• Մանե Զաքարյան
  • 2016 թվականին տնտեսության մի շարք ճյուղերում արձանագրվել էին դրական ցուցանիշներ: 2016 թվականին 2015-ի համեմատ արձանագրվել է բեռնափո­խադրումների ծավալի 85.3% աճ: Նախորդ տարի միջին ամսական անվանական աշխատավարձը ավելացել էր 2.3%-ով` կազմելով 188851 դրամ: Ինչ վերաբերում է գործազրկության մակարդակին, ապա այն նվազել է 0.5 տոկոսային կետով: 2016 թվականին սպառումը 2015 թվականի նկատմամբ իրական արտահայտությամբ աճել է 1.4%‑ով: Հայաստանում նախորդ տարի արձանագրված միջին գնանկումը կազմել է 1.4%: Նյութի աղբյուր՝ https://www.facebook.com/permalink.php?story_fbid=1898138407132752 ...

    Կարդալ ավելին
  • Տուրիզմի զարգացման վրա իրենց ազդեցությունն ունեն տվյալ երկրի աղբահանության և սանիտարական մաքրման պրոցեսները: Այս ամենը հաշվի առնելով՝ պետության կողմից մեկնարկել է «Մաքուր Հայաստան» ծրագիրը, որի վերջնական նպատակն արդեն իսկ նշվում է ծրագրի անվանման մեջ: Աղբահանության և սանիտարական մաքրման ոլորտի վերաբերյալ ներկայացվել են մի շարք առաջարկություններ, որոնցից կարելի է առանձնացնել սանիտարական տեսուչների ներդրման ինստիտուտը: Սպասվում է, որ դրա վերաբերյալ մինչև տարեվերջ կլինի օրենսդրական առաջարկություն: Այդ ինստիտուտի ներդնումը բյուջեից ծախսեր չի պահանջում, քանի որ ակնկալվում է, որ կառույցի աշխատանքի ֆինանսավորումը կիրականացվի ստացվելիք տուգանքներից: Նյութի աղբյուր՝ https://www.facebook.com/permalink.php?story_fbid=1896205450659381 ...

    Կարդալ ավելին
  • Հայաստանում թանկարժեք մետաղների շուկայում վերջին ժամանակաշրջանում արձանագրվել է գնանկում 2.9%-ի չափով: Գնանկումը տարածվել է գրեթե բոլոր մետաղների վրա: Ոսկու մեկ գրամի արժեքը նվազել է 1.8%-ով, արծաթինը՝ `6.3%-ով, իսկ ահա պլատինումը շուկայում արժեզրկվել է 2.6%-ով և վաճառվում է 14237.69 դրամով: Նյութի աղբյուր՝ https://www.facebook.com/permalink.php?story_fbid=1894751820804744&id=100008098336391 ...

    Կարդալ ավելին
  • Թեհրանում Եվրասիական ֆոնդային բորսաների ֆեդերացիայի (ԵՖԲՖ, FEAS) գլխավոր ասամբլեայի արտահերթ նիստի ժամանակ գլխավոր ասամբլեան որոշել է ֆեդերացիայի գլխամասային գրասենյակը Ստամբուլից Երևան տեղափոխել: Ստանալով գլխավոր ասամբլեայի «կողմ» ձայների գերակշիռ մասը և առանց որևէ «դեմ» ձայնի առկայության՝ Հայաստանը դարձել է ԵՖԲՖ գլխամասային գրասենյակը ներկայացնող երկիր: Նշենք, որ Հայաստանը (Երևանի ֆոնդային բորսան, հետագայում «Հայաստանի ֆոդային բորսա» ԲԲԸ, իսկ այնուհետև «ՆԱՍԴԱՔ ՕԷՄԷՔՍ Արմենիա» ԲԲԸ) եղել է Եվրասիական ֆոնդային բորսաների ասոցիացիայի 12 հիմնադիր բորսաների թվում: 2016թ.-ի նոյեմբերից ՆԱՍԴԱՔ ՕԷՄԷՔՍ Արմենիան հանդիսանում է նաև ԵՖԲՖ գործադիր խորհրդի անդամ: Հայաստանը գտնվում է արևելյան և արևմտյան մշակույթների խաչաձևման կենտրոնում, ինչը մեծապես կնպաստի ֆեդերացիայի շրջանակներում գործող տարբեր քաղաքատնտեսական գաղափարախոսությունների փոխներգործությանը՝ նպաստելով ֆեդերացիայի զագացմանն ու հետագա աճին: Նյութի աղբյուր՝ https://www.facebook.com/permalink.php?story_fbid=1893742740905652&id=100008098336391 ...

    Կարդալ ավելին
  • Քայլ ձիով. բարեփոխումներ ՊԵԿ-ում ՊԵԿ համակարգի բարեփոխումը դարձել է ժամանակի պահանջ, որը թույլ կտա նվազեցնել վարչարարությունը և նվազեցնել կոռուպցիոն ռիսկերը: Այդ իսկ պատճառով կառավարությունը փոփոխություններ է կատարել նախկինում ընդունած որոշումներից մեկում՝ կոմիտեի կանոնադրության մեջ և աշխատակազմի կառուցվածքում: Այս փոփոխությամբ նախատեսվում է կատարել կառուցվածքային փոփոխություններ, որոնց իրականացման հարցում առաջնահերթ են լինելու հարկային վարչարարության կատարելագործումը, կոմիտեի համակարգի ռեսուրսների առավել արդյունավետ օգտագործումը, կոռուպցիոն ռիսկերի նվազեցումը, կոմիտեի գործառույթների առավել լիարժեք և նպատակային իրականացումը: Կառուցվածքային փոփոխություների համատեքստում նախատեսվում է լուծարել հարկային (տարածքային) տեսչությունները` վերջիններիս փոխարեն ստեղծելով թվով 3 վարչություններ, և դրանք ներառել կոմիտեի աշխատակազմի կառուցվածքային ստորաբաժանումների կազմում` որպես վերադաս հարկային մարմնի ստորաբաժանումներ: Կրճատվելու է նաև մաքսատների թվաքանակը և դրանք` որպես վերադաս մաքսային մարմնի վարչություններ: Կոմիտեի կառուցվածքային ստորաբաժանումներից նախատեսվում է լուծարել Ակցիզային դրոշմանիշերի և դրոշմապիտակների հաշվառման բաժինը` հաշվի առնելով այն հանգամանքը, որ վերջինիս գործառույթներն իրականացվելու են ստեղծվելիք Հարկ վճարողների սպասարկման վարչության, Փոքր հարկ վճարողների, ինչպես նաև Խոշոր և միջին հարկ վճարողների տեսչություն-վարչությունների կողմից: Միաժամանակ նախատեսվում է կոմիտեի աշխատակազմում ստեղծել Ոչ առևտրային կազմակերպությունների հսկողության բաժին: Նյութի աղբյուր՝ https://www.facebook.com/permalink.php?story_fbid=1893345794278680&id=100008098336391 ...

    Կարդալ ավելին
  • 2017թ-ի առաջին եռամսյակի հարկատուների ցանկում առանցքային տեղ են գրավում տեղեկատվական տեխնոլոգիաների և կապի ոլորտի ներկայացուցիչները: Հայաստանի խոշորագույն հարկատուների ցանկը կապի օպերատորների շարքում 2017 թվականի առաջին եռամսյակի արդյունքներով գլխավորում է «Արմենիա Տելեֆոն Կոմպանի» (Beeline), որը բյուջեին վճարել է 2.2 մլրդ դրամի հարկ, որից 297,9 մլն դրամ - մաքսային տուրքեր, 832,04 մլն դրամ՝ ուղղակի հարկ (շահութահարկ, եկամտահարկ) և 877.2 մլն դրամ՝ անուղղակի հարկ (ավելացված արժեքի հարկ և ակցիզային հարկ): Ընդհանուր առմամբ՝ 1000 խոշորագույն հարկատուների ցանկում «Արմենիա Տելեֆոն Կոմպանին» զբաղեցնում է 11-րդ տեղը՝ նախորդ տարվա 5-րդ տեղի փոխարեն: Ըստ ՊԵԿ-ի տվյալների՝ կապի չորս օպերատորները 2017 թվականի առաջին եռամսյակում բյուջեին ընդհանուր առմամբ վճարել են 5,4 մլրդ դրամ, որից 2.1 մլրդ դրամ՝ ուղղակի հարկ (շահութահարկ, եկամտահարկ) և 1.8 մլրդ դրամ՝ անուղղակի հարկ (ԱԱՀ և ակցիզային հարկ): Երկրորդ տեղում է «Ղ Տելեկոմը» (ՎիվաՍել-ՄՏՍ ապրանքանիշ), վճարելով 1.8 մլրդ դրամ, որից 51,5 մլն դրամ՝ մաքսային տուրքեր, 729.8 մլն դրամ՝ ուղղակի հարկ, 729.98 մլն դրամ՝ անուղղակի հարկ: Ընդհանուր առմամբ՝ 1000 խոշորագույն հարկատուների ցանկում «Ղ-Տելեկոմն» զբաղեցնում է 14-րդ տեղը, նախորդ տարվա 12-րդ տեղի փոխարեն: Երրորդ տեղում է UCom-ը, որը պետբյուջեին վճարել է 1.2 մլրդ դրամ, որից 147,1 մլն - մաքսային տուրքեր, 442,6 մլն դրամ՝ ուղղակի հարկ և 169.4 մլն դրամ՝ անուղղակի հարկ, 1000 խոշորագույն հարկատուների ցանկում զբաղեցնելով 20-րդ տեղը, անցյալ տարի`51 տեղ: Չորրորդ տեղում է GNC Alfa-ն (Ռոստելեկոմ ապրանքանիշ), վճարելով 160.4 մլն դրամի հարկ, որից 44.2 մլն դրամ - մաքսային տուրքեր, 105.5 մլն - ուղղակի հարկ և 39.9 մլն դրամ - անուղղակի հարկ, 1000 խոշորագույն հարկատուների ցանկում զբաղեցնելով 182-րդ տեղը, նախորդ տարի`135 տեղ: Նյութի աղբյուր՝ https://www.facebook.com/permalink.php?story_fbid=1885129648433628&id=100008098336391 ...

    Կարդալ ավելին
  • Հաշվի առնելով պետության կողմից պետբյուջեի ծախսերի վերաբերյալ հրապարակված տվյալները, կարելի է փաստել որ հանրապետության գանձարանի ընթացիկ ծախսերից 39.2 տոկոսը` 64.2 մլրդ դրամ, ուղղվել է սոցիալական նպաստների և կենսաթոշակների վճարմանը: Ընդանուր առմամբ կենսաթոշակները կազմել են 44.9, իսկ նպաստները՝ 19.3 մլրդ դրամ: Եթե համեմատենք այս տվյալները մեկ տարվա վաղեմություն ունեցող արդյունքների հետ, ապա կտեսնենք, որ այս տարվա ցուցանիշները աճել են 3.1%-ով կամ 1.9 մլրդ դրամով: Նյութի աղբյուր՝ https://www.facebook.com/permalink.php?story_fbid=1872075159739077&id=100008098336391 ...

    Կարդալ ավելին
  • Արցախում վերջին 10 տարիներն աչքի են ընկնում իրականացվող հատուկ տնտեսական քաղաքականությամբ, որի շնորհիվ այդ ընթացքում ապահովվել է կայուն տնտեսական աճ՝ միջին տարեկան ցուցանիշը հասցնելով մոտ 10%-ի: Այսպիսով՝ 2015 թվականի համախառն ներքին արդյունքն իրական արտահայտությամբ աճել է 9,1%-ով՝ կազմելով 438 մլն ԱՄՆ դոլարին համարժեք դրամ: 2015 թվականին մեկ շնչին ընկնող ՀՆԱ-ն կազմել է շուրջ 3 հազար ԱՄՆ դոլար՝ 4 անգամ գերազանցելով 2006 թվականի մակարդակը: Նման զարգացման պայմաններում հետաքրքրական է երկրի ՀՆԱ կառուցվածքը: Այստեղ արդյունաբերական արտադրության տեսակարար կշիռը տարեկան կտրվածքով կազմել է շուրջ 16%: Այս ոլորտի հիմնական ճյուղերն են հանքարդյունաբերությունը, մշակող արդյունաբերությունը ու էներգետիկան: 2015 թվականին արդյունաբերական արտադրանքի ծավալը կազմել է 112 մլն ԱՄՆ դոլար, ինչը 2014 թվականի համեմատ ավել է 2.5 %-ով: Դիտարկվող բոլոր տարիներին մշակող արդյունաբերության ոլորտում գերիշխող տեղ է զբաղեցրել սննդամթերքի արտադրությունը՝ կազմելով շուրջ 60% և ապահովելով ավելի քան 11% միջին տարեկան աճ: 2015 թվականին արձանագրված 9.1% տնտեսական աճի 1.8 տոկոսային կետն էլ ապահովել է գյուղատնտեսությունը, որի համախառն արտադրանքը կազմել է ավելի քան 134 մլն ԱՄՆ դոլար՝ գրանցելով 12.9% իրական աճ 2014 թվականի և մոտ կրկնակի աճ 2006 թվականի նկատմամբ: Նյութի աղբյուր՝ https://www.facebook.com/permalink.php?story_fbid=1863856687227591 ...

    Կարդալ ավելին
  • Գործադիրի նիստում ընդունվել է որոշում, որի համաձայն այսուհետ հնարավոր կլինի Հայաստանում ներկրված մեքենաները ապահովագրել հենց մաքսատան տարածքում: Սա կհեշտացնի ավտոներկրողների գործը և նրանք ապահովագրության համար հավելյալ ժամանակ չեն ծախսի: Գործընթացն ապահովելու համար մաքսատան տարածքում գործում են ապահովագրական ընկերություններ և գործակալներ: Նրանք հիմա արդեն կկարողանան քաղաքացուն մոտենալ հենց մաքսատան տարածքում: Նյութի աղբյուր` https://www.facebook.com/permalink.php?story_fbid=1859804200966173&id=100008098336391 ...

    Կարդալ ավելին
  • ՊԵԿ-ում մեկնարկել է տեխնիկապես հագեցած մոնիթորինգի կենտրոնի աշխատանքը: Այս համակարգը հագեցած է էլեկտրոնային կառավարման հատուկ համակարգով, որի նպատակը ՊԵԿ-ում իրականացվող վերլուծական եւ ռիսկերի բացահայտման գործընթացների բարելավումն է: Կենտրոնում էլեկտրոնային եղանակով իրականացվելու են ընդլայնված ու կենտրոնացված վերլուծություններ, մշտադիտարկման են ենթարկվելու իրացման շրջանառությունների հայտարարագրումը, վճարումների կատարումը և ապրանքների՝ ներմուծում-տեղափոխում-իրացում ողջ շղթան: Կատարվող աշխատանքների արդյունքում նվազելու են ռիսկային հարկ վճարողների կողմից անփաստաթուղթ գործարքների իրականացման, իրացման շրջանառությունների նվազեցման եւ գների թերհայտարարագրման ռիսկերը: Էլեկտրոնային մեխանիզմների կիրառումը միտված է հեշտացնելու գործընթացները սպիտակ դաշտում գործող օրինապահ տնտեսվարողների համար: Միևնույն ժամանակ, այս համակարգի ներդրման պայմաններում ստվերում գործող տնտեսվարողներն անընդհատ զգալու են ՊԵԿ-ի «շունչը»: Նյութի աղբյուր՝ https://www.facebook.com/permalink.php?story_fbid=1858808671065726 ...

    Կարդալ ավելին
Загрузка...

Քաղաքականություն