողմերի միջև փոխհամաձայնեցված ահաբեկչական կառույցի 36 թիրախների դեմ. գործողության մասին նախապես տեղեկացվել են նաև սիրիական իշխանությունները: Բացի ռազմական տեսանկյունից, այս ռազմագործողությունը բավական կարևոր է ինչպես քաղաքական, այնպես էլ սիրիական հակամարտության շրջանակներում կողմերի որդեգրած մոտեցումների մերձեցման և առարկայական արդյունքների ամրագրման առումով. փաստացի կերպով, այն իրականացվում է դեռևս հունվարի 12-ին Մոսկվայում ՌԴ ՊՆ-ի և Թուրքիայի ԶՈՒ ԳՇ-ի միջև ստորագրված համագործակցության հուշագրի հիման վրա: Ինչպես հայտնի է, Մոսկվայի և Անկարայի միջև կայացած ռազմական համագործակցության վերոնշյալ փորձը հաջորդել է կողմերի անմիջական հովանավորությամբ անցյալ տարեվերջին Սիրիայի տարածքում հաստատված և դեռևս գործող հարաբերական հրադադարի ռեժիմին, ինչպես նաև՝ առաջիկա օրերին Աստանայում կայանալիք միջսիրիական քաղաքական բանակցությունների նախօրեին. ասել է, թե այս իրողությունը փաստում է սիրիական հակամարտության շրջանակներում համագործակցության հարցում նախկին հակառակորդների սկզբունքային և հետևողական գործելաոճի մասին: Սա մի հանգամանք է, որը բացակայում էր Սիրիայի տարածքում նախկինում հաստատված հրադադարի տապալված փորձերի ընթացքում՝ հիմնականում ռուս-ամերիկյան պայմանավորվածությունների հիման վրա: Բացի նշվածից, ռուս-թուրքական համագործակցությունը և կողմերի հետևողական մոտեցումներն այդ հարցի շուրջ թույլ են տալիս կանխատեսելու, որ եթե այնուամենայնիվ, տարբեր պատճառներով՝ թե՛ ներսիրիական, թե՛ տարածաշրջանային կամ աշխարհաքաղաքական գործոններով պայմանավորված, Սիրիայում գործող ներկա հրադադարի ռեժիմն ու քաղաքական գործընթացը նույնպես տապալվեն, ապա առնվազն կողմերի միջև փոխհամաձայնեցված գործողություններն, անգամ համագործակցությունը կարող է շարունակվել՝ առնվազն երկկողմանի շահերի փոխադարձ ճանաչման համատեքստում. իսկ այդ իրողությունը որակապես նոր իրավիճակ կստեղծի Սիրիայի տարածքում առկա ուժային հավասարակշռության տեսնկյունից: Նյութի աղբյուր՝ https://www.facebook.com/armen.petrosyan.05/posts/1227951447242067

    Կարդալ ավելին