Գովազդի համար զանգահարել 099 999 409
  • Կառավարման ակադեմիայի ուսանողական խորհուրդ
  • Դեկտեմբերի 16-ին՝ ժամը 14:00-ին, ՀՀ պետական կառավարման ակադեմիայի 1-ին մասնաշենքի դահլիճում տեղի կունենա ՀՀ ՊԿԱ ՈՒսանողական խորհրդի նախաձեռնած «Մենք քեզ հետ ենք...» խորագրով բարեգործական համերգը, որի ամբողջ հասույթը կփոխանցվի Առաջին Ալիքով հեռարձակվող «Եթե Բոլորը» բարեգործական հաղորդման մասնակից 6-ամյա Գոռի և 3-ամյա Նարեկի բուժմանը: Նյութի աղբյուր` https://www.facebook.com/ars.agadjanyan/posts/1843210959296066 ...

    Կարդալ ավելին
  • Հուլիսի 6-ին տեղի ունեցավ ՀՀ պետական կառավարման ակադեմիայի խորհրդի նիստ, որը վարում էր Խորհրդի նախագահ, ՀՀ Նախագահի աշխատակազմի ղեկավար Վիգեն Սարգսյանը: Օրակարգում դրված էր մեկ հարց՝ ՀՀ պետական կառավարման ակադեմիայի ռեկտորի ընտրության հարցը: Ռեկտորի պաշտոնն զբաղեցնելու համար հայտարարված բաց մրցույթին սահմանված ժամկետում իրենց թեկնածություններն էին առաջադրել ՀՀ ՊԿԱ ռեկտորի պաշտոնակատար Արսեն Լոքյանը և ՀՀ ՊԿԱ գիտական քարտուղար, իրավագիտության ամբիոնի դոցենտՀասմիկ Ստեփանյանը: Համաձայն սահմանված կարգի՝ երկու թեկնածուները Խորհրդի անդամների ուշադրությանը ներկայացրին Կառավարման ակադեմիայի զարգացման ու բարեփոխումների իրենց հայեցակարգերի հիմնական դրույթները: Այնուհետև ձևավորվեց հաշվիչ հանձնաժողով, որին հաջորդեց փակ, գաղտնի քվեարկությունը: Խորհրդի 20 անդամներից նիստին մասնակցում էին և քվեարկեցին 18-ը: Առաջադրված թեկնածուներից Արսեն Լոքյանն ստացավ 17 ձայն, Հասմիկ Ստեփանյանը՝ 1 ձայն: ՀՀ պետական կառավարման ակադեմիայի ռեկտորի պաշտոնում վերընտրվեց Արսեն Լոքյանը: ՀՀ ՊԿ ակադեմիայի խորհրդի նախագահ Վիգեն Սարգսյանը շնորհավորեց նորընտիր ռեկտորին՝ նշելով, որ այս ընտրությունը Արսեն Լոքյանի՝ ՀՀ ՊԿԱ ռեկտորի պաշտոնում պաշտոնավարման նախորդ փուլում կատարած աշխատանքի արդյունքն ու գնահատականն է: Միաժամանակ համոզմունք հայտնեց, որ առաջիկա ժամանակաշրջանում ևս Կառավարման ակադեմիան կշարունակի լինել պետական կառավարման համակարգի համար բանիմաց ու մրցունակ կադրերի պատրաստման լավագույն հաստատությունը: ...

    Կարդալ ավելին
  • Ս.թ. փետրվարի 26-28-ին ՀՀ պետական կառավարման ակադեմիայի բարձր առաջադիմությամբ և հասարակական ակտիվությամբ աչքի ընկած առաջին և երկրորդ կուրսի հիսուն ուսանողներ Ծաղկաձորում մասնակցեցին ‹‹Հայաստանի Հանրապետության զարգացման հեռանկարները›› խորագրով դասընթաց-հանդիպումների շարքին: Ծրագրը նախաձեռնել էր ՀՀ ՊԿԱ ուսանողական խորհրդը՝ Հայաստանի երիտասարդական հիմնադրամի և ՀՀ պետական կառավարման ակադեմիայի աջակցությամբ։ Ծրագրի շրջանականերում մագիստրանտներին հյուրընկալվեցին և իրենց ողջույնի խոսքը հղեցին ՀՀ ՊԿԱ ռեկտոր Արսեն Լոքյանը և Հայաստանի երիտասարդական հիմնադրամի հոգաբարձուների խորհրդի համակարգող, ԱԺ պատգամավոր Կարեն Ավագյանը: Կ. Ավագյանը նշեց, որ հետայսու կապը և համագործակցությունը Կառավարման ակադեմիայի հետ ավելի է ամրապնդվելու և կյանքի են կոչվելու ակադեմիականների կողմից առաջարկվող բազմաթիվ ծրագրեր: Եռօրյա դասընթաց- հանդիպումներին դասախոսություններով հանդես եկան` Հայաստանի Հանրապետության Ազգային ժողովի արտաքին հարաբերությունների մշտական հանձնաժողովի նախագահ Արտակ Զաքարյանը` ‹‹ՀՀ արտաքին քաղաքականության հրամայականները››, Հայաստանի Հանրապետության պետական կառավարման ակադեմիայի ‹‹Քաղաքական կառավարման և քաղաքական վերլուծության›› ամբիոնի վարիչ, քաղաքական գիտությունների դոկտոր, պրոֆեսոր,փիլիսոփայական գիտությունների թեկնածու, դոցենտ Մարիամ Մարգարյանը` ‹‹Շարունակական կրթությունը որպես էլիտայի արդիականացման գլխավոր երաշխավոր››, Տավուշի թեմի առաջնորդ Բագրատ Եպիսկոպոս Գալստանյանը՝ «Եկեղեցի և քաղաքացիական հասարակություն» թեմաներով։ Ուսանողների ակտիվ առօրյան ամբողջացրեց նաև ՈՒԽ-ի կողմից կազմակերպված «Ի՞նչ, որտե՞ղ, ե՞րբ» ինտելեկտուալ խաղը: Տարբեր մասնագիտության ուսանողների և պետական-հասարակական գործիչների հետ հանդիպումները, քննարկումները, կարծիքների ու փորձի փոխանակումը լավ հնարավորություն էր հարստացնելու սեփական գիտելիքները, արդիականանալու և զարգանալու ժամանակին համընթաց: Նյութի աղբյուր`https://www.facebook.com/media/set/?set=a.1134355693255614.1073741920.664007860290402&type=3 ...

    Կարդալ ավելին
  • Հայաստանի Հանրապետության պետական կառավարման ակադեմիայի ռեկտոր Ա․Լոքյանի և ուսանողական խորհրդի 2016թ․-ի ամանորյա ուղերձը։ ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ ԾՆՈՒՆԴ: Հարգանքներով՝ ՀՀ ՊԿԱ ՈՒԽ ...

    Կարդալ ավելին
  • ՀՀ պետական կառավարման ակադեմիայի ուսանողական խորհրդի ջանքերով այլևս իրականություն է «Ապագա կառավարիչ» պատի թերթը, որը միաժամանակ հրատարակվել է նաև որպես ամսաթերթ: Ամսաթերթի առաջին համարը ներառում է` - ՀՀ ՊԿԱ ռեկտոր Ա․Լոքյանի և ՈՒԽ նախագահ Ջ․Նիկողոսյանի ողջույնի խոսքը «Ապագա կառավարիչ» ամսաթերթի առաջին համարի կապակցությամբ, - Հարցազրույց Հայաստանի Հանրատեպության պետական կառավարման ակադեմիայի շրջանավարտ, ՀՀ նախագահի օգնական Վարուժան Ներսեսյանի հետ, - «Երիտասարդության մարտահրավերները» խորագրով հոդված՝ ՀՀ ՊԿԱ «Քաղաքագիտության» ամբիոնի 1-ին կուրսի մագիստրանտ, ՀՀ ՊԿԱ ՈՒԽ փոխնախագահ Հայկ Ղազարյանի կողմից, - ՀՀ ՊԿԱ ուսանողական խորհրդի կազմը, գործունեությունը, նպատակներն ու խնդիրները։ Նախաձեռնության նպատակն է ճանաչելի դարձնել ՀՀ ՊԿԱ-ն «Ապագա կառարիչ» ամսաթերթի միջոցով։ «Ապագա կառավարիչ» ամսաթերթի առաջին համարի թողարկումը` ներառելով վերոհիշյալ բաժինները, կհանդիսանա յուրահատուկ միջոց տեղեկատվության փոխանցման համար։ Բացի դա, այն Ակադեմիայի ուսանողներին կխրախուսի նաև սեփական ներդրումն ունենալ դրա կայացման գործում: Ամսաթերթի առաջին համարին ամբողջությամբ կարող եք ծանոթանալ և բեռնել հետևյալ հղմամբ` http://paara.am/wp-content/uploads/2015/03/N1apaga-karavarich.pdf ...

    Կարդալ ավելին
  • Այսօր իրական տոն և ջերմ մթնոլորտ էր տիրում Երևանի N2 հատուկ (օժանդակ) դպրոցում: ՀՀ պետական կառավարման ակադեմիայի ուսանողական խորհուրդը միացել էր «Civic Participation Development Center» ՀԿ-ի և «The Laboratory» կազմակերպության «Պարգևիր ժպիտ» բարեգործական նախագծին։   Միջոցառումը սկսվեց  ողջույնի  խոսքով, որից հետո երաժշտական կատարումներով հանդես եկան  ուսանողական  խորհուրդի  անդամները, իսկ փոքրիկները երգ ու պարի տեսքով անակնկալ մատուցեցին հյուրերին։ Երեխաները ցուցադրեցին  իրենց  նկարները, ասեղնագործությունները, տարբեր  նյութերից պատրստված տոնածառները, որոնք  ներկայացված  էին  ցուցահանդեսում: Միջոցառման ավարտին հյուրերը երեխաներին փոխանցեցին անհրաժեշտ հագուստ, խաղալիքներ, մրգեր։ ՀՀ ՊԿԱ ուսանողական խորհրդի անդամները իրենց  իսկ  ձեռքով պատրատված քաղցրավենիքները հյուրասիրեցին բոլորին: Հյուրերը, համատեղ ջանքերի շնորհիվ,  երեխաների օրը  դարձրեցին  ավելի գունեղ, հետաքրքիր  և  հաճելի  անակնկալներով  լի: Իրական  երջանկություն է, երբ տեսնում  ես մանկան  աչքերի  փայլն  ու  հորդացող ուրախությունը։ Ջերմությունը,  որոնք  նրանք  զգում  են, ավելի  ու  ավելի  է երջանկացնում յուրաքանչյուրին՝ գունեղ դարձնելով ակնթարթները: Եկեք բոլորս միասին պարգեվենք ժպիտ մեր փոքրիկներին։ ...

    Կարդալ ավելին

ՖԲՀ

Քաղաքականություն

  • /uploads/photos/x3cwc9LbBSwds3XI5wNP.png

    Ինչպես հայտնի է, 18-ին ռուսական օդատիեզերական ուժերը թուրքական օդուժի հետ միասին իրականացրել են առաջին համատեղ ռազմագործողությունն «Իսլամական պետություն» ահաբեկչական կազմակերպության դեմ Սիրիայի Հալեպ նահանգի հյուսիսում՝ Ալ-Բաբ քաղաքի մերձակայքում: Ընդհանուր առմամբ, գործողությանը մասնակցել են ռուսական ԶՈՒ 9 և թուրքական օդուժի 8 միավորներ՝ հետախուզության կողմից կանխավ տրամադրված և կողմերի միջև փոխհամաձայնեցված ահաբեկչական կառույցի 36 թիրախների դեմ. գործողության մասին նախապես տեղեկացվել են նաև սիրիական իշխանությունները: Բացի ռազմական տեսանկյունից, այս ռազմագործողությունը բավական կարևոր է ինչպես քաղաքական, այնպես էլ սիրիական հակամարտության շրջանակներում կողմերի որդեգրած մոտեցումների մերձեցման և առարկայական արդյունքների ամրագրման առումով. փաստացի կերպով, այն իրականացվում է դեռևս հունվարի 12-ին Մոսկվայում ՌԴ ՊՆ-ի և Թուրքիայի ԶՈՒ ԳՇ-ի միջև ստորագրված համագործակցության հուշագրի հիման վրա: Ինչպես հայտնի է, Մոսկվայի և Անկարայի միջև կայացած ռազմական համագործակցության վերոնշյալ փորձը հաջորդել է կողմերի անմիջական հովանավորությամբ անցյալ տարեվերջին Սիրիայի տարածքում հաստատված և դեռևս գործող հարաբերական հրադադարի ռեժիմին, ինչպես նաև՝ առաջիկա օրերին Աստանայում կայանալիք միջսիրիական քաղաքական բանակցությունների նախօրեին. ասել է, թե այս իրողությունը փաստում է սիրիական հակամարտության շրջանակներում համագործակցության հարցում նախկին հակառակորդների սկզբունքային և հետևողական գործելաոճի մասին: Սա մի հանգամանք է, որը բացակայում էր Սիրիայի տարածքում նախկինում հաստատված հրադադարի տապալված փորձերի ընթացքում՝ հիմնականում ռուս-ամերիկյան պայմանավորվածությունների հիման վրա: Բացի նշվածից, ռուս-թուրքական համագործակցությունը և կողմերի հետևողական մոտեցումներն այդ հարցի շուրջ թույլ են տալիս կանխատեսելու, որ եթե այնուամենայնիվ, տարբեր պատճառներով՝ թե՛ ներսիրիական, թե՛ տարածաշրջանային կամ աշխարհաքաղաքական գործոններով պայմանավորված, Սիրիայում գործող ներկա հրադադարի ռեժիմն ու քաղաքական գործընթացը նույնպես տապալվեն, ապա առնվազն կողմերի միջև փոխհամաձայնեցված գործողություններն, անգամ համագործակցությունը կարող է շարունակվել՝ առնվազն երկկողմանի շահերի փոխադարձ ճանաչման համատեքստում. իսկ այդ իրողությունը որակապես նոր իրավիճակ կստեղծի Սիրիայի տարածքում առկա ուժային հավասարակշռության տեսնկյունից: Նյութի աղբյուր՝ https://www.facebook.com/armen.petrosyan.05/posts/1227951447242067

    Կարդալ ավելին