• Միքայել Յալանուզյան
  • Առավոտյան մայրաքաղաքիս կենտրոնում փոքր պտույտ մը արեցի՝ Օպերայից մինչև Պուշկին-Աբովյան, հետո՝ որոշ ժամանակ անց, նույն ճանապարհով հետ։ Տպավորություն ստացա, որ կա՛մ Սանիթեքում բանվորների ու կարմիրբանակայինների հեղափոխական խորհուրդը գործադուլ է սկսել, կա՛մ էլ ոմանք հոգնել են կապիտալիստների համար աշխատելուց ու արձակուրդ են գնացել։ Մոտավորապես նույն զգացողությունն ունեցա նաև մեր շենքում։ Սպիտակող մազերս հուշում են, որ եթե աղբի տոպրակը աղբամուղը գցելուց 1.5 վայրկյան հետո լսվում է բարձր ու խուլ թրմփոց, նշանակում է աղբն արագ տեմպերով մոտենում է մեր՝ 6-րդ հարկին։ Բայց քանի որ վերջերս սկսել եմ մանր-մունր բաներից հաճախակի դժգոհել, ասեմ, որ մեր քաղաքը առավոտյան զովին շատ լավն է, դեռ չշոգած մարդիկ էլ են լավը ու ընդհանրապես, #ԿյանքըՀիասքանչԷ: Նյութի աղբյուր՝ https://www.facebook.com/m.yalanuzyan/posts/997913820311535 ...

    Կարդալ ավելին
  • Կարծում եմ՝ Թրամփը խելացի որոշում է կայացրել։ Բախտի բերմամբ Ամերիկայում հայտնված/հայտնվող մարդիկ այդ խելացի և բացառապես իր կենսական-հեռանկարային շահերով առաջնորդվող երկրում շատ օգուտ տալ չեն կարող։ Նոր որոշմամբ առավել ինտելեկտուալները կհամալրեն եղածների շարքերը։ Ավելին՝ մարդիկ հիմա կսկսեն արագորեն անգլերեն սովորել և «հարակից» գիտելիք ձեռք բերել, որպեսզի կարողանան երջանկության քննությունը հանձնել։ Ու կհանձնեն։ Կենցաղային-կարճաժամկետ կտրվածքով հաճախ հաջողություն ունենում են կիսագրագետներն ու «շուստրիները», քիչ մտածող համարձակներն ու կարիերիստները, բայց երկարաժամկետ հաջողությունը ձեռք է բերվում բացառապես ինտելեկտուալների միջոցով։ #ԶիբիլըԴեռԲուրումԱ Նյութի աղբյուր՝ https://www.facebook.com/m.yalanuzyan/posts/992533434182907 ...

    Կարդալ ավելին
  • Վարդավառին ինձ երբեք չեն ջրել (մանր-մունր դեպքերը չեմ հաշվում, ասենք՝ գնում ես խանութ ու մի պստո պզիկով ջուր է ցողում), որովհետև խուսափել եմ ջրելու հակում ունեցող մարդկային կուտակումներից։ (Ընդհանրապես, իմ սպիտակող մազերը հուշում են, որ ավելի լավ է մարդկային խոշոր կուտակումները շրջանցել, բայց դա արդեն ուրիշ պատմություն է)։ Բացի այդ, իմ դիտարկումներով, Վարդավառը միշտ լինում է ամռան ամենաշոգ օրը (Սուրենյանը թող հաստատի), այնպես որ, եթե թրջվելու առանձնահատուկ ձգտում չունեք, տանն ավելի զով է ու հաճելի։ Կիրակի օրով, էս շոգին, երբ երկնքից կրակ է թափվում, դուրս եք գալիս, որ ինչ անեք: Նյութի աղբյուր՝ https://www.facebook.com/m.yalanuzyan/posts/983055295130721 ...

    Կարդալ ավելին
  • Հեռավոր 90-ականների ամենասկզբին, բազմաթիվ թերթերից բացի, մեր երկրում ստեղծվում էին նաև վերլուծական կենտրոններ։ Կային նաև անհատ վերլուծաբաններ, ովքեր տասնյակ հոդվածներ էին հրապարակում մամուլում։ Իհարկե, այդ հոդվածները շատ ուշագրավ են և օգտակար, ավելին՝ առանց այդ հոդվածների դժվար է պատկերացում կազմել նորանկախ Հայաստանի պատմության մասին։ Օրինակ՝ արտաքին քաղաքական հարցերում վերլուծաբանները փորձում էին հասկանալ, թե ինչ ուղղություն պետք է որդեգրի Հայաստանը, ինչ զարգացումներ կարող են լինել Արցախի հարցում, հարևան պետություններում, Արևմուտքում և այլն։ Կարելի է ասել, որ փնտրտուքների ժամանակներ էին։ Այն ժամանակ նույնպես քաղաքագետներն ու վերլուծաբանները փորձում էին կանխատեսել ապագան՝ ներկայացնելով այս կամ այն խնդրի հնարավոր զարգացումները։ Հիմա 25 տարվա հեռավորությունից տեսնում ենք, որ այդ կանխատեսումների երևի 90 տոկոսը իրականություն չի դարձել ինչպես ներքին, այնպես էլ արտաքին քաղաքական հարցերում։ Նյութի աղբյուր՝ https://www.facebook.com/m.yalanuzyan/posts/960173637418887 ...

    Կարդալ ավելին
  • Դաշնակցության խմբակցության պատգամավորի ելույթը և դրա հետևանքները PR-ի առումով ճգնաժամային վիճակ են։ Այսինքն՝ եղել է դեպք (ելույթ), որը «խփում է» կուսակցության վարկանիշին (իմիջին)։ Կամ եթե չի խփում, ապա առնվազն հանրության կողմից բացասական գնահատականի է արժանացել. նույնն է, թե խփում է։ Նման դեպքերում ոչ թե պետք է քննադատել (դատապարտել) քննադատողներին, այլ կոնկրետ քայլերի դիմել։ Շուտով 24 ժամը կանցնի ելույթից, բայց չկա արձագանք. ճգնաժամը չի կառավարվում։ Ավանդաբար ճգնաժամի կառավարման համար հատկացվում է 6-8 ժամ։ Եթե ճգնաժամը չի կառավարվում, ապա այն անընդհատ շարունակվում է։ Դուք այլևս չեք կառավարում ճգնաժամը, հակառակն է։ Իհարկե, կա նաև երկրորդ տարբերակը՝ լռել, մինչև մեդիաաղմուկն անցնի (սովորաբար դա տևում է 2-3 օր, եթե նոր զարգացումներ չլինեն), կամ տեղի ունենա մեկ այլ իրադարձություն, որի վրա կշեղվի հանրային ուշադրությունը։ Ես չգիտեմ, թե որ տարբերակը կգործի այս դեպքում, բայց եթե չլինի համապատասխան արձագանք, երկար տարիներ անց «գնդակահարության պատի տակ» այս դեպքը կհիշեցնեն :) Նյութի աղբյուր՝ https://www.facebook.com/m.yalanuzyan/posts/944051355697782 ...

    Կարդալ ավելին
  • Խեղճ լինի թվային ու բանկային դարաշրջանի մարդը։ Ավելի շուտ՝ այն մարդիկ, ովքեր իրենց կամքից անկախ հայտնվել են անցումային շրջանում։ Մի 10 տարի առաջ մի կերպ բանկոմատներից օգտվելը հորով-մորով արեցին, քարտերը պահելու ձևը սովորեցին, սկսեցին աղոտ պատկերացումկազմել օնլայն առևտրի մասին։ Բայց դա դեռ ամենը չէ։ Սովորական քաղաքացին ստիպված պետք է գլուխ հանի նաև օնլայն փոխանցումներից, միջնորդ ու սվիֆթ բանկերից, բազմաթիվ գաղտնաբառերից ու տեխնիկական հմտություններից։ Երբ նամակ ես ստանում, որ Դոյչե բանկի ամերիկյան մասնաճյուղի հետ քո բանկը այլևս չի աշխատում, բան ու գործը թողած, ընկնում ես թվային Գուգլի հետևից։ Գլուխ հանելն էլ էլ ավելի դժվար է լինում, երբ բանկերի մասնաճյուղերում հեռախոս չեն վերցնում, ֆեյսբուքում գրածից չեն պատասխանում։ #ԵվԱյնուամենայնիվԿյանքըՀիասքանչԷ Նյութի աղբյուր՝ https://www.facebook.com/m.yalanuzyan/posts/930926433676941 ...

    Կարդալ ավելին
  • Գեղարվեստական ֆիլմից պատմական ճշգրտություն մի պահանջեք, մեղք է։ Գեղ. ֆիլմում կարող է լինել պատմական փաստերի և անճշտություն, և տարբերություն, և չափազանցություն, կարող է լինել տեղին ու անտեղի ողբ, լաց, ծիծաղ, մի խոսքով՝ ամեն ինչ։ Դրա համար էլ կոչվում է գեղարվեստական։ Նայած, թե սցենարիստն ու ռեժիսորը ոնց են պատկերացրել իրենց ֆիլմը։ Գեղ. ֆիլմի նկատմամբ կարելի է կիրառել միայն մի մոտեցում՝ հավանեցի կամ չհավանեցի, բայց ոչ երբեք՝ պատմություն։ Կան ֆիլմերի այլ տեսակներ՝ վավերագրական, փաստագրական։ Այստեղ արդեն վերևում նշածները չպետք է լինեն։ Մոտավորապես ըսենց։ Նյութի աղբյուր՝ https://www.facebook.com/m.yalanuzyan/posts/845065545596364 ...

    Կարդալ ավելին
  • Անկախության առաջին ձմեռը 1992թ. հունվարի 5-ից Հայաստանում ազատ են արձակվում բոլոր ապրանքների գները, բացի հացից, աղից, մածունից, մանկական սննդից, բնակարանային վարձից, ուղևորավարձից և կապի որոշ ծառայություններից։ Նախագահի 1992թ. հունվարի 4-ի հրամանագրով նվազագույն աշխատավարձը սահմանվում է 280 ռուբլի, կրթաթոշակը՝ 200 ռուբլի։ Նորածին երեխայի համար պետությունը միանվագ վճարում էր 250 ռուբլի նպաստ։ Նյութի աղբյուր՝ https://www.facebook.com/m.yalanuzyan/posts/819884864781099 ...

    Կարդալ ավելին
  • 1. Այս տեղեկությունը այս աղբյուրով դնում եմ, որովհետև սկզբունքորեն համամիտ եմ և գտնում եմ, որ պետական աշխատողները, բացի գերատեսչության տեղեկատվության և PR ոլորտի պատասխանատուներից, Ֆեյսբուքում անելիք չունեն։ Վաբշե չունեն։  2. Եթե այս տեղեկությունը իրականությանը համապատասխանում է, շատ լավ է։ 3. Եթե այս տեղեկությունը իրականությանը չի համապատասխանում, ապա արժե այնպես անել, որ հետագայում իրականություն դառնա։ #ԱյդՔաղցրԲառըՖեյսբուք «Ժողովուրդ» օրաթերթը գրում է. «Ժողովուրդ»-ի տեղեկություններով՝ արդեն երկու օր է՝ պետական կառավարման հիմնարկների բոլոր աշխատակիցներին արգելված է աշխատանքային ժամերին`9:00-ից մինչև 18:00-ն, համացանցերում ճեմել: Նյութի աղբյուր՝ https://www.facebook.com/m.yalanuzyan/posts/768929909876595 ...

    Կարդալ ավելին
  • Եթե ճիշտ եմ հասկացել, այսօր ուսուցչի տոնն է։ Ուսուցիչների շարքին միայն դպրոցի դասատունե՞րն են դասվում, թե՞ նաև բուհերի դասախոսները։  Եթե առաջին տարբերակն է, ապա պետք է անհապաղ դասախոսների օր էլ սահմանել։ ՀԳ. Տարբերություն, այնուամենայնիվ, կա՝ մեկը դաս է տալիս, մյուսը դաս է խոսում։ Նյութի աղբյուր՝ https://www.facebook.com/m.yalanuzyan/posts/757850207651232 ...

    Կարդալ ավելին
Загрузка...

ՖԲՀ

Քաղաքականություն