• Ալեն Ղևոնդյան
  • «Հողեր հանձնելու» թեման թեստ է՝ հասկանալու ներկա հոգեբանական վիճակում գտնվող ժողովրդի արձագանքի երանգներն ու խորությունը։ «Բանակը փչացնելու» գործելաոճը հետևողական քաղաքականություն է, որ, եթե թեստի արդյունքները լինեն դրական, գործընթաց մեկնարկի... Սա գործողության մոդել, պլան է, որ նոր չի մշակվել, սակայն նաև այսօր կարող է գործարկվել... Նյութի աղբյուր՝ https://www.facebook.com/alen.ghevondyan/posts/10212507715793509 ...

    Կարդալ ավելին
  • Այսօր ՀՀ նախագահին ներկայացվեց ՀՀ ԶՈՒ-ում առկա խնդիրների վերհանման «Դիտակետ» սոց.հարցման ծրագրի արդյունքները: Բավական հետաքրքիր տեղեկատվություն մասնակիորեն հանրայնացվեց ու հստակ հասկանալի դարձավ արդեն թվերով ու փաստերով, թե ՀՀ ԶՈՒ-ում ծառայության ժամանակ այդ ծառայությունը մոտավոր որքան է արժենում ծնողների ֆին. կարողունակության վրա, որտեղից են գալիս հիմնական խնդիրները, ինչ բնույթ ու ուրվագծումներ ունեն և այլն:  «Դիտակետը» վիճակը շտկելու ճշմարիտ ճանապարհ է, որը սկայն միայն տեղեկատվություն է տալիս հետագա գործողությունների համար: Գործողություններ, որոնց խանգարողներ շատ կլինեն ու կարծես արդեն վաղուց կան: Բայց ուղին որևէ պարագայում չպետք է շեղել: Զինվորական ծառայության որակը փոխելու, երկրի անվտանգությունը կատարելագործելու համար հենց նման մոտեցում է պետք, ու ես վստահ եմ մենք այս ամենի դրական արդյունքները ներկայումս քայլ-քայլ, իսկ մոտ ապագայում արդեն շոշափելիորեն զգալու ենք: Նյութի աղբյուր՝ https://www.facebook.com/alen.ghevondyan/posts/10211219496508832 ...

    Կարդալ ավելին
  • Ամենավատը այն է, որ մենք ամեն ինչի նկատմամբ իմունիտետ ենք ձեռք բերել Որքան էլ ծիծաղենք, 《խնդանք》, 《ղժժանք》, բայց աբսուրդն այլ կերպ չի լինում, եթե ոչ այսպես. Դանիայում ՀՀ դեսպանի հայցը, (ում նշանակում է ՀՀ Նախագահը), ընդդեմ ՀՀ֊ ի ՄԻԵԴ֊ ը բավարարել է և ՀՀ ինչ֊որ գումար պետք է մուծի սույն պաշտոնյային։ Իհարկե ես լավ տեղյակ եմ, որ այստեղ կա ժամանակագրության հարց, բայց պետք է արձանագրել, որ փաստորեն Ա.Արզումանյանը դատի է տվել 《Ս.Սարգսյանի Հայաստանը》, ապա մի քանի տարի հետո, ում դատի էր տվել հենց նրա կողմից էլ նշանակվել է այդ ՀՀ֊ ի կառ. համակարգի, քաղ. իշխանության ներկայացուցիչը երրորդ երկրում... Մյուս դեպքի մասով. աբսուրդ է, երբ անպատժելի ու արտոնյալ երիտասարդների արկածների արդյունքում ձևավորած իրավիճակում ՀՀ պետ. կառավարման ուժային սեգմենտի երկու կարևոր օղակ՝ Ոստիկանությունն ու ՔԿ֊ ը հրապարակային հարթակներում բանավեճային ֆորմատում հայտարարություններով են փոխանակվում՝ իրենց իսկ հեղինակության ու գործունեության նկատմամբ հանրային՝ առանց այն էլ ցածր վստահության մակարդակն էլ ավելի իջեցնելով։ Իհարկե երկու դեպքերի պատճառներին կարելի է մանրամասն անդրադառնալ՝ նշելով այն պայմանների ողջ ամբողջությունը, որ հանգեցրել է նման իրողությունների, սակայն այստեղ ավելի մտահոգիչ է այլ բան. այս անորմալ իրավիճակը մեզ համար արդեն վաղուց դարձել է շատ նորմալ... Նյութի աղբյուր՝ https://www.facebook.com/alen.ghevondyan/posts/10211097558860467 ...

    Կարդալ ավելին
  • Կարծում եմ պետք է ֆիքսել, որ պատմականորեն «առաջինը քրիստոնեություն ընդունելու» թեզը դա փաստարկ չէ, որ հաստատում է առավել քրիստոնյա լինելու հանգամանքը: Դա միայն մեզ ներկայացվող պատմական փաստ է: Հավանաբար մեր հոգևոր դասը պետք է ֆիքսի այս պարզ իրողությունը, իսկ նրա ներկայացուցիչները նոր, առավել մրցունակ և կիրառելի փաստարկներ գտնեն ու կիրառեն իրենց հոգևոր հետևորդների հավատքի ու արժեքաբանության հարցում աջակից լինելու տեսանկյունից:  Վերջապես եկեղեցին պետք է արձանագրի, որ իր դերի ու նշանակության չկորստի համար պետք փոխվի ու իր սոցիալական գործիքակազմում զգույշ ու շատ հասցեական բարեփոխումներ գործարկի, իր շարքերը զտի, գործունեության ձևերը փոփոխի: Եվ ամենակարևորը. բարոյագիտություն ու հումանիզմ քարոզողն առաջինը ինքը, իր կենցաղվարմամբ, իր հանրային ու խմբային վարքով դրա կրողը պետք է լինի, հակառակ դեպքում ուղղակի կձախողի: Նյութի աղբյուր՝ https://www.facebook.com/alen.ghevondyan/posts/10211097346295153 ...

    Կարդալ ավելին
  • Վերացարկվելով վերջին շրջանում ակտիվացած «տարկետման վերացում - գիտության չզարգացում» թեմայից և կենտրոնանալով շատ-շատերի կողմից անուշադրության մատնված ՀՀ 2018-ի բյուջերում գիտության ծախսերի կրճատման կոնտեքստի վրա՝ ինձ թույլ տամ մի քանի դիտարկումներ. - Հավանաբար նախ պետք է գիտության ոլորտի ու հատկապես գիտնականների հաշվառում անել՝ ելնելով այն դիտարկումից, որ գիտական աստիճան ունեցող ամեն անհատ չէ, որ գիտնական է և սահմանել չափորոշիչներ հասկանալու, թե ովքե՞ր ունենք գիտության ոլորտում... - Ըստ ոլորտների պատվերներ իջեցնել պետությունից գիտական հանրույթի ամենատարբեր սեգմենտներ՝ պահանջելով շոշափելի ու առարկայական «պրոդուկտ»: Ակադեմիական գիտությունը պետք է տրանսֆորմացվի առարկայական օգուտ տվող գիտության: -Մյուս կողմից առավել ակտիվ քայլեր պետք է ձեռնարկվի մասնավոր հատված-գիտություն փոխշահավետ կապ ստեղծելու առումով: Այս մասով կարծես արդեն ինչ-որ նախադեպեր ունենք: - Գիտության այն ոլորտներում, որտեղ կարճաժամկետ պրոդուկտ տալը հնարավոր չէ, սահմանել մոնիթորինգ և փորձել հետազոտության ակնկալվող արդյունքերը կոմերցիոնալիզացնել: - Պետական ու հանրային կառավարման ոլորտի բոլոր ստորաբաժանումների և գիտական հիմնարկների միջև մշակել օպերատիվ ու արդյունավետ գործակցության մեխանիզմներ: - Հավանաբար կլինեն հետաքրքիր այլ դիտարկումներ էլ, որ տեղ չգտան վերոնշյալում, այնպես որ այս շարքը հավանաբար հնարավոր է նաև շարունակել: Ու ամենակարևորը՝ երբ իջեցված պատվերները չեն կատարվի պատշաճ կերպով ու անհրաժեշտ ժամկետներում, երբ գործակցությունը «պետություն-գիտության ոլորտ» իրականություն չի դառնա, նոր միայն Գործադիրը հիմքեր կունանա գիտության ոլորտի բյուջեն լեգիտիմ ու հիմնավոր կերպով շոշափելիորեն կրճատել՝ ուղղելով այն այլ առաջնահերթությունների: Նյութի աղբյուր՝ https://www.facebook.com/alen.ghevondyan/posts/10210734421062249 ...

    Կարդալ ավելին
  • Չխորանալով Ժնևում տեղի ունեցած այսօրվա հանդիպման քաղաքական, տարածաշրջանային, քարոզչական, գործընթացային կամ այլ օրակարգի ու «արդյունքների» մեջ՝ զուտ մարդկային առումով ավելի հետաքրքիր է մեկ այլ բան: Երբ օրեր առաջ Ալիև Կրտսերն ասում էր, թե «ապրիլին լավ դաս է տվել հայկական կողմին», չէր մտածում, որ ակնկալվող հանդիպման ժամանակ ՀՀ նախագահն իրեն կարող է և հարցնել, թե՝ տղա ջան, էդքան զոհ ու վիրավոր տալով դու էդ ո՞ւմ ես դաս տվել կամ ինչ խնդիր ես լուծել: Վերջիվերջո, երկուսն էլ հստակ գիտեն, թե իրականում ադրբեջանական կողմը որքան զոհ ու վիրավոր է տվել, ու տղայական քարոզչական դրսևորումներն այս դեպքում քմծիծաղ են առաջացնում: Նյութի աղբյուր՝ https://www.facebook.com/alen.ghevondyan/posts/10210505750065617 ...

    Կարդալ ավելին
  • Խաղաղության պարտադրման գործողություններում ամենաբարդն այնպիսի ռազմավարություն մշակելն ու իրականացնելն է, որ մի կողմից արդյունավետ կերպով ստիպես թշնամուն չկրակել, մյուս կողմից՝ չանցնես այն սահմանը, որը կհանգեցնի լայնածավալ գործողությունների վերսկսմանը: Ամենաբարդը միշտ էլ սահմանը որոշելն է, քանի որ մեզ համար դա զինվորի, սպայի անվտանգության հարց է, հակառակորդի համար՝ քաղաքական դիվիդենտի խնդիր: Ու կարծես դեռ արդյունավետ բանաձև այս հարցում մենք չենք մշակել: Նյութի աղբյուր՝ https://www.facebook.com/alen.ghevondyan/posts/10209732787222029 ...

    Կարդալ ավելին
  • Գրեթե բոլոր երկրներում բանակը փակ համակարգ է: Դա օբյեկտիվ, ընկալելի, տրամաբանված իրողություն է: Սակայն բանակի փակ համակարգ լինելը, բացի նրանից, որ կապված է այդ ինստիտուտի գործառնման հետ, կարող է նաև հանգեցնել այդ նույն ինստիտուտի ռեգրեսին, երբեմն նրա գործառնման արդյունավետության նվազմանը: Հաճախ ներքին անխուսափելի խնդիրները, կառուցվածքային ու կազմակերպչական ոչ բավարար արդյունավետ կանոնակարգերը, այդ ոլորտի որոշ սուբյեկտների անհատական անպատասխանատվությունը և մի շարք այլ հանգամանքներ, որոնց մի մասը բանակին է հասել որպես «ժառանգություն», մյուս մասը՝ ներթափանցել է հասարակական հարաբերություններից ու ոչ միշտ արդյունավետ մենեջմենտի՝ տարիներ շարունակ ձևավորված «բարի» ավանդույթներից, բանակի նման փակ համակարգերում ունենում են քայքայիչ ազդեցություն: Նման հանգամանքներով է պայմանավորված, որ բանակը դառնում է խիստ պահպանողական, արտաքին ազդակներին պասիվ արձագանքող, երբեմն լճացած կառույց, որը քայլ առ քայլ կարող է կորցնել իր մարտունակությունն ու ամբողջականությունը՝ ինչ-որ մի հանգրվանում մեծ, երբեմն՝ արդեն անլուծելի խնդիրներ ստեղծելով պետության ու անգամ պետականության պահպանման առումներով: Հետևաբար, բանակում առկա խնդիրները պետք է լուծել. լուծել օբյեկետիվ ինֆորմացիայի ու հետևողական որոշումների հիման վրա: Հենց այս կոնտեքստում (ինչպես նախկինում էլ ինքս մի շարք անգամներ նշել եմ) ամենից կարևոր դերակատարումն ունեն համակարգի(բանակի) հետադարձ կապը և առկա իրավիճակն առավել արդյունավետ դարձնելու կամք ու ցանկություն ունեցող թիմի առկայությունը: ՀՀ ցանկացած Պաշտպանության նախարար պետք է համակողմանի իրազեկ լինի, թե ՀՀ ԶՈՒ-ում ի՞նչ է կատարվում ոչ միայն իր ենթակա-սպաների զեկուցագրերից, այլ տեղեկության առաջնային աղբյուր հանդիսացող զինծառայողներից: Սա, կարծում եմ, առաջին հերթին պետք է բանակում խնդիրների լուծման, հասցեական ու թիրախավորված բարեփոխումներ անցկացման առումով: Կախված նրանից, թե որքան ՀՀ ՊՆ-ի որոշում ընդունող օղակների ու զինծառայողների միջև հետադարձ կապը կլինի ակտիվ ու օբյեկտիվ, այնքան բանակի՝ մարտունակության ու արդյունավետության բարձրացման հիմքով նախաձեռնած փոփոխություններն առավել թիրախային ու լիարժեք կլինեն, այնքան սպան ու զինվորը կարող են առավել միաբան ու արդյունավետ աշխատել, տնտեսական ռեսուրսներն ու նյութական բազան առավել թիրախային կծախսվեն, ռազմական կանոնակարգերն առավել հասցեական, իսկ զինծառայությունը առավել արդյունավետ կլինեն: Կարծում եմ հենց նման խնդիրների լուծմանն էր ուղղված ՀՀ ՊՆ-ի կողմից առաջադրված «Դիտակետ» սոցիոլոգիական հարցումների ծրագիրը, որի մասին նաև այսօր իր ասուլիսում խոսեց ՀՀ ՊՆ նախարար Վ.Սարգսյանը: ՀՀ ՊՆ նոր նախաձեռնությունը զինծառողներին ծառայության ավարտից հետո հնարավորություն է տալիս անանուն սոց.հարցման միջոցով նշել ու բարձրաձայնել իրենց ծառայության ընթացքում առկա խնդիրների, թերացումների ու բացթողումների մասին:  Ինֆորմացիան, սոցիոլոգիական ֆիլտրման գործիքակազմի միջոցով մշակման ենթարկվելուց հետո, կարող է կարևորագույն ու շատ անհրաժեշտ գործիք դառնալ բանակում իրական վիճակի մասին օբյեկտիվ ու այլընտրանքային տեղեկատվություն ստանալու, դրա հիմքով, հետևություններ ու փոփոխություններ նախաձեռնելու/իրականացնելու համար: Նյութի աղբյուր՝ https://www.facebook.com/alen.ghevondyan/posts/10209667130540653 ...

    Կարդալ ավելին
  • Զեյթունի «Երևան Սիթի»-ի մուտքի մոտ կոկիկ հագնված ալեհեր մորուքավոր տղամարդը, երբ սիգարետի մնացուկ է հավաքում, ուրեմն իր վրա կառավարման պատասխանատվություն ստանձնած իշխանության թիմն առնվազն մի քանի անգամ առավել ջանք, եռանդ ու կամք պետք է գործադրի իրավիճակը փոխելու ուղղությամբ... Հ.Գ. Ու երբ դու, առանց բառ արտասանելու, մի քանի թղթադրամ ես դնում նրա գրպանը, նա հայացքն է փախցնում, որ չնայի աչքերիդ մեջ... Հեչ լավ չի... Նյութի աղբյուր՝ https://www.facebook.com/alen.ghevondyan/posts/10209580251488731 ...

    Կարդալ ավելին
  • Մեր մեծագույն խնդիրներից մեկն էլ այն է, որ մենք շատ ենք սիրում թերագնահատել մեր հակառակորդին, ստորացուցիչ ու սուբյեկտիվ որակումներ տալ նրան:  Էդպես որակումներ տալով էլ մեր «անուղեղ» հարևանը կարողանում է հասնել նրան, որ ոչ միայն իր մոտ է փակում ԵԱՀԿ գրասենյակը, այլ նաև, չնայած հայկական կողմի մեծագույն ջանքերին, նաև հասնում է նրան, որ մեզ մոտ էլ այդ նույն գրասենյակը փակվի: Իրականում դա շոշափելի հարված է մեզ ու հատկապես ԵԱՀԿ-ին: Ադրբեջանը քայլեր է ձեռնարկում,որով գործնականում փաստում է, որ ԵԱՀԿ ֆորմատին այլընտրանքեր է փնտրում ու իրողություններ է ֆիքսում, որոնց պայմաններում կարծես ԵԱՀԿ-ն էլ մի տեսակ խաղից սկսում է դուրս մնալ: Այսօր փաստորեն եվրոպացիները լծակ չունեն ազդելու Բաքվի վրա: Ու դա շատ լավ երևաց նաև վերջին սահմանային միջադեպի վերաբերյալ նրանց հասցեական քննադատական գնահատականներում: Բան, որ երբևէ տեղի չէր ունեցել: Իսկ մեր արձագանքը ոչ թե ոգևորության հարթակում պետք է լիներ, այլ ավելի շատ մտահոգության, քանի որ կարծես ռեգիոնալ հարթակում լուրջ սրացումների ենք ականատես լինելու, որտեղ գոնե երկու խաղացողի՝ Թուրքիայի ու Ադրբեջանի մասով ունենք առավելապես անկառավարելի «գործընկերներ»:  Ու հիմնական հարցը...գիտե՞նք ինչ ենք անելու, թե՞ ըստ իրավիճակի... Նյութի աղբյուր՝ https://www.facebook.com/alen.ghevondyan/posts/10209334334420958 ...

    Կարդալ ավելին

ՖԲՀ

Քաղաքականություն