Գովազդի համար զանգահարել 099 999 409
  • VELO CLUB
  • Եկեք խեսենք մի հետաքրքիր փաստի մասին` ձմեռային երթևեկության: Չգիտես ինչու, մարդկանց գիտակցության մեջ չի տեղավորվում այն փաստը, որ հեծանիվը  բազմակողմանի տրանսպորտային միջոց  է, որը չի կորցնում իր արդյունավետությունն անգամ ձյան և ցրտի ժամանակ: Յուրաքանչյուր հեծանվորդ, ով ամբողջ տարին հեծանիվի վրա է, նկատած կլինի զարմանք այն մարդկանց դեմքին, ովքեր դա չեն անում․ Իսկ ինչու ձմեռը կարելի՞ է հեծանիվ վարել։ Ինչպե՞ս։ Ինչո՞ւ։ Ես ժամանակին կոտրել եմ այդ շաբլոնները, բացատրելով, թե ինչումն է  ձմռանը հեծանիվ վարելու հաճույքը, չնայած ինքս էլ մինչև վերջ չեմ հասկացել: Ուզում եմ անդրադառնալ այդ թեմայով մի քանի միֆերի: Միֆ 1. Հեծանիվը ամառային տրանսպորտային միջոց է,  ձյան և սառույցի վրա այն դառնում է անկառավարելի, բացի այդ, դժվար է քշվում, քանի որ յուղը սառչում է ցրտից: Ճիշտ է․ Մեր կլիմայում միշտ չէ, որ ձյուն է գալիս և ջերմաստիճանն իջնում է զրոից ցածր. սովորաբար այդպես է լինում տարվա մեջ մեկ-երկու ամիս, իսկ մնացած ժամանակ կարելի է երթևեկել առանց որևէ վերապահումների: Բայց նույնիսկ երբ գալիս է իսկական ձմեռը, ամբողջ տարին քշող հեծանվորդը փոխում է իր անիվները ձմեռայիններով (դրանք մի քիչ թանկ են, բայց երկար են ծառայում և հանգիստ կարելի է օգտագործել մի քանի սեզոն): Հեծանիվը ձմեռային անիվներով քշվում է բավականին հարթ, ղեկավարվում է բավականին կանխատեսելի, սակայն միշտ պետք է հիշել, որ ճանապարհները պատված են մերկասառույցով և երբեմն վտանգավոր են դառնում:  Միֆ 2. Եթե հեծանիվ վարեք ձմռանը, ապա շուտ կքրտնեք, շատ սառը օդ կշնչեք, կմրսեք և կհիվանդանաք: Ճիշտ է․ Քրտնարտադրությունն առաջին հերթին կախված է ուժեղ ֆիզիկական ծանրաբեռնվածությունից: Հեծանիվով ձմեռային երթևեկությունը կարելի է համեմատել դահուկ քշելու կամ վազքի հետ: Կարծես թե ոչ ոք չի վախենում հիվանդանալուց դահուկ քշելու գնալիս: Հեծանիվը նույնպես սպորտային միջոց է, որից օրգանիզմը միաժամանակ և հաճույք և օգուտ է ստանում: Սառելու և քրտնելու խնդրի լուծումը հեծանվային համազգեստն ու ժամանակակից թեթև վերնազգեստներն են, որոնք գոլորշիացնում են խոնավությունն ավելի արագ, քան այն կհասցնի սառեցնել մարմինը:   Միֆ 3. Ձմռանը հեծանիվ քշող մարդն աննորմալ երևույթ է մեր հասարակության համար։ Ճիշտ է․ Աննորմալ համարել այն, ինչը նոր է, նորմալ է մեր հասարակության համար։ Բոլորովին վերջերս մարդիկ աննորմալ էին համարում հեծանվային համազգեստով և սաղավարտով հեծանվորդներին, իսկ այժմ դա սովորական է դարձել։ Մինչդեռ ամեն մարդ ինքը պետք է որոշի՝ ինչ է իրեն դուր գալիս, իսկ հասարակությունը վաղ թե ուշ կհամակերպվի դրա հետ։ Ձմեռը հեծանիվ վարելու բացասական կողմերը` Իհարկե, ամեն ինչ այդքան ուրախալի չէ, ինչպես դա նկարագրում են ձմեռը հեծանիվ վարելու վառ կողմնակիցները: Կան նաև բացասական կողմեր: Հեծանիվն ավելի արագ է մաշվում ձմռանը: Ուշ աշնանը և ձմռան սկզբին հեծանիվի մեխանիզմները ավելի արագ են մաշվում, դա պայմանավորված է ջերմաստիճանի և այն զզվելի նյութերի բացասական ազդեցությամբ, որ այդքան առատորեն շաղ են տալիս մեր ճանապարհներին։ Թռչում են շղթաներն ու кассеты, գարնանը պետք է փոխել արագության կարգավորիչ լարերը: Բացի այդ ձմռանը էլ ավելի շատ ուշադրություն է պետք դարձնել ամորտիզացիային: Որոշ հեծանվասերներ ունեն առանձին ձմեռային հեծանիվ, որն այդքան էլ ցավալի չէ մաշել ձմռանը: Այնուամենայնիվ, ամեն ինչ այդքան էլ սարսափելի չէ, որքան թվում է, քանի որ ձմռանը վազքն ավելի քիչ է, քան ամռանը, ուստի տարվա կտրվածքով ծախսը հիմնականում նույնն է։ Առողջության խնդիրների վատթարացում Շատ սառը օդից, որը ստիպված ես ինտենսիվորեն շնչել ձմռանը հեծանիվ վարելիս, կարող են սրվել թոքերի խնդիրներն այն մարդկանց մոտ, ովքեր ասթմա ունեն։ Սառը եղանակին քշելու պատճառով ամեն ձմեռ ծանոթներիցս մեկի գլանները բորբոքվում են, և նա պարբերաբար տառապում է անգինայով։ Նաև լինում են մեջքի կամ հոդերի խնդիրներ, որովհետև չնայած լավ «զինվելուն», միշտ էլ սառը քամու տակ ընկնելը կա ու կա։ Եթե ձեր օրգանիզմն ունի նման թուլություններ, ապա «ձմռանը վարե՞լ, թե ոչ» հարցին ավելի լավ է տալ բացասական պատասխան, քանի որ հիվանդությունների վատթարացումը տարեց տարի ոչ մի լավ արդյունք չի տա։ Կեղտոտ հեծանիվ բնակարանում Ցեխը շատ արդիական խնդիր է քաղաքային հեծանվորդների համար, ովքեր վարում են աշուն-ձմեռ-գարուն եղանակներին։ Այն, ձյան և անձրևաջրերի  հետ խառնված, մուտք է գործում բնակարան հեծանիվի անիվների հետ։ Ամեն անգամ վարելուց հետո հեծանիվը լվանալն ուղղակի անհնար է, այդ իսկ պատճառով անիվներից ցեխը ծորում է հատակի կամ լավագույն դեպքում նախապես հեծանիվի տակ դրված թերթերի վրա։ Բացի այդ, կեղտոտ հեծանիվի տեսքը, որը չորանում է միջանցքում կամ ավելի վատ՝ սենյակում, կարող է դուր չգալ քո երկրորդ կեսին, ով իրոք չի հասկանում, թե ինչ իմաստ ունի ձմռանը հեծանիվ վարել։   Ինչո՞ւ ձմռանը վարել հեծանիվ Եվ ահա, հասանք գլխավոր հարցին. եթե կան այսքան բացասական կողմեր, ապա «Ինչո՞ւ»։ Կարող եք ամբողջ ձմեռն անցկացնել մարզասրահում, սակայն գարնանը, երբ դուրս գաք նորից հեծանիվ վարելու, մի քանի ամիս դադարից հետո, որոշակի ժամանակ է անհրաժեշտ նորից հարմարվելու համար։ Իսկ եթե ձմռանը պարբերաբար վարեք, թեկուզ քիչ, ապա գարնանը տարբերությունն այդքան ակնհայտ չի լինի։ Նաև կան մարդիկ, ովքեր ձմռանը հեծանիվ վարելուց իրոք հաճույք են զգում։ Նրանց դուր է գալիս սառնամանիքը, և նրանք ուղղակի պաշտում են ձյան վրա քշելը։ Ուրիշ հեծանվորդներ ասում են, որ ձմռանը զարգացնում են հեծանիվը կառավարելու հմտությունը և դրանից հետո ամռանը իրենց ավելի վստահ են զգում։ Չնայած ցրտին, ոմանք շարունակում են օգտագործել հեծանիվը որպես տրանսպորտային միջոց։ ...

    Կարդալ ավելին
  • Ձեզ ընկեր Velo Club-ը ձեր ուշադրությանն է ներկայացնում մի նոր նախագիծ՝ վիդիոբլոգի տեսքով: Որի նպատակն է օգնել սկսնակ և փորձառու հեծանվորդներին ինքնուրույն կարողանալ շտկել փոքրիկ անսագություններ: Եղեք ավելի ակտիվ , գրեք ձեզ հուզող հարցերի մասին և մենք անպայման կանդրադառնանք դրանց :) Ինչպես գիտեք տարածելը միմիայն խրախուսվում է :) ...

    Կարդալ ավելին

ՖԲՀ

  • /uploads/photos/mcERGvAwmwUVACAU1NZr.jpeg

    Երկու օր առաջ ոստիկանապետը նախագահին ներկայացրել է Ճանապարհային ոստիկանությունում կատարված փոփոխությունները։ Իմ կողմից մի ցանկ առաջարկեմ, որոնց մի մասը, ոնց հասկացա, արվում է արդեն. ԱՆՀՐԱԺԵՇՏ ՓՈՓՈԽՈՒԹՅՈՒՆՆԵՐ 1. Ոստիկանությանը իրավասություն տալ կոպիտ խախտումների համար խոշոր տուգանք սահմանելու, կրկնվելու դեպքում՝ վարորդական վկայականից զրկելու, առանց վկայականի վարելու դեպքում խախտողներին որոշ ժամանակով բանտարկելու իրավունք։ Օրինակ՝ ԱՄՆ-ում միլիարդատեր հաբրգած, խմած/ուռած վարորդներին, անկախ նրանից՝ ովքեր են (Փերիս Հիլթոնը, Բեն Աֆլեքը), բանտարկում են, որ խելքները գլուխը հավաքեն։ Մեզ մոտ տուգանք են սահմանում, որը մուծելուց հետո նույն դեմքերը նորից ու նորից խուժանավարի քշում են, քանի որ գումարը խնդիր չէ։ Տուգանեք, էլի կմուծենք։ 2. Ճանապարհային ոստիկաններին իրավասություն տալ հաբրգած լափառոշներին տեղում բերման ենթարկելու բաժին։ Հիմա անպատժելի հաբրգած դեմքերից ոստիկանները փորձում են խուսափել, չեն տուգանում, իսկ լուրջ խուլիգանության դեպքում կապվում են պարեկային խմբերի հետ՝ իրենց էդ պատմությունից դուրս հանելու համար։ 3. Ոստիկաններին զինել պլանշետներով, որ կարողանան արագ ճշտեն՝ ինչ մեքենա է իրենց դիմաց, ով է վարորդը, ինչ խախտումներ ունի արած, ունի վկայական, թե չունի, վճարել է գույքահարկը, թե ոչ, այլ ոչ հարցնեն փաստաթուղթը, որը եթե չունես, բերման ենթարկեն։ Ֆաշիստական Գերմանիան չէ, որ թղթով ապացուցես, որ հրեա չես, թուղթ չունես, գնա բաժին։ ID քարտը պետք է լինի միակ փաստաթուղթը, որի առկայության դեպքում հնարավոր լինի իմանալու ամեն ինչ։ 4. Ոստիկաններին զինել ալկոհոլ ստուգող սարքերով, որոնց գինը ծիծաղելի է պարզապես, որ մինչ օրս չունեն, որ ստուգելուց չասեն՝ «Մի հատ ՀՈ արա»։ Ի՞նչ «ՀՈ»։ Ձե՞ռ եք առնում։ Այսօրվա գործող կարգը այսպիսին է. «Խմած ես», «Խմած չեմ», «Դե գնացինք հիվանդանոց, արյան անալիզ հանձնես, երկու ժամ սպասես, հետո եթե պարզվի խմած չես, քշի գնա»։ Ո՞ր թիվն ա։   ՑԱՆԿԱԼԻ ՓՈՓՈԽՈՒԹՅՈՒՆՆԵՐ 5. Ստիպելու վերջապես սևացրած պատուհաններով չքշելու, քանի որ սևացրած պատուհանի հետևում, որպես կանոն, թաքնվում են, թե չեմ երևում, ոնց կուզեմ, կքշեմ, մեկա չեն տեսնում՝ ով եմ, թող մտածեն՝ եսիմ ով եմ, վախենան, ես էլ ոնց կուզեմ, կքշեմ։ Պարզերես քշեք, պարզերես եղեք։ Համոզված եմ՝ վնաս էս որոշումից չկա, իսկ օգուտը բացահայտ է։ 6. Տուգանելու դեղինի տակ անցնող վարորդներին։ Մանրուք է, բայց համոզված եմ, որ խցանումների շատ մեծ մասը դրանից է լինում։ Թեքվել պատրաստվող մեքենաները կանգնած սպասում են, սպասում են, որ մեքենաների հոսքը ավարտվի, թեքվեն ձախ, դեղին լույսը միանում է։ Ու սկսվում է։ Մի կողմից դեղինի տակ սկսում են մտնել մինչ այդ կարմիրի տակ կանգնած մեքենաները, մյուս կողմից դեղինի տակ մտնում է մինչ այդ կանաչ լույսի տակ եկող մեքենան։ Արդյունքում սպասում ես, մինչ սա գա, գնա, որ 3-4 մեքենա իրար հետևից կանգնած սկսեն թեքվել, բայց նորերը գալիս հասնում են, ու մեքենաները ստիպված մնում են խաչմերուկի մեջտեղում։ Դեղինը պետք է լինի, որ կանաչի տակ մտածները գան անցնեն, այլ ոչ, որ նորերը մտնեն ու կարմիրի տակ նոր դատարկեն խաչմերուկը։ 7. Սովորեցնել մարզերում աշխատող ոստիկաններին վարորդների հետ նորմալ շփվելու։ Միգուցե միայն ինձ հետ է նման իրավիճակ, միգուցե սխալվում եմ, բայց Երևանում ոչ մի անգամ նման խնդիրների առաջ չեմ եկել, բայց մարզերում երկու անգամ կանգնեցրել են, մի անգամ հետևի լույսն էր փչացել, խորհուրդ են տվել սարքել, մյուս անգամ ուղղակի ստուգում էին, բայց երկու անգամ էլ էն տպավորությունն էր, որ հազար տարվա ընկերներ ենք։ Չեմ ուզում, ընկեր ջան։ Ես «դու»-ով չեմ խոսում, ինձ հետ էլ պետք չի տնավարի խոսել։ Ես վարորդ եմ, դուք՝ ոստիկան։ Այլ առաջարկնե՞ր․․․ Նյութի աղբյուր՝ https://www.facebook.com/517design/posts/10155070207089273

    Կարդալ ավելին

Քաղաքականություն