• Աշոտ Մովսիսյան
  • Հետխորհրդային երկրների նախագահների պաշտոնավարման ժամկետների «թոփ հնգյակը» Առաջին տեղը զբաղեցնում է Ղազախստանի 76-ամյա նախագահ Նուրսուլթան Նազարբաևը: Վերջինս առանց ընդմիջման պաշտոնավարել է 26 տարի: Երկրորդ Տեղում է Բածկան՝ Բելառուսի 62-ամյա նախագահ Ալեքսանդր Լուկաշենկոն, ով Բելառուսը ղեկավարում է արդեն 22 տարի: Երրորդ պատվավոր հորիզոնականը զբաղեցնում է Տաջիկստանի նախագահ 63-ամյա Էմոմալի Ռահմոնը, ով արդեն 21 տարի շարունակ ղեկավարում է երկիրը: ԽՍՀՄ իրավահաջորդ Ռուսաստանի Դաշնության նախագահ Վլադիմիր Պուտինը երկիրը ղեկավարելու ժամկետով 4-րդ հորիզոնականում է: Ռուսաստանի 63-ամյա ղեկավարը պաշտոնավերել է ընդմիջումով, 10+2 տարի:  Ադրբեջանի նախագահ Իլհամ Ալիևը 5-րդ հորիզոնականում է. պաշտոնավարում է 12 տարի, առանց ընդմիջման: Հ.Գ. Վլադիմիր Պուտինի համար պաշտոնավարման տարիներ են համարվում նաև վարչապետի պաշտոնը զբաղեցրած 5 տարին: Նյութի աղբյուր` https://www.facebook.com/ashot.movsissyan/posts/1159259677479033 ...

    Կարդալ ավելին
  • Այսօր կառավարության նիստի ավարտին Հովիկ Աբրահամյանի՝ կառավարության հրաժարականի մասին հայտարարությունը մեծ տարածում է գտել նաև ադրբեջանական մամուլում և քննարկման թեմա դարձել սոցցանցերում: Ադրբեջանցիները բավականին հետաքրքիր են արձագանքել Հովիկ Աբրահամյանի հրաժարականին՝ դրան վերաբերվելով որպես «իրենց համար անհաս մուրազի» Ադրբեջանցիներին գուցե ինչ-որ տեղ կարելի է հասկանալ. այդ երկրի վարչապետ, զառամյալ ծերունի 81-ամյա Արթուր Ռասիզադեն 1996 թվականից մինչ օրս (2003թ. Ռասիզադեն իր պաշտոնը միայն 3 ամսով զիջել է Իլհամ Ալիևին) զբաղեցնում է վարչապետի աթոռը և քաղաքական ու հասարակական կյանքում գրեթե աննկատ է: Ֆեյսբուքյան օգտատերերից ոմանք գրում են. «Մերն էլ է հրաժարական տալու, սակայն մեկընդմիշտ. այն աշխարհն է գնալու», «Հայերի չափ էլ չկանք. մեզ մոտ աթոռին նստողը սոսնձվում է այդ աթոռին», «Տեսնես՝ վարչապետն ի՞նչ է, հրաժարական տալն ի՞նչ է: Սրանք կարծես թե մեզ հետ նույն տարածաշրջանում չեն ապրում... Ա՜յ մարդ, մի գլուխդ բարձրացրո՛ւ, աջ ու ձախ նայի՛ր...» Նյութի աղբյուր՝ https://www.facebook.com/ashot.movsissyan/posts/1153406648064336 ...

    Կարդալ ավելին
  • Ադրբեջանա-իրանական միջպետական հարաբերությունների ամենազգայուն կետերից մեկն Ադրբեջանում ապրող արմատական շիադավան մուսուլմանների իրավունքների ոտնահարումն ու վերջիններիս նկատմամբ պարբերաբար իրականացվող սահմանափակումներն են: Հայտնի է, որ Ադրբեջանի վարչակարգն ամեն կերպ ջանում է լռեցնել ցանկացած բողոք ու նման հարցերը, որպես կանոն լուծվում են սարքված գործերով, կեղծ հոդվածներով ու անհիմն ձերբակալություններով: Ադրբեջանի «Իսլամական կուսակցության» նախագահ Մյովսյում Սեմեդովը, որպես անհամաձայնության նշան երկրում սպասվելիք սահմանադրական փոփոխություններին, հացադուլ էր հայտարարել՝ դրանով բորբոքելով նաև իր հետևորդների կրքերը, ինչն իհարկե չէր կարող չանհանգստացնել իշխանությանը: Սեմեդովին լռեցնելու նպատակով իշխանությունները որոշել են քաղբանտարկյալին տեղափողել մեկ հոգու համար նախատեսված բանտախուց: Վերջերս իրանական կողմը յուրահատուկ դիվանագիտական հայտարարությամբ հասկացրել է Բաքվին, որ եթե շարունակվեն բռնաճնշումներն օրենքի շրջանակներում իրենց կրոնական կյանքով ապրող մուսուլմանների վրա, ապա երկրում կարող է աճել «ահաբեկչական» խմբավորումների թիվը: Իլհամ Ալիևի վարչակարգը մի կողմից սիրաշահում է Թուրքիայի իշխանություններին՝ գյուլենականներին վերածելով ներքին թշնամու, մյուս կողմից խաղում է Իրանի հոգևոր իշխանության նյարդերի հետ: Նյութի աղբյուր՝ https://www.facebook.com/ashot.movsissyan/posts/1152374118167589 ...

    Կարդալ ավելին
  • Քարիմովի՝ հերթական հակաադրբեջանական քայլը տեղի է ունեցել է 1994թ. Սատմբուլում՝ թյուրքական երկրների ղեկավարների հանդիպման ժամանակ: Հանդիպման ժամանակ Ադրբեջանի նախկին նախագահ Հեյդար Ալիևը Թուրքիայի այդ ժամանակ նախագահ Սուլեյման Դեմիրելին խնդրում է նիստի օրակարգում ընդգրկել նաև ղարաբաղյան հարցը և առաջարկում եղբայրական Ադրբեջանին օգնել այդ ծանր հարցում: Հեյդար Ալիևի խնդրանքին հանդիմանում է Ուզբեկստանի հանգուցյալ նախագահ Ի. Քարիմովը և հայտարարում, որ իրենք հավաքվել են տնտեսական հարցեր քննարկելու, և հատկապես չի ցանկանում խոսել միջպետական հակամարտությունների մասին: Քարիմովին իր աջակցությունն է հայտնում նաև մեկ այլ թյուրքական պետության՝ Թուրքմենստանի նախկին նախագահ Թուրքմենբաշին, նշելով որ ղարաբաղյան հարցի քննարկումը կարող է ազդել Հայաստանի հետ հարաբերություններին: Չնայած Դեմիրելի գործադրած ջանքերին՝ Ղարաբաղն այդպես էլ չի քննարկվում նիստին:  Նույն պատմությունը տեղի է ունենում նաև Աշխաբադի հանդիպման ժամանակ որտեղ Ուզբեկստանի և Թուրքմենստանի նախագահները թույլ չեն տալիս Հեյդար Ալիևին օրակարգ ներառել նաև ղարաբաղյան հարցը: Հ.Գ. հետ բերեք Քարիմովին Նյութի աղբյուր՝ https://www.facebook.com/ashot.movsissyan/posts/1150228645048803 ...

    Կարդալ ավելին
  • Ադրբեջանցի վերլուծավաբան և քաղաքական գործիչ Իսա Գամբարն իր ֆեյսբուքյան էջում մի հետաքրքիր գրառում է կատարել՝ կապված Քարիմովի՝ Ադրվեջանի հանդեպ ունեցած վերաբերմունքին։ 1992թ.-ին Ադրբեջանը դեռևս ԱՊՀ անդամ պետություն չէր, սակայն, ինչպես նշում է հեղինակը, ՌԴ նախագահ Բ. Ելցինը հրավիրված էր Ադրբեջանի նախագահ Էլչիբեյին կազմակերպության անդամ երկրների նախագահների նիստին։ Էլչիբեյն առաջին հրավերից հրաժարվում է, իսկ 2-րդ հրավերից հետո որոշում է Ի. Գամբաևին ուղարկել՝ մասնկացելու կազմակերպության անդամ պետությունների կառավարության ներկայացուցիչների նիստին՝ որպես Ադրբեջանի ներկայացուցիչ (այդ ժամանակ մեր «պատմիչը» Ադրբեջանի վարչապետն էր): ՌԴ նախագահի՝ նիստը բացելու և օրակարգը ներկայացնելու ընթացքում նրան ընդհատում է Ուզբեկստնի արդեն հանգուցյալ նախագահ Իսլամ Քարիմովը և հարցնում, թե ինչ գործ ունի Ադրբեջանն այնտեղ, երբ անդամ երկիր չէ։ Ելցինը պատասխանում է, որ Ադրբեջանը հրավիրված է՝ որպես դիտորդ երկիր, ինչին ի պատասխան, Ի. Քարմովը նշում է, որ ԱՊՀ կանոնադրությամբ սահմանված չէ դիտորդ երկիր հասկացությունը, ուստի պահանջում է Ադրբեջանի ներկայացուցչին լքել նիստերի դահլիճը։ Ուզբեկստանի նախագահի այս հայտարարությունից հետո գործին խառնվում են Բելառուսի և Ուկրաինայի նախագահները և նշում, որ Ադրբեջանն այդ պահին անդամակցության գործընթացի մեջ է, նրան ժամանակ է պետք, որպեսզի խորհրդարանը վավերացնի անդամակցության ռատիֆիկացիան։ Ի պատասխան Ուկրաինայի և Բելառուսի նախագահների ելույթին՝ Քարիմովը կրկին բարկացած պնդում է, որ Ադրբեջանի ներկայացուցիչը պետք է լքի դահլիճը և մասնակցի նիստերին միայն այն ժամանակ, երբ Ադրբեջանի խորհրդարանը վավերացնի փաստաթուղթը և դառնա անդամ։ Ելցինը ստիպված է լինում հայտարարել, որ ինքն անձամբ է հրավիրել Ադրբեջանին, ինչից հետո Քարիմովը համաձայանության նշան է տալիս և Ադրբեջանի ներկայացուցիչները մանթո մասնակացում են նիստին։  Այսպիսինն է նաև թուրքական միֆը՝ «թուրքական միասնական աշխարհի» կեղծ գաղափարախոսությունը։ Նյութի աղբյուր՝ https://www.facebook.com/ashot.movsissyan/posts/1148354518569549 ...

    Կարդալ ավելին
  • Թուրքիայի հակագյուլենական գործողությունների ալիքը նոր տեմպով տարածվել է նաև Ադրբաջանում: Տեղի ունեցող գործընթացները թույլ են տալիս ենթադրել, որ Էրդողանին հաջողվել է Ի. Ալիևին համոզել, որ գյուլենականները կարող են պոտենցիալ վտանգ հանդիսանալ նաև նրա իշխանության համար: Ադրբեջանի արդեն նախկին «Կովկաս» համալսարանում աշխատող 50 թուրք աշխատակիցներ ազատվել են աշխատանքից և լքել երկիրը: Բաքվի իշխանությունը վճռական է տրամադրված այս հաստատության վերջնական «շարքից հանելու մեջ»: Ինչը, սակայն, թերևս այս պահին, չի բխում այդ երկրի ազգային շահից և միայն ուղղված է պալատական շրջանակների իշխանության ամրապնդմանն ու Թուրքիայի իշխանությունների հաճոյանալուն: Հակագյուլենական գործողությունների նոր թափին զուգահեռ, Իլհամ Ալիևը, արդեն իսկ պատրաստվում է իր համար չափազանց կարևոր սահմանադրական փոփոխությունների հանրաքվեին: Այդ «պատրաստությունը» կյանքի է կոչվում քաղաքական ընդդիմադիր դաշտի ակտիվ անդամների մեկուսացմամբ և բռնաճնշումների աճով: Նյութի աղբյուր՝ https://www.facebook.com/ashot.movsissyan/posts/1129897900415211 ...

    Կարդալ ավելին
  • Օրերս ադրբեջանական լրատվամիջոցները հայտնել են, որ Իլհամ Ալիևը Ադրբեջանի Իսմայիլիի շրջանում մասնակցել է հեծանիվների արտադրության գործարանի բացման արարողությանը։  Որից հետո, ինչպես նշում են ադրբեջանական ԶԼՄ-ները, «Երկրի նախագահը փորձարկել է գործարանի կողմից արտադրվող հեծանիվը»։ Բայց արի ու տես, որ սա հերթական ոչ խորը մտածված ադրբեջանական միֆերից է։ Ալիևը, իրեն դնելով հյուսիսեվրոպական զուսպ կենցաղով ապրող պաշտոնյայի տեղ, հեծանիվով պտույտ է կատարել գործարանի տարածքում։ Հետաքրքիրն այն է, որ այդ հեծանիվը ոչ թե եղել է «հայրենական» արտադրության, այլ իտալական «Marzocchi» ընկերության արտադրված։ Մենք չենք քննարկում՝ իրո՞ք Ադրբեջանում արտադրում են հեծանիվներ, թե ուղղակի մասերը ներկերլով՝ հավաքում են տեղում։ Հարցն այն է, որ այս երկրում շատ բան է կառուցվում միֆերի վրա, որը, ցավոք, տարիների ընթացքում երիտասարդության մոտ տպավորվում է՝ որպես իրականություն։ Հ.Գ. դե ասա ուզում էիր հեծանիվ քշեիր՝ Բաքվի բուլվարում քշեիր, է՜լի... Նյութի աղբյուր՝ https://www.facebook.com/ashot.movsissyan/posts/1126112577460410 ...

    Կարդալ ավելին
  • Ադրբեջանի ֆինանսական շուկայի վերահսկիչ պալատի տնօրենների խորհրդի որոշմամբ չեղարկվել է «Դեբաբանկի», «Կրեդոբակի», «Փարաբանկի» և Զամինբանկի» լիցենզիաները։ Բանկերի փակմաբ Ադրբեջանի գործազուրկների բանակը համալրվեց ևս 450 հոգով։ Ինչպես նաև բանկերի փակումը ենթադրում է ֆինանսական արտահոսք և պետությանը վճարվող հարկերի նվազում։ Նյութի աղբյուր` https://www.facebook.com/ashot.movsissyan/posts/1108353569236311?from_close_friend=1&notif_t=close_friend_activity&notif_id=1469175609775384 ...

    Կարդալ ավելին
  • Ադրբեջանի նախագահի հրամանով երկրի պաշտպանության նախարարությանը հանձնարարվել է Բաքվի Յասամալի շրջանի «Ոսկյա Արևելք» զինվորական ավանում և Սումգայիթի Հաջի Զեյնալաբդին ավանի զինվորական օդանավակայանում համապատասխանաբար շենք-շինություններ տրամադրել՝ Թուրքիայի զինվորական խմբի շահագործման համար։  Կարծում եմ, սա շատ կարևոր զարգացում է տարածաշրջանի համար, և հետաքրիր է, որ այն տեղի ունեցավ արցախյան հիմնահարցի շուրջ բանակցությունների ակտիվ փուլում ու ռուս-թուրքական հարաբերությունների վերականգնման ֆոնին։ Իլհամ Ալիևի այս որոշումը հիմք է տալիս պնդելու, որ Ռուսասատնի՝ Ադրբեջանին իր կողմը ձգվելու քաղաքականությունն ու ջանքերը տապալվեցին, քանի որ մի քանի տարվա քաղաքական պատմությանը հետադարձ հայացքը ցույց է տալիս, որ Ադրբեջանում ռուսական զինվորին փոխարինելու է գալիս ՆԱՏՕ-ական Թուրքիայի զինուժը, (2013թ-ին Ռուսաստանի ԶՈւ-ն ստեղծված պայմաններից ելնելով ուղղակի ստիպված էր լքել Գաբալայի ռադիոտեղորոշման կայանը): Նյութի աղբյուր՝ https://www.facebook.com/ashot.movsissyan/posts/1107332899338378 ...

    Կարդալ ավելին
  • Ադրբեջանում բռնապետական և «ժառանգական իշխանության» համակարգը կսահմանադրականացվի: Այս բնորոշումը ներադրբեջանական է և, կարծում եմ, դիպուկ: Բանն այն է, որ Բաքվում որոշել են հետ չմնալ Հայաստանից և Վրաստանից ու անցկացնել սահմանադրական փոփոխություններ, բայց եթե առաջին 2 դեպքերում դրանք առաջին հերթին միտված են ժողովրդավարության և պետականության ամրապանդմանը, ապա Ադրբեջանում կրում է հակառակ բնույթը: Իլհամ Ալիևի նախաձեռնությամբ Ադրբեջանում կանցկացվի սահմանադրական փոփոխությունների հանրաքվե. արդեն իսկ ներկայացվել է փոփոխության ենթակա հոդվածները և նոր տարբերակները: Այսպիսով, եթե փորձենք առանձնացնել հիմնական և սահամանդրական փոփոխության դրդապատճառ հանդիսացող հանգամանքները, ապա կարող ենք նշել հետևյալ հոդվածների փոփոխությունները. 1. Վերացվում է հանրապետության նախագահ դառնալու համար առնվազն 35 տարեկան լինելու դրույթը, և նոր փոփոխությամբ որևէ հստակեցում չկա տարիքային սահմանափակման վերաբերյալ: 2. Պետական կառավարման համակարգում կստեղծվի նոր պաշտոն՝ երկրի փոխնագահի պաշտոնը, որի լիազորությունները և պարտականություններն առայժմ անհայտն են, և ծնում են մի շարք հարցեր: 3. Երկրի նախագահի պաշտոնավարման ժամկետը 5 տարուց կդառնա 7 տարի: 4. Հանրապետության նախագահին կտրվի երկրում արտահերթ նախագահական ընտրություններ անցկացնելու լիազորություն: Ադրբեջանական գիտակից հանրությունը շատ լավ հասկանում է, որ այս քայլերը ուղղված են «օրինականացնելու» հորից որդի նախագահ դառնալու ավանդույթը, ինչի մասին ուղղակիորեն փաստում է Իլհամ Ալիևի որդու առկայության և նրա տարիքի հանգամանքը: Նյութի աղբյուր` https://www.facebook.com/ashot.movsissyan/posts/1106287226109612 ...

    Կարդալ ավելին

ՖԲՀ

Քաղաքականություն