Գովազդի համար զանգահարել 099 999 409
  • Մանե Զաքարյան
  • Հաշվի առնելով պետության կողմից պետբյուջեի ծախսերի վերաբերյալ հրապարակված տվյալները, կարելի է փաստել որ հանրապետության գանձարանի ընթացիկ ծախսերից 39.2 տոկոսը` 64.2 մլրդ դրամ, ուղղվել է սոցիալական նպաստների և կենսաթոշակների վճարմանը: Ընդանուր առմամբ կենսաթոշակները կազմել են 44.9, իսկ նպաստները՝ 19.3 մլրդ դրամ: Եթե համեմատենք այս տվյալները մեկ տարվա վաղեմություն ունեցող արդյունքների հետ, ապա կտեսնենք, որ այս տարվա ցուցանիշները աճել են 3.1%-ով կամ 1.9 մլրդ դրամով: Նյութի աղբյուր՝ https://www.facebook.com/permalink.php?story_fbid=1872075159739077&id=100008098336391 ...

    Կարդալ ավելին
  • Արցախում վերջին 10 տարիներն աչքի են ընկնում իրականացվող հատուկ տնտեսական քաղաքականությամբ, որի շնորհիվ այդ ընթացքում ապահովվել է կայուն տնտեսական աճ՝ միջին տարեկան ցուցանիշը հասցնելով մոտ 10%-ի: Այսպիսով՝ 2015 թվականի համախառն ներքին արդյունքն իրական արտահայտությամբ աճել է 9,1%-ով՝ կազմելով 438 մլն ԱՄՆ դոլարին համարժեք դրամ: 2015 թվականին մեկ շնչին ընկնող ՀՆԱ-ն կազմել է շուրջ 3 հազար ԱՄՆ դոլար՝ 4 անգամ գերազանցելով 2006 թվականի մակարդակը: Նման զարգացման պայմաններում հետաքրքրական է երկրի ՀՆԱ կառուցվածքը: Այստեղ արդյունաբերական արտադրության տեսակարար կշիռը տարեկան կտրվածքով կազմել է շուրջ 16%: Այս ոլորտի հիմնական ճյուղերն են հանքարդյունաբերությունը, մշակող արդյունաբերությունը ու էներգետիկան: 2015 թվականին արդյունաբերական արտադրանքի ծավալը կազմել է 112 մլն ԱՄՆ դոլար, ինչը 2014 թվականի համեմատ ավել է 2.5 %-ով: Դիտարկվող բոլոր տարիներին մշակող արդյունաբերության ոլորտում գերիշխող տեղ է զբաղեցրել սննդամթերքի արտադրությունը՝ կազմելով շուրջ 60% և ապահովելով ավելի քան 11% միջին տարեկան աճ: 2015 թվականին արձանագրված 9.1% տնտեսական աճի 1.8 տոկոսային կետն էլ ապահովել է գյուղատնտեսությունը, որի համախառն արտադրանքը կազմել է ավելի քան 134 մլն ԱՄՆ դոլար՝ գրանցելով 12.9% իրական աճ 2014 թվականի և մոտ կրկնակի աճ 2006 թվականի նկատմամբ: Նյութի աղբյուր՝ https://www.facebook.com/permalink.php?story_fbid=1863856687227591 ...

    Կարդալ ավելին
  • Գործադիրի նիստում ընդունվել է որոշում, որի համաձայն այսուհետ հնարավոր կլինի Հայաստանում ներկրված մեքենաները ապահովագրել հենց մաքսատան տարածքում: Սա կհեշտացնի ավտոներկրողների գործը և նրանք ապահովագրության համար հավելյալ ժամանակ չեն ծախսի: Գործընթացն ապահովելու համար մաքսատան տարածքում գործում են ապահովագրական ընկերություններ և գործակալներ: Նրանք հիմա արդեն կկարողանան քաղաքացուն մոտենալ հենց մաքսատան տարածքում: Նյութի աղբյուր` https://www.facebook.com/permalink.php?story_fbid=1859804200966173&id=100008098336391 ...

    Կարդալ ավելին
  • ՊԵԿ-ում մեկնարկել է տեխնիկապես հագեցած մոնիթորինգի կենտրոնի աշխատանքը: Այս համակարգը հագեցած է էլեկտրոնային կառավարման հատուկ համակարգով, որի նպատակը ՊԵԿ-ում իրականացվող վերլուծական եւ ռիսկերի բացահայտման գործընթացների բարելավումն է: Կենտրոնում էլեկտրոնային եղանակով իրականացվելու են ընդլայնված ու կենտրոնացված վերլուծություններ, մշտադիտարկման են ենթարկվելու իրացման շրջանառությունների հայտարարագրումը, վճարումների կատարումը և ապրանքների՝ ներմուծում-տեղափոխում-իրացում ողջ շղթան: Կատարվող աշխատանքների արդյունքում նվազելու են ռիսկային հարկ վճարողների կողմից անփաստաթուղթ գործարքների իրականացման, իրացման շրջանառությունների նվազեցման եւ գների թերհայտարարագրման ռիսկերը: Էլեկտրոնային մեխանիզմների կիրառումը միտված է հեշտացնելու գործընթացները սպիտակ դաշտում գործող օրինապահ տնտեսվարողների համար: Միևնույն ժամանակ, այս համակարգի ներդրման պայմաններում ստվերում գործող տնտեսվարողներն անընդհատ զգալու են ՊԵԿ-ի «շունչը»: Նյութի աղբյուր՝ https://www.facebook.com/permalink.php?story_fbid=1858808671065726 ...

    Կարդալ ավելին
  • Հայաստանի զբոսաշրջային պոտենցիալի ճիշտ օգտագործումը պահանջում է օտարերկրյա փորձի կիրառում: Հայաստանը կարող է իր օտարերկրյա գործընկերների հետ համագործակցության ոլորտում առանձին հարթակ ստեղծել զբոսաշրջության ոլորտում համագործակցությունը խորացնելու համար: Տուրիզմի զարգացման տեսանկյունից Հայաստանի առանցքային գործընկերը կարող է լինել Ֆրանսիան՝ մի երկիր, որտեղ զբոսաշրջության ոլորտը զարգացած մակարդակի է հասել, և ամեն տարի Ֆրանսիա են այցելում տասնյակ միլիոնների հասնող զբոսաշրջիկներ: Ֆրանսիական փորձի կիրառումը և զբոսաշրջիկների փոխադարձ այցելությունների ակտիվացումը մեծ օգուտ կարող է բերել մեր երկրին: Փոխադարձ համագործակցության ներուժը հաշվի առնելով՝ ՀՀ տնտեսական զարգացման և ներդրումների նախարար Սուրեն Կարայանը և Ֆրանսիայի արտաքին գործերի և միջազգային զարգացման նախարար Ժան-Մարկ Էյրոն Փարիզում հուշագիր են ստորագրել՝ ուղղված զբոսաշրջության ոլորտում Հայաստանի և Ֆրանսիայի միջև համագործակցության զարգացմանն ու ամրապնդմանը: ՀՀ տնտեսական զարգացման և ներդրումների նախարարությունը հաղորդագրություն է տարածել, որում ներկայացրել է երկու երկրների կողմից այս ուղղությամբ ձեռնարկվող քայլերը՝ ա) հմտությունների և փորձի փոխանակում ընդհանուր հետաքրքրություն ներկայացնող ոլորտներում, բ) զբոսաշրջիկների ընդունելության պայմանների և անվտանգության բարելավում երկու երկրներում,  գ) զբոսաշրջային ուղղությունների փոխադարձ խթանում զանգվածային լրատվամիջոցներով, զբոսաշրջային գործակալությունների ներգրավմամբ և զբոսաշրջային երթուղիների ներկայացման միջոցով,  դ) թեմատիկ համագործակցության զարգացում զբոսաշրջության ոլորտում, մասնավորապես՝ գաստրոնոմիայի, մշակույթի, էկոտուրիզմի, մասնագիտական կրթության, լեռնային տուրիզմի և գյուղական տուրիզմի՝ հատկապես երկու երկրների տեղական ինքնակառավարման մարմինների միջև գործընկերության շրջանակներում ընդգրկված ոլորտներում, երկու երկրների զբոսաշրջության մասնավոր հատվածների միջև փոխադարձ ներդրումների և համագործակցության խրախուսում,  ե) երկու երկրների արհեստագործական, գաստրոնոմիական, մշակութային և գեղարվեստական արտադրանքի փոխադարձ խրախուսում բարձր զբոսաշրջային ներուժ ունեցող տեղական և ազգային միջոցառումների շրջանակում,  զ) երկու երկրների միջև զբոսաշրջության հարցերով համագործակցությունն ամրապնդող ցանկացած գործունեություն, ինչպես մասնագիտական կրթությունը, թվային տեխնոլոգիաները կամ օդային հաղորդակցությունը: Նյութի աղբյուր՝ https://www.facebook.com/permalink.php?story_fbid=1856022041344389 ...

    Կարդալ ավելին
  • Ուսումնասիրելով ազգային վիճակագրական ծառայության կողմից հրապարակված տվյալները` կարելի է նշել, որ Հայաստանում 2017 թվականի հունվարին գորգերի և գորգեղենի արտադրությունը կազմել է 0,4 տոննա: Համեմատելով այս ցուցանիշը մեկ տարվա վաղեմություն ունեցող արդյունքների հետ, կտեսնենք, որ 2017-ին արտադրությունը աճել է 4 անգամ:  Ֆուտբոլային լեզվով՝ «պոկեր» ձևակերպած գորգարտադրությունը այս տարվա հունվարին արտահանել է 167,9 հազար հատ տրիկոտաժեղեն: Նախորդ տարվա նույն ժամանակահատվածի համեմատ այս ցուցանիշը ավելացել է 48,6 տոկոսով: Հիշեցնենք, որ նախորդ տարվա հունվարին արտադրության ծավալը կազմում էր 113 հազար: Նյութի աղբյուր՝ https://www.facebook.com/permalink.php?story_fbid=1854538058159454&id=100008098336391 ...

    Կարդալ ավելին
  • Վարչապետ Կարեն Կարապետյանի մոտ երեկ տեղի է ունեցել աշխատանքային խորհրդակցություն, որի ընթացքում քննարկվել են Գյումրիի Կումայրի պատմական կենտրոնի զարգացման ծրագրի ընթացքի վերաբերյալ հարցեր: Ենթադրվում է, որ այս կենտրոնն իր գործունեությամբ նոր շունչ ու թարմություն է հաղորդելու քաղաքին, վերականգնելու է նախկին շուքն ու Գյումրվա կոլորիտը: Հատկանշական է, որ ծրագիրը գտնվում է ինչպես հանրության, այնպես էլ լրատվամիջոցների ուշադրության կենտրոնում: Այսպես՝ վարչապետին զեկուցվել է ծրագրով նախատեսվող ենթակառուցվածքների զարգացման նախագծի մշակման և շինարարական աշխատանքների ժամկետների վերաբերյալ: Այս համատեքստում քննարկվել են տեխնիկական և կազմակերպչական մի շարք հարցեր: Կարեն Կարապետյանը պատասխանատուներին հանձնարարել է շարունակել ակտիվ աշխատանքը հիմնադրամում ներդրումների ներգրավման շուրջ, սեղմ ժամկետում ավարտին հասցնել և ներկայացնել ենթակառուցվածքների զարգացման նախագիծը: Ժամանակը քիչ է, խնդիրները՝ շատ: Կառավարությունը նաև շտապելու, ժամանակի խնդիր ունի: Նյութի աղբյուր՝ https://www.facebook.com/permalink.php?story_fbid=1853071158306144&id=100008098336391 ...

    Կարդալ ավելին
  • Դատական իշխանության բարեփոխումները Հայաստանի համար լուրջ քայլ են, քանի որ իշխանության այս կարևորագույն ճյուղերից մեկի անկախ և անկաշկանդ գործունեությունը բխում է պետության շահերից: Այդ իսկ նպատակով գործադիրը հավանություն է տվել «ՀՀ դատական օրենսգիրք» ՀՀ սահմանադրական օրենքի նախագծին, որի ընդունման արդյունքում կապահովվի, մասնավորապես, անկախ, ինքնուրույն և օրենքի առջև հաշվետու դատական իշխանության կայացումը, կամրապնդվեն դատական իշխանության անկախության սահմանադրական երաշխիքները: Օրենսգրքով կարգավորվում է նաև դատավորների գնահատման և առաջխաղացման օբյեկտիվ գործընթացը: Առաջխաղացման ցուցակներում կարող են ընդգրկվել այն դատավորները, որոնք քանակական և որակական ցուցանիշների հիման վրա ստացել են բարձր գնահատականներ: Օբյեկտիվ գնահատման ապահովման հարցում ներդրվելու է որևէ արտաքին միջամտություն բացառող էլեկտրոնային գնահատման համակարգ: Նախագծում անդրադարձ է կատարվել նաև հանրության շրջանում մեծ դժգոհություն առաջացրած տևական ժամանակ քննվող գործերին, ինչն ունի իր օբյեկտիվ պատճառը՝ դատավորների ծանրաբեռնվածությունը: Մասնավորապես՝ դատավորների ծանրաբեռնվածությունը մեղմելու նպատակով կարևորվել է միջդատական վարույթների գործերով՝ մասնագիտացված դատավորների առկայությանը: Նյութի աղբյուր՝ https://www.facebook.com/permalink.php?story_fbid=1852506675029259&id=100008098336391 ...

    Կարդալ ավելին
  • 2016 թվականը լի էր տնտեսական մարտահրավերներով, սակայն պետության արդյունավետ տնտեսական քաղաքականության արդյունքում հնարավոր եղավ գրանցել մի շարք դրական արդյունքներ: Խոսքը առաջին հերթին վերաբերում է արտահանմանը: 2016 թվականին Հայաստանից արտահանվել է 7 մլն 704,6 հազար դոլարի կաշվի հումք, կաշի, մորթի և դրանցից պատրաստված իրեր: 2015 թվականի համանուն ժամանակահատվածի համեմատ արտահանումը ավելացել է 51,1 տոկոսով, իսկ ներմուծումը 30.4 տոկոսով` կազմելով 14 մլն 410 հազար դոլար: Միևնույն ժամանակ, 15,5 տոկոսով աճել է նաև քիմիայի և դրա հետ կապված արդյունաբերության ճյուղերի արտադրանքի արտահանման ծավալը` կազմելով 17 մլն 317,4 հազար դոլար Զգալի աճ է գրանցվել նաև փայտ և փայտյա իրերի արտահանման ճյուղում: Այստեղ նախորդ տարի արտահանվել է 1 մլն 636,7 հազար դոլարի արտադրանք: Տոկոսային առումով աճը հասել է 27,4 կետի: Նյութի աղբյուր՝ https://www.facebook.com/permalink.php?story_fbid=1844032659209994 ...

    Կարդալ ավելին
  • Հայաստանը համաշխարհային շուկայում դեռևս լավ ճանաչված չէ որպես զբոսաշրջային երկիր, ոչ հայկական ծագումով զբոսաշրջիկների թիվը դեռևս ցածր է, տուրիզմի ենթակառուցվածքները բավարար չափով զարգացած չեն:  Այդ իսկ պատճառով քայլեր են ձեռնարկվում զբոսաշրջության ոլորտը զարգացնելու ուղղությամբ, որոնցից կարևոր է 2017 թվականի տարեկան զբոսաշրջության զարգացման ծրագրի մշակումը, որի շրջանակում ակտիվ թիրախային մարքեթինգ իրականացնելու համար ընտրվել են հետևյալ շուկաները՝ Ռուսաստան, Չինաստան, Ճապոնիա, Ծոցի երկրներ, Արևմտյան Եվրոպայի երկրներ: Կարևոր է նաև Գյումրի քաղաքի զբոսաշրջության զարգացման ներդրումային ծրագրի իրականացումը, որը խթան կհանդիսանա դեպի Հայաստանի հյուսիսային մարաքաղաք Գյումրի զբոսաշրջիկների հոսքի ավելացմանը: Նշենք, որ 2016 թվականին Հայաստանում զբոսաշրջիկների հոսքը 5,7 տոկոսով աճել է: 2016 թվականին Հայաստան է այցելել 2 մլն 867 հազար մարդ, որոնցից 1 մլն 260 հազարը՝ տուրիստական նպատակներով: Աճը բաժին է ընկել Հայաստանի համար ավանդական շուկաներին՝ Ռուսաստան եւ Իրան, նաեւ նոր շուկաներին՝ Արաբական Միացյալ Էմիրություններ եւ Չինաստան: Հարևան Իրանին է բաժին ընկել բոլոր ուղևորությունների 30 տոկոսը: Նյութի աղբյուր՝ https://www.facebook.com/permalink.php?story_fbid=1843528869260373 ...

    Կարդալ ավելին
Загрузка...

ՖԲՀ

Քաղաքականություն