• Ստյոպա Սաֆարյան
  • Իլհամ Ալիևը Իսլամական համագործակցության կազմակերպության արտահերթ վեհաժողովում կրկին խոսել է ղարաբաղյան հակամարտությունից, փորձել է կրոնական երանգ հաղորդել, թասիբի գցել մահմեդական աշխարհին, թե հայերը ոչնչացնում եմ մահմեդական հուշարձանները, անուղղակի մեղադրել որոշ մահմեդական երկրների քրիստոնեա Հայաստանի հետ հարաբերությունները զարգացնելու մեջ ու ակնկալել մահմեդական աշխարհի համերաշխությունը իր հետ՝ արցախյան հակամարտությունը տարածքային ամբողջականության շրջանակներում լուծելու ու ՄԱԿ-ի ԱԽ բանաձևերը "կյանքի կոչելու" գործում: Իլհամն իր մեծ քթին մի քանի ուղղությունից հարված է ուտելու՝ ԱՄՆ նախագահ Թրամթի կողմից, ում որոշումը սուլթանը հակաօրինական ու վտանգավոր է համարել, հրեաների կողմից, ում շահերին դեմ հռչակագիր է ստրագարել ու դիրքորոշում հայտնել, մահմեդական երկրների կողմից, ովքեր թքած ունեն Ալիևի նեյնիմների ու մուղամների վրա: Հետաքրքիր զարգացումներ են լինելու: Նյութի աղբյուր՝ https://web.facebook.com/styopa.safaryan.9/posts/691370104401825 ...

    Կարդալ ավելին
  • Ահավասիկ, մոտենում է այն պահը, երբ Իլհամ Ալիևը նյարդային կգնա ծխելու, երբ ԱլԳ (քաղաքական) հռչակագրում տեղ չգտավ ղարաբաղյան հակամարտության մասով ԵՄ-Հայաստան պայմանագրին հակասող կամ Հայաստանի ու Արցախի ազգային և անվտանգության կենսական շահերը բացասաբար շոշափող ձևակերպում: Ըստ այդմ՝ ուժի մեջ կմտնի իրավական պարտադիր ուժ ունեցող ԵՄ-Հայաստան-ԵՄ համաձայնագրի դրույթը, որը արդեն ԵՄ 28 պետության դիրքորոշում է. 1) բացառապես խաղաղ ու երկարատև լուծում /իսկ դա հնարավոր է, երբ լուծումը ոչ թե պարտադրվում է, այլ ժողովուրդն ինքն է որոշում, կարգավորումը համապարփակ է ու խաղաղության երաշխիքներն էլ կատարյալ/ և բացառապես միջազգային իրավունքի դաշտում /ՄԱԿ կանոնադրություն, Հելսինկյան եզրափակիչ ակտ/, 2) բացառապես ԵԱՀԿ Մինսկի խմբի շրջանակներում (ՄԱԿ, ռուս-թուրք-ադրբեջանական ֆորմատները՝ պերսոնա նոն գրատա), 3) բացառապես երեք սկզբունքերի հիման վրա՝ ուժի կամ դրա սպառանլիքի կիրառումից զերծ մնալ, տարածքային ամբողջականություն, ժողովուրդների հավասարություն և ինքնորոշում... ԵՄ-ն պատերազմի տեղեկանք չտվեց Իլհամ Ալիևին ու դա մանրամասն նրան բացատրել էին դեռևս ՆԱՏՕ-ի շտաբ գրասենյակում.... Ահա այն ամենը, ինչ պետք է իմանալ կուրիլկայում ծխող Ալիևի մասին Նյութի աղբյուր՝ https://www.facebook.com/styopa.safaryan.9/posts/683402878531881 ...

    Կարդալ ավելին
  • Մեր աղջիկը, ցավոք, շատ խղճուկ է, հատկապես ինտելեկտուալ զրույցում: Հարցնում են՝ ինչ կանեք օվկիանոսների աղտոտվածության ու ծովային կաթնասուններին սպառնացող վտանգների կապակցութամբ։ Պատասխան՝ «Հնարավոր-անհնար ամեն ինչ պետք է անենք»... Օտար լեզվի չիմացության մասին չասեմ... Մնացածը գոնե ինչ-որ քայլեր են առաջարկում, թե ինչ կարելի է անել: Ու սա միայն գեղեցկուհու խնդիրը չէ, համատարած մեր կրթական համակարգի դատարկության խնդիր է, երբ կրթվող երիտասարդին չեն սովորեցնում մտածել, քննադատաբար մտածել, կոնկրետ ու առարկայական լինել, ու այսպես շարունակ... Նյութի աղբյուր՝ https://www.facebook.com/styopa.safaryan.9/posts/680870805451755 ...

    Կարդալ ավելին
  • Հայկական ավանդական ընտանիքի վրա դողացողներն ու ընտանեկան բռնության դեմ միտինգ անողները բա ինչո՞ւ միտինգների շարք չեն անում, որ հայ ընտանիքների կեսից շատը աղքատ է, տղամարդիկ խոպաններում են, դրանից օջախներն են քայքայվում, երեխաներ որբ մեծանում, կանանց ճակատագրեր խեղվում ու այսպես շարունակ... Թե՞ միայն ընտանեկան բռնության դեմ օրենքն է քանդելու այն... Ամոթ է, ուղղափառ պատվերի ականջնեը երևում են, մի արեք... Թե չէ ստացվում է, որ հանուն նատաշաների օջախի քանդվելը թույլատրելի է.... Նյութի աղբյուր՝ https://web.facebook.com/styopa.safaryan.9/posts/664783220393847 ...

    Կարդալ ավելին
  • Ադրբեջանի դպրոցների 10-րդ դասարանի պատմության դասագրքրում "անուշադրաբար" տեղ է գտել տարածաշրջանի հնագույն, իրական քարտեզը, որտեղ ծովից ծով Հայաստանն է ու հասնում է մինչև Ափշերոնյան թերակղզի՝ Բաքվի տակերը: Քարտեզի վրա ոչ միայն Ադրբեջանը, այլ նաև Թուրքիան չկա: Բարձրացված աղմուկի պատճառով այն այժմ հանում են դասագրքերից՝ դրանք վերահրատարակելու միջոցով: Հետաքրքիր է, թե ինչ են նկարելու, չնայած էտքան էլ անկանխատեսելի չէ:ՃՃՃՃ Նյութի աղբյուր՝ https://web.facebook.com/photo.php?fbid=664552157083620&set=a.137114249827416.1073741827.100005865248939 ...

    Կարդալ ավելին
  • Էդ, որ Ֆեյսբուքում շատերն ամեն ինչի մասին «պրոֆեսիոնալ, փորձագիտական» կարծիք են հայտնում ու մենք թեթև ենք տանում, ինչի՞ եք Բագրատյանի ոչ պրոֆեսիոնալ կարծիքի (մարդն ինքն է գրել, որ լեզվաբան չէ) հետ կապված սրեր ճոճում։ Մարդը բանավեճ է բացել, միգուցեև՝ խոցելի փաստարկներով: Ես, օրինակ, կհիանայի, եթե լեզվաբանները շատ գեղեցիկ ու բարձր նշաձողով մասնակցեն այդ բանավեճին, իսկ մենք կողքից ընդամենը համաձայնվեինք այս կամ այն փաստարկի հետ: Բայց ոչ, սա Հայաստանն է, ուր մեծամասնությունն իրեն թույլ կտա հեռուստացույց կամ որևէ սարքավորում քանդել՝ մտածելով, որ ինքը էլեկտրիկ է, ավտոմեքենայի շարժիչ քանդել՝ մտածելով, որ ինքը բնատուր խադավիկ է, քանի որ մանուկ ժամանակ սեր է ունեցել խաղալիքները քանդելու, վարկ վերցնել ու բիզնես սկսել՝ մտածելով, որ բիզնեսմենը իր երկրային առաքելությունն է ու այսպես շարունակ... Նյութի աղբյուր՝ https://www.facebook.com/styopa.safaryan.9/posts/646341045571398 ...

    Կարդալ ավելին
  • Որոշեցի ես էլ կարծիք արտահայտեմ անվճար թանգարանային գիշերվա կապակցությամբ Դրական կողմերը. -մշակութասեր մարդկանց համար ապահովել թանգարանային տոն, հասարակության ուշադրությունը հրավիրել թանգարանների, նրանց ցուցանմուշների և խնդիրների վրա, -սոցիալապես անապահով, բայց մշակութասեր մարդկանց հնարավորություն տալ երեխաների հետ միասին այցելել թանգարաններ ու հաղորդակցվել արվեստի հետ:   Բացասական կողմեր. -նպաստում է հասարակության մեջ "ձրի է, օգտվենք" մտածողության արմատավորմանը, ինչպես ընտրակաշառքի դեպքում է, երբ մարդը ընտրությունների է գնում ու իր քաղաքացիական պարտքը կատարում է, երբ նրան ընտրակաշառք են առաջարկում /բազում մարդիկ կան, որ այդ հոգեբանությամբ մինչև երեկո իրենց տանը նստած սպասում են, թե ով կտա ու ավելի թանկ կտա/: Տարբեր բնագավառներում այս մտածողությունը սնուցում է արատները: - Խորհրդային շրջանին բնորոշ քաղքենիների մի խմբի ձևավորումը, ովքեր իրականում հեռու են արվեստից ու հակամշակութային են հոգեպես ու ֆիզիկապես, տուրք են տալիս մեյնսթրիմին ու փորձում են ամբոխի մեջ իրենց նաև մշակութասերի ստատուս կցել: Իսկ նորմալ մարդիկ թանգարան գնում են այն ժամանակ, երբ ուզում են: Կներեք, եթե խիստ էր: Նյութի աղբյուր՝ https://www.facebook.com/styopa.safaryan.9/posts/605419572996879 ...

    Կարդալ ավելին
  • Երեկ արտագաղթի թեմայով քննարկում կազմակերպեցինք ՄԱՀՀԻ-ում (մեկ ամիս առաջ էր պլանավորվել), ու սարսափելի զուգադիպությամբ հենց նույն օրը քավորիս ընտանիքն է արտագաղթում... Ապահովված ընտանիք, փոքրաթիվ միջին խավի, ձեռնարկատիրական խավի ներկայացուցիչ... Այլևս հեռացողներին չեմ էլ կարողանում ասել՝ մնացեք, լավ է լինելու... Ո՛չ համոզելու փաստարկ ունեմ, ո՛չ էլ, միգուցե, իրավունք, ո՛չ էլ, անկեղծ ասած, իրենք իմ համոզելով մնալու են... Ու սա իմ շրջապատում միակ դեպքը չէ այս վերջին ամսում... Ցավոք, մտերիմներից այլոք էլ պատրաստվում են դա անել առաջիկայում... Դատարկվում ենք, ու ոչ մեկի հեչ պետքը չէ: Նրանք նաև այնպիսի քաղաքացիներ են, որոնք երբեք փողով կամ պարտադրանքով չեն ընտրում... Հաջորդ ընտրություններին չի լինի նաև ընտրազանգվածի այն 10-15 տոկոսը, որ իր խղճով է քվեարկում... Համատարած կունենանք 100 տոկոսանոց ձայն վաճառող ընտրազանգված ու ընտրություն՝ որպես այդպիսին, չի էլ լինի: Կլինի քվեների տոնավաճառ... Մնացած հետևանքների մասին չեմ էլ ասում... Դատարկությունն այլևս սարսափելի եմ զգում... Նյութի աղբյուր՝ https://www.facebook.com/styopa.safaryan.9/posts/601419433396893 ...

    Կարդալ ավելին
  • Աստծու սիրուն, սա եք համարում անվիճելի, գրագետ ու իմաստուն?   Սուտ 1: Եթե կամավոր, մեր համաձայնությամբ չանենք դա, ապա մի օր ուղղակի սանկցիաներով են մեզանից հողերը տանելու։ Չեն խնայելու։ Սուտ 2: Մենք ինչ է, ձեռնո՞ց ենք նետում միջազգային հանրությանը։ Հայաստանը այն երկիրն է, որը կարող է ձեռնոց նետե՞լ։ Ծնկի՞ ենք բերելու ՄԱԿ-ին, ԵԱՀԿ-ին: Սուտ 3: Չենք կարող պահել այդ տարածքները, անգամ եթե Բաքուն գրավենք։ Կապիտուլյացիայի ենթարկեն։ Միևնույնն է, աշխարհը մեզ թույլ չի տա։ Հիշեք Սադամ Հուսեյնին։   Պապի, Արցախի հողերը ոչ մի միջազգային հանրության հետաքրքիր չեն, դա հետաքրքիր է Ադրբեջանի համար ու կարծես թե հետաքրքիր պետք է լինի մեզ համար: Հետո էլ ասում եք այս մտածողությամբ նախագահը հող է ազատագրել? Սուտ է: Չեմ հավատա: Չկա ու չի լինի նման բան: Սա պարտվածի հոգեբանություն է: Նյութի աղբյուր՝ https://www.facebook.com/styopa.safaryan.9/posts/581163162089187 ...

    Կարդալ ավելին
  • Էն, որ որոշ քաղաքական ուժեր հայտարարել են, թե քարոզչությունը դադարեցնում են, դա ընտրակաշառք բաժանելու ու մարդկանց ցուցակագրելու գործին էլ է վերաբերո՞ւմ։ Այսօր թաղերում ոնց որ թե այնքան էլ դադարեցված չէր, թաղի ծանոթ տղերքը տասովկեքի մեջ էին... Դա Ֆեյսբուքին էլ է վերաբերո՞ւմ։ Բա ինչո՞ւ գովազդային նյութերն այստեղ էլ չեք հանում։ Ամբողջ պատս քարոզչական գովազդային նյութեր են... Ձևիստներ ու պակազուշնիկներ... Նյութի աղբյուր՝ https://www.facebook.com/styopa.safaryan.9/posts/576237519248418 ...

    Կարդալ ավելին

ՖԲՀ

Քաղաքականություն

  • /uploads/photos/DgVDL2KCp45t6uG4Anem.jpg

    Նիկոլ Փաշինյանի վարչապետության 100 օրն ավարտվում է հայ-ռուսական հարաբերություններում լարվածությամբ: Թեև այդ լարվածությունն առավել ակնառու դարձավ վերջին մի քանի շաբաթների ընթացքում` ՌԴ ԱԳ նախարար Սերգեյ Լավրովի` ներհայաստանյան զարգացումների մասին բավականին կոշտ հայտարարությունից հետո, սակայն ոչ պաշտոնական մակարդակում այն զգացվում էր Փաշինյանի վարչապետության առաջին օրերից`չնայած սկզբնական շրջանում հնչող պաշտոնական հայտարարությունների դրական բնույթին:  Ռուսական կողմի գործողությունները Փաշինյանի՝ Մոսկվա այցի ժամանակ և դրանից հետո վկայում են, որ Սոչիում վարչապետին, ով խորհրդարանում ղեկավարում էր ԵԱՏՄ-ից Հայաստանի դուրս գալու գործընթաց նախաձեռնած «Ելք» դաշինքը, չի հաջողվել Մոսկվային համոզել, որ իր այդ դիրքորոշումները վերանայված են, որ հայ-ռուսական ռազմավարական գործընկերությունում հետքայլ չի լինելու: Ռուսական կողմի ընկալումներով՝ իրենք մտահոգությունների համար լուրջ հիմքեր ունի: Դրանցից է, օրինակ, կարևորագույն պաշտոններում Փաշինյանի կողմից հակառուսական հայացքներով աչքի ընկած ակտիվիստներին նշանակելը, որոնցից «ամենատպավորիչներից» էր Ազգային անվտանգության խորհրդի քարտուղարի պաշտոնում Արմեն Գրիգորյանի նշանակումը: Ըստ մամուլում հայտնված չճշտված տեղեկությունների` Մոսկվայի մոտ այնքան մեծ է անվստահությունը վերջինիս անձի նկատմամբ, որ արգելել է ՀԱՊԿ և ԱՊՀ երկրների միջև փոխանակվող գաղտնի տեղեկատվությունը տրամադրել ՀՀ ԱԱԽ քարտուղարին:  Բավականին հետաքրքիր է ՀՀ առաջին փոխվարչապետ Արարատ Միրզոյանի շուրջ ստեղծված իրավիճակը: ԱՊՀ միջկառավարական խորհրդի նիստին վերջինիս մասնակցությունից հետո ԵԱՏՄ միջկառավարական խորհրդի նիստին գործընկերների պահանջով ստիպված եղավ մասնակցել վարչապետը, չնայած որ դա իր պաշտոնի համար ցածր ձևաչափ էր: Արարատ Միրզոյանը նույնիսկ չկար Փաշինյանի գլխավորած պատվիրակությունում, ինչը լուրջ հարցեր է առաջացնում:  ՀՀ նոր իշխանությունների մյուս գործողությունը, որը Մոսկվայի մոտ մեծացրել է անվստահությունը, առանց նախնական քննարկումների համանախագահ երկրների կամ համանախագահ երկրներից ոչ բոլորի հետ Ղարաբաղյան հակամարտության կարգավորման բանակցային գործընթացում նոր տարրեր մտցնելու ՀՀ իշխանությունների փորձն է, ինչին ականատես եղանք մայիսի 9-ին Ստեփանակերտում և հունիսի 1-ին Ազգային ժողովում կառավարության ծրագիրը ներկայացնելու ժամանակ վարչապետ Փաշինյանի ելույթներում: Ռուսական կողմը հայաստանյան իշխանությունների այս «բացթողմանը» շտապեց ոչ պաշտոնական արձագանք տալ: Ռուս հանրային, քաղաքական գործիչների, փորձագետների այցը 2016 թվականի ապրիլին Ադրբեջանի վերահսկողության տակ անցած Լելե Թեփե նաև ազդանշան էր, որ Ղարաբաղյան հակամարտության համատեքստում չհամաձայնեցված, անկախ գործողություններ, որոնք կարող են վնասել գործընթացին կամ ունենալ բացասական ֆոնային ազդեցություն վերջինիս վրա, կարող են անել նաև ռուսները: Ռուսական կողմի անվստահության մյուս պատճառը ՆԱՏՕ գագաթնաժողովին, այնուհետև զորավարժություններին Հայաստանի մասնակցությունն է: Իհարկե, սա առաջին անգամը չէր, երբ Հայաստանը մասնակցություն էր ունենում ՆԱՏՕ միջոցառումներին, սակայն հայ-ռուսական հարաբերություններում անվստահության առկայության պայմաններում այս գագաթնաժողովին մասնակցությունն առանց ռուսական կողմի հետ սլաքները ճշտելու Մոսկվայում դրական չընկալվեց: Հետաքրքիր է, որ ինչ-որ «զուգադիպությամբ» դրան հետևեցին Փանիկի դեպքերը, երբ ռուսական ռազմաբազան «առանց նախազգուշացման» զորավարժություններ սկսեց` վախեցնելով գյուղի բնակիչներին: Սա, ակնհայտորեն, որոշակի մեսիջներ էր պարունակում` ուղղված ՀՀ իշխանություններին: Ինչ վերաբերում է Հայաստանի ներքաղաքական զարգացումների, մասնավորապես նախկին իշխանության ներկայացուցիչների նկատմամբ աղմկահարույց դատական գործերին ռուսական կողմի կոշտ արձագանքին, ապա նշենք, որ Մոսկվայում դրանք ինչ-որ տեղ դիտվում են նաև որպես ՌԴ դեմ ուղղված քայլեր: Ընդ որում, Խաչատուրովի դեպքում ոչ թե վերջինիս անձն է պայմանավորում ռեակցիան, այլ զբաղեցրած պաշտոնը. Խաչատուրովն, այսպես կոչված, «Պուտինի ՆԱՏՕ»-ի գլխավոր քարտուղարն է, և առանց ռուսական կողմին տեղեկացնելու, այդ պաշտոնից նրա հեռացման հարցը նախապես կարգավորելու Խաչատուրովի նկատմամբ դատական գործընթաց սկսելը Ռուսաստանում դիտում են որպես «ՆԱՏՕ-ի հետ հարաբերություններ զարգացնող Հայաստանի» կողմից թիրախավորված հարված ՀԱՊԿ հեղինակությանը: Պատահական չէ, որ այս դեպքերից հետո ռուսական լրատվամիջոցները սկսեցին գրել` Ռուսաստանի կողմից Հայաստանին զենքի մատակարարումների դադարեցման մասին, որն, իհարկե, պաշտոնապես հերքվեց, սակայն պարզ է, որ Ռուսաստանն այլևս չի բացառում Հայաստանի հետ հարաբերություններում նման գործիքակազմի կիրառման հնարավորությունը: Իսկ ռուսական կողմի ավելի «շոշափելի նախազգուշացումն» այս օրերին տեսնում ենք Լարսում, երբ արագ փչացող սննդամթերքով բեռնված հայկական բեռնատարները ստիպված են լինում օրերով հերթ կանգնել ռուսական անցակետն անցնելու համար: Խնդիրը կարելի կլիներ մեծ հոսքերով բացատրել, միայն թե հայ վարորդները միանգամայն այլ տպավորություն ունեն, բացի այդ՝ ՌԴ-ում ՀՀ հյուպատոսի միջամտությունը խնդրին ևս խոսում է, որ Լարսի մի քանի կիլոմետրանոց հերթերը բնավ տեխնիկական խնդիրներով չեն պայմանավորված:  Նշենք, որ Ռուսաստանից ոչ պաշտոնական աղբյուրներով զգուշացնում են նաև գազի գների բարձացման մասին, քննարկվում է աշխատանքային օրենսգրքում համախատասխան փոփոխությունների նախագիծը, որը կարող է ազդել այդ թվում նաև Ռուսաստանում աշխատող տասնյակ հազարավոր հայերի վրա, և սրանք ռուսական կողմի տնտեսական ազդեցության միակ լծակները չեն:  Այս համատեքստում բավականին հետաքրքիր է Հարավկովկասյան երկաթուղու շուրջ ստեղծված իրավիճակը. օգոստոսի 14-ի լույս 15-ի գիշերը ՊԵԿ-ը դիմակավորված անձանց ուղեկցությամբ մտել է Հարավկովկասյան երկաթուղի և, ինչպես նշում է երկաթուղու ղեկավարությունը, Հայաստանի օրենսդրության խախտումներով խուզարկություն է իրականացրել, առգրավել է փաստաթղթեր, ինչը չէր կարող չվրդովեցնել ռուսական իշխանություններին, քանի որ երկաթուղու կառավարումը հանձնված է Ռուսաստանին։ Հուսանք՝ խնդիրը հարթվել է օգոստոսի 15-ին Հարավկովկասյան երկաթուղու տնօրեն Սերգեյ Վալկոյի և վարչապետ Նիկոլ Փաշինյանի հանդիպման ժամանակ. բոլորս հասկանում ենք, թե ինչ նշանակություն ունի երկաթուղին Հայաստանի համար: Նման պայմաններում մենք խնդիր ունենք Վրաստանի կամ Ուկրաինայի սցենարը չկրկնելու համար ձեռնարկել գործողություններ, որոնց ռիսկերը նախապես լավ հաշվարկված և չեզոքացված կլինեն: Կարիք ունենք արտաքին քաղաքական հարցերում լինելու ավելի ընկալելի, ընդ որում՝ ոչ միայն Ռուսաստանի, այլ նաև մյուս երկրների հետ հարաբերություններում: Կարծես թե այս հարյուր օրվա ընթացքում որևէ գիծ դեռևս անդառնալիորեն անցած չէ: Այս մասին է խոսում, օրինակ, առաջին հայացքից ոչ էական թվացող վերաբերմունքը, որը ռուսական կողմը ցուցաբերեց Հայաստանի Հանրապետության նախագահ Արմեն Սարգսյանին Ֆուտբոլի աշխարհի առաջնության փակման արարողության և դրան նախորդած համերգի ժամանակ. եթե վարչապետ Փաշինյանը Ֆուտբոլի աշխարհի առաջնության ժամանակ նստած էր երրորդ շարքում՝ Հյուսիսային Կորեայի ԱԺ նախագահի կողքին, ապա Արմեն Սարգսյանը` առաջին շարքում՝ ՌԴ վարչապետ Դմիտրի Մեդվեդևի կողքին, ինչպես ենթադրում է դիվանագիտական արարողակարգը ռազմավարական գործընկերների պարագայում: Նյութի աղբյուր՝ https://www.facebook.com/klara.abgarian.9/posts/148642326039090

    Կարդալ ավելին