Գովազդի համար զանգահարել 099 999 409
  • Աղասի Միքայելյան
  • Ինչ որ խառը պատմություններ են պտտվում գլխիս մեջ:  Օգոստոսին Հայաստանի ու Վրաստանի մեջ համաձայնագիր ստորագրվեց Վանաձորում վրացական կապիտալով ՋԷԿ կառուցելու մասին: Էսօր Վրաստանը կիսապաշտոնապես հաստատել է իրանական գազը Հայաստանի տարածքով էլեկտրաէներգիա արտադրելու նպատակով Վրաստան արտահանելու մասին: Ինչ են նշանակում էս երկուսը:  Ուրեմն հաստատ պարզ էր, որ վրացական կապիտալով կառուցվող ՋԷԿ ը վրացիները չեն աշխատեցնելու ռուսական գազով: Ուրեմն ինչ: Այս երկու , առաջն հայացքից, մեր շահերից բխող հայտարարություններից նվազագույնը մեկը բլեֆ ա: Ու եթե բլեֆ ա, ինչ նպատակ ա դա հետապնդում: Ինչ ա շահում Վրաստանը, կամ ինչ գին ա վճարում Հայաստանը էս հայտարարությունների համար: Եթե վճարման գնի ակունքները կամ հետևանքները ձգվում են Ջավախք, ուրեմն մենք մեղմ ասած ամենաբարձր մակարդակով պետք ա թքած ունենանք երկու ծրագրերի վրա էլ: Իսկ եթե Վրաստանը ամեն դեպքում հասկացել ա, որ Բաքու-Թբիլիսի- Ջեյհան նավթամուղով և Կարս-Ախալքալաք երկաթուղով ոչ թե նավթ ու գնացք է անցնելու, այլ պանթյուրքիզմ, ուրեմն արժե եղբայրաբար թփթփացնել վրացիների ուսին, ու ասել Ի Գործ: Նյութի աղբյուր`https://www.facebook.com/aghasi.mikaelian/posts/10207787029460931 ...

    Կարդալ ավելին
  • Ադրբեջանը պատժամիջոցներ է սկսում ԱՄՆ ի դեմ: Հավանաբար պատժամիջոցները ներառելու են Ադրբեջանի բանկերում ԱՄՆ պաշտոնյաների հաշիվները սառեցնելը, հնդկացիների ցեղասպանությունը ճանաչելը, Ալյասկայի Ռուսաստանին վերադարձը պահանջելը, iPhone ից հրաժարվելը, Բաքվում ԱՄՆ դեսպանատան աղբը ժամանակին չտեղափոխելը, Գլենդել քաղաքը ադրբեջանական քարտեզներում Գյոզալքենդ անվանելը և նմանատիպ սյուռ պատժամիջոցներ. Իսկ հիմա ավելի լուրջ: Ավելի լուրջն էն ա, որ լավ ա մարդ մի հատ սենց հարևան ունենա քան երկու հատ կթու կով: Նյութի աղբյուր՝ https://www.facebook.com/aghasi.mikaelian/posts/10207707194505107 ...

    Կարդալ ավելին
  • Դագաղի վրա լացող մարդու արցունքախեղդ խոսքերը հալած յուղի տեղ չեն ընդունում: Սփոփում են սգավորին: Արցախյան պատերազմի տարիներին բազմաթիվ դեպքեր են եղել, երբ որդեկորույս մայրը իր իսկ որդու ընկերոջը ասել է. –Երանի դու մեռնեիր որդուս փոխարեն: Էրեկ գիշերը ահավոր ցավով լուսացավ, ի՞նչ կլինի էսօր, չգիտենք: Ցանկացած զոհ ցավ է, ու ցավի մեջ մեղադրանք, ու ցավի մեջ բողոք: Ոմանք դա անում են չմտածելով, ոմանք էլ շահ ունեն: Վերջինը սարսափելի է: Մշտապես մեղավորներ ենք փնտրում ու գտնում: Օրինակ են բերում Իսրայելական բանակը, իր սահմանապահ հզոր համակարգերով ու հետախույզ մոծակներով:: Այդ հետախույզ մոծակներով հանդերձ Իսրայելական բանակն ամեն տարի մի քանի տասնյկան կորուստ է ունենում միայն Գազայի հատվածում (ուրիշի կորուստը մեր ցավը չի մեղմացնում, սխալ չհասկանաք): Սկզբունքորեն կռվում է փաստացի իր պետության մաս կազմող ազգային փոքրամասնության դեմ, սկզբունքորեն ունի աշխարհի հզորագույն ավիացիաներից ու հետախուզություններից մեկը, բայց էլի տալիս է կորուստներ: Ես չգիտեմ ամեն կորուստի հետ Իսրայելում պահանջու՞մ են պաշտպանության նախարարի կամ արտաքին գործերի նախարարի հրաժարականը թե ոչ: Անցնենք հարևանին: Ո՞րն է մեկ կամ մի քանի զինվոր սպանելու Ադրբեջանի նպատակը: Իմ կարծիքով հենց Հայաստանում ներքին բողոք ու անհնազանդություն առաջացնելը, որը չկառավարելու դեպքում բերում է քաոսի, իսկ քաոսը հնարավոր չէ կառավարել: Նախագահների հանդիպումից առաջ երկրի ներքին լարվածությունը կբերի ՀՀ նախագահի դիրքերի թուլացման, քանի որ ՀՀ նախագահը մշտապես նշում է, որ հայկական բանակի գլխավոր արժեքը զինվորն է: Իսկ Ադրբեջանն այսօր հարվածում է զինվորին: Բայց Ադրբեջանը էս հաշվարկներում մի շատ կարևոր բացթողում ունի: Երկու անհայտով մի հավասարում չի լուծվում: Անհայտ1. Ինչ պատասխան կտա Հայատանը մինչև նախագահների հանդիպումը կամ դրա ընթացքում Անհայտ 2. Հայկական պատասխանն ինչպես կազդի հենց բանակցությունների վրա: Էս բացթողումը երևի հասկանում են, բայց չգիտեն որն է երկրորդ հավասարումը: Ինչպես փարձը ցույց է տալիս, անգամ երկրորդ կամ երրորդ հավասարումը գտնելու պարագայում, մեր կողմից ավելացված անհայտների թիվը մշտապես ավելանում է: Թող առավոտը բարի բացվի: Ու եթե պիտի լացի, թող ադրբեջանցի մայրը լացի: Նյութի աղբյուր՝ https://www.facebook.com/aghasi.mikaelian/posts/10207667101742813 ...

    Կարդալ ավելին

ՖԲՀ

  • /uploads/photos/mcERGvAwmwUVACAU1NZr.jpeg

    Երկու օր առաջ ոստիկանապետը նախագահին ներկայացրել է Ճանապարհային ոստիկանությունում կատարված փոփոխությունները։ Իմ կողմից մի ցանկ առաջարկեմ, որոնց մի մասը, ոնց հասկացա, արվում է արդեն. ԱՆՀՐԱԺԵՇՏ ՓՈՓՈԽՈՒԹՅՈՒՆՆԵՐ 1. Ոստիկանությանը իրավասություն տալ կոպիտ խախտումների համար խոշոր տուգանք սահմանելու, կրկնվելու դեպքում՝ վարորդական վկայականից զրկելու, առանց վկայականի վարելու դեպքում խախտողներին որոշ ժամանակով բանտարկելու իրավունք։ Օրինակ՝ ԱՄՆ-ում միլիարդատեր հաբրգած, խմած/ուռած վարորդներին, անկախ նրանից՝ ովքեր են (Փերիս Հիլթոնը, Բեն Աֆլեքը), բանտարկում են, որ խելքները գլուխը հավաքեն։ Մեզ մոտ տուգանք են սահմանում, որը մուծելուց հետո նույն դեմքերը նորից ու նորից խուժանավարի քշում են, քանի որ գումարը խնդիր չէ։ Տուգանեք, էլի կմուծենք։ 2. Ճանապարհային ոստիկաններին իրավասություն տալ հաբրգած լափառոշներին տեղում բերման ենթարկելու բաժին։ Հիմա անպատժելի հաբրգած դեմքերից ոստիկանները փորձում են խուսափել, չեն տուգանում, իսկ լուրջ խուլիգանության դեպքում կապվում են պարեկային խմբերի հետ՝ իրենց էդ պատմությունից դուրս հանելու համար։ 3. Ոստիկաններին զինել պլանշետներով, որ կարողանան արագ ճշտեն՝ ինչ մեքենա է իրենց դիմաց, ով է վարորդը, ինչ խախտումներ ունի արած, ունի վկայական, թե չունի, վճարել է գույքահարկը, թե ոչ, այլ ոչ հարցնեն փաստաթուղթը, որը եթե չունես, բերման ենթարկեն։ Ֆաշիստական Գերմանիան չէ, որ թղթով ապացուցես, որ հրեա չես, թուղթ չունես, գնա բաժին։ ID քարտը պետք է լինի միակ փաստաթուղթը, որի առկայության դեպքում հնարավոր լինի իմանալու ամեն ինչ։ 4. Ոստիկաններին զինել ալկոհոլ ստուգող սարքերով, որոնց գինը ծիծաղելի է պարզապես, որ մինչ օրս չունեն, որ ստուգելուց չասեն՝ «Մի հատ ՀՈ արա»։ Ի՞նչ «ՀՈ»։ Ձե՞ռ եք առնում։ Այսօրվա գործող կարգը այսպիսին է. «Խմած ես», «Խմած չեմ», «Դե գնացինք հիվանդանոց, արյան անալիզ հանձնես, երկու ժամ սպասես, հետո եթե պարզվի խմած չես, քշի գնա»։ Ո՞ր թիվն ա։   ՑԱՆԿԱԼԻ ՓՈՓՈԽՈՒԹՅՈՒՆՆԵՐ 5. Ստիպելու վերջապես սևացրած պատուհաններով չքշելու, քանի որ սևացրած պատուհանի հետևում, որպես կանոն, թաքնվում են, թե չեմ երևում, ոնց կուզեմ, կքշեմ, մեկա չեն տեսնում՝ ով եմ, թող մտածեն՝ եսիմ ով եմ, վախենան, ես էլ ոնց կուզեմ, կքշեմ։ Պարզերես քշեք, պարզերես եղեք։ Համոզված եմ՝ վնաս էս որոշումից չկա, իսկ օգուտը բացահայտ է։ 6. Տուգանելու դեղինի տակ անցնող վարորդներին։ Մանրուք է, բայց համոզված եմ, որ խցանումների շատ մեծ մասը դրանից է լինում։ Թեքվել պատրաստվող մեքենաները կանգնած սպասում են, սպասում են, որ մեքենաների հոսքը ավարտվի, թեքվեն ձախ, դեղին լույսը միանում է։ Ու սկսվում է։ Մի կողմից դեղինի տակ սկսում են մտնել մինչ այդ կարմիրի տակ կանգնած մեքենաները, մյուս կողմից դեղինի տակ մտնում է մինչ այդ կանաչ լույսի տակ եկող մեքենան։ Արդյունքում սպասում ես, մինչ սա գա, գնա, որ 3-4 մեքենա իրար հետևից կանգնած սկսեն թեքվել, բայց նորերը գալիս հասնում են, ու մեքենաները ստիպված մնում են խաչմերուկի մեջտեղում։ Դեղինը պետք է լինի, որ կանաչի տակ մտածները գան անցնեն, այլ ոչ, որ նորերը մտնեն ու կարմիրի տակ նոր դատարկեն խաչմերուկը։ 7. Սովորեցնել մարզերում աշխատող ոստիկաններին վարորդների հետ նորմալ շփվելու։ Միգուցե միայն ինձ հետ է նման իրավիճակ, միգուցե սխալվում եմ, բայց Երևանում ոչ մի անգամ նման խնդիրների առաջ չեմ եկել, բայց մարզերում երկու անգամ կանգնեցրել են, մի անգամ հետևի լույսն էր փչացել, խորհուրդ են տվել սարքել, մյուս անգամ ուղղակի ստուգում էին, բայց երկու անգամ էլ էն տպավորությունն էր, որ հազար տարվա ընկերներ ենք։ Չեմ ուզում, ընկեր ջան։ Ես «դու»-ով չեմ խոսում, ինձ հետ էլ պետք չի տնավարի խոսել։ Ես վարորդ եմ, դուք՝ ոստիկան։ Այլ առաջարկնե՞ր․․․ Նյութի աղբյուր՝ https://www.facebook.com/517design/posts/10155070207089273

    Կարդալ ավելին

Քաղաքականություն