• Աշոտ Մովսիսյան
  • 1993 թվականից ցայսօր Ադրբեջանում իշխում է «Նոր Ադրբեջան կուսակցությունը», որի հիմնադիրը Ադրբեջանի 3-րդ նախագահ Հեյդար Ալիևն է։ Կազմավորման առաջին շրջանից էլ այս կուսակցության հիմնաքարերը կազմել են ծագումով նախիջևանցիները, իսկ կուսակցությունը հիմնվել է 1992 թվականին Նախիջևանում։ Ադրբեջանում միջկլանային պայքարի, իշխանության՝ կլանների միջև բաժանվածության մասին հայկական տիրույթում հաճախ է խոսվում։  Անշուշտ, նման գործընթացներ տեղի են ունենում ադրբեջանական իշխանության ետնաբեմերում։ Հարևան երկրում իշխանության առույծի բաժինը շարունակում են իրենց ձեռքերում պահել ծագումով նախիջևանցները, կամ «նախիջևանյան կլանը»։ Ասածիս ապացույց են հանդիսանում ստորև ներկայացված պետության ու իշխանության համար կարևոր այն պաշտոնները որոնք զբաղեցնում են ծագումով նախիջևանցները։ Այսպիով, ծագումով նախիջևանցիներ են՝ նախագահ Իլհամ Ալիևը վարչապետ Արթուր Ռասի-զադեն արտքաին գործերի նախարար Էլմար Մամեդյարովը արտակարգ իրավիճակների նախարար Քյամալադդին Հեյդարովը Միլի Մեջլիսի փոխխոսնակ Զիյաֆաթ Ասկերովը պետական նավթագազային ընկերության՝ ՍՕՔԱՐ-ի տնօրեն Ռովնագ Աբդուլաևը ԱԳ փոխնախարար Խալաֆ Խալաֆովը Բաքվի քաղաքապետ Հաջիբալա Աբութալիբով  նախագահի արտաքին քաղաքական հարցերով օգնական Նովրուզ Մամեդովը նախագահի քաղաքական և հասարակական հարցերով օգնական Ալի Հասանովը Բաքվի Մետրոպոլիտենի տնօրեն Թաղի Ահմեդովը Իշխող կուսակցության քարտուղարի տեղակալ Սիյավուշ Նովրուզովը  վիճակագրական կոմիտեի նախագահ Թահր Բուդաղովը նախկին ազգայն անվտանգության նախարար Էլդար Մահմուդովը Նյութի աղբյուր՝ https://www.facebook.com/ashot.movsissyan/posts/1683792145025781 ...

    Կարդալ ավելին
  • Ալխանլույում զոհված քաղաքացիական անձանց նվիրված ադրբեջանցի ազգայնականների կազմակերպած երթի ժամանակ ամենաշատը հնչել է ազգայնականների հայտնի «Ռուսը, պարսիկը, հայը, ահա՛ սրանք են թուրքի թշնամիները» կարգախոսը։ Առաջնագծում Ադրբեջանի յուրաքանչյուր ձախուղում հանգեցնում է ազգայնական տրամադրությունների ակտիվացմանը, որի բաղադրիչներն են հակահայկականությունը, հակաիրանականությունն ու հակառուսականությունը։ Կյանքը հետաքրքիր բան է. մինչ Բաքվի կենտրոնում բարձր ձայնով ռուսներին թշնամի են անվանում, ռուսական զինամթերքով բեռնված նավերը «բիզնեսի սկզբունքով ժամանում» են Բաքու։ Նյութի աղբյուր՝ https://www.facebook.com/ashot.movsissyan/posts/1554999234571740 ...

    Կարդալ ավելին
  • Բաքվի ռազմաքաղաքական ղեկարավության անհեռատես քաղաքականությունն այս անգամ ևս աշխատեց իր դեմ։ Վերջին օրերին առաջնագծի լարվածությունը և քաղաքացիական անձանց մահանալու միջադեպն իր ուղղակի ազդեցությունն է թողել նաև բանակի հանդեպ հասարակության կարծիքի վրա։ Ալխանլույի միջադեպը խարխլել է շարքային ադրբեջանցու մոտ «կովկասի հզորագույն բանակի» մասին պատկերացումեները։ Սոցցանցերի քննարկումներից անգամ պարզ է, որ ադրբեջանական հասարակության մի ստվար հատված հիասթափված է զինված ուժերի «անհասկանալի անգործությունից»։ Թերևս այդ դժգոհության ամենավառ ցուցիչներից մեկը Զաքիր Հասանովին հասցեագրված «գովազդի նախարար» պատվավոր կոչումն է։ Տարիներ շարունակ երկրի ռազմական պոտենցիալի և հայատյացության քարոզի հետևանքներն այսօր ավելի քան տեսանելի են. շարքային ադրբեջանցին պահանջում է ռազմական ղեկավարության խոստացած «ավերիչ պատասխանը»։ Մինչդեռ դատարկ քարոզչությունն այսպիսի իրավիճակներում կարող է բումերանգի էֆեկտ ունենալ, ինչին էլ ականատեսն ենք լինում Ադրբեջանում։ Որպես եզրակացություն՝ չափազանց կարևոր է հետևել սահմանային լարվածության հանդեպ ներադրբեջանական արձագանքներին ու կարծիքներին և, ինչո՞ւ ոչ, նաև փորձել ստեղծել խողովակներ` դրանց վրա ազդելու համար։ Մի կարևոր հանգամանք ևս. սեփական ժողովրդին որպես «կենդանի վահան» օգտագործելու փաստը հասկանում է նաև Ադրբեջանի գիտակ հասարակությունը։ Սակայն Ադրբեջանի պես ավտորիտար համակարգ և չափազանց խիստ գրաքննություն ունեցող երկրում այդ մասին խոսելը հավասար կլինի «ինքնասպանության»։ Նյութի աղբյուր՝ https://www.facebook.com/ashot.movsissyan/posts/1549693165102347 ...

    Կարդալ ավելին
  • Ադրբեջանի զինված ուժերը նման սադրիչ գործողությունների է դիմում նաև ներքին լսարանի առաջ խայտառակ չլինելու համար: Այս երկրի ռազմաքաղաքական իշխանությունը չարիք է տարածաշրջանի համար, քանի որ ամեն անգամ մսաղացին դեմ տալով սեփական զինվորին առիթ է ստեղծում շփման գծում իրավիճակը լարելու համար: Այսօր առավոտյան «Զաքիր Հասանովի կանտորը» հայտնել էր մեկ «սպանված» զինծառայողի մասին, սակայն սոցցաներից արդեն իսկ հայտնի է դարձել, որ հունիսի 16-ին ևս մեկ զինծառայող է սպանվել Աղջաբեդիի շրջանում: Ըստ սոցցանցերում առկա տեղեկության՝ պայմանագրային զինծառայող ԱԶԵՐ ԱԲԲԱՍ ՕՂԼՈւ ԱՀՄԵԴՈՎԸ ՍՊԱՆՎԵԼ է ծառայողական պարտականությունները իրականացներիս: Վերջինս Աղջաբեդիիի շրջանի Շահսեվեն գյուղի բնակիչ էր:  Թերևս նորություն չէ, որ այս մեկը ևս կհամալրի «թաքուն պահվող «նահատակների» շարքերը», ինչը արդեն իսկ անարգանքի նշան է սեփական հանրության հանդեպ: Նյութի աղբյուր՝ https://www.facebook.com/ashot.movsissyan/posts/1523941697677494 ...

    Կարդալ ավելին
  • Այսպես կոչված «Հայաստան-Ադրբեջան խաղաղության հարթակի» խայտառակ ավարտն Իլհամ Ալիևի սիրելի գեներալ, պետական անվտանգության ծառայության պետ Մեդեթ Գուլիևի և ԱՀ նախագահի աշխատակազմի ղեկավար Ռամիզ Մեհդիևի հերթական լուրջ ձախողումն է: Դեռևս այս «հարթակի» կազմավորման առաջի օրերից պարզ էր, որ այն գտնվում է Ադրբեջանի բարձրագույն իշխանության հովանու ներքո և ուղղորդվում նախագահի աշխատակազմի կողմից: Հարկ է նկատել, որ «խաղաղության հարթակ» կոչված ծրագիրը որևէ հաջողություն չի գրանցել, այլ միայն հարվածել է շարքային ադրբեջանցու գրպանին, քանի որ հենց նրանց վճարած հարկերով Բաքվի բռնապետի վարչակազմը «պարգևատրել» ու հոգացել դեռ ոչ վաղ անցյալում հայտնի քաղաքական գործիչներ, լրագրողներ, գրողներ անվանվող «հայերի» հյուրընկալության ծախսերը: Մյուս կողմից այս նախագծի տապալումը շատ կարևոր ազդեցություն է թողել Ադրբեջանի հասարակության վրա՝ է՛լ ավելի խորացնելով իշխանության հանդեպ անվստահությունը: «Խաղաղության հարթակ» փուչիկի պայթելը վերջին շրջանում Իլհամ Ալիևի վարչակարգի 2-րդ մեծ ձախողումն է՝ բանակում մեծ թվով «հայ լրտեսների ցանցի բացահայտումից հետո»: Ալիևի սպասավորների ոչ պրոֆեսիոնալ աշխատելոճը պատուհաս է սեփական հանրության համար, քանի որ այսօր արդեն շարքային ադրբեջանցու համար հայի ուրվականն ամենուր է՝ թե՛ սահմանամերձ գոտում, թե՛ երկրի սրտում: Նյութի աղբյուր՝ https://www.facebook.com/ashot.movsissyan/posts/1504357742969223 ...

    Կարդալ ավելին
  • Ընդդիմադիր Meydan.tv-ի տեղեկության համաձայն՝ Թարթառում տեղակայված զորամասի ժամկետային զինծառայող, Սաբրիաբադի շրջանի Քուրքենդի գյուղի բնակիչ, 1998 թվականին ծնված Զեյնալ Ալեքբերովը մահացել է ծառայողական պարտականությունները կատարելիս: Զինծառայողը հուղարկավորվել է ապրիլի 30-ին. ամենայն հավանականությամբ, մահացել է (սպանվել է) ապրիլի 29-ին: Զինվորի մահվան հանգամանքների մասին պաշտոնական աղբյուրները լռում են: Քուրքենիդիի գյուղապետարանի ներկայացուցիչը Meydan.tv-ին հայտնել է, որ Զ. Ալեքբերովը ԶՈւ էր զորակոչվել այս տարվա հունվարին: Նյութի աղբյուր՝ https://www.facebook.com/ashot.movsissyan/posts/1461141693957495 ...

    Կարդալ ավելին
  • Ադրբեջանի պետական սահմանապահ ծառայության զորամասերից մեկում երկու ժամկետային զինծառայող է սպանվել։ Ըստ շրջանառվող լուրերի՝ Բաքու քաղաքի բնակիչ Էլնուր Բահրամ օղլու Բայրամովը, կրակելով սպանել է ծառայակից ընկերոջը՝ Շամքիր քաղաքի բնակիչ Էլվին Նազիմ օղլու Նամազովին, այնուհետև ինքնասպան եղել։ Սպանված զինվորների ընտանիքները չեն հավատում միջադեպի նման վարկածին։ Նաև նշվում է, որ զինծառայողները մոտ ծառայակից ընկեր են եղել։ Միջադեպը գրանցվել է Հորադիզ քաղաքում տեղակայված պետական սահմանապահ ծառայության զորամասում։ Նյութի աղբյուր՝ https://www.facebook.com/ashot.movsissyan/posts/1438946292843702 ...

    Կարդալ ավելին
  • Ադրբեջանի 1-ին բանակային կորպուսում պայմանագրային զինծառայող է մահացել:  MeydanTV-ի հրապարակած տեղեկության համաձայն՝ Չեմենլի գյուղում տեղակայված զորամասի զորավարժությունների ժամանակ պայմանագրային զինծառայող Հուսեյն Թոֆիգ օղլու Մամեդովը, ընկնելով տանկի տակ, մահացել է: Տեղեկությունը հաստատել է նաև Բարդայի շրջանի տեղական ինքնակառավարման մարմնի պաշտոնյան: Վերջինս հայտնել է, որ միջադեպը տեղի է ունեցել ավելի վաղ, և զինծառայողը հուղարկավորվել է մարտի 28-ին: Հետաքրքրական է, որ միջադեպի մասին Meydan TV-ին հայտնել են տեղի գյուղացիները, իսկ ԱՀ ՊՆ-ն այս մասին որևէ հայտարարություն չի տարածել: Նյութի աղբյուր՝ https://www.facebook.com/ashot.movsissyan/posts/1415462498525415 ...

    Կարդալ ավելին
  • Իտալական հայտնի OVS բրենդի Բաքվի խանութներում հայտնվել են զինվորական կամուֆլյաժ ոճով հագուստներ, որոնք կարված են Հայաստանում։ Հայաստանյան արտադրանքի հայտնվելը Ադրբեջանում սուսերով է ընդունվել։ Մեր հարևաններին հատկապես զայրացրել է այն փաստը, որ Հայաստանում կարված հագուստը զինվորական ոճով է։  Թեև OVS-ի Բաքվի ներկայացուցչությունը հերքում է, որ հագուստը կարված է Հայաստանում, միևնույն է պիտակները պնդում են հակառակը։ Նյութի աղբյուր՝ https://www.facebook.com/photo.php?fbid=1406705176067814&set=p.1406705176067814 ...

    Կարդալ ավելին
  • Մինչ օրս ավելի քան 900 ադրբեջանցի է միացել Սիրայի և Իրաքի ահաբեկչական կազմակերպություններին: Այս մասին հայտնել է Ադրբեջանի պետական անվտանգության ծառայության պետ Մադաթ Գուլիևը: Գուլիևը նշել է, որ Սիրիա և Իրաք մեկնած ծայրահեղականների մեծամասնությունը սպանվել է: Ահաբեկչական գործունեություններին օժանդակելու և մասնակցելու համար քրեական պատասխանատվության է ենթարկվել Ադրբեջանի 84 քաղաքացի, վերջին մեկ տարվա ընթացքում էլ 54 անձ զրկվել է ԱՀ քաղաքացիությունից: Նյութի աղբյուր՝ https://www.facebook.com/ashot.movsissyan/posts/1382462528492079 ...

    Կարդալ ավելին
Загрузка...

ՖԲՀ

  • /uploads/photos/P33sUKersBlLyvdeDT8n.jpg

    Ադրբեջանի պաշտպանության նախարարի և երկրի նախագահի հարաբերություններն արդեն մեկ տարի է, ինչ լարված են, ու պատճառն ապրիլյան մարտերի ժամանակ Հասանովի ինքնագլուխ որոշումներն էին: Կասկածներ կան, որ առաջին ձախողված դիվերսիան կատարվել է հենց Հասանովի հրամանով ու նրա գլխավորությամբ: Դրա արդյունքում զոհվեցին բազմաթիվ ադրբեջանցի զինվորներ և երկու ուղղաթիռ օդ բարձրանալուն պես խփվեցին հայկական զինված ուժերի կողմից: Այս ամենից հետո զինված ուժերի գլխավոր շտաբի պետն էր փորձում փրկել իրավիճակը, այնուհետև գործողությանը խառնվում է նաև Իլհամ Ալիևը: Դեպքերից հետո ավելի են սրվում նախարարի ու շտաբի պետի հարաբերությունները, Ալիևն էլ իր հերթին սկսում է մտածել Հասանովի պաշտոնանկության մասին ու նրա տեղում տեսնում է զինված ուժերի շտաբի պետին: Հիմա երկու գեներալներն իրար միս են ուտում նախարարի աթոռի համար: Հասանովը նաև անհանգստացած է, որ պաշտոնանկությունից հետո կարժանանա լրտեսների ճակատագրին: Ադրբեջանի ազգային անվտանգության ծառայությունը բացահայտել է 400 ադրբեջանցի լրտեսից, որոնց մեջ կան և զինվորականներ և քաղաքացիական անձինք: Զինվորականների մեծ մասին տանից փախցրել ու տարել են անհայտ ուղղությամբ: Ընտանիքի անդամներին էլ հայտնել են, որ իրենց որդիները լրտես են եղել ու պատժվել են դրա համար՝ սպանվել են: Զինծառայողների մեծ մասը, ովքեր բացահայտվել են, լրտես Հասանովի շրջապատից են: Ճիշտ է պաշտոնապես Հասանովը չի հայտարարվի լրտես, բայց մեծ է հավանականությունը, որ աթոռը թողնելուց որոշակի ժամանակ հետո նրան նույնպես անհայտ ուղղությամբ կտանեն Մադաթ Գուլիևի ԱԱԾ զորքերը: Նյութի աղբյուր՝ https://www.facebook.com/ashot.asatryan.7549/posts/1485472101501521

    Կարդալ ավելին

Քաղաքականություն