• Աշոտ Մովսիսյան
  • «Ղարաբաղ» բառը հաճախ է «ստուգաբանվում՝» որպես «սև այգի»: Բայց նույնիսկ լեզվական իմացության բացարձակ բացակայության դեպքում չոր տրամաբանությունը «հուշում է»՝ Արցախի նման բնաշխարհ ունեցող տարածքը նույնիսկ թյուրքերը չէին կարող «սև» անվանել: Իսկ որտեղի՞ց է գալիս խնդիրը... «Ղարաբաղ» բառը լեզվաբանական վերլուծության ենթարկելու դեպքում կստանանք նման բանաձև. (թրք.)kara/(ադրբ.)qara (գարա)+bağ (բաղ, նշ.՝ այգի): Այս բարդ բառի առաջին արմատը՝ qara-ն, թյուրքական լեզուներում, այդ թվում՝ ադրբեջաներենում ունի մի քանի իմաստ՝ «սև», «մեծ», «խիտ», «մուգ»: Ու թեև առօրյա խոսակցական լեզվում առավելապես գործածվում է «սև» իմաստով, սակայն տեղանունների դեպքում qara-ն հաճախ նշանակում է «մեծ». օրինակ՝ Qaraqışlaq (նշ.՝ Մեծ ձմեռանոց), Qarabulaǧ (նշ.՝ Մեծ/հորդ աղբյուր»։ Հետևաբար՝ «Ղարաբաղ» բառը ստուգաբանելիս ևս ճիշտ է առաջին բաղադրիչը թարգմանել ՄԵԾ և ոչ թե «սև»՝ պահպանելու համար բառի տրամաբանությունը: Իսկ առավել նախընտրելի է հայկական հողերի մասին խոսելիս կիրառել հայկական տեղանուններ, այս դեպքում՝ ԱՐՑԱԽ: Հ. Գ. Ադրբեջաներենում «Q» (կոշտ «Գ») տառը հայերենի բարբառներում փոխարինվել է «Ղ»-ի. դա է պատճառը, որ մենք արտասանում ենք «Ղարաբաղ»: Նյութի աղբյուր` https://www.facebook.com/ashot.movsissyan/posts/1073421026062899 ...

    Կարդալ ավելին
  • Ադրբեջանոմ այսուհետ ժակետային պարտադիր զինվորական ծառայությունից (ԺՊԶԾ) տարկետման իրավունք կտրվի նաև մագիստրատուրայում և դոկտորանտուրայում։ ԱՀ նախագահ Իլհամ Ալիևի նախաձեռնությամբ Միլլի Մեջլիսը «զինվորական ծառայության և զինվորական պաշտոնի» մասին օրենքում փոփոխություն կկատարի, որով տարկետման իրավունք կշնորհվի նաև մագիստրոսներին և դոկտորանտներին։ Մինչ այս ըստ օրենքի՝ ԺՊԶԾ-ից տարկետման իրավունք կարող էր շնորհվել միայն բակալավրիատում։ Նշվում է, որ օրենքի փոփոխությունը միտված է գիտության զարգացմանը և երիտասարդացմանը։ Եթե հաշվի առնենք, որ այս նախաձեռնությունը իրականացվում է Ադրբեջանում, ապա հստակ է, որ այն իր հետ կբերի կոռուպցիոն նոր ռիսկեր։ Նյութի աղբյուր՝ https://www.facebook.com/ashot.movsissyan/posts/1072406072831061 ...

    Կարդալ ավելին
  • Թուրքիայի նորանշանակ վարչապետ Բինալի Յըլդըրըմը ևս առաջինը «կտեսակցի» փոքր եղբորը՝ Ադրբեջանին։ Ավանդույթի համաձայն Թուրքիայի վարչապետները առաջին ակցը կատարում են Թուրքիայի կողմից օկուպացված «Հյուսիասյին Կիպրոս»՝ ապա Ադրբեջան։ Ադրբեջանական լրատվամիջոցներում տեղ գտած հրապարակումների համաձայն՝ Բինալի Յըլդըրըմը Բաքու կայցելի հունիսի 3-ին։ Նյութի աղբյուր՝ https://www.facebook.com/ashot.movsissyan/posts/1067736249964710?ref=notif¬if_t=close_friend_activity¬if_id=146436 ...

    Կարդալ ավելին
  • Ադրբեջանցի ընդդիմադիր լրագրող, «Ազատություն ռադիոկայանի» ադրբեջանական ծառայության լրագրող Խադիջա Իսմայիլովան պայմանական ազատ է արձակվել: Այսօր Ադրբեջանի «Բարձրագույն Դատարանը» վերանայելով Խ. Իսմայիլովայի բողոքարկումը վերջինիս նկատմամաբ որպես պատիժ է նշանակել 3 տարի 6 ամիս պայմանական ազատազրկումը (Մինչ այդ Խադիջա Իսմայիլովան դատապարտվել էր 7 տարի 6 ամիս ազատազրկմամբ): Դատարանի վճռով Խ. Իսմայիլովան կանցնի փորձաշրջան, որի ընթացքում վերջինս ամեն ամիս պարտավոր է ներկայանալ ոստիկանական բաժին, ինչպես նաև առանց պետական մարմինների թույլտվությամբ 5 տարվա ընթացքում չի կարող լքել երկրը և փոխել բնակության վայրը: Նյութի աղբյուր` https://www.facebook.com/ashot.movsissyan/posts/1066098133461855 ...

    Կարդալ ավելին
  • «Աշխարհի ամենաբարձր դրոշաձողի վրա ծածանվող դրոշը» կրկին պատռվեց։ Հետաքրքիր է, որ Ադրբեջանի դրոշը ամեն անգամ պատռվելուց ավելի շատ մասերի է բաժանվում, այս անգամ էլ՝ 3 մասի (գուցե պատահականոթյուն չէ)։ Ադրբեջանի Դեմոկրատական Հանրապետության (1918-1920թթ) հիմնադիր Մեմեդ Էմին Ռասուլզադեն մի հայտնի խոսք ունի, որն այսօր էլ շատ է օգտագործվում ադրբեջանական քարոզչության ժամանակ՝ «Մեկ անգամ բարձրացված դրոշը այլևս չի իջնի»։ Բայց արի ու տես՝ դա այդքան էլ այդպես չէ, արհեստածին դրոշը օտար հողում չի հարմարվում։ Նյութի աղբյուր՝ https://www.facebook.com/photo.php?fbid=1062104140527921&set=a.121622171242794.21241.100001850365398 ...

    Կարդալ ավելին
  • «Շուտով Ղարաբաղը ազատագրելու» պաթոսային կոչերից առաջացած ոգևորվածությունը Իլհամ Ալիևը ջուրը լցրեց Վիեննայի բանակցություններում ձեռք բերած արդյունքներով։ Մինչ Վիեննայի հանդիպման ավարտը Ադրբեջանում կարծիք կար, որ «Բաքուն բանակցային սեղանի ուժեղ և թելադրող կողմն է, և ստեղծված իրավիճակում Հայաստանը ստիպված կլինի հետ տալ հողերը», որն ընդհամենը մի քանի ժամվա ընթացքում փոխակերպվեց հակառակի։  Ադրբեջանական հասարակությունը գիտակցում է, որ բանակցության արդյունքում ձեռքբ բերված պայմանավորվածությունները աննուղակի կերպով ամրագրում է այդ երկրի պարտությունը, որն էլ ստիպում է մոռանալ Ղարաբաղի մասին։ Հենց այսպես էլ արձագանքում են. «Անհրաժեշտ է մոռանալ Ղարաբաղի մասին, հայերը մեզ հող տվողը չեն»։ Փաստորեն, Ալիևը փոս փորեց և ընկավ մեջը։ Նյութի աղբյուր՝ https://www.facebook.com/ashot.movsissyan/posts/1060779727327029?ref=notif¬if_t=close_friend_activity¬if_id=146352 ...

    Կարդալ ավելին
  • Ադրբեջանում խիստ անհանգստացած են այս տարվա Եվրատեսիլից, իսկ նյարդայնանալ պատճառները շատ են. այս տարվա Եվրատեսիլը մեր և Ադրբեջանի համար ամենաքաղաքանացվածն էր։ 1. Հայաստանը բավականին լավ միավորներով մտավ «թոփ տասնյակ» 2. Ադրբեջանի ազգային ժյուրին 12 միավորը տվեց Ռուսաստանին, իսկ Ռուսաստանը էլի դավաճանեց՝ 12 միավոր տալով Հայաստանին։ 3. Ջասթին Թիմբրլեյքը Իվետա Մուկուչյանին ողջունել ու շնորհավորել է.... Դեռ էսքանը քիչ էր, մի հատ էլ Ադրբեջանը ներկայացնող Սամրան թռել է «մեր Իվետային «սիրահրված» հոլանդացու» գիրկն ու լուսանկարվել։ Դե թասիբով ազգ են, իրենց համար ամոթ բանա...  Կարծես թե նախադրյալներ կան, որ Սամրան էդպես էլ չվերադառնա Բաքու։ Մամեդյարովենք, որ լավ մտածեն ԱԳՆ «Սև ցուցակում» ազատ տեղ կգտնեն... Նյութի աղբյուր՝ https://www.facebook.com/ashot.movsissyan/posts/1058928284178840?ref=notif¬if_t=close_friend_activity¬if_id=14632716 ...

    Կարդալ ավելին
  • Եվրատեսիլում Իվետա Մուկուչյանի՝ Արցախի դրոշը ծածանելուց հետո ադրբեջանցիների բարձրացրած վայնասունը խորհրդային տարիներին պատահած մի պատմություն հիշեցրեց... Տատիցս եմ լսել: Մեր հարևանի տանը հարսանիք է եղել: Միջոցառմանը հրավիրված են եղել նաև ադրբեջանցիներ: Հերթական երգից հետո, երբ երաժիշտները նվագել են՝ «Կարս-Կարս-Կարս, հայրենիքի հարս, Ե՞րբ պիտի դու տուն վերադառնաս», ադրբեջանցի հյուրերը, կրկնվող «Կարս-Կարս-Կարս»-ից նեղսրտած, ցուցադրաբար լքել են հարսանքավորներին՝ ԱՌԱՆՑ ՎԱՅՆԱՍՈւՆԻ... Ասածս ինչ է՝ նեղսրտելն էլ ձև ունի... Նոր բան չեք կարողանում սովորել, գոնե իմացածներդ մի՜մոռացեք: Նյութի աղբյուր՝ https://www.facebook.com/ashot.movsissyan/posts/1057529547652047 ...

    Կարդալ ավելին
  • Ադրբեջանական վիրտուալ տիրույթում այսօր պաշտոնանկ էին արել երկրի ԶՈւ գլխավոր շտաբի պետ, գեներալ-գնդապետ Նեջմեդդին Սադիկովին։  Ադրբեջանական համացանցային ԶԼՄ-ներում լուր էր տարածվել այն մասին, թե երկրի ԶՈւ ԳՇ պետը ազատվել է պաշտոնից, ու թեև այն պաշտոնապես հերքվեց ՊՆ մամուլի ծառայությունից, սակայն, ինչպես ադրբեջանական ժողովրդական խոսքն է ասում, «Od olmayan yerdən tüstü çıxmaz» (Կրակ չեղած տեղից ծուխ դուրս չի գա)։ Հավանաբար Ն. Սադիկովի՝ «ժողովրդի կողմից պաշտոնանկությունը» կապված է ապրիլյան պատերազմում կրած պարտության և մեծաթիվ կորուստների հետ։  Հարևան երկրում մինչև վերջերս օբյեկտիվ իրականությամբ ձևավորված տպավորություն կար, թե ալիևյան բռնապետության հաստատումից հետո ԶՈւ գլխավոր շտաբի պետի պաշտոնը «ցմահ» է, քանի որ Սադիկովը պաշտոնավարում է 1993թ-ից մինչ օրս։  Ոչ պաշտոնական տեղեկությունների համաձայն՝ վերջինս ազգությամբ լեզգի է։ Նյութի աղբյուր՝ https://www.facebook.com/ashot.movsissyan/posts/1055977771140558 ...

    Կարդալ ավելին
  • Հայրենական, ինչպես նաև Երկրոդ աշխարհամարտում տարած հաղթանակի մասին խոսելիս մենք, բնականաբար, հիշում ենք հայ ժողովրդի մասնակցությունը և այդ պատերազմում հերոսացած մեր հայրենակիցներին՝ շարքայիններից մինչև ՄԱՐՇԱԼՆԵՐ, որոնց գլխավորած փայլուն ռազմական գործողությունների շնորհիվ է նաև աշխարհը փրկվել ֆաշիստական չարիքից։ Փոքր ազգ լինելով հանդերձ՝ մենք աշխարահին 4 մարշալ ենք տվել, իսկ դա, իրոք, պարծանք է յուրաքանչյուր ազգի համար։  Իսկ ի՞նչ են հիշում Հայրենական պատերազմի տարիներից մեր հարևանները... մատակարարված «ահռելի» քանակությամբ նավթ..., նավթ... մեկ էլ՝ նավթ... առանց որի, ինչպես սիրում է հաճախ նշել Բաքվի քարոզչամեքենան, «անհնար կլիներ հաղթանակ տոնել ֆաշիստական ուժերի դեմ»։ Պատերազմի տարիներին, իհարկե, թիկունքի աջակցությունը կարևոր գործոն է, սակայն միանշանակ ամենակարևորն ու որոշիչը չէ (հիշենք 1991-1994թթ. Արցախյան պատերազմը)։ Ադրբեջանում այդ տարիներին բացի սև ոսկուց մեկ էլ հիշում են ԽՍՀՄ կրկնակի հերոս,ազգությամբ թալիշ Հազի Ասլանովին, որին ներկայացնում են՝ որպես ադրբեջանցի-թուրքի: Նույն իրավիճակն է նաև այսօր. Ադբեջանում «Ղարաբաղը մի քանի ժամում ազատագրելու» մասին խոսելիս շեշտադրվում է «ժամանակակից զենք-զինամթերքի» գործոնը, որը թույլ կտա իրականացնել «կայծակնային օպերացիաներ»։ Իսկ Հայաստանում հաղթանակի գրավականը ինչպես եղել, այնպես էլ մնում է սահմանին կանգնած զինվորը՝ քաջ, խիզախ, հմուտ ու գիտակ... Երևի թե հենց այս տարբերություններով էլ պայմանավորված է իրականությունը. մեր հաղթանակները շարունակական են և ոչ ժամանակավրեպ... Նյութի աղբյուր՝ https://www.facebook.com/ashot.movsissyan/posts/1053822831356052 ...

    Կարդալ ավելին

ՖԲՀ

Քաղաքականություն