Գովազդի համար զանգահարել 099 999 409
  • Վախթանգ Սիրադեղյան
  • Ռուսաստանը մեր բարեկամը չի, և հաստատ ոչ էլ թշնամին: Այդ հսկա երկիրն ունի իր շահերը, և հիմնական` անվտանգության հարցերում դրանք համընկնում են մեր շահերի հետ: Մնացած հարցերը, որտեղ մենք կարող ենք ունենալ շահերի չհամընկնում, հաստատ ստորադասվում են անվտանգությանը: Մեզանից է կախված, թե ինչպես կարող ենք օգտագործել այն հնարավորությունները, որոնք երևան են գալիս շահերի համընկմնան դեպքում: Եթե ի վիճակի չենք ինքնուրույն դա գիտակցելու, ապա կարող ենք օրինակ վերցնել Իսրայելից, որը ավելի լավ շրջապատում չի գտնվում, քան Հայաստանը: Նյութի աղբյուր՝ https://www.facebook.com/vakhtang.siradeghyan/posts/10206122028000634 ...

    Կարդալ ավելին
  • Կարծում եմ, որ կարելի է հետևել թուրք իրավաբան Մելիհ Աքքուրթի «խորհրդին», ով հայոց ցեղասպանության ճանաչման որոշումը չեղյալ հայտարարելու դիմում է ներկայացրել Գերմանիայի սահմանադրական դատարան: Դիմումը հիմնավորվել է ՄԱԿ-ի ընդունած ցեղասպանությունների կանխարգելման և պատժման համաձայնագրի 6-րդ հոդվածով, ուր սահմանվում է, որ ցեղասպանությունների թեմայով որևէ որոշում կայացնելու իրավասություն կարող են ունենալ միայն դատարանները։ Հենց բոլոր այն երկրների դատարաններին պետք է դիմեն Հայ դատի կառույցները, որտեղ ապրում է գեթ մեկ հայ՝ կոտորածներից փրկվածների սերնդից: Որպես նախադեպ կարելի է օգտագործել 5-10 տարի առաջ ամերիկյան բանկերից գումարների առգրավման վերաբերյալ ամերիկյան դատարանի որոշումը: Ընդ որում, պետք է դիմել նաև Թուրքիայի դատարաններ՝ թուրքական ղեկավարության կյանքը վերածելով մղձավանջի: Նյութի աղբյուր՝ https://www.facebook.com/vakhtang.siradeghyan/posts/10206071964509078?ref=notif¬if_t=close_friend_activity¬if_id=14 ...

    Կարդալ ավելին
  • Համարվում է, որ անտիկ Հռոմեական կայսրությունը կործանվել է ոչ թե այն պատճառով, որ վանդալներն էին ավելի զորեղ կամ վայրենի, այլ որովհետև Հռոմի հասարակությունն էր ներսից նեխել. ի դեպ՝ կոռուպցիա լատիներեն նշանակում է նեխում, քայքայում, փտում և այլն: Այսօրվա Հայաստանն, իհարկե, համեմատելի չէ 1500 տարի առաջվա կայսրության հետ, սակայն մեր կյանքի վերաբերյալ իրական պատկերացում ստանալու համար բավարար է թերթել մեկ ամսվա լրատվությունը, որը լի է ատելության, շահագործման, քրեական և այլ նորություններով, ինչը հենց վկայում է հասարակության այլասերման մասին: Եվ այդ եզրակացությունից չի փրկում նույնիսկ ապրիլյան չորսօրյա տոկունության պատմությունը, քանի որ մահվան դեմ հանդիման մարդը գործում է արարքներ, որ երբեք չէր անի առօրյա կյանքում, իսկ մեր առօյան լցված է ոչ թե կողքինի համար ինքնազոհաբերման, այլ անտարբերության ու ապատիայի դրսևորումներով: Եթե մենք չենք ուզում կորցնել պետականությունը և վերանալ որպես ազգ՝ այս ամենը պետք է ընկալվի Բաղրամյան 26-ում Նյութի աղբյուր՝ https://www.facebook.com/vakhtang.siradeghyan/posts/10206061167039148 ...

    Կարդալ ավելին
  • Գերմանիայի պես հզոր երկրի կողմից ցեղասպանության փաստի ճանաչումը էյֆորիայի մեջ է գցել հանրությանը՝ համենայն դեպս դրա հիմնական մասին: Սակայն կատարվածը գերմանացիների գործն էր՝ մի թեթև «համեմված» սփյուռքի մեր հայրենակիցների ջանքերով, ինչը իրենց հիմնական գործունեությունն է ազգապահպանության հետ միասին: Իսկ հայաստանցիներիս խնդիրը մնում է երկրի անվտանգության ոչ միայն ապահովումը, այլև այն ավելի բարձր մակարդակի բարձրացնելը: Դա չի կարող իրականացվել առանձին բարձրաստիճան չինովնիկների ձերբակալություններով՝ թեկուզ զինված ուժերի կազմից, այն չի կարող կյանքի կոչվել շուրջ 1000 «պադավատ» մեքենաների դուրսգրումով և կոռուպցիայի դեմ հայտարարված պայքարով, ինչի արդյունքների առումով անկեղծորեն վստահություն չեմ տածում: Դա կարող է և պետք է իրականացվի այն խնդրի գիտակցումով, որ առանձին-առանձին ու կիսատ-պռատ որոշումներով մենք դեռևս որոշ ժամանակ կհեռացնենք վտանգը, սակայն չենք լուծի այն մեկընդմիշտ և արմատականորեն: Դա կարող է և պետք է կատարվի լուրջ համակարգային փոփոխություններով, թեկուզ այն վտանգի ենթարկի անձամբ Սերժ Սարգսյանի կամ այսօր նրա կողմից ղեկավարվող քրեաօլիգարխիկ համակարգի իշխանությունը: Բայց սա այն դեպքն է, երբ պատմությունը զոհեր է պահանջում, և լավ կլինի, ո դրանք լինեն ՈՉ մարդկային զոհեր: Նյութի աղբյուր՝ https://www.facebook.com/vakhtang.siradeghyan/posts/10206032961934038 ...

    Կարդալ ավելին
  • Պատմագրության մեջ շատ եմ հանդիպել թուրքական դիվանագիտության մասին դրական գնահատականների, սակայն թե իրականում ինչպիսին է այն՝ տեսնում ենք հենց Ադրբեջանի օրինակով: Ավելի քան 10 տարի կրտսեր Ալիևը խոսում էր ՄԱԿ-ի 4 բանաձևերի ու սեփական հողերը ռազմական ճանապարհով ազատագրելու՝ Ադրբեջանի իրավունքի մասին: Ապրիլյան անհաջող փորձից հետո նա փոխեց խոսքի ուղղվածությունը. այժմ խոսում է 4 բանաձևերի ու հակամարտությունը խաղաղ ճանապարհով լուծելու մասին՝ որպես ապրիլյան պատերազմի նախաձեռնող ներկայացնելով Հայաստանը: Կարևոր չի, որ ասվածը սուտ է՝ Հայաստանը չի եղել հարձակվողը, միևնույն է, դրան ոչ-ոք բարձր մակարդակով հանդիպումներին չի անդրադառնում, իսկ բազմաթիվ անգամ կրկնված սուտը ճշմարտության տեղ անցնելու հատկանիշ ունի: Հենց սա է թուրքական դիվանագիտություն ասվածը, որ այժմ կիրառում է Իլհամը: Նյութի աղբյուր՝ https://www.facebook.com/vakhtang.siradeghyan/posts/10206013902337560?notif_t=close_friend_activity¬if_id=1464686 ...

    Կարդալ ավելին
  • Մի անգամ էլ եմ գրել` կոռուպցիայի դեմ պայքարը և մնացած բարեփոխումները ենթադրում են գոյություն ունեցող կարգի հիմնահատակ փոփոխություն, և դա կատարելու համար բյորոկրատիայի վրա հիմնվելը կլիներ միամտության վերին աստիճանը: Նաև գրել եմ, որ ապրիլյան պատերազմը ոչ միայն դրսևորեց հայ զինվորի անսահման տոկունությունը, այլև բանակի նկատմամբ հանրության ուշադրության կենտրոնացումը: Եվ հենց բանակը աննորմալ բոլոր երևույթներից մաքրելը կլիներ այն իսկական «շոգեքարշը», որ կտաներ իր հետևից ողջ հասարակությունը: Իսկ բանակի բարեփոխման առումով բյուրոկրատիայի վրա հենվելը անհրաժեշտ չէ. դրա համար բավարար է ազնիվ ու հայրենասեր սպաների ու քաղաքացիական հասարակության աջակցությունը: Նյութի աղբյուր՝ https://www.facebook.com/vakhtang.siradeghyan/posts/10205955357153967 ...

    Կարդալ ավելին
  • ԵԽԽՎ նախագահ Պեդրո Ագրամունտը ոչ այնքան ադրբեջանամետ քաղաքական գործիչ է, որքան հակահայկական կամ ավելի կոնկրետ՝ հակաարցախյան: Դա այնքան էլ նույն բանը չի, և «գաղտնիքը» նրա իսպանացի լինելն է: Իսպանիան ոչ միայն տասնամյակներով դիմագրավել է Բասկյան ազատագրական շարժմանը, այլև այսօր՝ Կատալոնական անջատականությանը: Դա, իր հերթին, նշանակում է, որ դոն Պեդրոն պետք է ամեն ինչ անի, որպեսզի արցախյան անջատականությունը չդառնա նորմ՝ ընդունելի արևմուտքում, իսկ ադրբեջանական խավիարն ընդամենը համեմունքի դեր է կատարում: Նյութի աղբյուր` https://www.facebook.com/vakhtang.siradeghyan/posts/10205953023895637 ...

    Կարդալ ավելին
  • Լեռնային Ղարաբաղի ճանաչումը պետք է հետապնդի որևէ հստակ նպատակ կամ լուծի որոշակի խնդիրներ: Մեզ համար այն չպետք է վերածվի շանտաժի գործիքի, ինչպիսին հայոց ցեղասպանության խնդիրն է եվրոպացիների ձեռքում ընդդեմ Թուրքիայի: Հատկապես, որ Հայաստանն չունի այն լծակները, որ ունի Եվրամիությունն Թուրքիայի հարցում: Եթե ենթադրում ենք, որ ՀՀ-ի կողմից Արցախի ճանաչումը բերելու է շղթայական ռեակցիայի, ապա սխալվում ենք. նույնիսկ ՌԴ-ի պես հզոր երկրի կողմից Աբխազիայի ճանաչումը չունեցավ որևէ նշանակություն՝ չհաշված մեկ-երկու մանր երկիր: Եթե դրանով մենք ցանկանում են իրավական ձևակերպում տալ ՀՀ-ի և Արցախի միջև այսօր գոյություն ունեցող իրողություններին, ապա դա ոչ մեկին չի հետաքրքրում: Եթե ցանկանում ենք դրանով քայլ առ քայլ կյանքի կոչել միացումը՝ խուսափելու համար միջազգային, այդ թվում ռուսական հակազդեցությունից, որը հաստատ կագայինք մեր մաշկի վրա, եթե կյանքի կոչվեր միացման մասին 1991թ. որոշումները, ապա դա ընդունելի է: Անցնենք խնդիրներին, ավելի ճիշտ՝ միակ հիմնական խնդրին. եթե կարծում ենք, որ ճանաչումը կբերի սահմանային միջադեպերի կանխմանը և մեր տղաները այլևս չեն զոհվի սահմանի վրա՝ ապա հաստատ սխալվում ենք՝ Ադրբեջանը բոլոր դեպքերում շարունակելու է իր ագրեսիվ քաղաքականությունը մինչև չստանա իր ցանկալիքը կամ մինչև չստանա այնպիսի հարված, որ չկարողանա ուշքի գալ առաջիկա 25-50 տարում: Նյութի աղբյուր՝ https://www.facebook.com/vakhtang.siradeghyan/posts/10205937282182104?notif_t=close_friend_activity¬if_id=1463481 ...

    Կարդալ ավելին
  • Հայաստանում մոնոպոլիաներ կազմաքանդելը մեկ օրվա գործ է՝ դրա համար անհրաժեշտ է ընդամենը քաղաքական կամք: Որոշվում է, ասենք, որ բանան ու նարինջ բերելու է ոչ միայն Քեթրին գրուպը, այլ յուրաքանչյուր ընկերություն, որը ցանկություն ունի մտնելու այդ շուկան: Եվ պատկերացրեք, որ մեկ ամսվա ընթացքում այնքան գործարար կզբաղվի այդ հարցով, որ կսկսեն նույնիսկ միմյանց խանգարել. այդպես է, չէ՞ մեր երկրում, երբ մեկը ինչ-որ տեղ ինչ-որ գործ է դնում, հարևանությամբ «ծլում» են ուրիշները: Միակ մոնոպոլիան, որ կարելի է թույլ տալ՝ դա շաքարի հումքինն է, որպեսզի աշխատի Ախուրյանի շաքարի ճակնդեղի վերամշակման գործարանը՝ ապահովելով աշխատատեղեր և ըստ այդմ որոշակի եկամուտներ աղքատ այդ տարածքում: Իհարկե, իրական հումք ներկրելն ու գործարան աշխատեցնելը կնվազեցնի «Մալաթիայի շրջանի բարերարի» եկամուտները, բայց առանց դրա մոնոպոլիաների դեմ պայքար ուղղակի չի ստացվի: Նյութի աղբյուր` https://www.facebook.com/vakhtang.siradeghyan/posts/10205915480357072?from_close_friend=1&ref=notif¬if_t=close_friend_activity¬if_id=1463147450360126 ...

    Կարդալ ավելին
  • Մեր երկրում աննորմալ չափերի է հասնում փոխնախարարների, խորհրդականների և օգնականների ինստիտուտը: Դրանք իհարկե ապահովում են զբաղվածություն, բայց ծանր բեռ են բյուջեի համար: Սկսենք փոխնախարարներից. եթե առկա է աշխատակազմի ղեկավար որպես հանրային ծառայող, որը համակարգում է ողջ նախարարության աշխատանքը և տեսականորեն պաշտպանված է քաղաքական փոփոխություններից, և առկա է քաղաքական պաշտոնյան՝ նախարարը, որը ենթակա է քաղաքական փոփոխությունների, ապա այսպես կոչված հայեցողական պաշտոն փոխնախարարն անելիք չունի որպես նախարարության ներսի 2-3 ոլորտի համակարգող՝ լինելով անձ, որը կախված է քաղաքական փոփոխություններից: Գանք խորհրդականներին. եթե նախարարությունում աշխատում են պրոֆեսիոնալներ, ապա չեմ կարծում, թե քաղաքական պաշտոն զբաղեցնող անձը՝ նախարարը, էլ չեմ խոսում հայեցողական պաշտոն զբաղեցրած անձի՝ փոխնախարարի մասին, նորից ունի պրոֆեսիոնալ խորհրդականների կարիք, իսկ ոչ պրոֆեսիոնալ խորհրդականներն այդտեղ ուղղակի անելիք չպետք է ունենան: Նույնը վերաբերում է և օգնականների հաստիքներին՝ թե՛ նախարարի և թե՛ փոխնախարարի առումով: Նյութի աղբյուր՝ https://www.facebook.com/vakhtang.siradeghyan/posts/10205914526373223?ref=notif¬if_t=close_friend_activity¬if_id=146 ...

    Կարդալ ավելին

ՖԲՀ

Քաղաքականություն

  • /uploads/photos/oqnUbOopEolCuUDGFkNl.jpg

    Օրը բարենպաստ է նախընտրական քարոզարշավի փոխարեն միմյանց դեմ ռազմական արշավ սկսելու համար, ինֆորմացիան տեղ հասցնելու փոխարեն «այ ստեղս հասցնելու համար» և մամլո ասուլիս տալու փոխարեն «պաբլո» ասուլիս տալու համար։ Աստղերը հուշում են ՀՀԿ-ին՝ կրկին ու կրկին մոտենում է ահեղ դատաստանի ժամը։ Ռեյտինգային քվեարկության ժամանակ զգոն եղեք, որովհետև սպասվում են ռեյտինգային գնդակահարություններ։ Թաղային գուշակներին այս ամիս խորհուրդ է տրվում բախտ բաժանելու փոխարեն գումար բաժանել։ ԲՀԿ-ին աստղերը խորհուրդ են տալիս չգնալ լայն կոալիցիայի։ Ավելի լավ է տներով գնացեք, հանգստացեք։ Խորհուրդ է տրվում շաբաթ-կիրակիները անցկացնել տանը, ժողովրդի հետ, ժողովրդի համար։ ՀԱԿ - Աստղերը խորհուրդ են տալիս նախընտրական քարոզարշավի ժամանակ լինել զգոն, այլ ոչ թե խայտառակ։ Գյուղերում չխոսել փոխզիջումային տարբերակներից, քանի որ մարդիկ կարող են փոխզիջումը հասկանալ հողզիջում ու ղալմաղալ սարքել։ Շաբաթ-կիրակ խորհուրդ է տրվում կարդալ Լևոն Տեր-Պետրոսյանի «Խաչակիրները և Շմայսները» գիրքը։ ՀՅԴ - Աստղերը խորհուրդ են տալիս գլխանց կոալիցիա կազմել ՀՀԿ-ի հետ, նոր մասնակցել ընտրություններին։ Ընտրություններին թե՛ մասնակցելու, թե՛ չմասնակցելու դեպքում, միևնույն է, հինգ տոկոս եք հավաքելու։ ԵԼՔ - Աստղերը հորդորում են շարունակել ինտեգրացիոն գործընթացները։ Նիկոլ Փաշինյանին խորհուրդ է տրվում նորմալ ռուսերեն խոսել սովորել։ Նրա ռուսերենը ավելի վատ վիճակում է, քան Հայաստանի ՀՆԱ-ն։ ՀՎԿ - Աստղերը համարում են, որ ձեզ ինչ մաղթեն, մեկ է, հակառակն եք անելու, ուստի գիր ու ղուշի արդյունքում ձեզ խորհուրդ են տալիս այս անգամ հանդես գալ ընդդիմության ձևով։ Եվ վերջում հիշեք՝ աստղերը հուշում են, եզրակացնում են, բայց երդվում ենք «Ժառանգություն» կուսակցության բեկորներով, երբեք չեն պարտադրում։ Նյութի աղբյուր՝ https://www.facebook.com/karen.hambardzumyan.3910/posts/222524548154612

    Կարդալ ավելին