• Ալիսա Մանուկյան
  • Որքան ընտրությունները մոտենում են, այնքան նկատելի է իշխանության գործուն ջանքերով կառուցվող-վերակառուցվող-ձևավորվող տարատեսակ շարժումներն ու դաշինքները: Ակհայտ է, որ իշխանությունն ամեն ինչ անում է իր համար վերահսկելի խորհրդարան կազմավորելու և ձեռնամուխ է եղել նաև «ընդդիմադիր» ուժեր ձևավորելու պրոցեսին: Եթե մի քանի ամիս առաջ դեռ հնարավորություն կար խորհրդարանում ընդդիմության ներկայությունը ավելացնելու հարցում, ապա ներկայումս դրա ջանքերը հավասարվել են զրոյի: Այս պահին ակնհայտ է, որ ընդդիմության դրոշակակիրը նոր խորհրդարանում կրկին ՀԱԿ-ն է լինելու: Միակ ուժը, որն իր սկզբունքներին չի դավաճանել ու ընտրություններին գնում է պարզ ճակատով, Հայ ազգային կոնգրեսն է: Ցավոք, իրական պատկերը սա է: Նյութի աղբյուր՝ https://www.facebook.com/permalink.php?story_fbid=723189571190554&id=100004985530872 ...

    Կարդալ ավելին
  • Նոր կառավարության ձևավորումից հետո մամուլում մի քանի անգամ հայտնվել են նախարարների ու վարչապետի զրույցի կադրերը, որոնք բավականին մեծ քննարկումների առիթ էին հանդիսացել: Բոլորի ուշադրությունը սևեռված էր ՀՅԴ-ական նախարարների ու կառավարության ղեկավարի միջև տեղի ունեցած խոսակցությունների վրա: ՀՅԴ-ն արդեն մեկ շաբաթ է, ինչ բոլոր հնարավոր ամբիոններով հայտարարում է, որ իրենք նոր վարչապետի հետ խնդիր չունեն, իրենց նեղացած չեն զգում, վիրավորված չեն և ամեն ինչ ընդունելի է, բայց իրենց ազդեցության տակ գտնվող կայքով «տակից խփում են» նոր կառավարությանը: Այսպիսի գործելաոճը, կարծում եմ, ավելի է ընդգծում այն, որ ՀՅԴ-ականներն այսօր մինչև հոգու խորքը վիրավորված են: Հնարավոր է, որ նման գործելաոճը պարզապես ինքնապաշտպանողական ազդակ է դաշնակցականների կողմից, սակայն սթափ դատողությամբ եթե նայենք, ապա իրենց ենթակայության տակ գտնվող մեդիա ռեսուրսներով պարզապես փորում են սեփական գերեզմանները ու ավելի են բարդացում վիճակը: Նման տակտիկան ավելի է մեծացնում բոլոր ռիսկերը, որոնք այսօր առկա են: Կարծում եմ` այս ֆիլմաշարը դեռ մի քանի սեզոն կտևի, սակայն վստահ եմ, որ դաշնակցականները երկու ոտքով են ընկնելու իրենց լարած թակարդը: Նյութի աղբյուր` https://www.facebook.com/permalink.php?story_fbid=663414647168047&id=100004985530872 ...

    Կարդալ ավելին
  • Հայաստանում ընդդիմությունը երբեմն մեղադրվում է այն բանում, որ իշխանություններին թողած ինքն իր ներսում է պայքար մղում: Այսօրվա մեր ընդդիմադիր դաշտը առավել քան ապացուցում է այդ թեզը: Քանի ընտրությունները մոտենում են, քաղաքական ուժերն ավելի են ակտիվանում ու քաղաքական գործընթացների գունապնակն ավելի արտահայտիչ գույներով է համալրվում: Քաղաքական երևույթներն ավելի են ընդգծվում: Այսպես, տպավորություն է, որ Նիկոլ Փաշինյանը մի ական է՝ նետված ընդդիմադիր դաշտ: Նա պարբերաբար հանդես է գալիս հայտարարություններով: Ու եթե իշխանություններին քննադատությունը կրում է կրկնվող բնույթ՝ միևնույն թեզերով, ապա ընդդիմադիր ուժերին քննադատելու ճանապարհին նա անընդհատ նորանոր բարձունքներ է նվաճում: Մի անգամ քննադատում է ՀԱԿ-ին, մյուս անգամ, Լուսավոր Հայաստանին, հաջորդ անգամ՝ Ժառանգությանը, ապա մնացածին: Երբեմն էլ բոլորին անդրադառնում է մեկ փաթեթով: Բնականաբար, նրանք էլ իշխանություններին թողած, ուշադրությունը սևեռում են Նիկոլի վրա: Օրիինակ՝ օրերս Ն. Փաշինյանը կասկածի տակ էր Է. Մարուքյանի ընդդիմադիր լինելը, ասելով. «Էդմոն Մարուքյանը 2016 թվականից պատգամավոր է, պետական բոլոր բյուջեներին կողմ է քվեարկվել, իսկ պետական բյուջեն ֆինանսաքաղաքական ամենակարեւոր փաստաթուղթն է»: Է. Մարուքյանն էլ հակադարձել էր, թե «Նիկոլն էլ ՀՀԿ խմբակցության կողմից ներկայացված օմբուդսմենի թեկնածուին է կողմ քվեարկել, այսինքն, եթե այդ չափանիշով նայենք, ուրեմն նույն բանը նրան էլ է վերաբերում»: Եվ այսպես շարունակ: Օրինակները բազմաթիվ են: Արդյունքը լինում է այն, որ ընդդիմադիր դաշտն ալեկոծվում է, և այդ դաշտի բոլոր մասնակիցները կրում են հեղինակազրկման իրենց բաժինը: Այո, իրականում Հայաստանի ընդդիմությունը շատ մեղավոր է ու միայն ինքն է մեղավոր իր գրեթե զրոյական վիճակի մեջ: Նյութի աղբյուր՝ https://www.facebook.com/permalink.php?story_fbid=653116951531150&id=100004985530872 ...

    Կարդալ ավելին
  • Հաջորդ տարվա խորդրարանական ընտրություններին ընդառաջ, այս աշնանը սկսվելու է քաղաքական ուժերի մրցավազքը: Ոչ մեկի համար գաղտնիք չէ, որ իշխանությունները հնարավորինս զերծ են մնում հանրահավաքներից և իրենց հանդիպումները կուսակցականների հետ կազմակերպում են համալիրում, որտեղ կարողանում են հավաքել իրենց հիմնական էլեկտորատը: Ընդդիմության դեպքում պայքարը ծավալվում է փողոցում: Ոչ մեկի համար գաղտնիք չէ, որ քաղաքական լուրջ օրակարգ ունեցող և կուսակցությունների մեջ ամենամեծ քանակով հանրահավաք իրականացրած ուժը Հայ Ազգային Կոնգրեսն է: ԼՏՊ-ի գլխավորությամբ ՀԱԿ-ն իրականացնում էր բազմահազարանոց միտինգներ, որի հաճելի րոպեները վայելում էր նաև ապագա «ինստիտուցիոնալը»: ՔՊ նորաստեղծ կուսակցությունը սեպտեմբերի տասին Ազատության հրապարակում հրավիրել է հանրահավաք: Նիկոլի դեպքում ստեղծվում է այնպիսի տպավորություն, որ նա զուտ ցանկանում է դառնալ աշնան առաջին հանրահավաքի հեղինակը: Զարմանալի չէ, քանի որ եթե մարդը իր քաղաքական ուժը հռչակել է միակ ընդդիմությունը ՀՀ-ում, ապա ինչու չպետք է դառնա առաջին հավաքի հեղինակ: Ինչպես նշեցի, կարևոր է ձևավորել առողջ և իրական օրակարգ: Կեղծ և թերի օրակարագերի մենք ականատես ենք եղել բազմաթիվ անգամ, որոնց հետևանքով ցույցերը մարել են, իսկ հանրությունը հերթական անգամ հիասթափվել: Եվ այսպես, որն է Նիկոլ Փաշինյանի օրակարգը: Բոլոր քաղաքական ուժերի վրա ցեխ շպրտող Նիկոլը կարծես թե ցանկանում է այդ նույնը անել, ուղակի այս անգամ ոչ թե ԱԺ ամբիոնից, այլ Ազատության հրապարակի աստիճաններից: Արդյոք մարդիկ պատրաստ են լսել ոչ թե իշխանափոխության, այլ մնացած քաղաքական ուժերին քննադատող և «բացահայտող» ելույթներ՝ խիստ կասկածում եմ: Հնարավոր է դա ակնահաճո լինի իշխանություններին, որոնց մոտ Նիկոլը կարծես թե «խունջիկ-մունջիկ է գալիս»: Ամեն դեպքում Փաշինյանը պետք է գիտակցի, որ առանց ԼՏՊ-ի և ՀԱԿ-ի ինքը դարձել է շարքային շուխուր անող, ինչ ևս մեկ անգամ ապացուցվեց Երևանում տեղի ունեցած վերջին իրադարձությունների ընթացքում: Նյութի աղբյուր՝ https://www.facebook.com/permalink.php?story_fbid=649228951919950&id=100004985530872 ...

    Կարդալ ավելին
  • ՊՊԾ գնդի գրավվումը հերթական միջադեպերից, երբ հանրությունը մանավանդ սոցիալական ցանցերում բաժանում է պայմանական սևերի ու սպիտակների: Չեմ անդրադառնա, թե ովքեր են այս պայքարում կոնկրետ սևերն ու սպիտակներ, այլ մի փոքր կանգ կառնեմ դրա հետևանքներից մեկի վրա: Այսպիսի իրադարձություններից հետո սոցիալական ցանցերում հայհոյանքը որպես «տղայություն» է դիտվում, աղջկների ոկղմից կիրառումը՝ քաջագործություն: Ինչո՞ւ, երևի իրենցից պետք է հարցնել, սակայն միջին վիճակագրական հայի համար, դա պարզ անկրթություն է: Վերջին օրերին գոնե մ համար նկատելի է, ովքեր խոսում են զոհված ոստիկանի, նրա ընտանիքի մասին, միանգամից ոչ միայն որակվում են «ռեժիմի ստրուկ», այլ ամենավերջին բառերով վիրավորանքների արժանանում: Ու կարևոր չէ, որ զոհված ոստիկանի մասին ողջամիտ մեկնաբություն գրողները օրեր առաջ քննադատում էին իշխանությանը՝ կուտակված լարվածության համար: Կարծես զոմբիների թիմեր են աճեցվում հատուկ բոլորի հայհոյելու ու դրանով իսկ իրականում Ժիրոյենց կողքից հեռացնելու համար: Խելքի եկեք. հայհոյանքով հեղափոխություն չեք անի, մի վանենք մարդկանց, թե չէ ուշ կլինի, իսկ դուք կվերածվի պարզ մարգինալների, չի բացառվում, որ ձեր լկտիության համար «դալաններում» ծեծ էլ կուտեք: Նյութի աղբյուր՝ https://www.facebook.com/permalink.php?story_fbid=644535822389263&id=100004985530872 ...

    Կարդալ ավելին
  • Հուլիսի 17-ին Հայաստանը ցնցվեց՝ ստանալով ՊՊԾ գնդի գրավման մասին լուրը: Հասարակությունը արագ բաժանավեց երկու խմբի, որանց մի կողմը գունդը գրավածներին համարում էր հերոս, մյուս կողմը՝ ահաբեկիչ: Բայց եթե խնդիրը դիտարկենք առանց հույզերի, պետք է հաշվի առնենք մի քանի փաստ: Նախ զինված գործողությունն իր բնույթով հակասահմանադրական էր և ամեն կերպ հարվածում էր նոր զարգացող պետությանը բոլոր ոլորտներում, ինչի մասին խոսում են հուլիսի տնտեսական ցուցանիշները: Հաջորդ՝ մեր երկիրը ապրիլյան պատերազմից հետո շատ լուրջ խնդիրների առաջ է կանգնած, որոնցից լրջագույնը պատերազմի վերսկսման վտանգն է: Այս պարագայում պետք է յուրաքանչյուր ոք գիտակցի, որ ներպետական խաղաղությունը մեզ օդի և ջրի պես է անհրաժեշտ: Այս ամենը հաշվի առնելով չի ընդունվում ոչ մի բացատրություն, թե չկա պայքարի այլ ձև: Դա ուղղակի հացավոր բառակապակցություն է, որի հետևանքերը կարող են լինել անդառնալի: Ահա այս գաղափարի կողմնակից է Հայ Ազգային Կոնգրեսը և մշտապես փորձել է գտնել խնդիրների լուծման խաղաղ ճանապարհ: Իհարկե կլինեն մարդիկ, որ կպնդեն, որ ՊՊԾ գնդի գրավմամբ նոր շարժում սկսվեց, մարդկանց մոտ հույս առաջացավ և այլն, բայց պետք է փաստենք, որ նման անպատասխանատու և հակապետական քայելը ավելի շատ է մարդկանց հուսալքում: Առանց այն էլ մեր երկրում խնդիրների պակաս չկա. բավ է կրակի վրա յուղ լցնեք, «հող չենք տալու» գոռալով զինված հարձակում չեն գործում երկրի ներսում՝ թուլացնելով ներքին կայունությունը: Այսպիսի քայլերի պատճառով կարող ենք ավելի շատ հող կորցնել, քան որ դուք մտածում եք կորցնելու ենք: Նյութի աղբյուր՝ https://www.facebook.com/permalink.php?story_fbid=642600462582799&id=100004985530872 ...

    Կարդալ ավելին
  • Վերջին օրերի ձերբակալություններն ու հանրահավաքի փաստացի «գլխատումը» ցուցարարների կողմից, կրկին հնարավորություն տվեցին Նիկոլին՝ ուղեղին զոռ տալու ու ստեղծված իրավիճակում հաղթողական կեցվածք ընդունելու համար: Նիկոլը հիմա էլ արտահերթի նստաշրջանի նախաձեռնությամբ է հանդես եկել՝ լավ իմանալով, որ իր այդ նախաձեռնության մեջ լրիվ միայնակ է, հա մի քանի թեթևի մեջ պատգամավորներ էլ վրա դիր: Իրականում Նիկոլը չհասկացավ, այն օրը, երբ հրապարակային մեղադրանքներ հնչեցրեց իր իրական քաղաքական հոր՝ հիմնադիր նախագահի հասցեին, դրանով փակեց իր կարիերայի վերջին դուռը: Նյութի աղբյուր՝ https://www.facebook.com/permalink.php?story_fbid=636119996564179&id=100004985530872 ...

    Կարդալ ավելին
  • Այսօր առավոտյան հայտնի դարձավ, որ Երևանի ՊՊԾ գնդի զինյալները բուժօգնություն են պահանջել՝ իրենց շարքերում եղած վիրավորներին բուժելու համար, այնուհետև բուժանձնակազմին արգելել են ետ վերադառնալ: Ինչի՞ է սա նման: Հայրենասեր հայերի, ազատամարտիկների պահվածքի՞, ինչպես իրենց ներկայացնում էին զինյալները, թե՞ ահաբեկչական գործողությունների: Այս քայլն ամողջությամբ զրոյացնում է Խորենացու ցուցարարների քաղաքական պահանջներն ու քաղաքական վարքագիծը, քանի որ այն կողմերին ետ է վանում բանակցային սեղանից ու մինչ այդ խաղաղ ցուցարարների կողմից տարվող քաղաքական գործընթացներում ներդնում է հանցավոր ռազմական բաղադրիչ: Հիմա ինչպե՞ս են ցուցարարները ասելու որ իրենք պայքարում են հայրենասեր ու ազնիվ զինյալների անվտանգության համար, երբ այդ անձինք իրենց օգնելու համար ՊՊԾ գնդի տարածք մտած բժիշկ պատանդներ են պահում: Իսկ ո՞ւր մնացվին բարոյական նորմերն ու արժեքները: Ոչ մի պարագայում չի կարելի քաղաքական նպատակներ ու խնդիրներ լուծել այլոց ճակատագրերի հետ խաղալով: Զինյալների այս քայլը, թերևս, բովանդակային առումով շատ բան է փոխում իրավիճակում ու մարդկանց ընկալումներում: Նյութի աղբյուր՝ https://www.facebook.com/permalink.php?story_fbid=635662999943212&id=100004985530872 ...

    Կարդալ ավելին
  • Երեկվանից քննարկվում է Խորենացի փողոցում համակարգող մարմին ձևավորելու հարցը: Հանրահավաքի ժամանակ բանախոսները բարձրաձայնեցին մի քանի գործիչների անուններ, որոնց առաջարկվում է միանալ նախաձեռնող խմբին: Այսօր Պարույր Հայրիկյանը, ընդունելության քննությունները գերազանց հանձնած ուսանողուհու ոգևորությամբ, իր ֆեյսբուքյան էջում տեղեկացրել է, թե ընդունել է նախաձեռնող խմբի անդամ դառնալու հրավերը. «Այսօր ես ընդունեցի ՀԱԿԱՃԳՆԱԺԱՄԱՅԻՆ ՆԱԽԱՁԵՌՆՈՂ ԽՈՐՀՐԴԻ անդամ դառնալու հրաւէրը եւ կէս ժամից կը լինեմ Խորենացու կիզակէտում որպէս այդ խորհրդի անդամ...»: Դե ինչ պարոնայք, հանրահավաքի տապալմանը մնացել է կես ժամից էլ քիչ ժամանակ: Չեմ հասկանում, թե ու՞մ հետ են հույսեր կապում մարդիկ, ի՞նչպես կարելի է թույլ տալ. որ մարդկային զանգվածներին ուղորդի Հայրիկյանի պես մաշված գործիչը և ընդհանրապես ի՞նչ խնդիր կարող է լուծել սիմվոլն իր փոքրիկ ջոկատով: Հասկանալի է, որ արդեն երկու տասնամյակ անտեսված լինելու պայմաններում, մարդն այս հրավերից մի փոքր ոգևորվել է, բայց չարժե մեռելներին կարգել համակարգող: Թույլ տվեք մի փոքրիկ կանխատեսում անել. Կարճ ժամանակ անց Հայրիկյանն իր ֆեյսբուքյան էջում հայտարարելու է նախաձեռնությունից դուրս գալու մասին ու կլոր տարին այս հանրահավաքների վերաբերյալ ԱԻՄ-ի 45 էջանոց զեկույցներն է հրապարակելու իր ֆեյսբուքյան էջում, ինչպես նախորդ դեպքերում եղավ: Կինոն սկվում է, սպասենք Եվրամիության դրոշներին, հնացած լոզունգներին ու որ ամենակարևորն է՝ ոչինչ չասող բաժակաճառերին: Նյութի աղբյուր` https://www.facebook.com/permalink.php?story_fbid=634484843394361&id=100004985530872&from_close_friend=1&notif_t=close_friend_activity&notif_id=1469377509931626 ...

    Կարդալ ավելին
  • Եթե Երևանի ՊՊԾ գնդի տարածքը գրավողները արցախյան ազատամարտի մասնակիցներ չլինեին, հասարակության վերաբերմունքն անշուշտ այլ կլիներ: Մարդիկ գուցե առանց տատանվելու բոլորին ահաբեկիչներ անվանեին ու երկրորդ կարծիք էլ գոյություն չունենար հասարակության մեջ: Բայց մի՞թե միայն ազատամարտիկ լինելու հանգամանքը թույլ է տալիս մարդուն զենք վերցնել ու զինված հարձակում գործել պետական հիմնարկի վրա: Ինչպիսի շարժառիթ էլ որ նա ունենա: Էտ պարագայում կարող ենք ասել, որ Շմայսը, ում ներդրումը ևս հայտնի է Ղարաբաղյան պատերազմում ճիշտ է ու ոչ դատապարտելի, երբ հայհոյում է ԱԺ նիստերի ժամանակ: Կամ մի՞թե հասարակությանը դուր է գալիս ԱԺ պատգամավոր գեներալներ Մանվել Գրիգորյանի ու Սեյրան Սարոյանի պահվածքն ու կերպարը՝ որպես քաղաքական գործիչներ: Միանշանակ՝ ոչ: Շմայսը, գեներալ Մանվելն ու Սեյրանը, ինչպես նաև Պավլիկ Մանուկյանը որքան էլ մեծ ներդրում ունենան Ղարաբաղյան պատերազմում, քաղաքական ու քաղաքացիական կյանքում պետք է օրինակելի վարք ունենան ու շարժվեն համընդհանուր նորմերով: Եթե դա չեն կարող անել, պետք է հրաժարվեն տվյալ դաշտում դրսևորվելուց: Նյութի աղբյուր՝ https://www.facebook.com/permalink.php?story_fbid=633528723489973&id=100004985530872 ...

    Կարդալ ավելին
Загрузка...

ՖԲՀ

Քաղաքականություն