• Բաբկեն Թունյան
  • Գնաճի մասին մի նկատառում անեմ։ Ոչ խոսելու եմ գնաճի ցուցանիշից, ոչ առանձին ապրանքների գներից։ Սպասումների մասին եմ ուզում ասել։ Հանրապետության նախագահը հունվարի 10-ին խորհրդակցություն հրավիրեց՝ գնաճի ու դրա ազդեցությունը մեղմելու վերաբերյալ։  Ազգային ժողովն էլ ամսի 23-ին լսումներ է հրավիրել գնաճի թեմայով։ Իմ կարծիքով, թե՛ խորհրդակցությունը, թե՛ լսումները հակառակ էֆեկտ ունեն։ Դրանք գնաճային սպասումներ են ձևավորում։ Եթե գնաճի մասին շատ են խոսում՝ էն էլ իշխանության նախաձեռնությամբ, բարձր ատյաններում, դա ընկալվում է որպես անուղղակի մեսիջ, որ գնաճի հարցը լուրջ է, որ գները կարող են «թռնել»։  Իսկ գնաճային սպասումները կարող են իրո՛ք գնաճ սադրել (ոնց որ 2014-ի դեկտեմբերի փոխարժեքային խուճապն էր): Չեմ ասում՝ ընդհանրապես պետք չի էդ մասին խոսել, բայց էս անհանգիստ հրապարակային աժիոտաժը օգուտ չի տալու։ Էդքանի փոխարեն պետք էր նախապես հասարակությանը նորմալ նորմալ նախապատրաստել Հարկային օրենսգրքի ու ԵԱՏՄ մաքսատուրքերի ազդեցության մասին, ու առանց ավելորդ աղմուկի՝ խոշոր տնտեսվարողներին զգուշացնել, որ «չառիթավորվեն»: Նյութի աղբյուր՝ https://www.facebook.com/babken.tunyan/posts/1065274933613456 ...

    Կարդալ ավելին
  • Իսկ հիմա՝ ավելի լուրջ, ծխախոտի թեմայով Ծխախոտի թանկացումը ոչ Լևոն Ալթունյանն է որոշում, ոչ մեկ ուրիշը։ Ու պատճառն էլ առողջության հետ կապ չունի։ Թանկանալը լինելու է ակցիզային հարկի բարձրացման միջոցով, իսկ ակցիզային հարկի դրույքաչափը պայմանավորված է ԵԱՏՄ-ին մեր անդամակցությամբ։ Մի ալարեք, կարդացեք։ Ուրեմն, Հայաստանում դրույքաչափը ԵՏՄ անդամ մյուս երկրների համեմատ ցածր էր, և Հայաստանը պետք է մի քանի տարիների ընթացքում առաջանցիկ տեմպերով բարձրացներ այդ հարկի դրույքաչափը: Ըստ այդմ մշակվել է մեր Հարկային օրենսգիրքը։ ՀՕ-ով նախատեսվում է, որ 2017-2021թթ. ամեն տարի ծխախոտի ակցիզային դրույքաչափը 15%-ով պետք է բարձրանա: Բացի դրույքից, նաև հարկման մեխանիզմն է փոխվում։ Ակցիզային հարկը ոչ թե միայն ֆիքսված բաղադրիչ է ունենում, այլ նաև արժեքային բաղադրիչ: Որքան թանկ սիգարետ, այնքան շատ հարկ։ Այսինքն, եթե արժեքը բարձրանում է, հարկի բեռը նույնպես բարձրանում է։ Բայց էս ամենով հանդերձ, 2021 թվականին Հայաստանում ծխախոտի ակցիզային հարկն ավելի ցածր պետք է լինի, քան Ռուսաստանում, որովհետև Հայաստանն ավելի ցածր եկամտային խմբում է, քան Ռուսաստանն ու Ղազախստանը։ Էնպես որ, ոչ առողջապահության նախարարը, ոչ էլ անգամ վարչապետն ու նախագահը էս հարցում ինքնուրույն որոշումներ չեն կարող ընդունել։ Ինչ առողջություն, ինչ ծխելու դեմ պայքար... Բարի գալուստ, ԵԱՏՄ )) Հ.Գ.- Ի դեպ, ավելացնեմ, որ սիգարետի թանկանալուց արտադրողն ու ներմուծողը չեն շահում։ Ավելցուկը ակցիզային հարկն է, որը գնում է պետական գանձարան։ Դրա համար սիգարետի ներկրմամբ զբաղվող գործարարները հեչ ուրախ չէին Հարկային օրենսգրքով։ Նյութի աղբյուր՝ https://www.facebook.com/babken.tunyan/posts/937446303062987 ...

    Կարդալ ավելին
  • Քանի որ թեմայի քննարկումը շատ ակտիվացավ ու սկսեց նաև սխալ ուղղությամբ գնալ, մի 2 բան ասեմ որպես էս թեմաներին տեղյակ մարդ։ Ուրեմն՝ քոմենթ ու ստատուս գրողներից ոչ մեկի սիրտը էդ ծառերի համար էնքան չի ցավում, ինչքան թաղապետի։ Սա ասում եմ հաստատ, որովհետև ինքը իմ ընկերն է, ու ես գիտեմ, թե իր թաղամասի ամեն կանաչի ու ամեն ուրիշ բանի համար ոնց է մտահոգվում։ 2-րդ՝ էդ, որ ասում էին՝ բա թող հետևեին, չկտրեին։ Թաղապետարանի աշխատանքն ավարտվում է երեկոյան 18:00-ին։ Շուրջօրյա հերթապահող շրջիկ խմբեր չունեն, որ հսկողություն անեն ու կանխեն։ Պետք չի պատասխանատվությունն ու գործառույթները խառնել։ 3-րդ՝ ոնց պատահեց, որ 20 հատ ծառ հատվեց, ու հարակից շենքերից ոչ մեկի բնակիչները կամ անցորդները չտեսան ու չահազանգեցին ոստիկանություն։ Գործ տալը սխալ է, բայց հետո քլնգելը ճիշտ, չէ՞։ 4-րդ՝ ամենակարևորը։ Անգամ ամենախիստ հսկողության դեպքում կարող են ապօրինություններ լինել։ Խնդիրը պատժելիությունն է։ Հիմա էս մարդը չի պարտակում, չի կոծկում, չի ասում՝ «խորը էտ ենք արել»: Հակառակը՝ ասում է, որ ապօրինություն է, որը պետք է պատժվի։ Էսքանից ավելի ի՞նչ պիտի աներ, կասե՞ք։ Ու ընդհանրապես, Դավթաշենը ամենալավ թաղամասերից մեկն է, Ռուսլան Բաղդասարյանն էլ՝ ամենաէֆեկտիվ թաղապետերից մեկը։ Արդեն նորմալ աշխատող պաշտոնյաների ու նորմալ մարդկանց հետևից եք ընկե՞լ։ Նյութի աղբյուր՝ https://www.facebook.com/babken.tunyan/posts/905668306240787 ...

    Կարդալ ավելին
  • Հարցնում ես՝ ոնց հաջողացրիք, որ ընդամենը 1-2% ձայն ստացաք, ասում ա ՀՀԿ-ն ընտրակաշառք էր բաժանում։  Ասում ես՝ ես չեմ հարցնում, թե ՀՀԿ-ն ոնց 50% ստացավ, հարցնում եմ՝ դու՞ք ինչի խայտառակ քիչ ստացաք, ձեր ձայները գողացել ե՞ն։ Ասում ա չէ, բայց ՀՀԿ-ն փող էր բաժանում ու մարդկանց զոռով բերում ընտրության։ Երրորդ անգամ ես հարցնում՝ ՀՀԿ-ն վատն ա, էդ ֆիքսեցինք, էդ մի կողմ, բայց քեզ՝ կոնկրետ քեզ ինչի՞ ընդամենը 20-30 հազար հոգի ձայն տվեցին, ասում ա՝ սա ընտրություն չէր, սա խայտառակություն էր։ Սենց էլ իդիոտիզմ?? Որ հարցնես՝ դու ինչի՞ ես էսքան իդիոտ, երևի էլի կասի՝ ՀՀԿ-ն ընտրակաշառք էր բաժանում։ Նյութի աղբյուր՝ https://www.facebook.com/babken.tunyan/posts/904660763008208 ...

    Կարդալ ավելին
  • 1. Ծառուկյան դաշինքի 15 կետերը։ Սրանք վաղուց են հրապարակվել ու իրատեսականության մասին ահագին խոսվել ա։ Բայց լիքը հարցեր դեռ պատասխանի են սպասում 2. ՀՎԿ (նախկին ՕԵԿ): Շատ նման ա Ծառուկյանենց կետերին, ուղղակի կոնկրետ թվեր չկան։ Մարդիկ նախկինի պես առաջարկում են ավանդների վերադարձ ու ռազմարդյունաբերական համալիրի զարգացում։ Պլյուս՝ ուրիշ ականջահաճո խոստումներ, օրինակ՝ առանց կանխավճարի հիպոթեկային վարկ։ Թե ոնց պիտի անեն, էս ընթացքում հուսով եմ կպարզաբանեն։ 3. ՀՀԿ - ՀՀԿ-ն իրեն առանձնապես նեղություն չի տվել։ նախընտրական ծրագրի տնտեսական բլոկն իրենից ներկայացնում է մի քանի մեջբերում կառավարության 100 օրվա գործունեության հաշվետվությունից։ Էն «ախտորոշումներով» ու «առաջիկա քայլերով»։ Թվային խոստումներ (այսքան տոկոս տնտեսական աճ,այսքան տոկոսով աղքատության նվազում) չկան։ Ընդհանուր տեսլական ա։ Մնացածին ընթացքում կանդրադառնանք։ Նյութի աղբյուր՝ https://www.facebook.com/babken.tunyan/posts/882659328541685 ...

    Կարդալ ավելին
  • Ադրբեջանցիների կողմից կոտրված պրոֆիլները նայելով՝ նկատեցի, որ իրանք պրոֆիլին տիրանալուց հետո սովորաբար փոխում են անունը (ասենք՝ «ազերի վզլոմալ») ու գլխավոր նկարը։ Մնացածը՝ իրական օգտատիրոջ նկարներն ու գրառումները, չեն ջնջում։ Չեն ջնջում, որ ապացուցեն՝ էդ պրոֆիլը ոչ թե իրենք են բացել, այլ իրոք կոտրել են ու տիրացել էջին։ Հիմա ամենատխուր բանը։ Էդ կոտրված պրոֆիլների (օրինակ՝ Սամվել Մարտիրոսյանի գրառումների տակ արածող) էջերը աչքի անցկացնելիս, իրական օգտատիրոջ նկարներին նայելով, հասկանում ես, որ հենց իրանք պիտի տուժեին։ Դեմքերից երևում ա, որ ամեն ինչի վրա քլիք անող ու առանց կարդալու ամեն պատուհանի վրա «yes» սեղմող մարդիկ են մեծ մասը)))) Միգուցե սուբյեկտիվ եմ, բայց ինձ մոտ տենց տպավորություն ա: Նյութի աղբյուր՝ https://www.facebook.com/babken.tunyan/posts/880313995442885 ...

    Կարդալ ավելին
  • Կարեն Կարապետյանի նվագելու տեսանյութը Ֆեյսբուքում դիտվել է արդեն ավելի քան 237 հազար անգամ։ Ընդամենը՝ 1.5 օրում։ Ընդ որում՝ դա միայն սկզբնաղբյուր օգտատիրոջ էջում։ Ու որ պակաս ուշագրավ չէ, արձագանքը (փոքր բացառություններով) շատ դրական էր։ Որովհետև էդտեղ ամենակարևոր մեսիջը ոչ թե էն էր, որ վարչապետը թմբկահարել գիտի կամ ինչքանով էր դա իր մոտ ստացվում, այլ էն, որ իրեն էդ տիպի բաներն են հաճույք պատճառում, ոչ թե Թաթուլ լսելով քյաբաբ ուտելը։ Այսինքն՝ սա բնավորության, ճաշակի ու կերպարի ներկայացում էր Կարեն Կարապետյանին անձամբ չճանաչող մարդկանց համար։ Եթե սա պլանավորված PR քայլ էր (ես կարծում եմ՝ էդպես է), ապա շատ հաջողված էր։ Դրայվը լրիվ ապահովվեց ) Նյութի աղբյուր՝ https://www.facebook.com/babken.tunyan/posts/792770694197216 ...

    Կարդալ ավելին
  • էկոնոմիկայի նախարարությունը վերանվանվեց Ներդրումների և ձեռնարկատիրությանն աջակցության նախարարություն։ Ըստ հիմնավորման՝ դա մեսիջ է, որ գործարարն ավելի լավ հասկանա տվյալ նախարարության բուն անելիքը։ Ըստ նույն տրամաբանության՝ կարելի է նաև անվանափոխել հետևյալ նախարարությունները։ * * * Արտակարգ իրավիճակների նախարարություն՝ Արգելափակված դռների բացման, վերելակների մեջ մնացած մարդկանց աջակցության և օձահեռացման նախարարություն Սփյուռքի նախարարություն՝ Գնացածներին տուն կանչելու, իսկ չեկողներին՝ 1000 դոլար ուղարկելու կոչ անող նախարարություն։ Աշխատանքի և սոցիալական հարցերի նախարարություն՝ Թոշակի ու նպաստի տրամադրման նախարարություն Տրանսպորտի նախարարություն Լարսի անցակետի փակ և բաց լինելու մասին տեղեկացման, Հյուսիս-Հարավ ճանապարհի ձգձգումը հիմնավորող նախարարություն Միջազգային տնտեսական ինտեգրման և բարեփոխումների նախարարություն՝ ԵՏՄ-ի հետ խուճուճ հարաբերություններով զբաղվող նախարարություն Արտաքին գործերի նախարարություն՝  Էդվարդ Նալբանդյան & Co -ի շրջագայությունների անհրաժեշտությունը հիմնավորել փորձող նախարարություն Տարածքային կառավարման և զարգացման նախարարություն՝ Մարզպետների և տեղական իշխանիկների վերահսկողության նախարարություն Նյութի աղբյուր՝ https://www.facebook.com/babken.tunyan/posts/786700844804201 ...

    Կարդալ ավելին
  • Ազատության լրագրողը էներգետիկայի և բնական պաշարների նախարար Լևոն Յոլյանից փորձում է պարզել, թե ինչպես և ինչի պատճառով է կուտակվել Երևանի ՋԷԿ-ի մի քանի տասնյակ մլն դոլարի պարտքը և արդյո՞ք այդտեղ չարաշահումներ ու կոռուպցիոն ռիսկեր չկան։  Նախարարը համառորեն փորձում է խուսափել պատասխանից՝ հարցը ուղղորդելով ուրիշ հասցեատիրոջ, ու ձեռքի հետ ասում ասում. "Ես ընդամենը ՀՀ էներգետիկայի և բնական պաշարների նախարարն եմ։ Նման հարցերի համար կան համապատասխան մարմիններ, որոնց կարող եք դիմել։ Եթե ես սկսեմ զբաղվել նման հարցերով, ես էներգետիկայի զարգացման գործերով չեմ հասցնի զբաղվել": Սա նույնն է, եթե ձեր մեքենան սկսի չափազանց շատ բենզին ծախսել, ու դուք փոխանակ պատճառը պարզեք՝ բաքը ստուգեք կամ հետևեք, թե ինչ-որ մեկը թաքուն բենզին չի՞ գողանում, սկսեք գումար հայթայթել` բենզինի ծախսի տակից դուրս գալու համար։ Պարտք անեք, տան եղած-չեղածը ծախծխեք... Ու դա էն դեպքում, երբ գիտեք, որ ձեր կողքի հարևանը գողության հետ սեր ունի։ Դրա համար էլ ունենք էն, ինչ ունենք։ Նյութի աղբյուր՝ https://www.facebook.com/babken.tunyan/posts/773697626104523 ...

    Կարդալ ավելին
  • Շատերն են քննարկում՝ ի՞նչ 10% տնտեսական աճի մասին էր խոսում Վլադիմիր Պուտինը։ Ասեմ, նա վերցրել ու իրար է գումարել 2013-ից 2015 թվականների տնտեսական աճի ցուցանիշները (2013 թվականին՝ 3.3%, 2014 թվականին՝ 3.5%, 2015 թվականին՝ 3%): Ստացվում է 9.8%, մի քիչ էլ կլորացրել է։ Բայց թե դա ի՞նչ կապ ունի ԵՏՄ-ի հետ... Միգուցե չանդամակցելու դեպքում 10%-ի փոխարեն 20% լիներ, կամ 0%: Հարցը դա չի։ Հարցը էն է, որ հանդիպումից առաջ Պուտինը կամ իր օգնականը արագ աչքի է անցկացրել թվերը, որ գոնե մի բան ասի։ Ու սա է ընտրել։ Նույն հաջողությամբ կարող էր նշել, որ, օրինակ, ԵՏՄ-ին անդամակցելուց ի վեր Սերժ Սարգսյանը 3 տարով մեծացել է։ Նենց որ, շատ մի խորացեք։ Մարդ ա, մի բան ասել ա )))) Նյութի աղբյուր՝ https://www.facebook.com/babken.tunyan/posts/761998173941135 ...

    Կարդալ ավելին

ՖԲՀ

Քաղաքականություն