• Վախթանգ Սիրադեղյան
  • Տառեր կրճատելու Արամայիսի գաղափարը նորություն չի. անցյալում էլ են նման փորձեր կատարվել, և նույնիսկ հռչակավոր Աբեղյանն էր առաջարկել նման գաղափար, որը կիրառվել էր անցյալ դարի 30-50 ականներին՝ աչքի առաջ ունենալով ժամանակակից զարգացումները: Տառերի առումով իրոք խնդիր կա, բայց դա հաստատ աբսուրդի մակարդակի հասցնելը խնդրի լուծման ուղի լինել չի կարող: Հայերենն, օրինակ, ունի «է», «յ» տառերը և միաժամանակ «ե» տառը, որ հա՛մ «է» է հնչում հա՛մ «յէ»: Նույնը կարող ենք ասել «ո»-ի առումով, որը հնչում է թե՛ որպես «օ» և թե՛ «վօ»՝ միաժամանակ ունենալով «վ» և «օ» տառերը: Ունենք «և» տառը, որը որպես մեծատադ դառնում է «Եվ», ինչը ընդհանուր կանոնի խախտում է: Մի խոսքով, կան բաներ, որ կարելի էր փոփոխության ենթարկել: Անգլերենը, որ օգտագործվում է որպես միջազգային լեզու, ևս ունի նման խնդիրներ. «c»-«k»-«s», «q»-«k»-«u» և այլն և այլն: Բայց եթե անգլերենի դարդը թողնենք իրենց, ապա հայերենի առումով պետք է իրոք ինչ-որ բան անել: Սակայն նույնիսկ նման փոփոխություն անելու համար անհրաժեշտ է, որպեսզի իշխանությունը վստահություն վայելի հասարակության մեջ, և հասարակությունն էլ տեսնելով իշխանության դրական քայլերը այլ՝ ավելի խնդրահարույց ոլորտներում, ընդունի նաև այս ոլորտում առաջարկվելիք փոփոխությունները: Նյութի աղբյուր՝ https://www.facebook.com/vakhtang.siradeghyan/posts/10205567193210111 ...

    Կարդալ ավելին
  • Իմ լավ ընկեր Արտակ Մանուկյանը ոստիկանության համար գնումների մեջ հայտնաբերել էր ավելի քան 2000 դոլարանոց ալկոտեստեր՝ նշելով, որ ռունետում առկա են այդպիսիք մոտ 100 դոլարով: Դրան ոստիկանությունը պատասխանել է, որ պրոֆեսիոնալ սարքն արժե 10 անգամ թանկ՝ 1000 դոլար, և ներկայացրել էր ռունետում դրա հղումը՝ միաժամանակ նշելով, որ հարկերը, տուրքերը, հայաֆիկացումը և այլ ծախսերը սարքի գինը կարող են կրկնակի բարձրացնել: Բայց ոստիկանության պատասխանողի տեղը լինեի՝ նման պատասխան չէի տա, քանի որ ՌԴ-ից գնված ապրանքի վրա ոչ մի հարկ ու տուրք չի ավելանում, որքան ես գիտեմ, իսկ հայաֆիկացումը ամեն մի սարքի գինը հաստատ կրկնակի չէր թանկացնի: Ենթադրում եմ, որ եթե գնումը կատարվեր ոստիկանության արտաբյուջեից, որով նրանք պրեմիալ գումարներ են ստանում, ապա սարքը կարող էր գնվել նույնիսկ շուկայականից ավելի էժան՝ գործարանային գնով: Նյութի աղբյուր՝ https://www.facebook.com/vakhtang.siradeghyan/posts/10205555798085240?__mref=message_bubble ...

    Կարդալ ավելին
  • Մեր Հերիքը հիշել է ամերիկյան փորձը (մի անգամ եղել է այնտեղ) ու մտածել, որ ընտրությունների ժամանակ քվեաթերթիկները կարելի է կազմել որպես գրքույկ (սթեքլերով կապել), որպեսզի քվեարկելուց հետո կաշառված ընտրողը իր հետ դուրս չտանի չընտրված քաղաքական ուժերի քվեաթերթիկները՝ պատվիրատուին ցույց տալու որպես հրահանգի կատարման փաստ: Պետությունն էլ կազատվի լրացուցիչ 2000-ից 6000 արկղ ընտրատեղամասում տեղադրելու ծախսից, որոնց մեջ, ըստ ընտրական օրենսգրքի նախագծի, պետք է նետվեն չընտրված ուժերի քվեաթերթիկները: Ես կառաջարկեի «գրքույկի» վրա ավելացնել սև գույնի մեկ լրացուցիչ էջ, որպեսզի չերևա, թե որ ուժին է ձայն տվել ընտրողը՝ միաժամանակ նրան ազատելով քվեարկված քվեաթերթիկը ծրարի մեջ դնելու ու ծրարով դակելու անիմաստ ու ժամանակ խլող (հիշենք հազիվ քայլող ու դողացող մատներով ծերերին) գործողությունից՝ պետության համար էլ խնայելով ծրարի գումարը: Նյութի աղբյուր՝ https://www.facebook.com/vakhtang.siradeghyan/posts/10205485862376891 ...

    Կարդալ ավելին
  • Օրերս մի խնդրի բախվեցի. բանկը 100 դոլարից պակաս ժամկետանց պարտքի համար դիմում է դատարան, դա էլ տալիս է հարկադիր, վերջինս էլ 5 հազար դրամ վերադիրով՝ պարտապանին: Հարկադիրը նամակում նշում է, որ գումարը պետք է վճարվի 3 օրվա ընթացքում կամ 10 օրում բողոքարկվի: Երկու խնդիր. նախ՝ չի նշվում, որ 3 ԱՇԽԱՏԱՆՔԱՅԻՆ օրվա ընթացքում, քանի որ նամակը ստանալուց հետո տոներ էին, և երկրորդ՝ 5000 դրամ փող է առնում չգիտես որ ծառայության համար, սակայն ափսոսում է ծախսել երևի 200-300 դրամ ու ուղարկում է ոչ թե պատվիրված, այլ հասարակ նամակ, որի դեպքում ստացողը չի կարող արձանագրել նամակ ստանալու ժամկետը: Պարզվում է նաև, որ պարտապանի բնակության վայրի փոստային բաժանմունքը նամակը ստանալուց հետո, ըստ հարկադիրի հետ պայմանավորվածության, այն կարող է հասցնել հասցեատիրոջը 5 օրվա ընթացքում, ինչի մասին բնականաբար շարքային քաղաքացին կարող է և տեղյակ չլինել: Մի խոսքով՝ մեր կյանքի չկարգավորվածության հերթական դրսևորումներից մեկը: ԴԱՀԿ-ին կառաջարկեի Ծիծեռնակաբերդում աշխատակիցներին երդում տալու փոխարեն նրանց համար կազմակերպել ՀՀ քաղաքացիներին հետ վերաբերվելու մարդկային տարրական կանոնների ուսուցում: Նյութի աղբյուր՝ https://www.facebook.com/vakhtang.siradeghyan/posts/10205435131908661 ...

    Կարդալ ավելին
  • «Ընտրական շտաբների վրա տեղադրված ցուցանակները սույն օրենսգրքի իմաստով քարոզչական տպագիր նյութեր չեն համարվում, եթե ... յուրաքանչյուր ցուցանակի մակերեսը չի գերազանցում 6 քառակուսի մետրը» (ԸՕ-ի նախագիծ, հոդված 19, մաս 4.): Կարծում եմ, որ նման չափը խիստ չափազանցված է և խիստ խտրական՝ եթե համեմատության մեջ ենք դնում այլ կազմակերպությունների ցուցանակների հետ: Որևէ առանձին թաղամասում ընտրական շտաբի առկայությունը պետք է երևա ոչ թե ցուցանակի մեծությամբ, այլ հանրության հետ աշխատանքի ակտիվությամբ, և նման երևույթը հաստատ չի համապատասխանում միջազգային չափանիշներին. մի բան, որին անհրաժեշտության դեպքում միշտ վկայակոչում է իշխանությունը: Նյութի աղբյուր՝ https://www.facebook.com/vakhtang.siradeghyan/posts/10205430134343725 ...

    Կարդալ ավելին
  • Կարծում եմ, որ Ընտրական օրենսգրքում որպես «կարուսելի» դեմ առաջարկվող մեխանիզմ քվեաթերթիկ ու ծրար դակելը ավելորդ խառնաշփոթ է առաջացնելու ընտրատեղամասում: Ընտրատեղամասում խառնաշփոթ է առաջացնելու նաև քվեաթերթիկը բարդացնելը, ինչը ստեղծելու է կուտակումներ: Իսկ կուտակումները, ինչպես հայտնի է, հենց խախտումների համար լավագույն միջավայրն են: Ստացվում է, որ իշխանության կողմից առաջարկվում է մեխանիզմ, որը պետք է խոչընդոտեր ընտրակեղծարարությանը, ինչը սակայն առաջացնելու է պայմաններ հենց այդ ընտրակեղծարարության կիրառման համար: Ինչ վերաբերում է համամասնության մեջ մեծամասնական տարրեր ներմուծելուն, ապա, եթե այն փոփոխության ենթակա չէ իշխանության համար, առաջարկում եմ համապետական քվեաթերթիկի փոխարեն որևէ կուսակցության (կամ կուսդաշինքի) ցուցակը բաժանել 13 ընտրատարածքների վրա՝ յուրաքանչյուր կուսակցության (կամ կուսդաշինքի) համար ունենալով ընդամենը մեկ՝ խնձորեսկցի, օրինակ, տատիկի կամ պապիկի համար ընկալելի քվեաթերթիկ: Նյութի աղբյուր՝ https://www.facebook.com/vakhtang.siradeghyan/posts/10205400430001135?ref=notif¬if_t=close_friend_activity ...

    Կարդալ ավելին
  • Հասարակական կազմակերպությունների (ՀԿ-ներ) մասնակցությամբ մեկ տարուց ավելի ձգվում է ՀԿ-ների մասին օրինագծի քննարկումը արդարդատնախի մակարդակում: Դա լավ չի, սակայն ավելի վատ կլիներ, եթե նման քննարկում ընդհանրապես չկազմակերպվեր կամ կազմակերպվեր միայն խորհրդարանում: Երկրորդ տարբերակը աչքիս բաժին է ընկնելու նոր Ընտրական օրենսգրքին, որի քննարկումը դեռևս դուրս չի եկել կառավարության միջանցքներից: ՀԿ-ների մասին օրենքը կատարելու է լակմուսի թղթի դերը՝ ցուցանելու երկրի իշխանության «հավատարմությունը» արևմտյան արժեքներին, ինչը նշանակում է գումարների ստացում, այցեր և այլն՝ առանց իրական վերափոխումների: Նոր Ընտրական օրենսգիրքը ավելի լուրջ դերակատարում ունի՝ այն պետք է ներառի այնպիսի մեխանիզմներ, որ թույլ կտան պահպանելու իշխանությունը, սակայն թվա ավելի քան թափանցիկ ու օրինական: Եվ այդ պատճառով էլ մեկը քննարկվում է երկար ժամանակ ու թափանցիկ ձևով, մյուսինը կարվի արագացված և ոչ այնքան թափանցիկ տարբերակով: Նյութի աղբյուր՝ https://www.facebook.com/vakhtang.siradeghyan/posts/10205376788730118 ...

    Կարդալ ավելին
  • Կարծում եմ, որ ՀՅԴ-ՀՀԿ քաղաքական համագործակցության համաձայնագրի տեքստը առավել ձեռնտու է հենց պայմանավորվող կողմերից առաջինին, քանի որ տեքստում այնքան շատ են այնպիսի ձևակերպումները, որ պայմանավորվող երկրորդ կողմը դրանք կյանքի չկոչելու բավարար փորձառություն ունի: Ինչն, իր հերթին, հնարավորություն կտա, որպես ՀՅԴ-ն, ՀՀԿ-ին մեղադրելով պայմանագրի դրույթների չկենսագործման մեջ, դուրս գա դրանից՝ հերթական անգամ պահպանելով դեմքը: Սա էլ համաձայնագրի տեքստը։ Նյութի աղբյուր՝ https://www.facebook.com/vakhtang.siradeghyan/posts/10205354123403499 ...

    Կարդալ ավելին
  • Ընդհանրապես բարոյական հաղթանակ չի լինում՝ այն խիստ նյութական է, և բարոյական հաղթանակ ասելով՝ պարտվողը փորձում է սոսկ սփոփել իրեն ու իր համակիրներին: Ուրիշ հարց, որ պարտվողը երբեմն կարող է ոչ նյութական (բարոյական, քաղաքական և այլն) կապիտալ շահել նույնիսկ պարտությունից և օգտագործել այն ապագայում՝ վերածելով այն նյութականի: Դրա դրսևորումը կարող է լինել 2017-ի ընտրություններում ՀԱԿ-ի՝ ԱԺ-ում կրկին խմբակցություն ունենալը, ինչը, իմ կարծիքով, խիստ կասկածելի կլիներ, եթե Սարգսյանը չնախաձեռներ սահմանադրական փոփոխությունների հանրաքվեն: Դե իսկ նույնիսկ Զարուհու շնորհիվ դժվար թե Ժառանգությունը ունենա այդ հնարավորությունը: Նյութի աղբյուր՝ https://www.facebook.com/vakhtang.siradeghyan/posts/10205225638711462 ...

    Կարդալ ավելին
  • ՀՅԴ-ի նկատմամբ առանձին սեր չեմ տածում, բայց վերջինս առաջիկայում մնալու է այն քաղաքական ուժը, որն օբյեկտիվորեն ի վիճակի է թուլացնելու Հանրապետականին: Եվ այդ պատճառով էլ չէի ցանկանա, որ այժմյանից սխալ քայլեր անելով՝ վերջինս մեկ ու կես տարի անց հայտնվի կոտրած տաշտակի առաջ: Արմատական ընդդիմությունը ՀՀԿ-ին թուլացնել չի կարող, քանի որ Լևոնենք ու Նիկոլենք և՛ 2017-ին, և՛ 2022-ին պայքարելու են ավելի շատ իրար, քան թե հանրապետականի դեմ, և ես չեմ կարծում, թե նրանց միջև կարող է դաշինք ձևավորվել: Դե իսկ մնացածներին էլ լուրջ վերաբերել չարժե, նրանք ծվեններ կպոկեն թե՛ այս և թե՛ այն կողմից: Նյութի աղբյուր՝ https://www.facebook.com/vakhtang.siradeghyan/posts/10205215940429011 ...

    Կարդալ ավելին
Загрузка...

ՖԲՀ

Քաղաքականություն