• Կարպիս Փաշոյան
  • Երկրորդ աշխարհամարտում Մեծ Բրիտանիայի հաղթանակը վերագրվում է Չերչիլին, Վիետնամական պատերազմում վիետնամցիների ազատագրական պայքարը վերագրվում է Հո Շի Մինին, Եգիպտոսից անգլիացի գաղութարարների դուրս մղումը և Սուեզի ջրանցքի ազգայնացումը վերագրվում է Գամալ Աբդել Նասերին և այլն, իսկ Ղարաբաղյան պատերազմում հայկական կողմի հաղթանակը բացառապես վերագրվում է հայ զինվորին և մասնավորապես նրա գենին, բայց ոչ երբեք Լևոն Տեր-Պետրոսյանին:  Հայաստանը 90-ականներին նախագահ, վարչապետ, պաշտպանության նախարար, դիվանագետներ չի ունեցել, նախագահը պատերազմից անտեղյակ Բաբկեն Արարքցյանի հետ նախագահականում շախմատ է խաղացել, և այդ նույն ժամանակ մի խումբ մորուքավոր հերոսներ գնացին և Արցախը ազատագրեցին: Նյութի աղբյուր՝ https://www.facebook.com/karpis.pashoyan/posts/1199424370151589 ...

    Կարդալ ավելին
  • Վերջին ժամանակներում Հայաստանը կայացած պետության տպավորություն չի թողնում:  Կարծես թե, ինչ-որ պայմանական աշխարհագրական տարածքում ինքնավարություն հռչակած ու զինյալ խմբերի հաշվին գոյատևող հանրույթ լինենք՝ առանց պետական ինստիտուտների և պետականությանը բնորոշ խաղի կանոնների:  Այս բնորոշումները ըստ էության պետք է ավելի համապատասխան լինեին PKK-ին կամ էլ Իրաքի հյուսիսում Քուրդիստանի ռեգիոնալ կառավարությանը, բայց ոչ երբեք 25 տարվա ընթացք ունեցող Հայաստանի Հանրապետությանը:  Եթե Իրաքի քրդերը փող հավաքեն փեշմերգայի (զինյալ խմբերի միավորում) համար, ապա ավելի քան օրինաչափ լինի, քանզի չկա պետություն, չկան համապատասխան ինստիտուտներ, բայց, եթե նույն բանը կատարվում է արդեն կայացած երկրում, ապա գործ ունենք պետականազուրկ մտածողության վերակենդանացման միտումների հետ:  Իսկապես արդեն հոգնեցրել են այդ բանակի թեմաներով, չի կարելի ամբողջ պետությունը դնել մի կողմ և ախ բանա՜կ-բանակ՜ գոռալով զզվեցնել մարդկանց ու մի հատ մտնել գրպանները:  Հա ու էս էկոնոմիկայով մենք պատերազմում հաղթողը չենք, ինչքան էլ հետույքներդ պատռեք Ձեր ոգիներով ու թասիբներով: Նյութի աղբյուր՝ https://www.facebook.com/karpis.pashoyan/posts/1177516915675668 ...

    Կարդալ ավելին
  • Եթե այսպես շարունակվի Իրաքյան բանակն իր ամբողջ զինտեխնիկան թողնելու է ռազմաճակատում: Մոսուլի մատույցները լի են ոչնչացված համերներով ու տանկերով:  Իրավամբ կարելի է նշել, որ Մոսուլը ԴԱԻՇ-ի դեմ մղվող պատերազմի իրաքյան ռազմաճակատի Ստալինգրադն է:  Այդ օպերացիայի ձախողումը խոշոր ռազմաքաղաքական հարված կլինի ԱՄՆ-ին: Նյութի աղբյուր՝ https://www.facebook.com/karpis.pashoyan/posts/1162526390508054 ...

    Կարդալ ավելին
  • 96 տարի առաջ այս օրը Արևելյան Հայաստանի ռազմաքաղաքական խոշորագույն կենտրոն Կարսն առանց լուրջ դիմադրության հանձնվեց թուրքերին: Հետագայում Հունաստանի դեմ պատերազմի ժամանակ քեմալական գեներալները պետք է ծաղրանքով և ցինիզմով հիշեին, որ հույների դեմ օգտագործվում են Կարսից բռնագրաված զենքն ու զինամթերքը: Նյութի աղբյուր` https://www.facebook.com/karpis.pashoyan/posts/1153476178079742 ...

    Կարդալ ավելին
  • Հալեպի ռմբակոծությունը «ռազմական հանցագործություն» որակելը շատ ծանոթ սցենար է: Դա այն կենսունակ մեխանիզմներից մեկն է, որը հնարավորություն կտա «օրինական» ճանապարհով Բաշար Ասադին չեզոքացնելու նույնիսկ ուժով:  Նաև փորձ է արվում վերստին պատերազմի սանձազերծման ամբողջ ծանրությունը փաթաթել գործող ռեժիմի վրա, ինչը չի համապատասխանում իրականությանը: Արդարության դեմ չմեղանչելու համար չենք կարող չնշել, որ Ասադն, այնուամենայնիվ, ունի մեղավորության իր բաժինը, բայց ոչ այն տեսքով, ինչ ներկայացվում է: Նյութի աղբյուր՝ https://www.facebook.com/karpis.pashoyan/posts/1146236478803712 ...

    Կարդալ ավելին
  • Հոկտեմբերի 4-ը Ռուսաստանի պատմության ամենադաժան օրերից մեկն է: 1993 թ. հենց այդ նույն օրը երկիրը կանգնած էր քաղաքացիական պատերազմի և մասնատման սպառնալիքի առջև: Մոսկվան վերածվել էր մարտադաշտի, որտեղ կառուցվում էին բարիկադներ, ազատորեն շրջում էին տանկեր, մի խոսքով՝ շունը տիրոջը չէր ճանաչում: Շատերը Ռուսաստանում չեն կարողանում ներել Ելցինին պառլամենտի վրա կրակ բացելու հրաման տալու համար: Բայց համանման որոշման այլընտրանքը նույնիսկ տարիների հեռավորությունից չի նշմարվում: Պետք էր մի կերպ սահմանափակել այդ պառլամենտի իշխանությունը, որը վտանգ էր ներկայացնում ոչ միայն Ռուսաստանի, այլ նաև նախկին խորհրդային հանրապետությունների համար, այդ թվում՝ Հայաստանի: Նյութի աղբյուր՝ https://www.facebook.com/karpis.pashoyan/posts/1126989290728431 ...

    Կարդալ ավելին
  • Հայ-թուրքական, հայ-իրանական սահմանագծերի ողջ երկայնքով և Արաքս և Ախուրյան գետերի հուներով ռուսական դրոշներ են կանգնեցված:  Իսկապես, այսքան տարիների ընթցքում շատ-շատերի համար դա աննկատելի փաստ էր, իսկ այսօր, չգիտես ինչու, զորահանդեսով անցնող ռուսական դրոշը ոչ միայն նկատվեց, այլ նաև անընդունելի համարվեց: Ընդհանուր առմամբ՝ ավելի քան նորմալ պրակտիկա է, երբ որևէ կամայական երկրի զորահանդեսին մասնակցում են նաև օտար երկրների զորամիավորումները: Հիշեցնենք, որ մեր եռագույնն էլ է անցել Մոսկվայի Կարմիր հրապարակով:  Բողոքի ենթատեքստն ինձ համար հասկանալի է, բայց ընդունելի կլիներ այն ժամանակ, երբ բողոքողներն առաջին հերթին դժգոհություն հայտնեին այն փաստի դեմ, որ Հայաստանի արևմտյան, հարավարևտյան և հարավային սահմանների անվտանգությունն ապահովում են ռուսները: Բայց նրանցից շատերը հետաքրքրված էլ չեն այդ փաստով, պարզապես ինչ-որ մեկը գրել է զորահանդեսի ռուսական դրոշի մասին, մյուսներն էլ դոմինոյի տրամաբանությամբ, առանց հասկանալու տարածել ու թութակի պես կրկնել են:  Կրկնում եմ, եթե մենք համաձայն ենք, որ մեր սահմանների մի մասի անվտանգությունը պետք է ապահովեն ռուսական զորքերը, ապա զորահանդեսին նրանց մասնակցությունն ավելի քան նորմալ է, իսկ եթե չենք ընդունում, ապա եկեք առաջին հերթին պայքարենք առաջին փաստի դեմ, այլ ոչ թե հրապարակով անցնող ինչ-որ դրոշի:  Ես վստահ եմ՝ ասածիս իմաստը ոչ բոլորը կհասկանան, բայց մի տեսակ սա իմ խնդիրը չէ: Նյութի աղբյուր՝ https://www.facebook.com/karpis.pashoyan/posts/1111948965565797 ...

    Կարդալ ավելին
  • Վենեսուելայում իրավիճակը բավականին խճճված է: Չավեսի հետնորդ Մադուրոյի «գահը» երերում է: Իրադարձությունների վերաբերյալ լայն քննարկում է սկսվել նաև Ռուսաստանում: Շատերը պնդում են, որ ամեն կերպ անհրաժեշտ է աջակցել Մադուրոյի ռեժիմին, ինչպես ժամանակին Խորհրդային Միությունը փրկեց Կաստրոյի ռեժիմը Կուբայում: Նույնիսկ խոսվում է զինված աջակցության մասին: Բայց, ինչպես միշտ, իր առաջարկներով փայլել է Դուգինը։ Նա սկզբում պնդում էր, թե Վենեսուելան պետք է դառնա ՀԱՊԿ-ի անդամ, իսկ հիմա էլ առաջարկում է, որ լատինամերիկյան երկիրը դառնա Եվրասիական տնտեսական միության անդամ:  Ծերուկը գնալով ավելի մառազմատիկ է դառնում, բայց Եվրոպայում և Ամերիկայում հետազոտողները դեռևս զարմանալիորեն շարունակում են նրա մտքերին հղում անել: Նյութի աղբյուր՝ https://www.facebook.com/karpis.pashoyan/posts/1109549095805784 ...

    Կարդալ ավելին
  • Օրինակ Ռայան Գիգսը ֆուտբոլի պատմության լավագույն ֆուտբոլիստներից է, բայց նա դատապարտված էր խաղալու Ուելսի միջակ հավաքականում, չնայած, որ ժամանակին կարող էր ընտրել Անգլիայի հավաքականը: Բայց նա չգնաց այդ քայլին և հանուն հարազատ թիմի ստվերեց իր կարիերան: Հիմա նույնը Մխիթարյանի դեպքում է, իսկապես նա բարձրակարգ ֆուտբոլիստ է և Հայաստանի նման թույլ, անհեռանկարային հավաքականում խաղալը «խաչի» պես մի բան է և նա դատապարտված է տանել այն: Նյութի աղբյուր` https://www.facebook.com/karpis.pashoyan/posts/1100354900058537 ...

    Կարդալ ավելին
  • Ես չեմ հասկանում այն փորձագետներին, որոնք հանգիստ տոնայնությամբ պնդում են, թե Հայաստանը հաղթել է Ապրիլյան պատերազմում: Սա ավելի շատ հիշեցնում է Առաջին Հանրապետության տարիներին արմատացած անպարտելիության այն հիվանդագին միֆը, որը փուչիկի պես պայթեց Հայ-թուրքական պատերազմի հենց առաջին օրերին: Փորձագիտական մակարդակով շարունակեք հանրության աչքերին թոզ փչել, ամենամարտունակի ու ամենահզորի մասին հեքիաթներ պատմեք, մինչև այդ միֆն էլ փուչիկի պես մի օր կտրաքի:  Այն մարդիկ, որոնք պնդում են, թե զինվորի մինչև վերջ կռվելու պատրաստակամության գործոնի հաշվին հնարավոր է պատերազմ հաղթել, առաջին հերթին հանցագործություն են գործում հենց այդ զինվորների նկատմամբ: Այսինքն նրանք ամբողջ պատասխանատվությունը հաջողության, թե անհաջողության դեպքում գցում են շարքայինների վրա, այն դեպքում երբ իրական պատասխանատուները քաղաքական իշխանություններն են ու բարձրագույն հրամանատարությունը, որոնք չգիտես ինչու չեն ուզում պատասխանատվություն կրել: Իսկ փորձագետներն էլ անուղղակիորեն հաստատում են անպատասխանատվության այդ կարգավիճակը, պնդելով թե մենք կղահթենք, որովհետև զինվորները սուբյեկտ են տարածաշրջանում: Զինվորը չի կարող սուբյեկտ լինել, չի կարելի նրա դերը գերագնահատել, որքան էլ այն մեծ լինի: Ապրիլյան պատերազմում մենք չենք հաղթել և չենք էլ հաղթի ապագա պատերազմում, քանի դեռ չունենք որակյալ քաղաքական իշխանություն և ըստ պատշաճի իրավիճակին տիրապետող բարձրագույն հրամանատարություն: Նյութի աղբյուր՝ https://www.facebook.com/karpis.pashoyan/posts/1096669523760408 ...

    Կարդալ ավելին
Загрузка...

ՖԲՀ

Քաղաքականություն

  • /uploads/photos/DYEgLel8pFKFMB5escp2.jpg

    Սեպտեմբերի 25-ին Իրաքյան Քրդստանում սպասվող անկախության հանրաքվեն անհանգստացնում է նաև մեր արևելյան հարևաններին... Ալիևյան կայքերից մեկը հարցազրույց է վերցրել այդ հարցի վերաբերյալ ԱԳԱԱ Արևելագիտության ինստիտուտի տնօրեն,Միլլի Մեջլիսի փոխխոսնակ Գյոհար Բախշալիևայից...Բոլորը գիտեն,որ ադրբեջանա-թուրքական պատմագրությունը բացարձակ կապ չունի իրական պատմագրության հետ...Բայց տիկին Գյոհվարի պատմության իմացությունն այնքան անմիջական պրիմիտիվ է,որ չզարմացա,որ այս անձը ադրբեջանցի ակադեմիկոս է...Այո՛,սա է ազերի ակադեմիկոսի գիտելիքների պաշարը... Անդրադառնալով Իրաքյան Քրդստանում սպասվող հանրաքվեին,Գյոհվար խանումը նախ նշել է,որ Ադրբեջանը կտրուկ պայքարում է անջատողականության դեմ և չի ճանաչելու Քրդստանի անկախությունը..."Այդ հարցում մենք պետք է հետևենք Թուրքիայի դիրքորոշմանը...",-ասել է ազերի ակադեմիկոսուհին...Ու այստեղ ավարտվում է ազերի գիտնականի քիչ թե շատ մեղսունակ և տրամաբանական պատասխանները... Անդրադառնալով Քրդստանի անխախության ճանաչման հարցին Գյոհար Բախշալիևան ասում է."Քրդստանը կարող է չճանաչվել որպես անկախ երկիր,քանի որ նրա հարևանները կտրականապես դեմ են դրան... " Պարզվում է,ըստ Գյոհվարի,որևէ ազգի կողմից ձևավորված անկախ երկիրը ճանաչում է գտնում,եթե նրա հարևաններն են ճանաչում կամ նրան լավ են վերաբերվում...Համոզված եմ,որ տիկին Գյոհվարը շատ քիչ օրինկաներ կբերի,քանի որ շատ պետություններ իրենց անկախությունը հռչակելուց հետո մեծ խնդիրներ են ունեցել հարևանների հետ...Գյոհվար խանումի համար դա անհասկանալի է,քանի Ադրբեջան անունով պետությունը սկուտեղի վրա է ստացել այդ անկախությունը... Հետագայում տիկին գիտնական-երեսփոխանը հիշեցրել է,որ քրդերը նաև աչք են դրել Ադրբեջանի տարածքների վրա՝պատճառաբանելով,որ ժամանակին Ադրբեջանի տարածքում եղել է Կարմիր Քրդստան ինքնավարությունը...Ու այստեղ սկսվում է ամենահետաքրքիրը...Ըստ Գյոհվարի,այդ ինքնավարության ստեղծումը և գոյատևումը ոչ մի կապ չունի քրդերի հետ..."Այո,20-ական թթ-ներին այդտեղ մի քանի հազար քուրդ է ապրել և բոլշևինկերը որոշել են նրանց համար քրդալեզու դպրոցներ բացել...Այդ տարածքի բնակչության ընդամենը 17% է քրդերեն խոսել...Սխալ կարծիք կա,որ Քելբաջարի,Զանգելանի,Կուբաթլուի և Լարինի շրջանի բնակիչները եղել են քրդեր...Դա այդպես չէ...Այդտեղ բնակվել են թյուրքեր և ոչ ոք չի տիրապետել քրդերենին...Պարզապես ժամանակին,հայերին հաջողվել էր համոզել բոլորին և նույնիսկ մեզ,որ այդտեղ հնուց բնակվել են քրդեր...",-զայրացած հայտարարել է Գյոհար Բախշալիևան... Նախ,ազերի ակադեմիկոսն անկեղծանում է,որ իրենք պատմություն չունեն և չգիտեն...Նրանք փաստերով չեն խոսում...Նրանց մոտ հնարովի է ամեն ինչ և համոզելու վրա է հիմնաված...Երկրորդը,կրկին հայերին է փորձում մեղադրել մի բանի մեջ,որի արդյունքում հայերը ևս տուժել են,քանի որ այդ Կարմիր Քրդստանը ձևավորվել է Արցախի պատմական տարածքում... Հիշեցնեմ,որ Արցախի Հանրապետության արևմուտքը քրդերով է բնակեցվել 16-17 դդ-ում պարսից Սեֆյանների կողմից,որոնց գլխավոր նպատակն է եղել թուլացնել Արցախի հայկական մելիքությունները և փոխել տարածաշրջանի ժողովրդագրական պատկերը...Դա նրանց կիսով չափ հաջողվել է...Մահմեդական զանգվածը դաշույնի պես մխրճվել է Արցախի և Սյունիքի մեջտեղը...Կոմունիստների ջանքերով 1923-29 թթ-ին ձևավորվեց Կարմիր Քրդստան մարզը Ադրբեջանի կազմում,որտեղ,ըստ անկախ տվյալների,որից ազերի ակադեմիկոսը կարող է շատ վատ զգալ իրեն,բնակչության 73 % կազմում էին քրդերը,իսկ 26 % ՝ ադրբեջանցիները...1926 թ-ի դրությամբ Կարմիր Քրդստանի բնակչությունը կազմել է 51200 մարդ...Ինչ վերաբերվում է քրդերի եկվոր լինելու փաստին,ապա դրան մանրամասն անդրադարձել է հայտնի խոհրդային գիտնական Ե.Պչելինան,ով 1924-ին մեծ ուսումնասիրություններ է կատարել Կարմիր Քրդստանում... Զարմանալ կարելի է...Ինչու՞ պետք է պատնական Հայաստանի տարածքը հայերը քրդերին նվիրեին և ազերիներին համոզեին,որ այդտեղ պատմանակնորեն քրդեր են բնակվել... Խեղճ արևելագիտություն,որ աշխարհում կա Գյուհվարի նման ակադեմիկոսներ... Նյութի աղբյուր՝ https://www.facebook.com/gagik.hambaryan/posts/1460018350748776

    Կարդալ ավելին