• Մարգարիտա Կոծինյան
  • Շատ կարևոր է, որ հոգևոր առաջնորդները այս պահին լինեն զինվորի և ամբողջ ազգի կողքին: Դիտեցի, որ Կիլիկիա թաղամաս է կառուցվում Կիլիկիո թեմի ներդրումներով: Շատ լավ է, շատ գովելի է: Սակայն, բոլորիս է հայտնի, դարերով եկած բան է, որ եկեղեցին հարուստ կառույց է որպես այդպիսին: Կարծում եմ, այս պարագայում, երբ 18-20 երեխաներ ենք գրեթե ամեն օր զոհ տալիս, լավ կլիներ գումար ներդնել,զինամթերք գնել, զինել բանակը: Սա ուղղակի եմ ասում:) Նյութի աղբյուր՝ https://www.facebook.com/margarita.kotsinian/posts/1386537531371947?notif_t=close_friend_activity¬if_id=146070510077 ...

    Կարդալ ավելին
  • Լիարժեք կյանքը սկսվում է կրթությունից: Կիրթ, ոչ թե ԲՈՒՀավարտ մարդը ոչ անտուն կմնա, ոչ անտեր: Որքան էլ տարբեր ՀԿ-ներ, երիտասարդական նախաձեռնություններ, անհատներ և կամավորներ փորձեն ինչ-որ կերպ խթանել մանկական աղքատության քչացմանը, միևնույնն է, չենք հաջողի,մինչև հստակ ձևակերպված օրենք չլինի, որ կպաշտպանի այս երեխաների՝ արժանավայել կյանք վարելու իրավունքը: Նայում եմ ֆեյսբուքի լրահոսին և նույնիսկ սարսափում եմ. կամ հիվանդ երեխայի բուժմա գումար է հայթայթվում, կամ անօթևան մնացած ընտանիքի կտուրի հարց է լուծվում.... Ցավն այն է, որ բացի մեզնից այս ամենի ականատեսն են նաև նրանք, ովքեր հասցրել են մարդկանց նման վիճակի:  Հասկացանք, անապահովը լոդր է, մակաբույծ... իսկ ինքներդ ձեզ հարցրել եք, թե ինչու!!! Ես չեմ զլական և կասեմ: Նման իրավիճակ է, որովհետև երկար մշակված և «արդյունավետ» ծրագիր է իրականցվում՝ մարդկանց չկրթել և այնուհետ նրանց տգիտությունից օգտվելով ՝ շահագործել, ստիպել արտագաղթել և այլն: Պարզ բան է. անգրագետ մարդը գաղափար չունի ոչ օրենքից, որ իրավունքից, ոչ էլ պարտականությունից: Ամեն մի «լուսավորող»-ի խոսք էլ ընդունում է հալած կարագի նման:  Նման մարդկանց անճարությունից օգտվում են և իրավիճակ ստեղծողները և նրանց անհաջողակ հակառակորդները, որոնց էլ ուզում են «շնից մազ պոկած» լինել: Գնում են թաղամասեր, շրջայցերի ընթացքում ընդամենն ասում, որ այո, դուք աղքատ եք և ձեզ աղքատության հասցնողներն էլ թալանչիներ են..վերջ!!!! Այս խոսքերից այնքան են մարդիկ ոգևորվում.... ցավոք... «Կարկուտը ծեծած տեղն է ծեծում»: Միակ միջոցը կրթական հեղափոխություն անելն է. մնացածը շատ ավելի դյուրին է փոխել: Նյութի աղբյուր՝ https://www.facebook.com/margarita.kotsinian/posts/1358226364203064 ...

    Կարդալ ավելին

ՖԲՀ

Քաղաքականություն

  • /uploads/photos/CbzTSylWKEI9lH4viTlr.jpg

    Համոզված եմ՝ երկրի վարչապետի երեկվա ելույթի վերաբերյալ կարծիքներ եւ հիացական, եւ ոչ այնքան կլինեն շատ։ Երեկվա ելույթն ինձ համար, ի թիվս շատ այլ հարցերի, կանխագուշակում է մի բան՝ չնայած ելույթում հնչեցված բոլոր պնդումներին` ՀՀ-ում ժողովրդավարությունը հսկայական քայլերով նահանջ է ապրում։ Ես կարող եմ երկար անդրադառնալ դատական համակարգի վրա այս ելույթի ազդեցությանը, վարչապետի՝ սեփական անձից բացի բոլորին իշխանությունից հեռացնելու թեզին, որը քողարկված էր հրապարակում համաժողովրդական որոշում կայացնելու շղարշով, խիստ վիճահարույց այլ հարցերի, բայց այսօր կանդրադառնամ ելույթի միայն մեկ հարթությանը՝ խոսքի ազատությանը։ Մի հետաքրքիր վերլուծություն կա, որը ուղիղ կապ է տեսնում քաղաքացիական խաղաղ անհնազանդության կամ, հայկական տարբերակով, «սիրո եւ համերաշխության հեղափոխության» արդյունքում դրական փոփոխությունների և երկրում ժողովրդավարության և մասնավորապես` խոսքի ազատության բարելավման միջև: Այս առումով նոր կառավարության գործունեության 100 օրը ամփոփելիս ունենք հետևյալ պատկերը.  • ՀՀ Կառավարության նիստերի դահլիճում բարձրաձայնվում է այն միտքը, որ կառավարության որոշումները պետք է բացառապես ընդունվեն միաձայնությամբ՝ առանց որեւէ դեմ ձայնի (այս կապակցությամբ ընդդիմադիր Ն. Փաշինյանը ծաղրում էր նախկին կառավարություններին),  • Երկրի վարչապետը անում է ոչ հասցեական հայտարարություն՝ թիրախավորելով զանգվածային լրատվության միջոցների «հակապետական» գործունեությունը,  • Նոր կառավարության հասցեին նույնիսկ փոքր-ինչ քննադատություն հնչեցնող լրատվամիջոցի կամ լրագրողների հասցեին միանգամից տարածվում են լրատվամիջոցը «մերժելու» կոչեր, իսկ լրագրողներն էլ արժանանում են անձնական վիրավորանքների,  • Այլակարծությունն աստիճանաբար վերածվում է վերացող երեւույթի: Յուրաքանչյուր տարբերվող կարծիք կամ տեսակետ պիտակավորվում է որպես «հակահեղափոխական» եւ սոցիալական հարթակներում սկիզբ դնում ատելության խոսք ու վիրավորանք պարունակող այնպիսի գրառումների եւ մեկնաբանությունների, որ ակամա ապշում ես, թե ինչ հարուստ երեւակայություն եւ բառապաշար կարելի է օգտագործել վիրավորանքն ու ատելությունն արտահայտելու համար։  • Մինչ այս պահը ես գուցե միամտորեն հույս ունեի, որ կառավարության համար կարեւոր է խոսքի ազատության պաշտպանությունը, քանի որ ժողովրդավարությունը որպես իր գործունեության հիմնական առանցք հռչակած կառավարության համար այն պետք է, որ լիներ գերագույն արժեք, առավել ևս, որ խոսքի ազատության լիարժեք իրացումն է նաև կերտել Նիկոլ Փաշինյան քաղաքական գործչին: Սակայն երեկ Հանրապետության հրապարակում ուղղակի ոտնակոխ արվեց խոսքի ազատությունը՝ խորացնելով այլակարծության նկատմամբ անհանդուրժողականությունը՝ հռչակելով, որ նախ պետք է մտածել, հետո միայն խոսել, իսկ «խոսքի ազատության» երաշխավորն ու հովանավորն էլ ԱԱԾ-ն է: Թերևս  ավելորդ է նշել, որ խոսքի ազատության սկզբունքի ողջ «պերճանքն ու թշվառությունն» այն է, որ անձն ինքն է որոշում՝ մտածի, հետո խոսի, խոսի, հետո մտածի, թե առհասարակ չմտածի։ Կարծում եմ՝ այսօր մենք կանգնած ենք շատ վտանգավոր ու պատասխանատու ճամփաբաժանին: Եթե չփոխվեն մոտեցումները, նշանակում է` մենք հրաժարվում ենք խոսքի ազատությունից, հետեւաբար նաեւ ժողովրդավարությունից։ Նյութի աղբյուր՝ https://www.facebook.com/arpine.hovhannisyan.14/posts/2603472549678600

    Կարդալ ավելին