• Թևան Պողոսյան
  • Ցավակցում եմ զոհված ոստիկանության գնդապետ Արթուր Վանոյանի ընտանիքին, ընկերերներին, բարեկամներին: Արագ ապաքինում բոլոր վիրավորներին: ՀՀ օրենքը խախտվել է, և հանցագործությունը պետք է պատժվի: Զինված խումբը պետք է վայր դնի զենքը և հանձնվի իրավապահներին: Քննությունը և դատավարությունը պետք է լինի բաց և թափանցիկ: Որևէ կերպ զենքով հարցեր լուծելը չի կարող արդարացվել: Ըստ իս մի տեսանկյուն կա, որն այքան չի քննարկվել մեզ մոտ, այն է՝ իրավիճակը Արցախյան հիմանխնդրի տեսակետից: Փորձելով հետհայացք գցել 91-94թ.թ. պատերազմին մի բան պետք է փաստեմ: Պարտվել է այն կողմը, որտեղ եղել է քաղաքական ոչ ստաբիլ իրավիճակ: Մեր այն ժամանակվա հաղթանակները նաև պայմանվորված էին նրանով, որ ՀՀ և Արցախում քաղաքական ստաբիլություն էր: Այս տեսանկյունից որևէ բան չի փոխվել: Որտեղ լինի առաջին հեղաշրջումը/ներքին անկայունությունը, այն կողմն էլ վերջնական կպարտվի. Ադրբեջանում, ուրեմն հաղթեցինք, ՀՀ-ում և Արցախում՝ ուրեմն մեզ հաղթեցին: Եթե ցանկանում ենք կրկին հաղթել պետք է պահպանենք ստաբիլությունը և՛ ՀՀ-ում և՛ Արցախում: Իսկ դրան հասնելու համար պետք է ճգնաժամից արագ դուրս գալ: Բայց դա առնվազն նոր որակի և իրական արդյունքների միտված ներքին բարեփոխումներով: Իրական համակարգային փոփոխություններով Հայաստանում: Հասկանում եմ, որ դա երկար ճանապարհ է: Իսկ ցանկացած ճանապարհը սկսվում է առաջին քայլից: Առաջին քայլը իմ պատկերացմամբ պետք է լինի ստեղծված ճգնաժամի հանգուցալուծումը: Ամեն ինչ պետք է արվի բանակցություններով և առանց արյան, զինված խումբը պետք է վայր դնի զենքը և հանձնվի իրավապահներին: Քննությունը և դատավարությունը պետք է լինի բաց և թափանցիկ: Հուսամ իրավիճակի մեսսիջը տեղ է հասել, բայց ավելի կարևորը, որ մեր շատ բացեր ջրի երես է ելել, և դրանք պետք է արագ շտկել երկրորդ, երրորդ ու այդպես շարունակ քայլերով: Մենք իրավունք չունեն պարտվելու ո՛չ ներսում, ո՛չ Արցախում: Նյութի աղբյուր՝ https://www.facebook.com/tevan.poghosyan/posts/10155097208888378 ...

    Կարդալ ավելին
  • 1. Արցախը ոչ մեկի գրպանում դրված չի, որ վերցնեն ու նրանից ինչ-որ մի բան զիջեն, տան, փոխանակեն: Եթե որևէ բան լինի, կլինի միայն պատերազմով, իսկ այդտեղ մեղադրել կարող ենք միայն մեզ, որ չկարողացանք լավ կռվել ու նորից հաղթել: Արցախցին է իր հողի տերը: Դա նշանակում է ՀԱՅՆ է տերը, ու, վստահ եմ, որ ամբողջ հայությամբ էլ տեր ենք լինելու: 2. Տարբեր երկրների ԱԳ նախարարներ, դեսպաններ, միջնորդներ կգան ու կգնան: Առաջարկներ կանեն զանազան` ու միշտ իրենց երկրների շահերից ելնելով: Մեր նպատակն է, որ մենք մնանք ու չգնանք: Դա է մեր շահը, ու եկեք մենք մերն իրականացնելով զբաղվենք: Ու այս գործում ո՛չ լավրովների, ո՛չ ուորլիքների, ո՛չ էլ այլոց առաջարկները չեն կարող ազդել: Իրենք իրենցն են ցանկանում, մենք մերը պետք է առաջ տանենք: 3. «Երբեք չբանակցենք վախից դրդված, սակայն երբեք չվախենանք բանակցելուց»: Քենեդու այս խոսքերն իսկապես մեզ համար են: Հողեր պահելով՝ միշտ կբանակցենք անվախ, հանձնելուց հետո բանակցելու ենք վախից դրդված: 4. Մեր պատերազմը չի ավարտվել ո՛չ առաջնագծում, ո՛չ միջազգային հարթակներում, ու թե ով և ինչի համար պետք է մեզ թիրախավորի, այլևս կարևոր չի այնքանով, ինչքանով որ մենք պետք է պատրաստ լինենք այսօրվա թշնամիներին հաղթել: Այնպես որ, եկեք մեր շահերն առաջ տանելով ապրենք ու աշխատենք: 5. Դուխով Նյութի աղբյուր՝ https://www.facebook.com/tevan.poghosyan/posts/10155086203448378 ...

    Կարդալ ավելին
  • Սկսվել է զորակոչը, հետևաբար նաև՝ զորացրումը: Այս անգամ զորացրվելու են մեր տղաները, ովքերի մասնակցեցին պատերազմական գործողություններին, տղաները, ովքեր պահեցին դիրքերը, դաս տվեցին թշնամում: 20-ամյա պատանիներ, ովքեր իրականում ծանոթ են վառոդի հոտին: Միշտ ենք ունեցել զորացրվող նման տղերք, բայց այս անգամ դրանք հազարներ են: Վստահ եմ, որ իրենց համար կյանքն այսուհետ այլ է լինելու, բայց հուսով եմ, որ իրենց դերակատարումը մեր կյանքում նույնպես այլ է լինելու: Այդ տղաներին մենք պետք է ընկալենք ոչ միայն «թղթով» մասնակից, այլ նաև կարգավիճակով՝ մասնակից ռազմական գործողությունների: Նրանք պաշտպաններ են, որոնց մենք հիմա պետք է պաշտպանենք: Պաշտպանենք անարդարությունից, արտագաղթից, գործազրկությունից, կոռուպցիայից և այլ հանրային արատներից : Տղերք, բայց դա պետք է անենք միասին, մեր տունը պետք է կառուցենք միասին, գիտեմ դժվար է լինելու, բայց ուրիշը չիգալու անի: Այնպես որ՝ բարով եկաք: Դուխով: Կից նյութը` այստեղ Նյութի աղբյուր՝ https://www.facebook.com/tevan.poghosyan/posts/10155058283313378 ...

    Կարդալ ավելին
  • Կանխատեսելի էր Կնեսետի որոշումը: Արդեն երրորդ անգամ էր հարցը քննարկվում Կնեսետում: Եթե առաջին անգամ մասնակցեցին ութը, ապա այս անգամ՝ 24-ը: Մենք պետք է քայլ առ քայլ հասնենք նրան, որ Իսրայելն ընդունի Հայոց ցեղասպանությունը: Կարծում եմ` հետեւողական աշխատանքի շնորհիվ կհասնենք արդյունքի: Նյութի աղբյուր` https://www.facebook.com/tevan.poghosyan/posts/10155058223883378 ...

    Կարդալ ավելին
  • Կոռուպցիայի դեմ պայքարի այս հերթական փուլին էլ եմ սկեպտիկորեն նայում: Որքան էլ դրական ընկալվի, չեմ համարում, որ մեքենա կամ հաստիք կրճատելով երկարաժամկետ որևէ խնդիր կարելի է լուծել: Միշտ էլ համոզված եմ եղել, որ խնդիրների լուծման ճանապարհը ինքնակարգավորող մեխանիզմների կայացումն է, ինստիտուցիոնալիզացիան: Դու, որպես պետություն, ախտորոշում ես խնդիրը, կայացնում են խնդիրն ինքնաբերաբար կարգավորող մեխանիզմը, հիմնում ես այն ու կողք քաշվում- լուռ վերահսկում: Այս տեսանկյունից կոռուպցիայի դեմ պայքարի մերօրյա այս աղմուկ-աղաղակի մեջ ռացիոնալ մի մոտեցում, այնուամենայնիվ, տեսա: Վարչապետը հայտարարեց, որ տրամադրված են ներմուծում-մեծածախ վաճառք-մանրածախ վաճառք շղթայում բացառել խոշոր տնտեսվարողների կողմից ապրանքային շուկայում խաղի կանոնների թելադրումը և մեխանիզմ առաջարկեց, որով կարևոր ապրանքային շուկաներում նույն խոշոր տնտեսվարողի կողմից միաժամանակ մանրածախ և մեծածախ վաճառքով զբաղվելը պետք է արգելվի, խոշոր տնտեսվարողը մեծածախ վաճառքը պետք է իրականացնի միայն պետականորեն հսկվող էլեկտրոնային հարթակի միջոցով ևեթե անգամ ներմուծող ու մանրածախ առևտրով զբաղվող ընկերությունները փոխկապակցված են, միևնույն է, պետք է հարաբերվեն միայն այդ հարթակի միջոցով: Սա հենց խնդիրներ լուծելու ժամանակակից ձևն է. ախտորոշում- լուծման ինստիտուցիոնալացում. տեսնում ես, որ «խեղճ» օլիգարխն ինքը ներմուծում է, ինքը իրացնում է, ինքը որոշում է խաղի կանոնները, վերցնում ու դնում ես մեխանիզմ, որով ինքը ներմուծելուց հետո պարտավոր է ապրանքը բաց դնել մանրածախերի համար աճուրդի, ինքն էլ բոլորի հետ հավասար մասնակցել դրան: Հիմա կկարողանա՞ն սա անել, բոլորիս համար շատ ավելի լավ, չե՞ն կարողանա, ամբողջ օրը ազգովի կշարունակենք ջիգյարով քննարկել, թե ինչ ավտո ենք կրճատում :) Սենց էլ ապրում ենք՝ կստացվի-չի ստացվի ասելով «ռամաշկայի» թերթիկներ պոկելով: Նյութի աղբյուր՝ https://www.facebook.com/tevan.poghosyan/posts/10154977864658378?notif_t=close_friend_activity¬if_id=14654539566 ...

    Կարդալ ավելին
  • ԱԺ-ում հայտարարությունների ժամի հայտարարությանս տեքստը Հարգելի գործընկերներ, Այսօր որոշել եմ խոսքս աշխարհով մեկ ապրող մեր հայրենակիցներին ուղղել: Մեզնից շատերն են այս օրերին ստիպված եղել հեռախոսով բացատրել արտերկրի հարազատներին կամ ընկերներին, անգամ թեթև կշտամբել, երբ մտահոգ կամ վախեցած հեռախոսազանգ են ստացել իրավիճակի վերաբերյալ: Ես շատ լավ հասկանում եմ, որ Հայաստանի և նրա շուրջ տեղի ունեցող դեպքերի մասին լրատվություն ընթերցելուց դրսից ամեն ինչ շատ ավելի գույները խտացված է ընկալվում: Հետո կան նաև լրատվության առանձնահատկությունները, որոնք ընթերցողը հաճախ չի էլ տեսնում. չէ՞ որ որևէ լրատվական չի նստում ու պատմում, թե ինչ գեղեցիկ է այս օրերին Հայաստանի բնությունը, կամ թե ինչ հրաշալի ժամանակ կարելի է անցկացնել, ասենք, Սիրահարների այգում, կամ Երևանի շուկաների առաջին բանջարեղենի համը որքան անմահական է և այլն: Նրանք լուրեր են հաղորդում, որոնք ինչպես աշխարհի բոլոր ծայրերում, իրադարձություններին են վերաբերում, հաճախ այնպիսինների, որոնք սուր են և ընթերցող են գրավում: Մեր հայրենակիցները աշխարհի տարբեր ծայրերում արթնանում ու կարդում են լրատվություն այն մասին, թե թուրքերն ինչ ասեցին, ադրբեջանցիների ինչ հերթական տգիտություն են մոգոնել, որտեղ վրաերթ եղավ, ով ում է մեղադրում կաշառակերության մեջ և այլն: Հավաքական տպավորությունը պարզ է, թե ինչպիսինն է լինում: Ինքս հարյուր անգամ իմ վրա եմ զգացել նույնը: Բայց դա իրականության ամբողջական պատկերը չէ, բարեկամնե՛ր, լրատվություն կարդալուց չպետք է դա ընկալել որպես` կյանքը Հայաստանում: Հայաստանն այս պահին, իմ խորին համոզմամբ, աշխարհի լավագույն վայրն է այցելելու համար, լավ սնվելու, լավ արև ընդունելու, ատամ բուժելու, ընտիր մրգեր համտեսելու, ուրախ երեկոներ անցկացնելու, տեսարժան վայրեր գնալու համար: Հայաստանում անվտանգ է, սիրելի՛ բարեկամներ, հիշե՛ք սա խնդրում եմ ու փոխանցեք բարեկամներին ու ծանոթներին: Հիշե՛ք ու պատրաստվեք այստեղ գալ ամռանը: Ու մի՛ լսեք տարբեր պատճառներով աշխարհավերջի մասին պատմություններ տարածողներին. Հայաստանը մեր դրախտն է, հայաստանցիներն էլ ընտիր մարդիկ են: Վստահաբար եմ ասում: Սա չի նշանակում, թե Հայաստանում խնդիրներ չկան: Կան, այն էլ ինչքան ուզեք: Բայց դրանք ոչ ոք, եթե անգամ շատ ուզի, չի կարող թաքցնել, և երկրորդ, դիմադրող պատն էլ երկար չի դիմանալու: Սա էլ եմ վստահաբար ասում: Այնպես որ եկե՛ք Հայաստան, այստեղ իսկապես հրաշալի է: Շնորհակալություն: Նյութի աղբյուր՝ https://www.facebook.com/tevan.poghosyan/posts/10154972865843378 ...

    Կարդալ ավելին
  • Պապս անգամ առաջին աշխարհամարտն էր հիշում. թևանիստների մասին էր պատմում: Հայրենական մեծ պատերազմը տեսավ. նրա չորս եղբայրներից երկուսը մինչև Բեռլին հասան, ինքը Ֆիննական պատերազմում էլ հասցրեց կռվել: Հենց պարապ ականջ էր գտնում, շատ ավելի երկար պատմում էր Արցախյան ազատամարտի մասին, Ղարաբաղի անկախության օրվա մասին: Պապս նախորդ դարի բոլոր պատերազմների ու բոլոր հաղթանակների մարմնավորողն էր: Մահացավ արդեն այս դարում. իր հետ տարավ բոլոր պատերազմների ցավերը, մեզ թողեց բոլոր հաղթանակների բերկրանքների մասին իր հուշերը: Այդ հուշերի մեջ անընդմեջ նույն արտահայտությունն է կրկնվում. «Մայիսի 9»: Մայիսի 9-ի հետ միշտ գալիս են նաև երկու հատուկ անուններ` Բեռլին և Շուշի: Իսկ Բեռլինի ու Շուշվա հետ` տղերքը, հաղթանակ, թշնամին, հպարտություն և այլն... Հիմա պապիս հուշերն իմն են արդեն: Անպայման փոխանցելու եմ որդուս: Վստահ եմ, որ հայրս նույնպես, Արցախյան ազատամարտում իր մասնակցության մասին հուշերը կփոխանցի որդուս: Շատ եմ ուզում, որ հպարտանա Մայիսի 9-ով, շատ եմ ուզում, որ հասկանա ու միշտ հիշի Մայիսի 9-ի խորհուրդը: Վստահ եմ, որ ինքն էլ հարկ եղած դեպքում պատրաստ կլինի նոր Մայիսի 9-ը կերտել: Կեցցե՛ Մայիսի 9, կեցցե՛ն մեր հերոս հայրերն ու պապերը, եղբայրներն ու քույրերը: Խաղաղությո՛ւն մեր երկրին և խոնարհո՛ւմ զոհված տղերքի շիրիմներին: Շնորհավոր եռատոնդ Արցախ: Շնորհավոր հաղթանակներդ Հայաստան: Նյութի աղբյուր՝ https://www.facebook.com/tevan.poghosyan/posts/10154892064483378 ...

    Կարդալ ավելին
  • Խոսելով տարբեր ոլորտների և կառույցների աշխատակիցների հետ, պարզում ես, որ բոլոր օղակներում բոլորն արել են իրենց աշխատանքը, որևէ մեկը չի թերացել, այդ ներքևի օղակում են սխալվել, չարաշահել, թերացել: Մեր պետական համակարգի վերջին ուսումնասիրությոնները կատարելիս` ակամայից հիշեցի «Կովի» պատմությունը, երբ կաշվե բաճքոնները լավ չեն վաճառվում, որովհետև կովը մեջքը ժամանակին քորել է երկաթե փշալարերի վրա ու ծակել իր կաշին: Երկրում բան կփոխվի այն ժամանակ, երբ ամեն օղակում ամեն մեկն առանց թերանալու անի իր գործը՝ կախարդական փայտիկներ չեն լինելու:  Նյութի աղբյուր` https://www.facebook.com/tevan.poghosyan/posts/10154878185633378 ...

    Կարդալ ավելին
  • Տարբեր կողմերիս հասնող հարվածներին լուռ դիմանալը հեշտ չէ, բայց դրան սովորել կարելի է: Դե հասկանում եմ, որ միշտ կարելի է լինել ականջահաճո խոսք ասող, կամ ձևավորել իմիջ՝ դե որ քրֆող է, կարելի ապրել հաշվարկով ու հեռու խաղալ խնդիրներից: Բայց արդյո՞ք դա ազնիվ է, քան խնդիրներ բարձրացնել, որոնք անսովորեն են, տարբեր են, այլ են, բայց իրական են: Ես մի բանում համոզված եմ՝ մեր բոլոր անմահացած հերոսները չեն վախեցել նայել մահվան աչքերին և մահը իրենց մեջ վախ չի տեսել: Իրենք ամեն ինչ գիտակցելով են արել, կյանքի գնով պաշտպանել հայրենիքը, որ նոր կյանք ծնվի, մեծանա, պաշտպանի, արարի: Դա արվել է նոր կյանքի համար: Դա է անմահությունը: Իրենց պապերը և հայրերը իրենց համար էին այդ սխրանքն արել, իսկ իրե՞նք ում համար: Իրենց, պապերի՞: Ո՛չ, նոր կյանքի համար: Հավատում եմ, որ անելիք ունենք, ու կփորձեմ շարունակել կանգուն մնալ հարվածներին դիմակայելիս: Դուխով: Նյութի աղբյուր` https://www.facebook.com/tevan.poghosyan/posts/10154876796738378 ...

    Կարդալ ավելին
  • ԱԺ-ում հայտարարությունների ժամի հայտարարությանս տեքստը Հարգելի գործընկերներ, Որ քառօրյա պատերազմի դասերը սերտելու կարիք ունենք, երևի ոչ ոք չի կասկածում: Այդ մասին բոլորս ենք խոսում: Բայց մի բան կա, որ այնքան էլ չեմ հավանում: Մեզնից յուրաքանչյուրի դիտարկումները շատ հաճախ ուրիշների արած կամ չարածներին է վերաբերում. էս մեկն ի՞նչ արեց, բա էս մյու՞սն ուր էր, բա էն երրորդը ինչի՞ սելֆի արեց և այլն: Որոշներիս առաջարկներն էլ հիմնականում սահմանափակվում է, բա ինչի՞ չեք գալիս մեզ էլ ասեք ինչ եք անում, բա մեր կարծիքը չեք լսել և այլն, կամ կարճ ասած՝ «տղերք, մեզ էլ խաղացրեք»: Չեմ քննադատում, դա էլ է անհրաժեշտ: Բայց անձամբ ինձ համար այս բոլոր հարցերի մեջ թիվ մեկն այն է, թե բա ե՞ս ինչ եմ արել, կամ ինչն եմ պակաս արել, ինչ պիտի ավել անեմ, եթե Աստված մի արասցե ամեն ինչ նորից կրկնվի: Սա ավելի կարևոր հարցեր են: Հիմա ես ամբիոն եմ բարձրացել, որ հարցնեմ մեզ բոլորիս՝ մենք, որպես ազգային ժողով, գիտե՞նք նման իրավիճակներում ինչ պետք է անենք, ինչն ենք պակաս արել, թե՞ մենք կատարյալ ենք: Կարողանու՞մ ենք բոլորս միասին, որպես խորհրդարան, արձանագրենք ու բարձր ասենք, որ մարդի՛կ, անկեղծ ասած մենք էլ պատրաստ չէինք ու շատ դեպքերում ուղղակի խելքներիս ինչ փչել է, այն էլ արել ենք: Թե՞ շարունակում ենք հրապարակավ ինքներս մեզ գովալ՝ մի տեսակ քաղաքական սելֆիի պես բան անել: Իսկ հարցեր՝ ինչքան ուզես: Օրինակ, գիտե՞նք, թե Ազգային Ժողովում քանի՞ հոգի այնքան անգլերեն գիտի, որ ամոթ չի լինի Ալջազիրայի ուղիղ եթեր ուղարկել. գիտե՞ն այդ մարդիկ իքս պահին ում հետ են կապվելու և ոնց են եթեր պոկելու: Իսկ քանի հոգի առանց ակցենտի ռուսերեն գիտի՞, ճշտե՞լ ենք. գիտե՞ն այդ մարդիկ, թե իքս պահին ոնց են գոռալու ՌՏՌ-ի եթերում: Խոսե՞լ ենք մարդկանց մեծ խմբերի հետ հոգեբանական աշխատանքի հմտություն ունեցող մեր առավել փորձառու գործընկերների հետ, արդեն գիտե՞ն գործելու իրենց տարածքը, երբ հարկ եղավ: Ու էլի հարցեր, հարցեր ինչքան ուզեք: Եթե չբարձրացնենք այս հարցերն ու պատասխաններ չտանք, հաստատ հաջորդ իքս պահին էլի անելու ենք այն, ինչ մտքներիս այդ պահին կգա, իսկ հաջորդ իքս պահից հետո էլի կսկսենք բղավել. «տղե՛րք, մեզ էլ խաղացրեք»: Խաղաղություն: Նյութի աղբյուր՝ https://www.facebook.com/tevan.poghosyan/posts/10154858663633378?notif_t=close_friend_activity¬if_id=146167733371 ...

    Կարդալ ավելին
Загрузка...

ՖԲՀ

Քաղաքականություն