Գովազդի համար զանգահարել 099 999 409
  • Վահե Ղազարյան
  • Վանաձորի ընտրությունները ցույց տվեցին, որ  1. գումարելիների տեղափոխումից գումարը լավ էլ փոխվում է...  2. հաղթողները պատահականություններին չեն հավատում...  3. ոմանց ուղեղներն ունակ են ընդամենը մի ստամոքս լցնել...  4. սրբությունն էլ է գայթակղություն... 5. ամենադյուրինը ինքնախաբեությունն է: Նյութի աղբյուր՝ https://www.facebook.com/vahe.ghazaryan.923/posts/1128456190576040 ...

    Կարդալ ավելին
  • Վարչապետ Հովիկ Աբրահամյանի կառավարությունը շատ չէր տարբերվում նախորդներից: Արտագաղթը, կոռուպցիան, սոցիալական բևեռվածությունը սովորականի պես ուղեկցում էին մեզ: Սակայն կա մեկ էական տարբերություն. Պարոն Աբրահամյանը միակ վարչապետն էր, որն ընդգրկուն հիմնավորեց հրաժարականի պատճառներն ու քաղաքական անհրաժեշտությունը: Այսպիսով, հասարակությունը համախմբելու և համաձայնության կառավարություն ձևավորելու շանսը տրված է: Կամ կհաջողվի ազգային համաձայնությամբ հաղթահարել դժվարությունները, կամ խնդիրներն ավելի կխորանան ու առավել կծանրացնեն երկրի և ժողովրդի վիճակը: Նյութի աղբյուր՝ https://www.facebook.com/vahe.ghazaryan.923/posts/1102173439870982 ...

    Կարդալ ավելին
  • Բնական է, որ միջազգային հանրությունն ու առողջ ուժերը դատապարտում են բռնությամբ քաղաքական փոփոխություն իրականացնելու փորձերը: Դրանք միանշանակ մերժելի են, ոչ միայն այն պատճառով, որ մարդկային յուրաքանչյուր կյանք թանկ է, այլ որովհետև այդպիսով լուրջ նահանջ է կատարվում ժողովրդավարական արժեքներից: Արժեքներ, որոնց պաշտպանության համար տրվել են հազարավոր կյանքեր: Այս առումով ցանկացած քաղաքացի ձգտում է իր ավանդը ներդնել պետությունն ավելի հզորացնելու, ավելի ազատ, ժողովրդավար, բարեկեցիկ ու պաշտպանված դարձնելու գործում, սակայն բռնությունն ու վտանգավոր արկածախնդրությունը կոպտորեն ոտնահարում են այդ արժեքները: Եվ պետք չէ բավարարվել դատապարտող հայտարարություններով: Անհրաժեշտ է հնարավորինս արագ լիցքաթափել և կարգավորել այս լարված իրավիճակը բացառապես ժողովրդվարական, քաղաքակիրթ ճանապարհով: Իսկ կարգավորելուց հետո անհրաժեշտ է ստեղծել ամուր հիմքեր, որպեսզի նման հուսահատ գործողություններն ու բռնությունները չկրկնվեն, որպեսզի ազգին, պետությանը, հասարակությանը վերաբերող բոլոր հարցերը կարգավորվեն ազգովի, երկխոսությամբ, քաղաքական առողջ բանավեճով ու մրցակցությամբ: Նյութի աղբյուր՝ https://www.facebook.com/vahe.ghazaryan.923/posts/1062296537192006 ...

    Կարդալ ավելին
  • Քամու դեմ նավարկելով անհնար է փոխել նրա ուղղությունը, իսկ քամին արհամարող նավապետը կարող է նույնիսկ խորտակել նավը: Նույնպես և մարդկության առաջընթացին խոչընդոտող բազմաթիվ առաջնորդներ խայտառակ ձևով հեռացել են թատերաբեմից: Նրանց վատ օրինակին հետևող Ալիևն այսօր լուրջ վտանգի է ենթարկում մարդկությանը, բայց միջազգային հանրությունը դեռ հանդուրժում է նրա հակամարդկային վարքագիծը: Հունիսի 20-ին նշանակված Սարգսյան-Պուտին-Ալիև հանդիպման երեք վարկած կա: Ամենասպասվածն այն է, որ կստորագրվի շփման գծում հրադադարի խախտման հետաքննության մեխանիզմների տեղակայման մասին համաձայնությունը, ինչին մոտ մեկ տարի դիմադրում է Ադրբեջանը: Այդ մեխանիզմների տեղակայմամբ ԵԱՀԿ դիտորդական մանդատը կհզորանա, բանակցությունները կշարժվեն մեռյալ կետից: Երկրորդ վարկածն այն է, որ Ալիևը կհրաժարվի Վիեննայի համաձայնությունից և օդում նորից կկախվի ծավալուն պատերազմի վերսկսման վտանգը: Եվ վերջապես, չի բացառվում, որ սեղանին դրվի նեոկազանյան փաստաթուղթ, որով Ռուսաստանը վերջին անգամ կողմերին կառաջարկի կարգավորման տարբերակ և կփորձի պահպանել տարածաշրջանային հեգեմոնի դիրքը: Ամեն դեպքում հաստատ է մեկ բան. Հայ զինվորը ոչ մեկին և ոչ մի գնով չի զիջի ժողովրդի ազատությունը: Նյութի աղբյուր՝ https://www.facebook.com/vahe.ghazaryan.923/posts/1042144832540510 ...

    Կարդալ ավելին
  • Աշխարհը կառավարում են հզորները: Այս դրույթը ճիշտ է, սակայն ճիշտ է նաև այն, որ հզորների գլխավերևում և շարքերում մեզ նման մարդիկ են, ուստի ցանկացած ուժի կարելի է հաղթել՝ համախմբելով: Այդպես հաջողվեց հաղթել Սարդարապատում և կասեցնել թուրքական բանակի ընթացքը: Այդ մեծ հաղթանակին հաջորդեց Մայիսի 28-ը՝ մեր առաջին ազատ թռիչքը: Դա հաջողվեց, որովհետև ժողովուրդը և հասարակական հեղինակությունները միասնաբար պայքարեցին ազատության-անկախության համար: Սակայն Մայիսի 28-ից առաջ ու հետո որոշ ուժեր չէին հավատում, որ հնարավոր է անկախ լինել՝ առանց սուլթանի, ցարի կամ հզոր երկրի հովանավորության: Այդ հավատի պակասից տառապողն այսօր էլ է կասկածում պետության ու քաղաքացու հնարավորություններին: Հենց այդ հավատի կրիտիկական պակասն էր Առաջին հանրապետության անկման պատճառը և ոչ թե թուրքական ագրեսիան: Սակայն այդքան պակասի մեջ նույնիսկ հավատի հատիկը կարող է շատ բան փրկել, ինչպես Առաջին հանրապետության անկումից հետո, երբ գրեթե բոլորն էին հաշտվել կորստի հետ և միայն մի հզոր մարդ անսասան մնաց ազատության պայքարի դիրքերում: Նա Գարեգին Նժդեհն էր: Եվ նրան պարտական ենք ազատության ոգու պահպանման համար: Արցախյան պատերազմում այդ ոգին էր առաջնորդում դեպի հաղթանակ: Առաջնորդում է նաև այսօր, երբ միասնաբար կանգնած ենք ազատության պահպանման դիրքերում՝ պատրաստ վճռական կռվի: Եվ ուրեմն Մայիսի 28-երը դեռ առջևում են: Նյութի աղբյուր՝ https://www.facebook.com/vahe.ghazaryan.923/posts/1028635920558068 ...

    Կարդալ ավելին
  • Ինչպես Շիրազն էր ասում՝ «Մորս սրտի հետ աշխարհն եմ չափել՝ էլի մեծ էր նա, մեծ էր ու անգին», սակայն ապրիլյան պատերազմում զոհվածների մայրերի սրտերը կծկվել, ցորենի հատիկ են դարձել: Կյանքն իմաստազրկվել է, ամեն ինչ մթագնել, ապրում են միայն ֆիզիկապես: Զրկանքներով, դժվարությամբ մեծացրել են, դաստիարակել, բանակ ուղարկել, սպասումով ապրել, որ վերադառնան և աշխատանքով, նվիրումով, բազմանալով շենացնեն իրենց ընտանիքներն ու երկիրը…Նրանց ծնողներին մխիթարելու բառեր չկան ու բառերն անգամ ավելորդ են: Թերևս միայն լռելյայն խոնարհվենք զոհվածների հիշատակի առջև: Փառք Ձեզ Հերոսներ…. Նյութի աղբյուր` https://www.facebook.com/vahe.ghazaryan.923/posts/1017563064998687?from_close_friend=1&ref=notif&notif_t=close_friend_activity&notif_id=1463062838876775 ...

    Կարդալ ավելին
  • Շտապողականությունը կամ ոչ համարժեք գործողությունները կարող են խնդրի անհաղթահարելիության պատրանք ստեղծել: Իրականում չկա անլուծելի խնդիր, և չկա անպարտելի հակառակորդ: Պետք է գիտակցել, որ հաղթելու առաջին գրավականը՝ հաստատակամությունն է, որը հիմնված է առողջ ինքնագնահատականի վրա, երկրորդը՝ արտաքին գործոնների նկատմամբ ազնիվ մոտեցումներն են, որոնք արտահայտվում են ազնիվ և համարժեք քաղաքականությամբ: Մեր պետությունը գործընկերների, դաշնակիցների, նույնիսկ՝ հակառակորդների հետ մշտապես ազնիվ է վարվել: Իսկ ինքնավստահությունը ձեռք ենք բերել հայ ժողովրդի ազատության համար մղած փառապանծ պայքարում: Այնպես որ, մեզ համար անելանելի իրավիճակ չի կարող լինել: Սա նշանակում է, որ շատ մոտ է վերջնական խաղաղության օրը, որի անկյունաքարը դրվեց 24 տարի առաջ, մայիսի 9-ին՝ Շուշիի ազատագրմամբ: Այդ մեծ հաղթանակով կոտրվեց թերարժեքության բարդույթը, թե հայը փոքր ածու է, չի կարող կռվել և պաշտպանել իր ազատությունը: Այդ օրը ապացուցեցինք, որ մեծ ժողովուրդ ենք, և արժանի ենք ազգերի շարքում հավասար դիրք զբաղեցնելու: Ի վերջո, այդ օրը անափ ուրախությամբ է լցնում մեր սրտերը և մղում նորանոր հաղթանակների: Շնորհավորում եմ բոլորիս Մեծ հաղթանակի՝ Շուշիի ազատագրման օրվա առթիվ և մաղթում, որ հաղթելու հաստատակամությունը ամենուր ուղեկցի հայ մարդուն: Նյութի աղբյուր` https://www.facebook.com/vahe.ghazaryan.923/posts/1015170635237930 ...

    Կարդալ ավելին
  • Թերմոպիլի կիրճը պահողներին դավաճանեց նա, որին սպարտացիները մարդ չէին համարում, քանի որ հաշմանդամ էր և չէր ծառայել: Ի տարբերություն Ադոլֆ Հիտլերի, որը լավ էլ ծառայել էր, Իոսիֆ Ստալինը չէր ծառայել, որովհետև մի ձեռքը մյուսից կարճ էր և լրիվ չէր բացվում: Այս օրինակները հուշում են, որ բանակում ծառայել-չծառայելու մասին հասարակական շահարկումները անիմաստ են և վտանգավոր: Ներկա բանակցային փակուղին, պատերազմի վերսկսման վտանգը, սրանց ուղեկցող խնդիրները համազգային մարտահրավերներ են, որոնց դիմակայելու հարցում անելիք ունի հասարակության յուրաքանչյուր անդամ՝ կին, թե տղամարդ, մեծ, թե փոքր, նախարար, թե աղբահավաք: Եվ պետք չէ արհամարհել քաղաքացու բարձրացրած հարցը, առաջարկությունը կամ մտահոգությունը միայն այն պատճառով, որ մարդը չի ծառայել, խրամատ չի փորել, կամ չի կրակել: Հասարակությունը ծառայածների և չծառայածների բաժանելն ու դասակարգային պայքարի կոչ անելը անհեռատես և վտանագավոր խաղ է, որի ժամանակն այսօր չկա: Կարճ ասած, այդ շահարկումները չեն նպաստում խաղաղությանը, և ուրեմն՝ ավելորդ են: Նյութի աղբյուր՝ https://www.facebook.com/vahe.ghazaryan.923/posts/1008227362598924 ...

    Կարդալ ավելին
  • Պատերազմի առաջ բոլորը հավասար են: Այդ արհավիրքը չի հարցնում, աղքա՞տ ես, հարու՞ստ, թոշակառու՞, թե՞ օլիգարխ: Այն մարտահրավեր է հասարակությանը, որն արհամարհում են միայն դասալիքներն ու խելապակասները: Այս պատերազմը ստիպում է լրջորեն վերանայել ոչ միայն պաշտպանական ռազմավարությունը, այլև հանրային հարաբերությունները, որովհետև պատերազմը սահմանային յուրատեսակ իրավիճակ է, երբ ճոխությունն ու շքեղությունը կորցնում են փայլը, ապօրինի հարստանալու մոլուցքը դառնում է դավաճանություն, իսկ Հայրենիքի պաշտպանությանն անմացորդ նվիրումը՝ բարոյական պահանջ: Պետք է հասկանալ, որ պատերազմի ժամանակ հասարակական համերաշխությունն ու փոխվստահությունը հաղթանակի կարևոր պայմանն են, իսկ կոռուպցիան, հովանավորչությունը, դիրքի չարաշահումը, ժողովրդին տեսակների ու դասակարգերի բաժանելը և ընդհանրապես՝ սոցիալական հանցագործությունները դանակի հարված են ժողովրդի թիկունքին, թշնամական գործողություններ, հասարակության պառակտման և քայքայման պատճառ: Այնպես որ, մի թաքցրեք միլիոնները՝ եթե գող չեք, մի կառուցեք ապարանքներ՝ եթե միջնադարի ֆեոդալ չեք, մի կաշառեք ու մի կաշառվեք, մի խաբեք ու մի կեղծեք: Մի խոսքով՝ պետք է ապրել օրենքով, մարդավարի և ազնվորեն: Ի վերջո, սահմանին մեր եղբայրներն ու որդիները կյանքի գնով պաշտպանում են յուրաքանչյուրիս ազատությունն ու արժանապատվությունը: Նյութի աղբյուր` https://www.facebook.com/vahe.ghazaryan.923/posts/999926996762294?from_close_friend=1&notif_t=close_friend_activity&notif_id=1460560213626352 ...

    Կարդալ ավելին
  • Զոհված Հայկ Թորոյանի մոր խոսքերը.  «Աստված ջան, թող ես լինեմ վերջինը, թող ոչ մի մայր չտեսնի նման վիշտ»:  Առյուծ ծնած մոր խոսք...  Հարգանք, փառք և խոնարհում: Նյութի աղբյուր՝ https://www.facebook.com/vahe.ghazaryan.923/posts/999400813481579?notif_t=close_friend_activity¬if_id=146048311 ...

    Կարդալ ավելին

ՖԲՀ

Քաղաքականություն