Գովազդի համար զանգահարել 099 999 409
  • Վախթանգ Սիրադեղյան
  • «Բնական հարց կառաջանա. իսկ այդ ընթացքում (1988-1998թթ.) չե՞ն եղել սխալներ, չե՞ն եղել թերացումներ, բաց թողնված շան­սեր, «ստվերոտ կողմեր», իշխանության որևէ օղակում պաշտո­նեական դիրքի չարաշահումներ և այլն։ Անշուշտ՝ եղել են, ինչից անհնար է, որ խուսափի հատկապես նորանկախ որևէ երկրի իշխանություն ամենախառնակ ժամանակ­ներում։ Ճիշտ այնպես, ինչպես ամեն մի շինարարությունից, այն­պես էլ պետության կառուցումից գոյանում է երկու բան՝ կառույցը և շինարարական աղբը։ Կառույցը մնում է, օգտագործվում, հիշ­վում, գնահատվում, դառնում պատմական փաստ, աղբը հեռաց­վում է ու մոռացվում։ Ոչ թե հակառակը։ Newsline-ի խմբագրությունն առաջարկում է վերոշարադրյալը նույնությամբ ներառնել Հայոց պատմության և բուհական, և դպրոցական դասագրքերում։»  Դասագրքի մաս առաջարկվող հատվածից ես չիմացա, նախ, թե ինչ էր կատարվել 1996-ին նախագահական ընտրություններին, և ապա` այդ երևույթը գնահատվում է որպես կառույց, թե շինարարական աղբ: Ես չհասկացա, թե ինչու էր 1996-ին Լիսաբոնում գումարված ԵԱՀԿ-ի գա­գաթնաժողովում վետո դրվում, եթե Հայաստանը շարունակվում էր դիտարկվել որպես «ժողովրդավարական կղզյակ», թե այնուամենայնիվ, այն այլևս որպես այդպիսին չէր դիտարկվում: Ընդամենը կարող եմ ասել` թերի ճշմարտությունը ինձ համար ստից շատ չի տարբերվում, և մի սուտը մեկ այլ ստով փոխարինելը անիմաստ զբաղմունք է: Նյութի աղբյուր`https://www.facebook.com/vakhtang.siradeghyan/posts/10205083738764052 ...

    Կարդալ ավելին
  • Համարյա բոլոր բարձրաստիճան չինովնիկների ու նրանց հարազատների 2014-ի հայտարարագրերը դիտարկել եմ, ինչպես նաև նրանց քառորդ մասի 2011-2014 թթ. հայտարարագրերը, ու կարող եմ ասել, որ այդ ոլորտը վաղուց արդեն նոր չի, բայց իմիտացիոն է ճիշտ այնպես, ինչպես մեր կյանքի բոլոր բնագավառները: Բազմաթիվ են կեղծ տվյալներն ու անճշտությունները, և այդ բոլորը հաճախ հասցված ձեռառնոցիի մակարդակի: Եվ դա հենց այդպես էլ պետք է լիներ, որովհետև բոլոր լրացնողներն էլ գիտեն, որ ոչ մեկը չի պատժվելու անճշտությունների համար: Իսկ պատիժը դեռևս մնում է մարդուն «վերադաստիարակելու» առավել արդյունավետ միջոց, և դեռևս երկար կմնա այդպիսին: Ինչ վերաբերում է հայտարարագրերի առանձին հատվածներին՝ ասենք «նվերներ» ստանալուն, ապա դրանց վերաբերյալ զարմանալն անիմաստ է, որովհետև լրացնողը խնդիրներ ունենալու դեպքում փորձում է գտնել այն եղանակը, որը առավել անվտանգ կարող է լինել իր համար, որովհետև մեզանում հայտարարագիրն ընկալվում է որպես «կոմպրոմատ», որ վաղ թե ուշ կպայթի լրացնողի գլխին, եթե վերջինս իրենց դրսևորի ոչ այնպես, ինչպես նրանից սպասում է իշխանությունը: Նյութի աղբյուր՝ https://www.facebook.com/vakhtang.siradeghyan/posts/10205024973494957 ...

    Կարդալ ավելին
  • Կարծում եմ, որ ՀՀ Ազգային ժողովը պետք է հայտարարություն ընդունի՝ դատապարտելով սահմանում ադրբեջանական զինուժի կողմից ծանր սպառազինության օգտագործումը և միջազգային հանրության ուշադրությունը հրավիրի այդ փաստի վրա: Հայտարարության մեջ պետք է արձանագրվի Եվրախորհրդարանի կողմից հակահայկական երկու զեկույցների պատրաստման և ադրբեջանական սահմանային ագրեսիաների միջև անմիջական կապի առկայությունը: Նյութի աղբյուր՝ https://www.facebook.com/vakhtang.siradeghyan/posts/10204977060057151 ...

    Կարդալ ավելին
  • Եթե ադրբեջանական սահմանային միջադեպերը վերածվեն լայնամասշտաբ պատերազմի, ապա դրանում առաջին հերթին մեղավոր կլինեն Եվրախորհրդարանի պատգամավորները, ովքեր, Ադրբեջանի նկատմամբ վարելով մտրակի և բլիթի քաղաքականություն, հրահրում են նրան դեպի այդ պատերազմը: «ԼՂՀ և ադրբեջանական այլ օկուպացված տարածքների» և Սարսանգի վերաբերյալ զեկույցները կրտսեր Ալիևի համար այն բարոյական աջակցությունն են, որից նա ավելի է ոգևորվել, քան հսկայական սպառազինություն ձեռք բերելը: Որպեսզի «պատից կախած հրացանը կրակի», Ալիևին անհրաժեշտ է հենց այնպիսի աջակցություն, ինչպիսին նրան տրամադրում են նրանք, ում համար այսրոպեական շահերն ավելի առաջնային են, քան հեռանկարայինները... Նյութի աղբյուր՝ https://www.facebook.com/vakhtang.siradeghyan/posts/10204976383920248 ...

    Կարդալ ավելին
  • Աստված մարդուն կա՛մ տեսք է տալիս, կա՛մ խելք. հինավուրց այս խոսքը մեկ անգամ ևս հաստատվում է կրտսեր Ալիևի օրինակով: Վերջինս իր երկիրը կամաց-կամաց տանում է դեպի պատերազմ` դրա համար ընտրելով Ադրբեջանին առավել ոչ հարմար ժամանակը. տարածարջանային խառը վիճակում Թուրքիայի այսօրվա հեղինակությունը հաստատ օգտակար չի կարող լինել իրեն` գումարած իր հեղինակության անկումը: Դրան գումարվում են սահմանային դիվերսիաների ոչ հաջող զարգացումները: Ալիևը միջազգային հանրությանը այնքան էր «սովորեցրել» երկրի տարածքները հետ բերելու իր «իրավունքի» մեջ, որ իր համար ավելի բարենպաստ պայմաններում գոնե կարող էր ակնկալել այդ հանրության չեզոքությունը: Մեկ-մեկ զարմանում եմ, որ կողքը չկա մեկը, որ հեռու պահի նրան արկածախնդրությունից, բայց հետո հիշում եմ, որ խանական երկրում ոչ մեկը չի կարող խելք սովորեցնել խանին: Իսկ որ դա լինելու է դառը արկածախնդրություն` բացարձակ կասկած չունեմ դրանում: Նյութի աղբյուր՝ https://www.facebook.com/vakhtang.siradeghyan/posts/10204967600100658 ...

    Կարդալ ավելին
  • Որքան էլ տհաճ լինի՝ մեր հասարակությունը մեծ հաշվով չի տարբերվում իր իսկ կողմից ձևավորած իշխանությունից, և հենց այդ պատճառով իշխանության մեջ է հայտնվում հասարակության ոչ լավագույն մասը՝ առանձին բացառությունները չհաշված: Ինչը նշանակում է, որ հանրաքվեի ընթացքում իշխանության նկատմամբ դրսևորված վերաբերմունքը իռացիոնալ է՝ կորչի Սերժը, և թող նրա փոխարեն գա «բարի քեռին»: Ինչպես հայտնի է՝ այդպես լինել չի կարող, և որպեսզի գա «բարի քեռին»՝ հասարակությունը ինքը պետք է պատրաստ լինի դրան, ու նաև բերի նրան: Մերժելով անձամբ Սերժին՝ հասարակությունը ոչ թե մոտեցնում է «բարի քեռու» գալուստը, այլ հնարավորություն է ստեղծում, որպեսզի նրան փոխարինի մեկ այլ Սերժը, որն արդեն կկրի Պողոս կամ Պետրոս անունը... կախարդական այդ շրջանից դուրս գալու համար անհրաժեշտ է վերափոխվել՝ համագործակցելով Սերժի հետ, որքան էլ դա դուր չգա այսօրվա ողջ ընդդիմությանը. այլ տարբերակ ես ուղղակի չեմ տեսնում, և չեմ կարծում, թե որևէ մեկն այսօր դա տեսնում է... Նյութի աղբյուր՝https://www.facebook.com/vakhtang.siradeghyan/posts/10204940915433558 ...

    Կարդալ ավելին

ՖԲՀ

  • /uploads/photos/mcERGvAwmwUVACAU1NZr.jpeg

    Երկու օր առաջ ոստիկանապետը նախագահին ներկայացրել է Ճանապարհային ոստիկանությունում կատարված փոփոխությունները։ Իմ կողմից մի ցանկ առաջարկեմ, որոնց մի մասը, ոնց հասկացա, արվում է արդեն. ԱՆՀՐԱԺԵՇՏ ՓՈՓՈԽՈՒԹՅՈՒՆՆԵՐ 1. Ոստիկանությանը իրավասություն տալ կոպիտ խախտումների համար խոշոր տուգանք սահմանելու, կրկնվելու դեպքում՝ վարորդական վկայականից զրկելու, առանց վկայականի վարելու դեպքում խախտողներին որոշ ժամանակով բանտարկելու իրավունք։ Օրինակ՝ ԱՄՆ-ում միլիարդատեր հաբրգած, խմած/ուռած վարորդներին, անկախ նրանից՝ ովքեր են (Փերիս Հիլթոնը, Բեն Աֆլեքը), բանտարկում են, որ խելքները գլուխը հավաքեն։ Մեզ մոտ տուգանք են սահմանում, որը մուծելուց հետո նույն դեմքերը նորից ու նորից խուժանավարի քշում են, քանի որ գումարը խնդիր չէ։ Տուգանեք, էլի կմուծենք։ 2. Ճանապարհային ոստիկաններին իրավասություն տալ հաբրգած լափառոշներին տեղում բերման ենթարկելու բաժին։ Հիմա անպատժելի հաբրգած դեմքերից ոստիկանները փորձում են խուսափել, չեն տուգանում, իսկ լուրջ խուլիգանության դեպքում կապվում են պարեկային խմբերի հետ՝ իրենց էդ պատմությունից դուրս հանելու համար։ 3. Ոստիկաններին զինել պլանշետներով, որ կարողանան արագ ճշտեն՝ ինչ մեքենա է իրենց դիմաց, ով է վարորդը, ինչ խախտումներ ունի արած, ունի վկայական, թե չունի, վճարել է գույքահարկը, թե ոչ, այլ ոչ հարցնեն փաստաթուղթը, որը եթե չունես, բերման ենթարկեն։ Ֆաշիստական Գերմանիան չէ, որ թղթով ապացուցես, որ հրեա չես, թուղթ չունես, գնա բաժին։ ID քարտը պետք է լինի միակ փաստաթուղթը, որի առկայության դեպքում հնարավոր լինի իմանալու ամեն ինչ։ 4. Ոստիկաններին զինել ալկոհոլ ստուգող սարքերով, որոնց գինը ծիծաղելի է պարզապես, որ մինչ օրս չունեն, որ ստուգելուց չասեն՝ «Մի հատ ՀՈ արա»։ Ի՞նչ «ՀՈ»։ Ձե՞ռ եք առնում։ Այսօրվա գործող կարգը այսպիսին է. «Խմած ես», «Խմած չեմ», «Դե գնացինք հիվանդանոց, արյան անալիզ հանձնես, երկու ժամ սպասես, հետո եթե պարզվի խմած չես, քշի գնա»։ Ո՞ր թիվն ա։   ՑԱՆԿԱԼԻ ՓՈՓՈԽՈՒԹՅՈՒՆՆԵՐ 5. Ստիպելու վերջապես սևացրած պատուհաններով չքշելու, քանի որ սևացրած պատուհանի հետևում, որպես կանոն, թաքնվում են, թե չեմ երևում, ոնց կուզեմ, կքշեմ, մեկա չեն տեսնում՝ ով եմ, թող մտածեն՝ եսիմ ով եմ, վախենան, ես էլ ոնց կուզեմ, կքշեմ։ Պարզերես քշեք, պարզերես եղեք։ Համոզված եմ՝ վնաս էս որոշումից չկա, իսկ օգուտը բացահայտ է։ 6. Տուգանելու դեղինի տակ անցնող վարորդներին։ Մանրուք է, բայց համոզված եմ, որ խցանումների շատ մեծ մասը դրանից է լինում։ Թեքվել պատրաստվող մեքենաները կանգնած սպասում են, սպասում են, որ մեքենաների հոսքը ավարտվի, թեքվեն ձախ, դեղին լույսը միանում է։ Ու սկսվում է։ Մի կողմից դեղինի տակ սկսում են մտնել մինչ այդ կարմիրի տակ կանգնած մեքենաները, մյուս կողմից դեղինի տակ մտնում է մինչ այդ կանաչ լույսի տակ եկող մեքենան։ Արդյունքում սպասում ես, մինչ սա գա, գնա, որ 3-4 մեքենա իրար հետևից կանգնած սկսեն թեքվել, բայց նորերը գալիս հասնում են, ու մեքենաները ստիպված մնում են խաչմերուկի մեջտեղում։ Դեղինը պետք է լինի, որ կանաչի տակ մտածները գան անցնեն, այլ ոչ, որ նորերը մտնեն ու կարմիրի տակ նոր դատարկեն խաչմերուկը։ 7. Սովորեցնել մարզերում աշխատող ոստիկաններին վարորդների հետ նորմալ շփվելու։ Միգուցե միայն ինձ հետ է նման իրավիճակ, միգուցե սխալվում եմ, բայց Երևանում ոչ մի անգամ նման խնդիրների առաջ չեմ եկել, բայց մարզերում երկու անգամ կանգնեցրել են, մի անգամ հետևի լույսն էր փչացել, խորհուրդ են տվել սարքել, մյուս անգամ ուղղակի ստուգում էին, բայց երկու անգամ էլ էն տպավորությունն էր, որ հազար տարվա ընկերներ ենք։ Չեմ ուզում, ընկեր ջան։ Ես «դու»-ով չեմ խոսում, ինձ հետ էլ պետք չի տնավարի խոսել։ Ես վարորդ եմ, դուք՝ ոստիկան։ Այլ առաջարկնե՞ր․․․ Նյութի աղբյուր՝ https://www.facebook.com/517design/posts/10155070207089273

    Կարդալ ավելին

Քաղաքականություն