Գովազդի համար զանգահարել 099 999 409
  • Վախթանգ Սիրադեղյան
  • Ենթադրենք գերմանացիների համար մի գեղեցիկ օր ՌԴ-ն քայքայվեց, և գերմանական զինված ուժերը մտան Քյոնինսբերգ, իսկ մինչ այդ այդտեղ պահպանվել էր գերմանական բնակչությունը: Ենթադրենք նաև, որ հունգարացիների համար մի գեղեցիկ օր Ռումինիան խնդիրներ ունեցավ, և հունգարական զինված ուժերը մտան հունագարներով բնակեցված Տրանսիլվանիան: Ենթադրենք կրկին, որ Հյուսիսային Իռլանդիայի բնակչությունը մի օր վերադարձավ նախնիների հավատքին՝ կաթոլիկությանը ու Իռլանդիայի Հանրապետությանը միանալու խնդրանքով դիմեց այդ երկրի ղեկավարությանը, և վերջինս դրական պատասխան տվեց: Ենթադրենք նաև, որ Ֆինլանդիայի կազմի մեջ մտնող Ալանդյան կղզիախմբի բնակչությունը որոշեց միանալ Շվեդիային և համապատասխան քայլ կատարեց այդ ուղղությամբ: Եվ եթե առաջնորդվենք Եվրոպայի խորհրդի խորհրդարանական վեհաժողովի (ԵԽԽՎ) Բյուրոյի և Մշտական հանձնաժողովի տրամաբանությամբ, ապա բոլոր այդ դեպքերում տեղի է ունեցել նշված տարածքների օկուպացում: Որպես ՀՀ քաղաքացի, ես ցանկանում եմ, որպեսզի իմ հիշատակած, ինչպես նաև չհիշատակած, սակայն նման խնդիրներ ունեցող տարածքները մի գեղեցիկ օր արժանանան նույն այն վերաբերմունքին, ինչ Արցախի հայ բնակչությունը: Նյութի աղբյուր՝ https://www.facebook.com/vakhtang.siradeghyan/posts/10205770153643995 ...

    Կարդալ ավելին
  • Եթե Մինսկի խմբի համանախագահները պահանջեն հանձնել «գրավյալ տարածքները», որպեսզի կրտսեր Ալիևը չնախաձեռնի մեկ այլ օպերացիա, ապա այն կնշանակի վերջինիս հաղթանակ դիվանագիտական ոլորտում: Միաժամանակ, դա կնշանակի համանախագահների այնպիսի վարք, ինչպիսին ժամանակին դրսևորեցին Անգլիայի և Ֆրանսիայի ղեկավարները, երբ Ա.Հիտլերի «ախորժակը փակելու» նպատակով, նրան նվիրեցին Չեխոսլովակիայի Սուդետական մարզը: Սխալը գիտակցվեց, երբ Հիտլերը նախաձեռնեց Երկրորդ համաշխարհային պատերազմը: Նյութի աղբյուր՝ https://www.facebook.com/vakhtang.siradeghyan/posts/10205766143063733?ref=notif¬if_t=close_friend_activity¬if_id=146 ...

    Կարդալ ավելին
  • Ես ՀՀ ԶՈՒ գլխավոր շտաբի պետը չեմ ու ոչ էլ նրա տեղակալը, բայց կարծում եմ, որ մինչ այսօր ՀՀ-ի ու ԼՂՀ-ի առումով կազմվել են զուտ պաշտպանական պլաններ, և համապատասխանաբար գնվել է հիմնականում նման ուղղության զինտեխնիկա: Կարծում եմ, որ այսուհետ պետք է կազմվեն հակահարձակման՝ այն էլ լայնածավալ, հստակ պլաններ, իսկ գնվող զինտեխնիկայի 10 տոկոսը պետք է լինի հարձակողական: Ինչպես ասվում է՝ լավագույն պաշտպանությունը հարձակումն է, և դեռևս ոչ-ոք չի հերքել այդ դոկտրինը: Նյութի աղբյուր՝ https://www.facebook.com/vakhtang.siradeghyan/posts/10205721648831405?ref=notif¬if_t=close_friend_activity¬if_id=146 ...

    Կարդալ ավելին
  • Անցած օրերին տեղի ունեցածը պատերազմ չէր, սակայն կվերածվեր դրան, եթե ադրբեջանական զինուժը հաջողություն գրանցեր սահմանային մարտերում: Ենթադրում եմ, որ ԵԱՀԿ Մինսկի խմբի համանախագահները լուրջ ճնշում կբանեցնեն Ս.Սարգսյանի վրա, որպեսզի նա գնա զիջումների՝ հանուն հակամարտության «շուտափույթ լուծման»: Ենթադրում եմ նաև, որ վերջինս չի գնա դրան, և Ալիևը «ստիպված կլինի» կրկնել ավանտյուրան: Տրամաբանորեն այն պետք է ավելի հզոր լինի, և մեզ ավելի մեծ փորձություն է սպասվում: Բայց դա հենց այն «կրիտիկական սահմանն» է, որից հետո մենք լիակատար իրավունք կունենանք մտնելու Ադրբեջանի տարածք՝ հյուսիս և արևելք ուղղություններով: Բայց եթե մենք կատարենք այդ քայլը, ապա պետք է պատրաստ լինենք դիմագրավելու արևմուտքից գալիք շատ ավելի հզոր ճնշումներին: Այնպես, որ մենք այսօրվանից պետք է պատրաստ լինենք նման սցենարի՝ թե՛ ռազմական և թե՛ քաղաքական ու տնտեսական առումներով: Նյութի աղբյուր` https://www.facebook.com/vakhtang.siradeghyan/posts/10205694866921874?from_close_friend=1&ref=notif&notif_t=close_friend_activity&notif_id=1460017078103212 ...

    Կարդալ ավելին
  • Կարծում եմ, որ Ալիևի նախաձեռնածը հենց այն է, ինչ կոչվում է հետախուզական մարտ («разведка с боем»)՝ ինչի մասին երկու օր առաջ ասել է Կոմանդոսը: Ուղղակի եթե այն հաջողություն ունենար, ապա հակառակորդը կզարգացներ դա՝ վերածելով լայնամասշտաբ հաղթական պատերազմի՝ նպատակ ունենալով «ազատագրել Լեղնային Ղարաբաղը և հարակից շրջանները»: Բայց քանի որ սկզբնական պլանը ձախողվեց, Ալիևը կատարում է հակասական ու անիմաստ քայլեր, որն իր ժամանակ (1944-ին) արևմտյան և արևելյան ճակատներում արեց Ադոլֆ Հիտլերը՝ փորձելով փրկել Երրորդ ռայխը վերջնական պարտությունից: Նյութի աղբյուր՝ https://www.facebook.com/vakhtang.siradeghyan/posts/10205682686217364 ...

    Կարդալ ավելին
  • Անտիկ աշխարհից հայտնի պոպուլիզմն ու դեմագոգիան այսօր մեր քաղաքական կյանքում միավորվել են՝ հանդես գալով որպես միևնույն մեդալի երկու կողմեր: Եվ զարմանալին այն է, որ դրանով տառապում է ոչ միայն իշխանություն ունեցող քաղաքական ուժը, այլև քվազիընդդիմադիր ու նույնիսկ ոչ քվազիընդդիմադիր ուժերը: Այնպես որ այդ հարցում հաստատ սխալվում է Սարգսյանը, երբ Քենեդու անվան դպրոցի իր ելույթում նշում է, որ խորհրդարանական կառավարումը կապահովի կուսակցությունների կայացվածությունը: Չգիտեմ այլոց մոտ ինչպես, սակայն մեզանում դա դժվար թե տեղի ունենա՝ հաշվի առնելով դրանց այլասերվածությունը... գոնե առաջիկա տասնամյակներում: Նյութի աղբյուր՝ https://www.facebook.com/vakhtang.siradeghyan/posts/10205645397285164 ...

    Կարդալ ավելին
  • Տառեր կրճատելու Արամայիսի գաղափարը նորություն չի. անցյալում էլ են նման փորձեր կատարվել, և նույնիսկ հռչակավոր Աբեղյանն էր առաջարկել նման գաղափար, որը կիրառվել էր անցյալ դարի 30-50 ականներին՝ աչքի առաջ ունենալով ժամանակակից զարգացումները: Տառերի առումով իրոք խնդիր կա, բայց դա հաստատ աբսուրդի մակարդակի հասցնելը խնդրի լուծման ուղի լինել չի կարող: Հայերենն, օրինակ, ունի «է», «յ» տառերը և միաժամանակ «ե» տառը, որ հա՛մ «է» է հնչում հա՛մ «յէ»: Նույնը կարող ենք ասել «ո»-ի առումով, որը հնչում է թե՛ որպես «օ» և թե՛ «վօ»՝ միաժամանակ ունենալով «վ» և «օ» տառերը: Ունենք «և» տառը, որը որպես մեծատադ դառնում է «Եվ», ինչը ընդհանուր կանոնի խախտում է: Մի խոսքով, կան բաներ, որ կարելի էր փոփոխության ենթարկել: Անգլերենը, որ օգտագործվում է որպես միջազգային լեզու, ևս ունի նման խնդիրներ. «c»-«k»-«s», «q»-«k»-«u» և այլն և այլն: Բայց եթե անգլերենի դարդը թողնենք իրենց, ապա հայերենի առումով պետք է իրոք ինչ-որ բան անել: Սակայն նույնիսկ նման փոփոխություն անելու համար անհրաժեշտ է, որպեսզի իշխանությունը վստահություն վայելի հասարակության մեջ, և հասարակությունն էլ տեսնելով իշխանության դրական քայլերը այլ՝ ավելի խնդրահարույց ոլորտներում, ընդունի նաև այս ոլորտում առաջարկվելիք փոփոխությունները: Նյութի աղբյուր՝ https://www.facebook.com/vakhtang.siradeghyan/posts/10205567193210111 ...

    Կարդալ ավելին
  • Իմ լավ ընկեր Արտակ Մանուկյանը ոստիկանության համար գնումների մեջ հայտնաբերել էր ավելի քան 2000 դոլարանոց ալկոտեստեր՝ նշելով, որ ռունետում առկա են այդպիսիք մոտ 100 դոլարով: Դրան ոստիկանությունը պատասխանել է, որ պրոֆեսիոնալ սարքն արժե 10 անգամ թանկ՝ 1000 դոլար, և ներկայացրել էր ռունետում դրա հղումը՝ միաժամանակ նշելով, որ հարկերը, տուրքերը, հայաֆիկացումը և այլ ծախսերը սարքի գինը կարող են կրկնակի բարձրացնել: Բայց ոստիկանության պատասխանողի տեղը լինեի՝ նման պատասխան չէի տա, քանի որ ՌԴ-ից գնված ապրանքի վրա ոչ մի հարկ ու տուրք չի ավելանում, որքան ես գիտեմ, իսկ հայաֆիկացումը ամեն մի սարքի գինը հաստատ կրկնակի չէր թանկացնի: Ենթադրում եմ, որ եթե գնումը կատարվեր ոստիկանության արտաբյուջեից, որով նրանք պրեմիալ գումարներ են ստանում, ապա սարքը կարող էր գնվել նույնիսկ շուկայականից ավելի էժան՝ գործարանային գնով: Նյութի աղբյուր՝ https://www.facebook.com/vakhtang.siradeghyan/posts/10205555798085240?__mref=message_bubble ...

    Կարդալ ավելին
  • Մեր Հերիքը հիշել է ամերիկյան փորձը (մի անգամ եղել է այնտեղ) ու մտածել, որ ընտրությունների ժամանակ քվեաթերթիկները կարելի է կազմել որպես գրքույկ (սթեքլերով կապել), որպեսզի քվեարկելուց հետո կաշառված ընտրողը իր հետ դուրս չտանի չընտրված քաղաքական ուժերի քվեաթերթիկները՝ պատվիրատուին ցույց տալու որպես հրահանգի կատարման փաստ: Պետությունն էլ կազատվի լրացուցիչ 2000-ից 6000 արկղ ընտրատեղամասում տեղադրելու ծախսից, որոնց մեջ, ըստ ընտրական օրենսգրքի նախագծի, պետք է նետվեն չընտրված ուժերի քվեաթերթիկները: Ես կառաջարկեի «գրքույկի» վրա ավելացնել սև գույնի մեկ լրացուցիչ էջ, որպեսզի չերևա, թե որ ուժին է ձայն տվել ընտրողը՝ միաժամանակ նրան ազատելով քվեարկված քվեաթերթիկը ծրարի մեջ դնելու ու ծրարով դակելու անիմաստ ու ժամանակ խլող (հիշենք հազիվ քայլող ու դողացող մատներով ծերերին) գործողությունից՝ պետության համար էլ խնայելով ծրարի գումարը: Նյութի աղբյուր՝ https://www.facebook.com/vakhtang.siradeghyan/posts/10205485862376891 ...

    Կարդալ ավելին
  • Օրերս մի խնդրի բախվեցի. բանկը 100 դոլարից պակաս ժամկետանց պարտքի համար դիմում է դատարան, դա էլ տալիս է հարկադիր, վերջինս էլ 5 հազար դրամ վերադիրով՝ պարտապանին: Հարկադիրը նամակում նշում է, որ գումարը պետք է վճարվի 3 օրվա ընթացքում կամ 10 օրում բողոքարկվի: Երկու խնդիր. նախ՝ չի նշվում, որ 3 ԱՇԽԱՏԱՆՔԱՅԻՆ օրվա ընթացքում, քանի որ նամակը ստանալուց հետո տոներ էին, և երկրորդ՝ 5000 դրամ փող է առնում չգիտես որ ծառայության համար, սակայն ափսոսում է ծախսել երևի 200-300 դրամ ու ուղարկում է ոչ թե պատվիրված, այլ հասարակ նամակ, որի դեպքում ստացողը չի կարող արձանագրել նամակ ստանալու ժամկետը: Պարզվում է նաև, որ պարտապանի բնակության վայրի փոստային բաժանմունքը նամակը ստանալուց հետո, ըստ հարկադիրի հետ պայմանավորվածության, այն կարող է հասցնել հասցեատիրոջը 5 օրվա ընթացքում, ինչի մասին բնականաբար շարքային քաղաքացին կարող է և տեղյակ չլինել: Մի խոսքով՝ մեր կյանքի չկարգավորվածության հերթական դրսևորումներից մեկը: ԴԱՀԿ-ին կառաջարկեի Ծիծեռնակաբերդում աշխատակիցներին երդում տալու փոխարեն նրանց համար կազմակերպել ՀՀ քաղաքացիներին հետ վերաբերվելու մարդկային տարրական կանոնների ուսուցում: Նյութի աղբյուր՝ https://www.facebook.com/vakhtang.siradeghyan/posts/10205435131908661 ...

    Կարդալ ավելին

ՖԲՀ

Քաղաքականություն

  • /uploads/photos/oqnUbOopEolCuUDGFkNl.jpg

    Օրը բարենպաստ է նախընտրական քարոզարշավի փոխարեն միմյանց դեմ ռազմական արշավ սկսելու համար, ինֆորմացիան տեղ հասցնելու փոխարեն «այ ստեղս հասցնելու համար» և մամլո ասուլիս տալու փոխարեն «պաբլո» ասուլիս տալու համար։ Աստղերը հուշում են ՀՀԿ-ին՝ կրկին ու կրկին մոտենում է ահեղ դատաստանի ժամը։ Ռեյտինգային քվեարկության ժամանակ զգոն եղեք, որովհետև սպասվում են ռեյտինգային գնդակահարություններ։ Թաղային գուշակներին այս ամիս խորհուրդ է տրվում բախտ բաժանելու փոխարեն գումար բաժանել։ ԲՀԿ-ին աստղերը խորհուրդ են տալիս չգնալ լայն կոալիցիայի։ Ավելի լավ է տներով գնացեք, հանգստացեք։ Խորհուրդ է տրվում շաբաթ-կիրակիները անցկացնել տանը, ժողովրդի հետ, ժողովրդի համար։ ՀԱԿ - Աստղերը խորհուրդ են տալիս նախընտրական քարոզարշավի ժամանակ լինել զգոն, այլ ոչ թե խայտառակ։ Գյուղերում չխոսել փոխզիջումային տարբերակներից, քանի որ մարդիկ կարող են փոխզիջումը հասկանալ հողզիջում ու ղալմաղալ սարքել։ Շաբաթ-կիրակ խորհուրդ է տրվում կարդալ Լևոն Տեր-Պետրոսյանի «Խաչակիրները և Շմայսները» գիրքը։ ՀՅԴ - Աստղերը խորհուրդ են տալիս գլխանց կոալիցիա կազմել ՀՀԿ-ի հետ, նոր մասնակցել ընտրություններին։ Ընտրություններին թե՛ մասնակցելու, թե՛ չմասնակցելու դեպքում, միևնույն է, հինգ տոկոս եք հավաքելու։ ԵԼՔ - Աստղերը հորդորում են շարունակել ինտեգրացիոն գործընթացները։ Նիկոլ Փաշինյանին խորհուրդ է տրվում նորմալ ռուսերեն խոսել սովորել։ Նրա ռուսերենը ավելի վատ վիճակում է, քան Հայաստանի ՀՆԱ-ն։ ՀՎԿ - Աստղերը համարում են, որ ձեզ ինչ մաղթեն, մեկ է, հակառակն եք անելու, ուստի գիր ու ղուշի արդյունքում ձեզ խորհուրդ են տալիս այս անգամ հանդես գալ ընդդիմության ձևով։ Եվ վերջում հիշեք՝ աստղերը հուշում են, եզրակացնում են, բայց երդվում ենք «Ժառանգություն» կուսակցության բեկորներով, երբեք չեն պարտադրում։ Նյութի աղբյուր՝ https://www.facebook.com/karen.hambardzumyan.3910/posts/222524548154612

    Կարդալ ավելին