Գովազդի համար զանգահարել 099 999 409
  • Կարինա Սանթրոսյան
  • Սննդամթերքի շուկայում փետրվարին հունվարի համեմատ արձանագրվել է 1,2% գնանկում, որը հիմականում պայմանավորված է բանջարեղենի և մրգի գների նվազմամբ: ԱՎԾ տվյալներից տեղեկանում ենք, որ բանջարեղենի ապրանքախմբում 2017թ. փետրվարին նախորդ տարվա նույն ամսվա համեմատ արձանագրվել է 20,1% գնաճ, իսկ 2017թ. հունվարի համեմատ` 5,6% գնանկում: Իսկ մրգի ապրանքախմբում անցած տարվա փետրվարի համեմատ արձանագրվել է 20,8% գնաճ, իսկ այս տարվա հունվարի համեմատ`1,3% գնանկում: Կաթնամթերքի, պանրի եւ ձվի ապրանքախմբում փետրվարին անցած տարվա նույն ամսվա համեմատ գրանցվել է 3,2%, իսկ նախորդ ամսվա համեմատ` 0,6% գնանկում: Ձկնամթերքն անցած տարվա համեմատ թանկացել է 1,9%-ով, իսկ անցած ամսվա համեմատ` 1,4%-ով: Յուղերի եւ ճարպերի ապրանքախմբում գրանցվել է համապատասխանաբար 0,4%, եւ 0,5% գնաճ: Միաժամանակ, մսամթերքը փետրվարին անցած տարվա նույն ամսվա համեմատ էժանացել է 1%-ով, իսկ 2017թ. հունվարի համեմատ թանկացել 0,1%-ով: Բացի այդ` ոչ պարենային ապրանքների շուկայում փետրվարին հունվարի համեմատ գրանցվել է 0,9% գնանկում: Նյութի աղբյուր՝ https://www.facebook.com/permalink.php?story_fbid=1861658997384531 ...

    Կարդալ ավելին
  • Տարբեր պետություններում կիրառվում է հարկային տարբեր քաղաքականություն՝ ելնելով նրանց առանձնահատկություններից: Հարկային քաղաքականության իրականացումից էլ բխում է տարբեր պետություններին բնորոշ հարկային ստուգումների կարգը։ Իսկ հարկը պետական և հասարակական կարիքների բավարարման նպատակով համապարտադիր և անհատույց վճար է, որը գանձվում է ֆիզիկական և իրավաբանական անձանցից, հիմնարկներից, տեղական ինքնակառավարման մարմիններից՝ հարկային օրենսդրությամբ նախատեսված կարգով, չափերով և սահմանված ժամկետներում։ Հարկային քաղաքականության գլխավոր խնդիրն է ռեսուրսների արդյունավետ օգտագործումը, ինչպես նաև գների կտրուկ բարձրացումը և բնակչության սոցիալական շերտավորման խորացումը կանխելը։ Այս առումով կարևորվում է պետության խթանող հարկաբյուջետային քաղաքականությունը։ Հարկային քաղաքականության բարելավման տեսանկյունից էական նշանակություն ունի հարկային կարևոր նշանակության ստուգումների կարգի պարզեցումը և մեղմ վարչարարության իրականացումը, որը թույլ կտա տնտեսվարողին խուսափել լրացուցիչ քաշքշուկից: Այս կապակցությամբ վարչապետը ՊԵԿ-ին հանձնարարել էր հարկային ստուգումներ իրականացնել բացառապես ռիսկային համարվող տնտեսվարող սուբյեկտների մոտ, իսկ փոքր և միջին ձեռնարկություններին անդրադառնալ միայն ծայրահեղ անհրաժեշտության դեպքում: Պետք է նշել, որ մեծաթիվ հարկ վճարողներ ոչ համարժեք են ընկալել և մեկնաբանել վարչարարություն իրականացնելու հանձնարարականը, և քանի որ առկա են այնպիսի բացասական երևույթներ, ինչպիսիք են իրացման, շրջանառությունների և գների, աշխատողների թվաքանակի վարձատրության մեծությունների թերհայտարարագրումը, առանց հաշվարկային փաստաթղթերի ապրանքների մատակարարումը, ծախսերի ուռճացումը, ՀԴՄ-ների շահագործման կանոնների խախտումը, ապա վարչապետն ընդգծել է, որ մեղմ վարչարարությունը կարող է և պետք է վերաբերվի բացառապես օրինապահ հարկ վճարողներին: Հարկերից խուսափելու ցանկացած դրսևորում, անկախ հարկ վճարողի բնույթից, պետք է կանխվի: Մեկ այլ հանձնարարականով վարչապետը հանձնարարել է ՊԵԿ-ի պարբերաբար հրապարակել ինչպես օրինապահ, այնպես էլ խախտումներ թույլ տված հարկ վճարողների տվյալները: Նյութի աղբյուր՝ https://www.facebook.com/permalink.php?story_fbid=1840815582802206&id=100006213469551 ...

    Կարդալ ավելին
  • Ընդհանուր տնտեսական փոփոխություններից և օպտիմալացումից զատ՝ շատ կարևոր է փոփոխություններ իրականացնել նաև պետական ապարատի ներսում: Գործադիր մարմնի ղեկավարի հանձնարարությամբ երկամսյա ժամկետում պետք է ներկայացվեն առաջարկություններ՝  պետական մասնակցությամբ առևտրային կազմակերպությունների կառավարման բնագավառում կոնկրետ միջոցառումներ և գործուն մեխանիզմներ կիրառելու վերաբերյալ: Թիրախում պետական բյուջե մուտքագրվող շահաբաժինների ծավալի ավելացումն է: Դրանից զատ՝ սպասվում է, որ երեք ամսվա ընթացքում կներկայացվի նաև պետական գույքի վարձակալության գործընթացի արդյունավետությանն ուղղված մեխանիզմներ, որոնք իրենց հերթին կավելացնեն վարձակալությունից պետական բյուջե հոսող մուտքերը: Այդ ժամանակահատվածում խնդիր է դրված ներկայացնել կանխատեսումներ, որոնք վերաբերում են մասնավորեցման ծրագրերում ընդգրկված առևտրային կազմակերպությունների  բաժնետոմսերի մասնավորեցումից կամ պետական գույքի օտարումից սպասվելիք արդյունքներին: Նյութի աղբյուր՝ https://www.facebook.com/permalink.php?story_fbid=1837297359820695&id=100006213469551 ...

    Կարդալ ավելին
  • 2016-ի «լավն ու վատը» թվերով 2016 թվականը մոտենում է ավարտին, և բնականաբար, հետաքրքրույթւոն է առաջացնում ԱՎԾ տվյալների ուսումնասիրությունը: Այսպիսով՝ 2016-ի հունվար-նոյեմբերին ՀՀ տնտեսական ակտիվության ցուցանիշը նախորդ տարվա նույն ժամանակահատվածի համեմատ աճել է 0,6 տոկոսով: Իհարկե, սպասելիքները միշտ ավելին են, բայց շատ կարևոր է հասկանալ ցուցանիշի ձևավորման նախադրյալները: Ըստ ԱՎԾ տվյալների` աճ է արձանագրվել միայն արդյունաբերությունում և ծառայությունների ոլորտում: Մասնավորապես արդյունաբերական արտադրանքի ծավալն ավելացել է 6,8 տոկոսով, ծառայություններինը՝ 7,8 տոկոսով, առևտրի շրջանառությունը՝ 0,3 տոկոսով: Անկում է արձանագրվել գյուղատնտեսությունում՝ 6,1 տոկոսով և շինարարությունում՝ 10,9 տոկոսով:  Գումարային առումով ամենաբարձրը առևտրի շրջանառությունն է` 1 տրլն 944 մլրդ դրամ, ապա արդյունաբերության արտադրանքի ծավալը` 1 տրլն 285 մլրդ դրամ, երրորդը`ծառայությունների ծավալը` 1 տրլն 141 մլրդ դրամ: Այս ցուցանիշների ֆոնին դրական երանգ է հաղորդում արտահանման երկնիշ աճը, որը շարունակում է աճել: Ըստ տվյալների՝ արտաքին առևտրաշրջանառությունը 2016-ի հունվար-նոյեմբերին նախորդ տարվա նկատմամբ աճել է 8 տոկոսով՝ կազմելով 4 մլրդ 576 մլն դոլար։ Արտահանումը կազմել է 1 մլրդ 621 մլն դոլար՝ աճելով 21,2 տոկոսով, իսկ ներմուծումը կազմել է 2 մլրդ 954 մլն դոլար՝ աճելով 2 տոկոսով։ Նյութի աղբյուր՝ https://www.facebook.com/permalink.php?story_fbid=1828130350737396 ...

    Կարդալ ավելին
  • 2016-ի հունվար-օգոստոսին Հայաստանի տնտեսական ակտիվության ցուցանիշը (ՏԱՑ) նախորդ տարվա առաջին կեսի համեմատ աճել է 2,4 տոկոսով: Ինչպես տեղեկանում ենք ազգային վիճակագրական ծառայության հրապարակումներից, արտաքին առևտրաշրջանառությունը 2016-ի հունվար-օգոստոսին 2015-ի հունվար-օգոստոսի նկատմամբ աճել է 4,6 տոկոսով և կազմել 3 մլրդ 114 մլն դոլար։ Արտահանումը կազմել է 1 մլրդ 129 մլն դոլար՝ աճելով 18,9 տոկոսով, ներմուծումը կազմել է 1 մլրդ 985 մլն դոլար՝ նվազելով 2,1 տոկոսով։Արտաքին առևտրի բացասական հաշվեկշիռը շարունակվել է կրճատվել՝ կազմելով մոտ 856 մլն դոլար: Նյութի աղբյուր՝ https://www.facebook.com/permalink.php?story_fbid=1786885958195169&id=100006213469551 ...

    Կարդալ ավելին
  • Սահմանվել են հայկական կոնյակի ու բրենդիի գինենյութի, սպիրտահումքի, սպիրտաջրի, բուրավետ ջրի և խաղողի օղու գինենյութի ու թորվածքահումքի թորման համար նախատեսված սարքերին ներկայացվող տեխնիկական պահանջները: Կառավարության այսօր ընդունած որոշման հիմնավորման համաձայն, գինեգործական արտադրանքը, մասնավորապես, կոնյակն ու կոնյակի սպիրտը, Հայաստանից արտահանվող հիմնական արտադրատեսակներից են և ունեն ծավալների ավելացման ներուժ: Բացի դրանից, արտահանմանն ուղղված արդյունաբերական քաղաքականության ռազմավարությամբ կոնյակագործությունն ընդգրկվել է առաջնային ոլորտների շարքում: Այդ պատճառով անհրաժեշտ է ոլորտը կանոնակարգող օրենսդրությունն ու թողարկվող արտադրանքի ցուցանիշները համապատասխանեցնել միջազգային ընդունված պահանջներին: Այս որոշմամբ ակնկալվում է բարձրացնել թողարկվող հայկական կոնյակի, բրենդիի և խաղողի օղու արտադրանքի որակական ցուցանիշները, որը հնարավորություն կտա ավելացնելու դրանց արտահանման ծավալները: Նյութի աղբյուր՝ https://www.facebook.com/permalink.php?story_fbid=1757292774487821&id=100006213469551 ...

    Կարդալ ավելին
  • 2016-ի հունվար-մայիսին Հայաստանի Հանրապետության պետական բյուջեի ծախսերը կազմել են մոտ 496 մլրդ դրամ, ինչը 5 տոկոսով կամ մոտ 24 մլրդ դրամով ավելի է նախորդ տարվա նույն ժամանակահատվածի ծախսերի համեմատ: Այս մասին տեղեկանում ենք Ազգային վիճակագրական ծառայության հրապարակումներից: Ամենամեծ ծախսերը կատարվել են սոցիալական պաշտպանության ոլորտում` 160,5 մլրդ դրամ կամ հունվար-մայիս ամիսների բյուջեի ամբողջ ծախսերի 32,4 տոկոսը: Սոցիալական ծախսերն աճել են 4,3 տոկոսով: Երկրորդ տեղում ընդհանուր բնույթի հանրային ծառայություններն են` մոտ 108,7 մլրդ դրամ կամ տարվա առաջին 5 ամիսների ամբողջ ծախսերի 21,9 տոկոսը: Աճն այստեղ կազմել է 15,3 տոկոս: Երրորդ տեղում պաշպանության ծախսերն են` 73,5 մլրդ դրամ կամ ամբողջ բյուջեի ծախսերի 14,8 տոկոսը: Բյուջեից հատկացվող գումարն այստեղ ավելացել է 2,8 տոկոսով: Նյութի աղբյուր` https://www.facebook.com/permalink.php?story_fbid=1756957784521320&id=100006213469551&notif_t=close_friend_activity&notif_id=1467801743273982 ...

    Կարդալ ավելին
  • ԱՎԾ-ի տվյալների համաձայն 2016թ․-ի հունվար-մայիս ամիսների ընթացքում ՀՀ-ում արտադրվել է 6 851.9 հազար լիտր կոնյակ, ինչն անցյալ տարվա համանման ցուցանիշից ավել է 56.4%-ով։ Նշենք, որ 2015թ․-ի ընթացքում Հայաստանում կոնյակի արտադրության ծավալները նվազել են 9.4%-ով և կազմել 16 947.6 հազար լիտր։ 2014թ․-ին անկումը կազմել էր 8% և արձանագրվել 18 7215.5 հազար լիտր ցուցանիշը, իսկ 2009-2013 թվականների ընթացքում, Հայատանում կոնյակի արտադրության ոլորտում գրանցվել էր շարունակական աճը: 2013 թվականին Հայաստանում արտադրվել էր շուրջ 20,2 մլն լիտր կոնյակ, 2012 թվականին` 18,5 մլն լիտր: 2011 թվականին արտադրվել էր 15,3 մլն լիտր, 2010 թվականին` 12.6 մլն լիտր, 2009 թվականին` 9.8 մլն լիտր: ճգնաժամային 2008 թվականին մեր երկրում արտադրվել էր 15.9 մլն լիտր կոնյակ: Նյութի աղբյուր` https://www.facebook.com/permalink.php?story_fbid=1755191741364591&id=100006213469551&from_close_friend=1&notif_t=close_friend_activity&notif_id=1467371175752879 ...

    Կարդալ ավելին
  • ՀՀ կառավարության աշխատակազմի և ԱՄՆ միջազգային զարգացման գործակալության միջև կնքված «Հանքարդյունաբերության ոլորտի թափանցիկության բարելավում» ծրագրի առնչույթամբ կառավարության այսօր ընդունած որոշման համաձայն, նախատեսված է «Հանրապետական երկրաբանական ֆոնդ» ՊՈԱԿ-ի տվյալների թվայնացում և հրապարակում: Ծրագրի իրականացման արդյունքում պետք է թվայնացվի ֆոնդում առկա օգտակար հանածոների մոտ 750 հանքավայրերի և 600 հանքերևակումների վերաբերյալ կազմված շուրջ 12,000 երկրաբանական հաշվետվություններ և 8,000 միավոր քարտեզագրական և գծագրական փաթեթներ: Յուրաքանչյուր հանքավայրի մասին տեղեկատվությունը կազմված է 2-3 գրքերից: Վերոնշյալ աշխատանքներն իրականացնելու նպատակով կառավարության աշխատակազմը ձեռք է բերել որոշման հավելվածում նշված սարքավորումները: Նյութի աղբյուր՝ https://www.facebook.com/permalink.php?story_fbid=1754875238062908&id=100006213469551 ...

    Կարդալ ավելին
  • «Խաչատրյան եղբայրներ» ընկերության կողմից իրականացվող ներդրումային ծրագրի շրջանակում, կառավարության որոշմամբ, ավելացված արժեքի հարկի վճարման ժամկետը կհետաձգվի 3 տարով: Ներդրումային ծրագրի շրջանակում «Խաչատրյան եղբայրներ» ընկերության նպատակն է Սյունիքի մարզի Ծղուկ համայնքում կառուցել 4 մգվտ փոքր հիդրոէներգոկասկադ, օգտագործելով նշված տարածքի գետերի պոտենցիալը` արտադրելով էլեկտրաէներգիա: Ընկերությունը նախատեսում է իրականացնել շուրջ 1,9 մլրդ դրամի ներդրումներ, որից մոտ 489 մլն դրամը՝ սարքավորումներ ձեռք բերելու համար: Ներդրումային ծրագրի իրագործման արդյունքում կստեղծվի 14 աշխատատեղ` միջին աշխատավարձը կազմելով 2016թ. 120 հազար դրամ, 2017թ. 130 հազար դրամ և 2018թ. 140 հազար դրամ: Նյութի աղբյուր`  ...

    Կարդալ ավելին

ՖԲՀ

Քաղաքականություն

  • /uploads/photos/XGNPHybjZr7dhjoMy7JS.jpg

    Ադրբեջանի բանակում խնդիրներ կան: Դա հասկանալու համար ինչ-որ հավաստի տեղեկություններ պետք չեն: Բավական է նայել փաստերին: Զորամասերից եկող տվյալների ամփոփման համաձայն՝ ոչ կանոնադրական հարաբերություններով պայմանավորված միջադեպերի քանակի ավելացման ֆոնին զորամասերից մեկում ծեծելով զինվոր են սպանում, արդյունքում այդ սպանվածը հռչակվում է հերոս, իսկ նրա ընտանիքը որպես պարգև ստանում է բնակարան: 9 օր առաջ Զաքիր Հասանովը կոլեգիալ նիստ է հրավիրում իր մոտ, որին մասնակցում են կորպուսների ու զորամասերի հրամանատարները, ովքեր խիստ հանձնարարական են ստանում հետևել բարոյահոգեբանական վիճակին: Ահա այսօր Զաքիրը նորից մեկնում է առաջնագիծ՝ ծանոթանալու անձնակազմի ծառայությանը: Նրան զեկուցում են, պատվում, հարգում են, ինքն էլ կանգնում, ոգևորիչ ճառ է ունենում զինվորների առաջ: Եթե տեղեկատվության միջից մաքրում ենք պաթետիզմը, ստացվում է, որ խնդիրը լուրջ է, իսկ Զաքիրը իր՝ կինեմատոգրաֆիայի նկատմամբ ունեցած թուլությամբ թերևս ապացուցել է, որ հարց լուծող չէ, այլ իր մոտ շատ լավ է ստացվում խնդիրը դիմափոշու միջոցով ծածկելը, ինչը Ադրբեջանում թե՛ հանրության և թե՛ իշխանության մոտ ընդունելի ու աշխատող տարբերակ է: Մենք էլ ենթադրում ենք, որ բանակի բարոյահոգեբանական վիճակն այնքան էլ չի հուզում ռազմական ղեկավարությանը, այլ դրա պատճառով արված ծախսերն են ավելի խնդրահարույց: Այլ կերպ ասած՝ ոչ թե անհանգիստ են, որ զինվոր կամ զինվորներ են մահանում թիկունքում, ոչ առաջնագծում, այլ անհանգիստ են, որ այդ մահացած զինվորին պետք է ինչ-որ կերպ տեղավորեն, որ դրա պատճառով մնացած այլ կեղտերը չբացահայտվեն, և ինչպես տեսնում ենք, դա բնակարան է արժենում, ինչը Բաքվի շուկայական պարզ հարաբերության տեսանկյունից թանկ է մի զինվորի համեմատ: Նյութի աղբյուր՝ https://www.facebook.com/vahagnavan/posts/1602630949777339

    Կարդալ ավելին