• Աշոտ Մովսիսյան
  • Ադրբեջանական վիրտուալ տիրույթում այսօր պաշտոնանկ էին արել երկրի ԶՈւ գլխավոր շտաբի պետ, գեներալ-գնդապետ Նեջմեդդին Սադիկովին։  Ադրբեջանական համացանցային ԶԼՄ-ներում լուր էր տարածվել այն մասին, թե երկրի ԶՈւ ԳՇ պետը ազատվել է պաշտոնից, ու թեև այն պաշտոնապես հերքվեց ՊՆ մամուլի ծառայությունից, սակայն, ինչպես ադրբեջանական ժողովրդական խոսքն է ասում, «Od olmayan yerdən tüstü çıxmaz» (Կրակ չեղած տեղից ծուխ դուրս չի գա)։ Հավանաբար Ն. Սադիկովի՝ «ժողովրդի կողմից պաշտոնանկությունը» կապված է ապրիլյան պատերազմում կրած պարտության և մեծաթիվ կորուստների հետ։  Հարևան երկրում մինչև վերջերս օբյեկտիվ իրականությամբ ձևավորված տպավորություն կար, թե ալիևյան բռնապետության հաստատումից հետո ԶՈւ գլխավոր շտաբի պետի պաշտոնը «ցմահ» է, քանի որ Սադիկովը պաշտոնավարում է 1993թ-ից մինչ օրս։  Ոչ պաշտոնական տեղեկությունների համաձայն՝ վերջինս ազգությամբ լեզգի է։ Նյութի աղբյուր՝ https://www.facebook.com/ashot.movsissyan/posts/1055977771140558 ...

    Կարդալ ավելին
  • Հայրենական, ինչպես նաև Երկրոդ աշխարհամարտում տարած հաղթանակի մասին խոսելիս մենք, բնականաբար, հիշում ենք հայ ժողովրդի մասնակցությունը և այդ պատերազմում հերոսացած մեր հայրենակիցներին՝ շարքայիններից մինչև ՄԱՐՇԱԼՆԵՐ, որոնց գլխավորած փայլուն ռազմական գործողությունների շնորհիվ է նաև աշխարհը փրկվել ֆաշիստական չարիքից։ Փոքր ազգ լինելով հանդերձ՝ մենք աշխարահին 4 մարշալ ենք տվել, իսկ դա, իրոք, պարծանք է յուրաքանչյուր ազգի համար։  Իսկ ի՞նչ են հիշում Հայրենական պատերազմի տարիներից մեր հարևանները... մատակարարված «ահռելի» քանակությամբ նավթ..., նավթ... մեկ էլ՝ նավթ... առանց որի, ինչպես սիրում է հաճախ նշել Բաքվի քարոզչամեքենան, «անհնար կլիներ հաղթանակ տոնել ֆաշիստական ուժերի դեմ»։ Պատերազմի տարիներին, իհարկե, թիկունքի աջակցությունը կարևոր գործոն է, սակայն միանշանակ ամենակարևորն ու որոշիչը չէ (հիշենք 1991-1994թթ. Արցախյան պատերազմը)։ Ադրբեջանում այդ տարիներին բացի սև ոսկուց մեկ էլ հիշում են ԽՍՀՄ կրկնակի հերոս,ազգությամբ թալիշ Հազի Ասլանովին, որին ներկայացնում են՝ որպես ադրբեջանցի-թուրքի: Նույն իրավիճակն է նաև այսօր. Ադբեջանում «Ղարաբաղը մի քանի ժամում ազատագրելու» մասին խոսելիս շեշտադրվում է «ժամանակակից զենք-զինամթերքի» գործոնը, որը թույլ կտա իրականացնել «կայծակնային օպերացիաներ»։ Իսկ Հայաստանում հաղթանակի գրավականը ինչպես եղել, այնպես էլ մնում է սահմանին կանգնած զինվորը՝ քաջ, խիզախ, հմուտ ու գիտակ... Երևի թե հենց այս տարբերություններով էլ պայմանավորված է իրականությունը. մեր հաղթանակները շարունակական են և ոչ ժամանակավրեպ... Նյութի աղբյուր՝ https://www.facebook.com/ashot.movsissyan/posts/1053822831356052 ...

    Կարդալ ավելին
  • Հարսանիքների ժամանակ, ադրբեջանցիները (տղամարդիկ) հանելով ԿՈՇԻԿԸ, նրա մեջ են լցնում օղին և խմելով փոխանցում միմյանց։ 1. Հ.Գ. Գիտեմ, որ շատերդ չեք հավատա այս սովորույթի առկայությանը, սակայն այն շարունակվում է նաև այսօր։ Այս սովորույթի առկայությունը, ինքնին չի նշանակում որ կիրառվում է բոլոր հասարակական օղակներում և հարսանիքներում, սակայն առկա են դեռևս մարդիկ, որոնք սիրով շարունակում է օգտագործել այն։ 2. Հ.Գ. Ճանաչեն´ք մեր հարևաններին, իմանա´նք, որ տեսնելուց չզարմանաք։ Նյութի աղբյուր` https://www.facebook.com/ashot.movsissyan/posts/1052604724811196?ref=notif&notif_t=close_friend_activity&notif_id=1462484217963156 ...

    Կարդալ ավելին
  • Ադրբեջանում դեռևս փնտրտուքների մեջ են և քառօրյա պատերազմում կրած բազմաթիվ մահացածների և պարտությունների համար մեղավորներ են փորձում գտնել։ Այժմ էլ հարևան երկրում խոսում են, որ Ղարաբաղա-ադրբեջանական զորքերի շփման գծի հարավային հատվածում հակառակորդի պարտությունների մեղավորը Իրանն է․ ադրբեջանական «հավաստի աղբյուրների» համաձայն՝ ապրիլյան քառօրյա պատերազմի օրերին՝ գիշերային մարտերի ժամանակ, իրանական կողմը դիտավորյալ լուսավորել է ադրբեջանական դիրքերը, ինչի հետևանքով հայկական ստորաբաժանումները նկատել են ադրբեջանցի հատուկջոկատայիններին, ովքեր «հակագրոհի» են պատրաստվելիս եղել։ Արդյունքում՝ «ձախովել է ամբողջ օպերացիան, և ադրբեջանցիները մեծ կորուստներ են կրել»։ Համաձայն մյուս «ուշագրավ» վարկածի՝ մարտերի ընթացքում Ադրբեջանի սահմանային գյուղերում գործել է «հայկական կողմի օգտին աշխատող լրտեսների խումբ»։ Ըստ տարածված տեղեկության՝ խումբն ադրբեջանական զինված ուժերի տեղաշարժի և տեղակայման վայրերի մասին տեղեկություններ է հաղորդել «թշնամուն»՝ հայերին։ Մի խոսքով՝ ադրբեջանցիներն իրականությունից խուսափելով՝ սին ու անհիմն պատճառներ են փնտրում՝ պատրությունը կոծկելու համար։ Այսպիսին է պարտվող ադրբեջանցու տեսակը։  Հ․ գ․ Լավ կլինի՝ այդ տեսակը չփոխվի, որովհետև հենց գիտակցեն, որ իրենց պարտությունների մեղավորը ոչ թե որևէ երրորդ կողմն է, այլ՝ հենց իրենք, սկսելու են աշխատել իրենց վրա․․․ իսկ այս դրությունը մեզ հնարավորություն է տալու «երրորդ կողմի աջակցությամբ» մշտապես հաղթանակներ տոնել․․․ Նյութի աղբյուր՝ https://www.facebook.com/ashot.movsissyan/posts/1049684801769855 ...

    Կարդալ ավելին
  • Ադրբեջանական կողմը իր ռազմական անհաջողությունների մեղքը թափել ԵԱՀԿ-ի՝ ղարաբաղա-ադրբեջանական զորքերի շփման գծում մոնիտորինգ իրականացնող խմբի, մասնավորապես ԵԱՀԿ գործող նախագահի անձնական ներկայացուցիչ Անջեյ Կասպրշիկի վրա։ Բաքվի բռնապետի խոսափողի վերածված նախկին զինվորական, «ռազմական փորձագետ» Ուզեյիր Ջաֆարլին հայտարարել է, որ Ադրբեջանը պետք է արգելի ԵԱՀԿ-ի դաշտային մոնիտորինգը իր վերահսկողության գոտում, քանի որ Անջեյ Կասպրշիկը« գաղտնի տեղեկություններ է հաղորդում» հայկական կողմին։ «Ռազմական փորձագետը» Կասպրշիկին մեղադրել է նաև հայանպաստ քաղաքականության մեջ՝ նշելով որ 2001 թվականից վերջինս զբաղեցնում է այդ պաշտոնը, ինչն էլ ապացուցում է, որ նա վարում է հայամետ գործունեություն։ Ի դեպ, նույն այս «փորձագետը» այնքան չի տիրապետում իրավիճակին, որ հայտարարում է, թե « Ապրիլի 5-ին Մոսկվայում ՀՀ և ԱՀ ՇԳ պետերը հրադադարի մասին փաստաթուղթ են ստորագրել»։ Նյութի աղբյուր՝ https://www.facebook.com/ashot.movsissyan/posts/1047411401997195 ...

    Կարդալ ավելին
  • Ղարաբաղա-ադրբեջանական զորքերի շփման գծում Մարտակերտի և Ակնայի (Աղդամ) ուղղությամբ լարվածությունը աճել է։ Հավաստի տեղեկությունների համաձայն՝ թշնամու սահմանային որոշ բնակավայրերում խուճապային իրավիճակ է։ Աղջաբեդիի շրջանի որոշ գյուղերի բնակիչներ խուճապահար փախչում են, իսկ ովքեր փախուստի դիմելու հնարավարություն չունեն նկուղային հարկերում են։ Նյութի աղբյուր՝ https://www.facebook.com/ashot.movsissyan/posts/1046704268734575 ...

    Կարդալ ավելին
  • Ադրբեջանական աբսուրդ և անտրամաբանական քայլերից մեկն էլ զինծառայողներին պարգևատրելն ու նրանց անունները չհարապարակելն էր։ Հետաքրքիր է՝ պարգևատրվածների շարքում կա նաև «ԱԶԳԱՅԻՆ ՀԵՐՈՍԻ» կոչմանն արժանացած զինծառայող, ՈՐԻ ԱՆՈՒՆԸ ԵՎՍ ՉԻ ՆՇՎՈՒՄ։ Շատ բնական հարց է առաջանում. եթե այդ անձն «ազգային հերոս» է, ապա ինչպես պետք է ազգը ճանաչի իր հերոսին, եթե չի հրապարակվում անունը։ Այնուամենայնիվ, ոչ պաշտոնական աղբյուրներից հայտնի է դարձել Ադրբեջանական Հանրապետության «նոր ազգային հերոսի» ինքնությունը՝ հատուկ նշանակության զորքերի սպա, մայոր Սամիդ Գյուլաղա օղլու Իմանով։ Վերջինս ծառայում էր Ադրբեջանի բանակի ամենաէլիտար զորամասերից մեկում, ոչնչացվել է Թալիշի ուղղությամբ ընթացած մարտերում։ Նյութի աղբյուր՝ https://www.facebook.com/ashot.movsissyan/posts/1040898605981808 ...

    Կարդալ ավելին
  • Քառօրյա պատերազմի մասին վերջին օրերին սոցցանցերում և լրատվական կայքերում հաճախ է հանդիպվում ադրբեջանական բանակի զինվորական կոչումների սխալ թարգմանություններ, հատկապես, խոսքը «polkovnik-leytenant» զինվորական կոչման մասին է: Այս բառի (կոչումի) բառացի թարգմանությունը սխալ է, իհարկե, այն ունի իր համարժեքը հայոց բանակի զինվորական կոչումների շարքում: Այսպիոսվ՝ «polkovnik-leytenant» զինվորական կոչումը հայերեն պետք է թարգմանել «ՓՈԽԳՆԴԱՊԵՏ»: Նյութի աղբյուր՝ https://www.facebook.com/ashot.movsissyan/posts/1040661879338814 ...

    Կարդալ ավելին
  • Ապրիլյան 4 օրյա պատերազմի ժամանակ թշնամու սպանված զինծառայողների և, հայտկապես, հատուկջոկատայինների շարքում եղել են տարբեր երկրներում տարիներ շարունակ լուրջ վերապատրաստություն անցած սպաներ, այդ թվում նաև զորամասի հրամանատար, զորամասի շտաբի պետ և տեղակալներ։ Թշնամու ոչնչացված զինծառայողների շարքում է եղել նաև մայոր Սամիդ Գյուլաղա օղլու Իմանովը, որը ծառայության ընթացքոմ Ադրբեջանի ԶՈւ-ում զբաղեցրել է բավականին լուրջ և պատասխանատու պաշտոններ. եղել է հատուկ նշանակության գումարտակի շտաբի պետ, զորամասի հրամանատարի տեղակալ, հատուկ նշանակության զորքերի հրամանատարի օգնական, ինչպես նաև Զաքիր Հասանովի անվտանգության պահպանության ծառայության պետ։ Ասում են՝ Իմանովը «գեներալի թեկնածու» էր, ինչի համար էլ մասնակցել էր համապատասխան դասընթացների։ Գուցե այսպիսի փաստերն առանձին-առանձին ոչինչ չեն ասում, սակայն սա փաստում է մի բան. թշնամին բավականին լուրջ ջանքեր է գործադրել շփման գծում հաջողությունների հասնելու համար, ինչը նրան չհաջողվեց։  Հ.Գ. Ադրբեջանում պաշտպանության նախարարի պաշտոնը զինվորական պաշտոն է, ուստի նրա անվտանգության պահակախմբում ծառայողները ևս զինվորականներ են, ովքեր, ըստ իս, ընտրվում են թշնամու հատուկ նշանակության ստարաբաժանումներից մեկից։ Նյութի աղբյուր՝ https://www.facebook.com/ashot.movsissyan/posts/1037303449674657?ref=notif¬if_t=close_friend_activity¬if_id=146067 ...

    Կարդալ ավելին
  • Հայերի հանդեպ ունեցած ազգային կաշկանդվածությունը արբեջանցիներին երբեք թույլ չի տա հաղթանակ կորզել հայ ժողովրդից։  Հայտնի փաստ է, որ 1991-1994թթ. Արցախյան պատերազմում ադրբեջանցիներն իրենց պարտության պատճառ են համարում այն, որ իրենք իրականում ոչ թե կռվել են «խղճուկ և աղքատ» Հայաստանի, այլ Ռուսաստանի դեմ, քանի որ «ՌԴ-ն անմիջականորեն մասկանցում էր պատերազմին՝ հոգուտ հայ ժողովրդի։ Չանդարդառնալով այս ամենի անհիմն և հերհյուրանք լիելուն, կարող ենք ասել, որ դեռ ադրբեջանցիների միջից դուրս չի եկել այն վախն ու պատրանքը, որ Հայաստանը միշտ ունի հզոր «հովանավորներ» և նրա թիկունքին միշտ կանգնած են արտաքին ուժերը։  Սակայն ՌԴ-ի՝ ապրիլյան 4 օրյա պատերազմում որդեգրած դիրքորոշումը և արձագանքը, կարծես, թույլ չէր տալիս առաջ տանել ադրբեջանցիների՝ արդեն տարներ շարունակ երգած երգը։ Ի՞նչ անել, ինչպե՞ս արդարացնել սեփական պարտությունն ու անհաջողությունները, եթե այս անգամ «թշնամու» թիկունքում չկար Ռուաստանը։ Իհարկե, հարևան երկրում անորոշության մեջ երկար չմնացին և հայտնվեց մեկ այլ երրորդ ուժ, որի պատճառով նրանք չկարողացան «ծածանել բաղձալի դրոշը» Շուշիի պարիսպներին։ Պարզվում է՝ այս անգամ էլ Ղարաբաղում կռվում էին ոչ թե հայերը, այլ «Քրդական աշխատավորական կուսակցության (PKK)» մարտիկները։ Ինչևէ, այնքան կարևոր չէ թշնամու երևակայությունները, որքան այն, որ այս ժողովուրդն ունի լուրջ խնդիր, և դա հայերից ունեցած կաշկանդվածությունն է ու «թշնամու» թերագնահատումը։ Նյութի աղբյուր՝ https://www.facebook.com/ashot.movsissyan/posts/1036547413083594?ref=notif¬if_t=close_friend_activity¬if_id=14605771 ...

    Կարդալ ավելին
Загрузка...

ՖԲՀ

Քաղաքականություն