• Վախթանգ Սիրադեղյան
  • Մի 10 տարի տնտեսական ոլորտի լրագրող եմ եղել, բայց այդպես էլ չեմ հասկացել, թե ինչու պետք է Կենտրոնական բանկի նախագահն աստղաբաշխական գումար ստանա որպես աշխատավարձ: Ինչու՞ պիտի նրա աշխատավարձը 10-20 անգամ ավելի բարձր լինի, քան պետության 1-ին պաշտոնյայինը: Եթե առաջնորդվում ենք մեծ փողերի հետ «խաղ անողը պիտի շատ ստանա, որ մաքուր մնա» գաղափարով, ապա հարկայինը, մաքսայինը և այլք պակաս մեծ գումարների հետ չեն շփվում, ինչո՞ւ է նրանց նկատմամբ խտրական վերաբերմունք ցուցաբերվում: Եթե ընդունենք, որ ԿԲ պաշտոնյաները այնպիսի մի ֆունկցիա են իրականացնում, առանց որի տնտեսությունը ուղղակի փուլ կգա, ապա ինչու՞ պիտի նրանց համեմատ մի քանի անգամ պակաս ստանա զինվորականը. նա չլինի, պետություն չի լինի ընդհանրապես, որ այդ պետության տնտեսության մասին հոգա ինչ-որ կառույց: Մի խոսքով՝ ժամանակին իբրև թե ինտեգրվել ենք արևմտյան ինստիտուտներին, սակայն դրանից քաղվել է այն, ինչ հարմար է եղել մի ինչ-որ խումբ անհատների՝ մնացածների վրա թքած տրամաբանությամբ: Նյութի աղբյուր՝ https://www.facebook.com/vakhtang.siradeghyan/posts/10207203689281490 ...

    Կարդալ ավելին
  • Մեր երկրում աղքատությունն, ըստ ԱՎԾ-ի, 2015-ին կազմել է 29.8%։ Աղքատ է բնակչության երրորդ մասը՝ 900.000 մարդ: Աղքատությունը հաղթահարելու համար, ի լրումն արդեն գոյություն ունեցող նպաստների, տարեկան անհրաժեշտ է 71,4 մլրդ դրամ կամ մոտ 150 մլն դոլար: Ֆիննախի դիլիջանյան կենտրոնի կառուցումը, որն այդպես էլ չավարտվեց, նստել է 120-140 մլն դոլար, կարծեմ, 5 տարում, այսինքն՝ տարեկան 25 մլն դոլարի չափի գումար: Եթե այդ գումարները 5 տարի շարունակ ներդրվեին աղքատության վերացման նպատակով, ապա 150.000 մարդ դուրս կգար աղքատության ճիրաններից, այնինչ «ինստիտուցիոնալ կայֆի» և կենտրոնական բանկի հետ մրցակցության հետևանքով դա տեղի չունեցավ։ Իսկ հետո չենք «հասկանում», թե ինչու տարիներ շարունակ չենք կարողանում հաղթահարել աղքատություն կոչված հրեշին: ...

    Կարդալ ավելին
  • Հակառուսականությունը և մասնավորապես հակապուտինիզմը կուրացրել են արևմտյան վերլուծաբանների ու ղեկավարների աչքերը: Արևմտյան կամ քրիստոնեական քաղաքակրթության համար այսօր ամենամեծ վտանգը ոչ թե ատոմային ու ջրածնային ռումբով և բալիստիկ հռթիռներով զինված Ռուսաստանից է գալիս, այլ ավտոմատներով և ընդամենը հրանոթներով զինված Արաբական Խալիֆաթ անունը կրող կազմավորումից: Իրաքի և հատկապես Սիրիայի վարչակազմերի դեմ մղվող պատերազմում վերջինիս հաղթանակը կբերի մահմեդական արմատականության հզոր աճին, իսկ պարտությունը` դրա վերջնական նահանջին պատմության թատերաբեմից: Խալիֆաթի դեմ իրաքցի զինվորը կռվում է այնքանով, որքանով Խալիֆաթին դիմակայում է Սիրիայի ղեկավար Բաշար ալ Ասադը. եթե Ասադը պարտվեց, ապա նրա դեմ կռվող այսպես կոչված ոչ արմատական ընդդիմությունը կամ կմիանա Խալիֆաթին և կամ կոչնչացվի նրա կողմից: Զարմանում եմ, որ այս հասարակ ճշմարտությունը չի ընկալվում Արևմուտքում, և ԱՄն-ն էլ շարունակում է զինել «լայթ» ընդդմիությանը, որի զենքը հայտնվում է արմատականների ձեռքում, կամ եթե դեռևս չի հայտնվում, ապա վաղ թե ուշ կհայտնվի: Որքան էլ Պուտինը արևմուտքի համար լինի ոչ ընդունելի, նա այսօր քրիստոնեական քաղաքակրթության հենարանն է Մերձավոր Արևելքում` թիկունք կանգնելով Ասադին: Բազմիցս եմ գրել այս հարթակում` Անգլիայի վարչապետ Ու. Չերչիլի նման հակաստալինյան և հակաբոլշևիկ դժվար գտնվեր իր ժամանակ, սակայն նա համագործակցեց Ստալինի հետ, քանի որ Անգլիային վտանգ էր սպառնում ոչ թե Մոսկվայից, այլ Բեռլինից: Վախենամ, որ այս պարզ ճշմարտությունը չընկալելը մի օր քրիստոնեական աշխարհը կկանգնեցնի աղետի առջև: Նյութի աղբյուր՝ https://www.facebook.com/vakhtang.siradeghyan/posts/10207060246535511 ...

    Կարդալ ավելին
  • Ուզում եմ մի բան էլ ասել սիրիահայերի պահվածքի մասին. եթե դու ապավինում ես Բաշար Ասադին, ապա ոչ միայն պետք է կռվես որպես նրա զինվոր (կամ հրամանատար), այլ կազմես աշխարհազոր ու աջակցես այդ վարչակազմին: Եթե անհրաժեշտ է` ընտանիքդ ուղարկի դուրս, սակայն զենքդ ձեռքիդ դու մնա երկրում, քանի որ այդ երկիրն ես համարել քո հայրենիքը: Սիրիայի պատերազմը նման չէ լիբանանյանին. եթե այնտեղ ընդամենը քաղաքացիական պատերազմ էր գնում, այստեղ այն քաղաքակրթական բնույթ ունի, և եթե հաղթի Խալիֆաթ կոչված կազմավորումը, ապա վաղ թե ուշ կամ կոչնչացվես կամ կվաճառվես ստրկության. զարմանալի է, չէ, 21-րդ դարում վաճառվել որպես ստրուկ: Այնպես որ Սիրիայում դու չես կարող չեզոք մնալ` կամ պիտի լքես այդ երկիրը, կամ զենքդ ձեռքիդ պաշտպանես Ասադին: Նյութի աղբյուր` https://www.facebook.com/vakhtang.siradeghyan/posts/10207060569903595 ...

    Կարդալ ավելին
  • Վերջերս ակտիվորեն քննարկվում է աղջիկներին հայկական բանակ զորակոչելու գաղափարը։ Ենթատեքստը հասկանալի է՝ արտագաղթի պատճառով մենք արդեն բախվում ենք բանակի համալրման լուրջ խնդրին: Սակայն աղջիկներին զորակոչելուց առաջ՝ թեկուզ պայմանագրային հիմունքներով, անհրաժեշտ է կանոնակարգային հարաբերություններ հաստատել այնտեղ, որպեսզի նրանք էլ չբախվեն «զոն նայողի», «արտոնյալների» և նմանատիպ խնդիրներին: Իսրայելում աղջիկներին, տղաների հետ հավասար, վաղուց են զորակոչում, սակայն այնտեղ բացառված են նման երևույթները. եթե որևէ զորամասում նման ոչ կանոնակարգային արարք է արձանագրվում, զորամասը ցրում են: Հենց հասնենք դրան, նոր կարող ենք մտածել տվյալ հարցի շուրջ, իսկ առանձին անհատներ այսօր էլ պայմանագրային (հիմնականում) հիմունքներով ծառայում են բանակում: Նյութի աղբյուր՝ https://www.facebook.com/vakhtang.siradeghyan/posts/10207012479101355 ...

    Կարդալ ավելին
  • Կարծում եմ, որ ՌԴ-ում ուղևորատար ավտոբուսների վթարների պատճառը վարորդների հոգնածությունն է կամ գիշերային ժամերին անքնությունը: Թե՛ նախկին և թե՛ նոր նախարարի օրոք փորձում են կյանքի կոչել վերահսկողության ուժեղացման վերաբերյալ օրենսդրական նորմեր: Կարծում եմ, որ հեծանիվ հնարելու կարիք չկա, ընդամենը անհրաժեշտ է պարտադրել հեռավոր ուղերթներ կատարող ավտոմեքենաների սեփականատերերին, որպեսզի ապահովեն երկու վարորդի առկայությունը մեկ մեքենայում, ովքեր կաշխատեն իրար փոխարինելով: Դա, բնականաբար, որոշակիորեն կթանկացնի տոմսի արժեքը, սակայն որքան էլ այն թանկանա, հաստատ կյանքից ավելի թանկ չի լինի, հատկապես որ Երևանից ՌԴ մեկնող կամ ՌԴ-ից ժամանող քաղաքացին դժվար թե չկարողանա մեկ ու կես անգամ ավելի վճարել տոմսի համար՝ գիտակցելով, որ դրանով ապահովագրում է իր ու իր մերձավորի կյանքը: Նյութի աղբյուր՝ https://www.facebook.com/vakhtang.siradeghyan/posts/10206953544948038 ...

    Կարդալ ավելին
  • Գառնիի ջրի բողոքի, ինչը պսակվեց հաջողությամբ, կազմակերպիչ տիկին Արուսիկը 200 ձայն էլ չստացավ համայնքապետի ընտրություններում: Սա ի՞նչ է նշանակում. կա՛մ գառնեցիներն են խիստ հայրիշխանական մտածողության կրող (Անգլիայի հզորագույն արքաներից երկուսը կին էին, նրանց լավագույն վարչապետներից մեկը ևս կին էր, և մեր հարևան Վրաստանի հզոր արքաներից մեկը ևս կին էր՝ Թամարա թագուհին), ինչը խոսում է ավանդական մտածողության գերիշխանության մասին, և կա՛մ մարդիկ դեռևս այնքան չեն հասունացել, որ 4 տարով իրենց ճակատագիրը պայքարում կոփված անձին վստահելու փոխարեն գերադասում են մեկ ուրիշին, որը դժվար թե տարբերվի նախկինից: Նյութի աղբյուր՝ https://www.facebook.com/vakhtang.siradeghyan/posts/10206852174653844 ...

    Կարդալ ավելին
  • Մասնագիտությամբ բժիշկ ու գործունեությամբ ապահովագրության կազմակերպիչ Լ. Ալթունյանի առաջին հարցազրույցում (կարծեմ ՀԺ-ում էր) բացակայում էր պարտադիր ապահովագրության անցնելու վերաբերյալ վարչապետի հանձնարարականի կամ սեփական մտադրության թեման: Եվ ես զարմացա՝ բա էլ ինչու է որպես առողջապահության նախարար ընտրվել հենց ինքը: Հետո այդ թեման արծարծվեց, ու «ամեն ինչ ընկավ տեղը»՝ միաժամանակ բացահայտելով և խնդիրը. շարքային հայաստանցին այնքան աղքատ է, որ չի կարող թույլատրել իրեն ապահովագրելու իր առողջությունը: Եվ եթե դա պարտադրվի, ապա կբերի նոր սոցիալական ընդվզման ճիշտ այնպես, ինչպես կուտակայինը: Ժամանակին Տ. Սարգսյանը բյուջետային աշխատողների համար մտցրեց սոցիալական փաթեթը՝ փորձելով այդպես աջակցել առողջապահության ապահովագրության զարգացմանը: Բայց մեկ-երկու տարի անց փաթեթը մնաց, սակայն ապահովագրական ընկերությունները դուրս թռան: Այսինքն՝ փորձը ձախողվեց, ինչը նշանակում է, որ պարտադիր առողջապահական ապահովագրության, ինչն ինքնին դրական երևույթ է, ժամանակը դեռևս չի եկել. ո՛չ հայաստանցին է ունևոր, և ո՛չ էլ պետությունն է այնքան հարուստ, որ այդ բեռը վերցնի իր վրա: Նյութի աղբյուր՝ https://www.facebook.com/vakhtang.siradeghyan/posts/10206816400759519 ...

    Կարդալ ավելին
  • ՏԻՄ ընտրությունները զոռբայության, ընտրակաշառքի (խանութում պարտք փակելը և այլն), մեծաթիվ ազգուտակի առկայության զուգորդմամբ պայմանավորված երևույթներ են: Միաժամանակ, դրանք համապետական ընտրությունների հայելային անդրադարձն են տեղական մակարդակում: Եթե դրանք կարող են փոխարինվել նշանակումներով վերևից, ապա ո՞վ պետք է նշանակի երկրի նախագահին ու խորհրդարանի պատգամավորներին... Նյութի աղբյուր՝ https://www.facebook.com/vakhtang.siradeghyan/posts/10206744446760714 ...

    Կարդալ ավելին
  • «Ռուսները մեր բարեկամն են, ռուսները մեր բարեկամը չեն». ժողովուրդ ջան, մենք սլավոն չենք, որ ռուսները մեր բարեկամը լինեն, և ոչ էլ ՆԱՏՕ-ի անդամ` որ լինեն մեր թշնամիները: ՌԴ-ն ունի իր շահերը, ՀՀ-ն` իրենը, և մենք պետք է կարողանանք օգուտ քաղել այդ շահերի համընկնումից ու չփորձենք դրանք վերածել հակադրության. էսքանը:   Նյութի աղբյուր՝ https://www.facebook.com/vakhtang.siradeghyan/posts/10206562899262140 ...

    Կարդալ ավելին
Загрузка...

ՖԲՀ

Քաղաքականություն