• Սեդրակ Մկրտչյան
  • ԱՄՆ-ում կրկին անգամ Էրդողանի անվտանգության աշխատակիցները ծեծի են ենթարկել ցուցարարների: Թայմզ հրապարակի Մարիոթի սրահում ելույթի կեսից դահլիճում գտնվող մի քանի մարդիկ սկսել են վանկարկել` "Դու ահաբեկիչ ես, դուրս մեր երկրից"Ըստ Նյու-Յորք թայմզի աղբյուրների, տեղի ոստիկանության ու հյուրանոցի աշխատակիցների մի քանի մարդ դուրս են հրավիրվել, ու լուրջ բախումներ չեն եղել Էրդողանի կողմնակիցների ու ընդդիմադիրների միջև: Սակայն տեսանյութում երևում է, ինչպես են կոստյումներով մարդիկ տապալել գետնին ու ոտքերով ծեծի ենթարկում ցուցարարների: Երևում է ինչպես էն նրանք հարվածում արդեն սրահից դուրս բերվող ցույցի մասնակիցներին: Դեպքից բառացի երկու րոպե հետո Օսմանյան սուլթանը առանց անհանգստության նշանների շարունակել է իր ելույթը, իսկ հետո հանդիպել է ԱՄՆ նախագահ Թրամի հետ ու այլ պաշտոնյաների: Նյութի աղբյուր՝   https://www.facebook.com/517design/posts/10155872218299273 ...

    Կարդալ ավելին
  • Երեկ հրապարակված, ինչպես նաև պանամական բացահայտումների համադրելու արդյունքում OCCRP կազմակերպությունը բացահայտել է, որ գումարների փոխանցման գործող մեխանիզմի միջոցով Ադրբեջանի փոխվարչապետ ու երկրի ամենազդեցիկ մարդկանցից մեկի՝ Յաքուբ Էյուբովի կողմից շուրջ 27 խոշոր գոմարային փոխանցում է իրականացվել դեպի Հունգարիա, որոնցից առաջինը իրականացվել է 2012 հուլիսի 19-ին: Դրանից մեկ ամիս անց Հունգարիան արտահանձնեց Ռամիլ Սաֆարովին Ադրբեջան: Ադրբեջանից իրկանացված փոխանցումների ընդհանուր քանակը կազմել է 7,6 մլն դոլար: Կից նյութն՝ այստեղ Permalink: https://www.facebook.com/517design/posts/10155829675284273 ...

    Կարդալ ավելին
  • Ինձ համար Հայաստանի բարձրագույն կրթությունը արտահայտող ամենատպավորիչ նկարը այս մեկն է՝ Հայաստանում գործող ծառայություններից մեկը, որտեղ ուսանողները կարող են պատվիրել «բարձրակարգ մասնագետներին» գրել իրենց փոխարեն ուսումնական աշխատանքները: Այս նկարը արել եմ մի քանի ամիս առաջ Ալեք Մանուկյանի վրա` Հյուսիսային համալսարանի դիմաց: Չգիտեմ՝ հիմա տեղում է, թե չէ: Այսինքն՝ գնում ես համալսարան, այնտեղ քեզ առաջադրանք են տալիս՝ ռեֆերատ, կուրսային, դիպլոմային, երևի նաև թեկնածուական, չգիտեմ: Դու դիմում ես կազմակերպության, այնտեղ որևէ լուրջ մասնագետ, ում փող է անհրաժեշտ, քո փոխարեն այդ աշխատանքը գրում է, տալիս է քեզ, դու հանձնում ես, ստանում ես բարձր թվանշան, վերջում ստանում ես դիպլոմ: Խայտառակ այս իրավիճակն այնքան արմատացած է, որ անհասկանալի՝ ով է մեղավոր ու ում մեղադրել՝ ուսանողների՞ն, ովքեր սովորելու ցանկություն չունեն, գրքեր քրքրելու ժամանակ չունեն, գիտական աշխատանք իրականացնելու հավես չունեն, թե՞ գիտնականներին, ովքեր փողի կարիք ունենալով, ուրիշների փոխարեն գրում են նման աշխատություններ, թե՞ համալսարանների ղեկավարներին, ովքեր, գիտակցելով, որ երեխան բութ է, թվանշան են դնում, որ երեխան դուրս չմնա համալսարանից, գիտակցելով, որ թեզը երեխան չի գրել, նրան դիպլոմ են տալիս: Արժեզրկված են դիպլոմները, որոնք ունենալը չի նշանակում առհասարակ ոչինչ, երբ ուզում ես մարդ ընդունել աշխատանքի: Նույն կերպ ուրիշների հաշվին գրված, ծանոթով ստացող ուսանողներն են հետո ավարտում ու իրենցից ոչ մի բան չեն ներկայացնում ու հիասթափվում են, թե «գործ չկա էս երկրում»: Իսկ գործի իրեն հարգող ոչ մի ընկերություն չի վերցնի: Մասնագետ չեն: Ինչպե՞ս լուծել խնդիրը: Խնդիրների կծիկը երկար տարիներ պետք է լուծվի: Բայց այսօր առնվազն պետք է նման գործունեությունը վերահսկվի. թեզերը ընդունվեն բացառապես թվային տարբերակով ու ստուգվեն հատուկ ծրագրերով՝ բացառելու գրագողությունը: Իսկ նման գովազդը առհասարակ արգելվի, ինչպես արգելվում է, օրինակ, ծխախոտինը: Մեզ մոտ կան շատ լավ հաստատություններ՝ վերջին տարիներին ստեղծված, որոնք զբաղվում ու կրթում են երեխաներին դպրոցական տարիքում՝ Թումո, Քվանթ վարժարան, Այբ, Արմաթ ակումբներ, Սմարթ սենյակներ ու կառուցվելիք Սմարթ կենտրոնը Լոռիում, մի քանի ուրիշներ նույնպես: Բայց համալսարանների հարցում շատ տխուր է վիճակը բոլոր տեսանկյուններից: Թափուր տեղե՞ր են մնացել այս տարի: Չգիտես ինչու, ես չեմ զարմանում: Նյութի աղբյուր՝ https://www.facebook.com/photo.php?fbid=10155764547489273&set=a.496695389272.270423.781824272&type=3&theater ...

    Կարդալ ավելին
  • Կարևորագույն գործընթացում կարծես առաջընթաց է նկատվում. պաշտոնական Մոսկվան ու Թբիլիսին պայմանավորվել են Աբխազիայի ու Հվ. Օսիայի տարածքով ապրանքաշրջանառություն իրականացնել։ 1. Ապրանքների համար բացվում են Աբխազիայի ու Օսիայի՝ արդեն քառորդ դար փակ ճանապարհները։ 2. Ընտրվել է շվեյցարական՝ չեզոք կազմակերպություն՝ SGS, որը և կիրականացնի փոխադրումը։ 3. Բանակցել են Ռուսաստանի փոխարտգործնախարարը ու Վրաստանի վարչապետի հանձնակատարը։ Աբխազիայի նախագահականից հնչել է նեղացած տոն, թե առանց Աբխազիայի համաձայնության փոխադրումը դրժար իրականանա։ Սա սակայն դժվար խնդիր հանդիսանա բանակցությունների համար։ 4. Հաջող իրականացման դեպքում Հայաստանի համար կբացվի ճանապարհ դեպի աշխարհ՝ առայժմ ավտոմոբիլային (այսինքն անհամեմատ հարթ ճանապարհ դեպի Ռուսաստան ու Եվրոպա որպես Վերին Լարսի այլընտրանք)։ 5. Եթե նորմալ աշխատեն, բեռները ապահով անցնեն տարածքով, բողոքներ ու նոր բախումների չլինեն (ինչը չեմ կարծում որ կլինի, քանի որ շահեկան կլինի բոլոր կողմերի համար), պետք կլինի սկսկել բանակցել երկաթգծի շուրջ 50կմ վնասված հատվածի վերականգնման ու երկաթգծային շրջանառության իրականացման մասին։ Բոլորին բարի աշխատանքային օր: Կից նյութն՝ այստեղ Նյութի աղբյուր՝ https://www.facebook.com/517design/posts/10155655438774273 ...

    Կարդալ ավելին
  • Բլոտ խաղալիս, եթե չեն խաղում «չոր թիվ», կան կոդային հայտարարություններ, որոնք նշանակում են որևէ բան, որը ասել իրավունք չունես, բայց նկատի ունես։ Ասում ես «պոդդերժկա», այսինքն՝ հուշում ես խաղընկերոջդ, որ տուզերից մեկը քեզ մոտ է։ Ասում ես «մի հատ ավել», նկատի ունես, որ ընկերոջդ առաջարկած կոզրի վալետը կամ 9-ը քեզ մոտ է։ Արցախի Պաշտպանության նախարարությունը ժամանակ առ ժամանակ հայտարարում է սահմանին խախտումների մասին։ Որպես կոդային հայտարարություն նշում է դիրքը՝ հյուսիսային ուղղություն, հյուսիսարևելյան ուղղություն, արևելյան հատվածում կամ հարավարևելյան հատվածում։ Սրանք կարդալով՝ բոլորը հասկանում են, որ խոսքը գնում է Քարվաճառի/Շահումյանի, Մարտակերտի, Ակնայի կամ Մարտունի/Ջաբրայիլի մասին։ Բոլորն ամեն ինչ հասկանում են, բայց չեն ասում։ Ու եթե բլոտում չեն ասում, քանի որ զավեշտալի է խաղընկերոջդ ասել՝ «Վայ, ինչ լավա՝ տուզ ունեմ մի հատ, արխային խաղա», ապա նպատակը Արցախի ՊՆ մամուլի հաղորդագրություններում կոդավորել ուղղությունը, որը բոլորը հասկանում են, հասկանալի չէ։ Նույն կերպ ժամանակին գրում էին «N զորամասում» տեղի է ունեցել որևէ բան։ Ամեն անգամ հիշում էի Իլֆին ու Պետրովին իրենց «N քաղաք»-ով։ Ինչո՞ւ է պետք բարդացնել հաղորդագրությունը ու գրել «N զորամաս», եթե կարելի է գրել «զորամասերից մեկում»։ Հիմա այս մեկը կարծես հասկացել են ու գրում են ուղղակի «զորամասերից մեկում»։ Բայց ինչու է պետք կոդավորել այն, ինչը կոդավորելու կարիք չունի։ Ինչու է պետք բարդացնել հաղորդագրությունը, որը ունի նպատակ առավել լայն տարածում ստանալու ու լսելի դառնալու։ «Что б никто не догадался»? Եթե գաղտնի տեղեկություն եք տարածում ինքներդ ձեր մեջ, ու կա վտանգ, որ տեղեկությունը դուրս կգա, որ հանկարծ վնաս չհասցնի, ապա հասկանալի է։ Իսկ եթե հանրային լսարանի համար եք գրում տեքստերը, պարզեցրեք, դարձրեք մարդամոտ, հասկանալի ու հետևում թողեք սովետից մնացած անիմաստ կոնսպիրոլոգիան։ Նյութի աղբյուր՝ https://www.facebook.com/517design/posts/10155651972414273 ...

    Կարդալ ավելին
  • Սեյրան Օհանյանի կեղծ էջը Ֆեյսբուքում գրառում է կատարել Արցախում իբր զինվորի մահանալու մասին։ Գրառումով, բնական է, կիսվել է կեղծ հայկական «Armenians» էջը (որն, ի դեպ, ունի մոտ 40 000 ռեալ հայ օգտատեր), ինչպես նաև դրա վրա հղում է կատարել Haqqin.az կայքը` նշելով, որ Սեյրան Օհանյանը գրառում է կատարել՝ հղում անելով ԼՂՀ ՊՆ տեղեկատվության ու Քարոզչության վարչությանը (! :)): Հավելել են, թե սա ապացուցում է, թե հայկական կողմը թաքցնում է իր կորուստները։ 1. ԼՂՀ ՊԲ-ն չունի քարոզչության վարչություն։ 2. Նման տեղեկատվությունը Արցախի ՊՆ կայքում չկա ու չի եղել։ 3. Սեյրան Օհանյանի էջը կեղծ է։ Այդ մասին նա այս տարվա հունվարին հայտարարել է, թե պաշտոնական ներկայացող էջ գոյություն ունի (facebook.com/seyran.ohanyan.official), որն իր անունից է հանդես գալիս։ Իրական իր էջը facebook.com/SeyranOhanyan88 էջն է։ 4. Հայաստանում չկա գրաքննություն բանակային թեմաների վերաբերյալ, ու ողջ տեղեկատվությունը բաց է, ի տարբերություն Ադրբեջանի, որտեղ օրենքով արգելվել է անցած տարվանից հրապարակել բանակային կորուստները, ու մինչ այսօր հրապարակված չեն իրենց կորուստները արցախյան պատերազմի ապրիլյան թեժացման օրերին։ Նյութի աղբյուր՝ https://www.facebook.com/517design/posts/10155636448134273 ...

    Կարդալ ավելին
  • Երեկ վերջին հրաժեշտը տվեցինք մի մեծ մարդու՝ Արմեն Չիկո Թութունջյանին՝ մեր երկրի ու մեր քաղաքի ամենապայծառ դեմքերից մեկին։ Արտակարգ երաժիշտ, իր գործի նվիրյալ, հիանալի ընկեր, պայծառ ու համաձակ մարդ։ Երաժիշտ, ով, անկախ երկրի առաջ ծառացած խնդիրներից, տարիներ շարունակ իրեն նվիրել է հայկական ջազի պոպուլյարիզացիային, դաստիարակել է ու տպավորել երաժիշտների մի ամբողջ սերունդ։ Նույնիսկ ընդունելով այն փաստը, որ կյանքը ժամանակավոր երևույթ է բոլորիս համար, միևնույն է, մի մեծ դատարկություն է մնում նման մեծ ու արժանի մարդկանցից հետո, տխրություն, որ որևէ կերպ լրացնել հնարավոր չէ։ Մնում են հիշողություններն ու հպարտություն, որ կյանքի որոշակի փուլում դու երջանիկ ես եղել նման մարդկանց ճանաչելու, իրենցից սովորելու, ազդվելու, մարդկանց, ովքեր ազդել են յուրաքանչյուրիս կայացմանը որպես մարդ։ Հազար ափսոս։ Աստված հոգին լուսավորի։ Նյութի աղբյուր՝ https://www.facebook.com/517design/posts/10155543982934273 ...

    Կարդալ ավելին
  • Ընտրությունների արդյունքների քարտեզ սարքելիս որոշեցի ընտրատեղամասերը ներկել ըստ հաղթած թեկնածուի։ Ամբողջ քարտեզս ներկվեց ՀՀԿ-ի գույնով։ Որոշեցի երկու ընդդիմադիր ուժերը գումարեմ իրար, ստանամ իշխանություն/ընդդիմություն քարտեզ։ Ամբողջ քաղաքում 474 ընտրատեղամասից միայն 8-ում են ԵԼՔ-ն ու Երկիր Ծիրանին միասին ավելի շատ ձայն հավաքել։ Դրանք են՝ 3/16, Քանաքեռ-Զեյթուն, թիվ 162 մանկապարտեզ, Մ. Ավետիսյան 20 3/27, Քանաքեռ-Զեյթուն, Հումանիտար տեխ. քոլեջ, Տիգրանյան 21 3/28, Քանաքեռ-Զեյթուն թիվ 152 մանկապարտեզ, Ազատության 4ա 4/44, Արաբկիր, Թիվ 32 մանկապարտեզ, Գ. Արծրունու 25 4/24, Արաբկիր Հասարակական տարածք Արաբկիր 27փող. 1/6 9/49, Կենտրոն Ն. Աղբալյանի անվան թիվ 19 դպրոց, Տերյան 54 9/45, Կենտրոն Խնկո-Ապոր անվան գրադարան, Տերյան 42/1 9/46, Կենտրոն Ժուռնալիստների տուն, Պուշկինի 3ա Անհետաքրքիր իրավիճակա լռիվ։ ԹԱՐՄԱՑՈՒՄ. 7/51 (Մալաթիա-Սեբաստիա, Թիվ 191 դպրոց, Անդրանիկի 83) ընտրատեղամասը առաջին տեղումա անվավեր թերթիկների թվով՝ 26.1 !!! Այսինքն՝ ամեն 4-ը թերթիկում կա՛մ լրացնելու ձևի չի հասկացել, կա՛մ փչացրելա թերթիկը, դուրս եկել։ Նյութի աղբյուր՝ https://www.facebook.com/517design/posts/10155449662449273 ...

    Կարդալ ավելին
  • Երկու օր առաջ ոստիկանապետը նախագահին ներկայացրել է Ճանապարհային ոստիկանությունում կատարված փոփոխությունները։ Իմ կողմից մի ցանկ առաջարկեմ, որոնց մի մասը, ոնց հասկացա, արվում է արդեն. ԱՆՀՐԱԺԵՇՏ ՓՈՓՈԽՈՒԹՅՈՒՆՆԵՐ 1. Ոստիկանությանը իրավասություն տալ կոպիտ խախտումների համար խոշոր տուգանք սահմանելու, կրկնվելու դեպքում՝ վարորդական վկայականից զրկելու, առանց վկայականի վարելու դեպքում խախտողներին որոշ ժամանակով բանտարկելու իրավունք։ Օրինակ՝ ԱՄՆ-ում միլիարդատեր հաբրգած, խմած/ուռած վարորդներին, անկախ նրանից՝ ովքեր են (Փերիս Հիլթոնը, Բեն Աֆլեքը), բանտարկում են, որ խելքները գլուխը հավաքեն։ Մեզ մոտ տուգանք են սահմանում, որը մուծելուց հետո նույն դեմքերը նորից ու նորից խուժանավարի քշում են, քանի որ գումարը խնդիր չէ։ Տուգանեք, էլի կմուծենք։ 2. Ճանապարհային ոստիկաններին իրավասություն տալ հաբրգած լափառոշներին տեղում բերման ենթարկելու բաժին։ Հիմա անպատժելի հաբրգած դեմքերից ոստիկանները փորձում են խուսափել, չեն տուգանում, իսկ լուրջ խուլիգանության դեպքում կապվում են պարեկային խմբերի հետ՝ իրենց էդ պատմությունից դուրս հանելու համար։ 3. Ոստիկաններին զինել պլանշետներով, որ կարողանան արագ ճշտեն՝ ինչ մեքենա է իրենց դիմաց, ով է վարորդը, ինչ խախտումներ ունի արած, ունի վկայական, թե չունի, վճարել է գույքահարկը, թե ոչ, այլ ոչ հարցնեն փաստաթուղթը, որը եթե չունես, բերման ենթարկեն։ Ֆաշիստական Գերմանիան չէ, որ թղթով ապացուցես, որ հրեա չես, թուղթ չունես, գնա բաժին։ ID քարտը պետք է լինի միակ փաստաթուղթը, որի առկայության դեպքում հնարավոր լինի իմանալու ամեն ինչ։ 4. Ոստիկաններին զինել ալկոհոլ ստուգող սարքերով, որոնց գինը ծիծաղելի է պարզապես, որ մինչ օրս չունեն, որ ստուգելուց չասեն՝ «Մի հատ ՀՈ արա»։ Ի՞նչ «ՀՈ»։ Ձե՞ռ եք առնում։ Այսօրվա գործող կարգը այսպիսին է. «Խմած ես», «Խմած չեմ», «Դե գնացինք հիվանդանոց, արյան անալիզ հանձնես, երկու ժամ սպասես, հետո եթե պարզվի խմած չես, քշի գնա»։ Ո՞ր թիվն ա։   ՑԱՆԿԱԼԻ ՓՈՓՈԽՈՒԹՅՈՒՆՆԵՐ 5. Ստիպելու վերջապես սևացրած պատուհաններով չքշելու, քանի որ սևացրած պատուհանի հետևում, որպես կանոն, թաքնվում են, թե չեմ երևում, ոնց կուզեմ, կքշեմ, մեկա չեն տեսնում՝ ով եմ, թող մտածեն՝ եսիմ ով եմ, վախենան, ես էլ ոնց կուզեմ, կքշեմ։ Պարզերես քշեք, պարզերես եղեք։ Համոզված եմ՝ վնաս էս որոշումից չկա, իսկ օգուտը բացահայտ է։ 6. Տուգանելու դեղինի տակ անցնող վարորդներին։ Մանրուք է, բայց համոզված եմ, որ խցանումների շատ մեծ մասը դրանից է լինում։ Թեքվել պատրաստվող մեքենաները կանգնած սպասում են, սպասում են, որ մեքենաների հոսքը ավարտվի, թեքվեն ձախ, դեղին լույսը միանում է։ Ու սկսվում է։ Մի կողմից դեղինի տակ սկսում են մտնել մինչ այդ կարմիրի տակ կանգնած մեքենաները, մյուս կողմից դեղինի տակ մտնում է մինչ այդ կանաչ լույսի տակ եկող մեքենան։ Արդյունքում սպասում ես, մինչ սա գա, գնա, որ 3-4 մեքենա իրար հետևից կանգնած սկսեն թեքվել, բայց նորերը գալիս հասնում են, ու մեքենաները ստիպված մնում են խաչմերուկի մեջտեղում։ Դեղինը պետք է լինի, որ կանաչի տակ մտածները գան անցնեն, այլ ոչ, որ նորերը մտնեն ու կարմիրի տակ նոր դատարկեն խաչմերուկը։ 7. Սովորեցնել մարզերում աշխատող ոստիկաններին վարորդների հետ նորմալ շփվելու։ Միգուցե միայն ինձ հետ է նման իրավիճակ, միգուցե սխալվում եմ, բայց Երևանում ոչ մի անգամ նման խնդիրների առաջ չեմ եկել, բայց մարզերում երկու անգամ կանգնեցրել են, մի անգամ հետևի լույսն էր փչացել, խորհուրդ են տվել սարքել, մյուս անգամ ուղղակի ստուգում էին, բայց երկու անգամ էլ էն տպավորությունն էր, որ հազար տարվա ընկերներ ենք։ Չեմ ուզում, ընկեր ջան։ Ես «դու»-ով չեմ խոսում, ինձ հետ էլ պետք չի տնավարի խոսել։ Ես վարորդ եմ, դուք՝ ոստիկան։ Այլ առաջարկնե՞ր․․․ Նյութի աղբյուր՝ https://www.facebook.com/517design/posts/10155070207089273 ...

    Կարդալ ավելին
  • Եվրոպական կայության նախաձեռնություն կազմակերպությունը հանդես է եկել իր հերթական զեկույցով՝ Ադրբեջանի խավիարային դիվանագիտությանը վերաբերվող։ Առաջին մասը զգալի ազդեցություն ունեցող լրատվական ու իրավապաշտպան ոլորտում 2012 թվականին։ Այժմ լույս է տեսել զեկույցի երկրորդ մասը, որը հիմնականում նվիրված է Լուկա Վոլոնտեի ու Ադրբեջանի պատգամավորների կապերին, փոխանցված գումարներին։ Նշվում են նույն կծիկի այլ պատգամավորների անունները Իսպանիայից, Իտալիայից, Լեհաստանից, Բրիտանիայից, Ռուսաստանից և այլն։ Զեկույցին վերաբերվող փաստերը շուտով կվիզուալիզացնեմ, որ ավելի ընկալելի լինի հանրության կողմից, սակայն հիմա ուզում եմ զեկույցի վերջին հատվածի իմ կողմից արագ թարգմանած մասը տեղադրել այն մասին, թե ինչ է պետք անել, ինչպես է պետք գործել այժմ, քանի դեռ հետաքննությունը ընթացքի մեջ է, իսկ մեկ ամսիվ ԵԽԽՎ-ի հերթական նստաշրջանն է։ 1. ԵԽԽՎ-ն պետք է անհապաղ դադարեցնի իր կազմում երկու պատգամավորների անդամակցությունը (Էլխան Սուլեյմանով և Մուսլիմ Մամադով), ովքեր մեղադրվում են այլ անդամների կաշառելու մեջ, քանի դեռ ընթացքի մեջ է հետաքննությունը։ ԵԽԽՆ-ն պետք է նաև զրկի ադրբեջանական պատվիրակությանը քվեարկելու իրավունքից 2017 թվականի հունվարից, քանի դեռ չի ապացուցվի նման դեպքերի դադարելու մասին։ 2. Հաշվի առնելով 2013 թվականի հունվարի 23-ի դառը փորձը՝ ԵԽԽՆ-ն պետք է նշանակի մարդու իրավունքների հատուկ զեկուցող Ադրբեջանում մարդու իրավունքների խախտումների վերաբերյալ՝ կիրառելու սահմանումը, որը ընդունվել է ԵԽԽՎ-ի կողմից 2012 թվականի հոկտեմբերին։ Պետք է հաշվի առնել նաև արտաքին ականավոր մարդու իրավունքների համազեկուցողի նշանակման հարցը, որը կվերահսկի ողջ գործընթացը։ 3. Նախարարների խորհրդի նախարակական հանձնաժողովը պետք է քննարկի ու նշանակի նման դեպքերի փորձ ունեցող հատուկ անկախ հետաքննող՝ կատարելու լուրջ հետաքննություն 2001 թվականից մինչ այսօր Ադրբեջանի կողմից Խորհրդի ու ԵԽԽՎ-ի կաշառելու դեպքերի վերաբերյալ։ 4. Դատախազները Ֆրանսիայում, Իսպանիայում, Գերմանիայում և այլ երկրներում պետք է քննարկեն իրենց իտալացի գործընկերների հետ ու համագործակցեն՝ հայտնաբերելու նշված ժամանակահատվածին վերաբերող նման կասկածելի վարք իրենց երկրներում։ ԵԽԽՎ-ի ու միջազգային կառույցների բռնազավթումը սոսկ Իտալիայի խնդիրը չէ։ 5. ԵԽ գլխավոր քարտուղակ Թյոբորն Յագլանդը պետք է շատ խիստ հայտարարություն անի՝ հաստատելու, որ չի կարող լինել որևէ զիջում խորհրդարանականների ու այլ պաշտոնյաներին կաշառելու դեպքերի վերաբերյալ։ 6. ԵԽ պետությունների կառավարություններն ու խորհրդարանները պետք է հաստատեն որքանով լուրջ են նրանք վերաբերվում նման հացահայտումներին ու կառուցվածքային խնդիրներին։ Նրանք պետք է նշեն, որ անգործությունը այլևս թույլատրելի չէ։ Եվրոպայի Խորհուրդը, որտեղ խորհրդարանականներին վճարում են այլ պետությունները հիմնարար իրավունքների դեմ քայների համար արդյունավետ չի կարող լինել իրավունքների պաշտպանության գործում։ Ու դա չի կարող լինել ակումբ, որին պետք է անդամակցել։ Քանի որ ԵԽԽՎ անդամները բոլորը ազգային խուհրդարանների պատգամավորներ են, խորհրդարանները պետք է ուժեղացնեն վարքի նորմերը, վերահսկողությունը ու բացահայտումների ձևերը այն անդամների վերաբերյալ, ովքեր գործում են ԵԽԽՎ-ում։ Զեկույցին ամբողջությամբ կարելի է ծանոթանալ այստեղ Նյութի աղբյուր՝ https://www.facebook.com/517design/posts/10154963904234273 ...

    Կարդալ ավելին

ՖԲՀ

Քաղաքականություն

  • /uploads/photos/DgVDL2KCp45t6uG4Anem.jpg

    Նիկոլ Փաշինյանի վարչապետության 100 օրն ավարտվում է հայ-ռուսական հարաբերություններում լարվածությամբ: Թեև այդ լարվածությունն առավել ակնառու դարձավ վերջին մի քանի շաբաթների ընթացքում` ՌԴ ԱԳ նախարար Սերգեյ Լավրովի` ներհայաստանյան զարգացումների մասին բավականին կոշտ հայտարարությունից հետո, սակայն ոչ պաշտոնական մակարդակում այն զգացվում էր Փաշինյանի վարչապետության առաջին օրերից`չնայած սկզբնական շրջանում հնչող պաշտոնական հայտարարությունների դրական բնույթին:  Ռուսական կողմի գործողությունները Փաշինյանի՝ Մոսկվա այցի ժամանակ և դրանից հետո վկայում են, որ Սոչիում վարչապետին, ով խորհրդարանում ղեկավարում էր ԵԱՏՄ-ից Հայաստանի դուրս գալու գործընթաց նախաձեռնած «Ելք» դաշինքը, չի հաջողվել Մոսկվային համոզել, որ իր այդ դիրքորոշումները վերանայված են, որ հայ-ռուսական ռազմավարական գործընկերությունում հետքայլ չի լինելու: Ռուսական կողմի ընկալումներով՝ իրենք մտահոգությունների համար լուրջ հիմքեր ունի: Դրանցից է, օրինակ, կարևորագույն պաշտոններում Փաշինյանի կողմից հակառուսական հայացքներով աչքի ընկած ակտիվիստներին նշանակելը, որոնցից «ամենատպավորիչներից» էր Ազգային անվտանգության խորհրդի քարտուղարի պաշտոնում Արմեն Գրիգորյանի նշանակումը: Ըստ մամուլում հայտնված չճշտված տեղեկությունների` Մոսկվայի մոտ այնքան մեծ է անվստահությունը վերջինիս անձի նկատմամբ, որ արգելել է ՀԱՊԿ և ԱՊՀ երկրների միջև փոխանակվող գաղտնի տեղեկատվությունը տրամադրել ՀՀ ԱԱԽ քարտուղարին:  Բավականին հետաքրքիր է ՀՀ առաջին փոխվարչապետ Արարատ Միրզոյանի շուրջ ստեղծված իրավիճակը: ԱՊՀ միջկառավարական խորհրդի նիստին վերջինիս մասնակցությունից հետո ԵԱՏՄ միջկառավարական խորհրդի նիստին գործընկերների պահանջով ստիպված եղավ մասնակցել վարչապետը, չնայած որ դա իր պաշտոնի համար ցածր ձևաչափ էր: Արարատ Միրզոյանը նույնիսկ չկար Փաշինյանի գլխավորած պատվիրակությունում, ինչը լուրջ հարցեր է առաջացնում:  ՀՀ նոր իշխանությունների մյուս գործողությունը, որը Մոսկվայի մոտ մեծացրել է անվստահությունը, առանց նախնական քննարկումների համանախագահ երկրների կամ համանախագահ երկրներից ոչ բոլորի հետ Ղարաբաղյան հակամարտության կարգավորման բանակցային գործընթացում նոր տարրեր մտցնելու ՀՀ իշխանությունների փորձն է, ինչին ականատես եղանք մայիսի 9-ին Ստեփանակերտում և հունիսի 1-ին Ազգային ժողովում կառավարության ծրագիրը ներկայացնելու ժամանակ վարչապետ Փաշինյանի ելույթներում: Ռուսական կողմը հայաստանյան իշխանությունների այս «բացթողմանը» շտապեց ոչ պաշտոնական արձագանք տալ: Ռուս հանրային, քաղաքական գործիչների, փորձագետների այցը 2016 թվականի ապրիլին Ադրբեջանի վերահսկողության տակ անցած Լելե Թեփե նաև ազդանշան էր, որ Ղարաբաղյան հակամարտության համատեքստում չհամաձայնեցված, անկախ գործողություններ, որոնք կարող են վնասել գործընթացին կամ ունենալ բացասական ֆոնային ազդեցություն վերջինիս վրա, կարող են անել նաև ռուսները: Ռուսական կողմի անվստահության մյուս պատճառը ՆԱՏՕ գագաթնաժողովին, այնուհետև զորավարժություններին Հայաստանի մասնակցությունն է: Իհարկե, սա առաջին անգամը չէր, երբ Հայաստանը մասնակցություն էր ունենում ՆԱՏՕ միջոցառումներին, սակայն հայ-ռուսական հարաբերություններում անվստահության առկայության պայմաններում այս գագաթնաժողովին մասնակցությունն առանց ռուսական կողմի հետ սլաքները ճշտելու Մոսկվայում դրական չընկալվեց: Հետաքրքիր է, որ ինչ-որ «զուգադիպությամբ» դրան հետևեցին Փանիկի դեպքերը, երբ ռուսական ռազմաբազան «առանց նախազգուշացման» զորավարժություններ սկսեց` վախեցնելով գյուղի բնակիչներին: Սա, ակնհայտորեն, որոշակի մեսիջներ էր պարունակում` ուղղված ՀՀ իշխանություններին: Ինչ վերաբերում է Հայաստանի ներքաղաքական զարգացումների, մասնավորապես նախկին իշխանության ներկայացուցիչների նկատմամբ աղմկահարույց դատական գործերին ռուսական կողմի կոշտ արձագանքին, ապա նշենք, որ Մոսկվայում դրանք ինչ-որ տեղ դիտվում են նաև որպես ՌԴ դեմ ուղղված քայլեր: Ընդ որում, Խաչատուրովի դեպքում ոչ թե վերջինիս անձն է պայմանավորում ռեակցիան, այլ զբաղեցրած պաշտոնը. Խաչատուրովն, այսպես կոչված, «Պուտինի ՆԱՏՕ»-ի գլխավոր քարտուղարն է, և առանց ռուսական կողմին տեղեկացնելու, այդ պաշտոնից նրա հեռացման հարցը նախապես կարգավորելու Խաչատուրովի նկատմամբ դատական գործընթաց սկսելը Ռուսաստանում դիտում են որպես «ՆԱՏՕ-ի հետ հարաբերություններ զարգացնող Հայաստանի» կողմից թիրախավորված հարված ՀԱՊԿ հեղինակությանը: Պատահական չէ, որ այս դեպքերից հետո ռուսական լրատվամիջոցները սկսեցին գրել` Ռուսաստանի կողմից Հայաստանին զենքի մատակարարումների դադարեցման մասին, որն, իհարկե, պաշտոնապես հերքվեց, սակայն պարզ է, որ Ռուսաստանն այլևս չի բացառում Հայաստանի հետ հարաբերություններում նման գործիքակազմի կիրառման հնարավորությունը: Իսկ ռուսական կողմի ավելի «շոշափելի նախազգուշացումն» այս օրերին տեսնում ենք Լարսում, երբ արագ փչացող սննդամթերքով բեռնված հայկական բեռնատարները ստիպված են լինում օրերով հերթ կանգնել ռուսական անցակետն անցնելու համար: Խնդիրը կարելի կլիներ մեծ հոսքերով բացատրել, միայն թե հայ վարորդները միանգամայն այլ տպավորություն ունեն, բացի այդ՝ ՌԴ-ում ՀՀ հյուպատոսի միջամտությունը խնդրին ևս խոսում է, որ Լարսի մի քանի կիլոմետրանոց հերթերը բնավ տեխնիկական խնդիրներով չեն պայմանավորված:  Նշենք, որ Ռուսաստանից ոչ պաշտոնական աղբյուրներով զգուշացնում են նաև գազի գների բարձացման մասին, քննարկվում է աշխատանքային օրենսգրքում համախատասխան փոփոխությունների նախագիծը, որը կարող է ազդել այդ թվում նաև Ռուսաստանում աշխատող տասնյակ հազարավոր հայերի վրա, և սրանք ռուսական կողմի տնտեսական ազդեցության միակ լծակները չեն:  Այս համատեքստում բավականին հետաքրքիր է Հարավկովկասյան երկաթուղու շուրջ ստեղծված իրավիճակը. օգոստոսի 14-ի լույս 15-ի գիշերը ՊԵԿ-ը դիմակավորված անձանց ուղեկցությամբ մտել է Հարավկովկասյան երկաթուղի և, ինչպես նշում է երկաթուղու ղեկավարությունը, Հայաստանի օրենսդրության խախտումներով խուզարկություն է իրականացրել, առգրավել է փաստաթղթեր, ինչը չէր կարող չվրդովեցնել ռուսական իշխանություններին, քանի որ երկաթուղու կառավարումը հանձնված է Ռուսաստանին։ Հուսանք՝ խնդիրը հարթվել է օգոստոսի 15-ին Հարավկովկասյան երկաթուղու տնօրեն Սերգեյ Վալկոյի և վարչապետ Նիկոլ Փաշինյանի հանդիպման ժամանակ. բոլորս հասկանում ենք, թե ինչ նշանակություն ունի երկաթուղին Հայաստանի համար: Նման պայմաններում մենք խնդիր ունենք Վրաստանի կամ Ուկրաինայի սցենարը չկրկնելու համար ձեռնարկել գործողություններ, որոնց ռիսկերը նախապես լավ հաշվարկված և չեզոքացված կլինեն: Կարիք ունենք արտաքին քաղաքական հարցերում լինելու ավելի ընկալելի, ընդ որում՝ ոչ միայն Ռուսաստանի, այլ նաև մյուս երկրների հետ հարաբերություններում: Կարծես թե այս հարյուր օրվա ընթացքում որևէ գիծ դեռևս անդառնալիորեն անցած չէ: Այս մասին է խոսում, օրինակ, առաջին հայացքից ոչ էական թվացող վերաբերմունքը, որը ռուսական կողմը ցուցաբերեց Հայաստանի Հանրապետության նախագահ Արմեն Սարգսյանին Ֆուտբոլի աշխարհի առաջնության փակման արարողության և դրան նախորդած համերգի ժամանակ. եթե վարչապետ Փաշինյանը Ֆուտբոլի աշխարհի առաջնության ժամանակ նստած էր երրորդ շարքում՝ Հյուսիսային Կորեայի ԱԺ նախագահի կողքին, ապա Արմեն Սարգսյանը` առաջին շարքում՝ ՌԴ վարչապետ Դմիտրի Մեդվեդևի կողքին, ինչպես ենթադրում է դիվանագիտական արարողակարգը ռազմավարական գործընկերների պարագայում: Նյութի աղբյուր՝ https://www.facebook.com/klara.abgarian.9/posts/148642326039090

    Կարդալ ավելին