Համացանցում է հայտնվել «Դռիկ Խչո»-ի կատարումը նվիրված կարմիր բերետավորներին (Երևան քաղաքի «սպեցին»)

Կարդալ ավելին

Ոստիկանության լրատվության վարչության պետ Աշոտ Ահարոնյանը ֆեյսբուքյան իր էջում գրառում է կատարել, որում ասվում է, որ ոստիկանությունը ձեռք է բերել տեսագրություններ, որոնցում ակնհայտ երևում է, որ հավաքի մասնակիցները չեն ենթարկվում ոստիկանության ծառայողների օրինական պահանջներին, բռնություն են գործադրում նրանց նկատմամբ՝ արգելափակոցներ, քարեր և այլ առարկաներ նետելով հասարակական կարգի պահպանության իրենց պարտականություններն իրականացնող ոստիկանության ծառայողների ուղղությամբ` նրանց պատճառելով մարմնական վնասվածքներ:  «Հարուցված քրեական գործի շրջանակում միջոցներ են ձեռնարկվում հիշյալ անձանց ինքնությունը պարզելու, նրանց հայտնաբերելու, բերման ենթարկելու և գործի քննությանը նրանց մասնակցությունն ապահովելու ուղղությամբ»,– գրել է Աշոտ Ահարոնյանը:

Կարդալ ավելին

Քիչ առաջ բախում տեղի ունեցավ ցուցարաների և վարորդների միջև։ Կորյուն-Հերացի խաչմերուկում G դասի Mercedes Benz ամենագնացը փորձեց ճեղքել ցուցարաների կազմած պատը, ինչի արդյունքում ընդհարում տեղի ունեցավ մեքենայի ուղևորների ու ցուցարների միջև, նրանցից մի քանիսը վնասվածքներ ստացան։  

Կարդալ ավելին

Փաշինյանը հրապարակեց քաղաքացիական անհնազանդության զանգվածային գործողությունների ծրագիրը:

Կարդալ ավելին
/uploads/photos/

Հայտնի է «International Champions Cup» ընկերական մրցաշարի խաղացանկը: Այս պահին հայտնի են բոլոր խաղերի անցկացման ժամանակացույցը, բացի` «Բավարիա»-ՊՍԺ խաղից.   «Մանչեսթեր Սիթի»-«Բորուսիա Դ.»` հուլիսի 20 (Չիկագո) «Սևիլիա»-«Բենֆիկա»` հուլիսի 20 (Ցյուրիխ) «Լիվերպուլ»-«Բորուսիա Դ.»` հուլիսի 22 (Շարլոտ) «Ռոմա»-«Տոտենհեմ»` հուլիսի 25, (Սան Դիեգո) «Բորուսիա Դ.»-«Բենֆիկա»` հուլիսի 25 (Պիտսբուր) «Մանչեսթեր Սիթի»-«Լիվերպուլ»` հուլիսի 25 (Նյու-Յորք) «Յուվենտուս»-«Բավարիա»` հուլիսի 25 (Ֆիլադելֆիա) «Միլան»-«Մանչեսթեր Յունայթեդ»` հուլիսի 25 (Լոս-Անջելես) «Աթլետիկո»-«Արսենալ»` հուլիսի 25 (Կալանգ, Սինգապուր) «Չելսի»-«Սևիլիա»` հուլիսի 28 (Վարշավա)  «Բենֆիկա»-«Յուվենտուս»` հուլիսի 28 (Հարիսոն) «Մանչեսթեր Յունայթեդ»-«Լիվերպուլ»` հուլիսի 28 (Ան-Արբոր) «Բավարիա»-«Մանչեսթեր Յունայթեդ»` հուլիսի 28 (Մայամի-Գարդենս) «Բարսելոնա»-«Տոտենհեմ»` հուլիսի 28 (Փասադենա) ՊՍԺ-«Աթլետիկո»` հուլիսի 30 (Կալանգ) «Բարսելոնա»-«Ռոմա»` հուլիսի 31 (Արլինգթոն) «Մանչեսթեր Յունայթեդ»-«Ռեալ»` հուլիսի 31 (Մայամի-Գարդենս) «Տոտենհեմ»-«Միլան»` հուլիսի 31 (Մինեապոլիս) «Չելսի»-«Ինտեր»` օգոստոսի 1 (Գյոտենբորգ) «Արսենալ»-«Չելսի»` օգոստոսի 4 (Ստոկհոլմ) «Ռեալ»-«Յուվենտուս»` օգոստոսի 4 (Լենդովեր) «Միլան»-«Բարսելոնա»` օգոստոսի 4 (Սանտա-Կլարա) «Ինտեր»-«Սևիլիա»` օգոստոսի 7 (Լեչե) «Ռեալ»-«Ռոմա»` օգոստոսի 7 (Իսթ-Ռատերֆոլդ) «Աթլետիկո»-«Ինտեր»` օգոստոսի 12  (Մադրիդ)

Կարդալ ավելին
/uploads/photos/

«Pro Evolution Soccer Konami» խաղի արտադրողները դադարեցրել են համագործակցությունը ՈւԵՖԱ-ի հետ: Ճապոնական ընկերությունը և ՈւԵՖԱ-ն համաձայնել են խզել պայմանագիրը, որը թույլ էր տալիս խաղի ստեղծողներին արտոնագիր ունենալ ՈւԵՖԱ-ի մրցաշարերի վրա (Չեմպիոնների լիգա և Եվրոպա Լիգա) և այն օգտագործել PES-ում: Կողմերը համագործակցում էին մոտավորպես 10 տարի: 

Կարդալ ավելին
/uploads/photos/

Անգլիական «Մանչեսթեր Սիթի»-ն նոր պայմանագիր կառաջարկի Պեպ Գվարդիոլային: Այս մասին գրում է The Times պարբերականը: «Քաղաքայինների» նոր պայմանագիրը իսպանացի մասնագետի հետ նախատեսված կլինի մինչև 2020 թվականը: Ըստ պարբերականի՝ Գվարդիոլան երջանիկ է անգլիական ակումբում և կերկարաձգի պայմանագիրը: Գվարդիոլան այժմ տարեկան ստանում է 17 միլիոն եվրո աշխատավարձ:  Ֆուտբոլի Անգլիայի 2017/18 մրցաշրջանի չեմպիոնի տիտղոսը մրցաշարի ավարտից 5 տուր առաջ ապահովեց «Մանչեսթեր Սիթի»-ն: «Մանչեսթեր Սիթի»-ն 5-րդ անգամ դարձավ Անգլիայի չեմպիոն: Մինչ այս «քաղաքայինները» Պրեմիեր լիգայում հաղթել էին 1936/37, 1967/68, 2011/12 և 2013/14 մրցաշրջաններում:

Կարդալ ավելին
/uploads/photos/

Մադրիդի «Ռեալի» պորտուգալացի հարձակվող Կրիշտիանու Ռոնալդուն բաց կթողնի Պրիմերայի 32-րդ տուրի՝ «Մալագայի» հետ հանդիպումը,- հաղորդում է «սերուցքայինների» պաշտոնական կայքը: «Արքայական ակումբի» հայտացուցակից բացակայում են նաև Լուկա Մոդրիչը, Գարեթ Բեյլը և Ռաֆայել Վարանը: Հիշեցնենք, որ հանդիպումը կկայանա «Լա Ռոսալեդայում» և կմեկնարկի Երևանի ժամանակով 22:45-ին:

Կարդալ ավելին
/uploads/photos/

Լոնդոնի «Արսենալի» գլխավոր մարզիչ Արսեն Վենգերը հայտարարել է, որ թիմի կիսապաշտպան Հենրիխ Մխիթարյանը պետք է որ վերականգնվի երկու շաբաթից: Ավելի վաղ հայտնի էր դարձել, որ Մխիթարյանը Եվրոպայի լիգայի 1/4 եզրափակչի՝ ԲԿՄԱ-ի դեմ խաղում (4:1) վնասել էր ծունկը: Պատասխան խաղում «Արսենալն» առանց Մխիթարյանի ոչ-ոքի ավարտեց հանդիպումը մրցակցի հարկի տակ (2:2) և արդյունքում 6:3 ընդհանուր հաշվով հաղթելով՝ շրջանցեց բանակայինների արգելքը:  -Մենք անհանգստանում ենք Մխիթարյանի համար: Կարո՞ղ է նա խաղալ Եվրոպայի լիգայի եզրափակչում, եթե «Արսենալը» հայտնվի այնտեղ:  - Մի անհանգստացեք: Նա շուտով կվերականգնվի, երկու շաբաթից նա կլինի անհրաժեշտ մարզավիճակում: Մենք լավ բժշկական շտաբ ունենք:

Կարդալ ավելին
/uploads/photos/

Դերասան Սոս Ջանիբեկյանը ֆեյսբուքյան իր էջում #ԻմՔայլը նախաձեռնությանը միանալու կոչ է արել: Նա լուսանկար է հրապարակել ֆեյսբուքյան իր էջում ու գրառում կատարել: «Միացում»,- գրել է նա:

Կարդալ ավելին

Պրեմիերա․ Արման Հովհաննիսյան - «Էլի նա»:

Կարդալ ավելին
/uploads/photos/

Զզվում եմ քաղաքականությունից, կոչերից, հավաքներից ու պաթոսիկներից (իմից էլ` էդ թվում),  ԲԱՅՑ.  1. Ցանկացած ուժ ստեղծում է հակաուժ: 2. Դե ախր խաղաղ քաղաքացուն չի կարելի բզբզալ: 3. Քաղաքացիական հարցադրումներին ՔԱՂԱՔԱԿԱՆ պատասխաններ չտալը քաղաքական անգործություն է։ 4. Մարդիկ կարող են ու պիտի այլակարծություն ունենան, որ «կողմից» ուզում է լինեն, դրանից չի կարելի վախենալ կամ չարանալ (բայց դե լուծումներն, անտեր մնա, պետք է տրվեն)։  5. Էս շարժումը խոշորացույցի պես ի տես է դնում շատերի կարծիքը, կարիքը, խնդիրը․ դա չի կարելի հաշվի չառնել։ 6. Մեռա ասելով՝ երկխոսության կարիք կա, ոչ թե մենախոսությունների։ (  7. Աստված տա, որ ամեն ինչ ԽԱՂԱՂ լուծում ստանա, ու ստանա, մարդիկ իրոք հոգնել են անորոշ ու անշարժ խնդիրներից։  8. Իմ էջը բաց է, և ով դեռ չի հասցրել ինքնահաստատվել, ազատ զգացեք։ 9. Ու մի խառնեք մարդու գործունեությունն ու էդ պահի ձեր «ճշմարտության» մասին տեսակետը,  ԲԱՑԱՐՁԱԿ ոչինչ չի լինում։  10. Խաղաղություն մեր կես կտոր երկրին, որը «սեյսմիկ» գոտուց ոչ մի կերպ դուրս չի գալիս, ցավոք. օբյեկտիվ կամ սուբյեկտիվ պատճառներով։  Շարունակելի, բայց արդեն մտքում․․․ Նյութի աղբյուր՝ https://www.facebook.com/NazeniHov/posts/10214927574318656

Կարդալ ավելին
/uploads/photos/

Դերասանուհի Անուշկա Մարգարյանը վերջին օրերին Ինստագրամի իր էջում ակտիվ լուսանկարներ է հրապարակում,որտեղ երևում է, որ նա միացել է ակտիվիստներին ու դուրս եկել փողոց: Դերասանուհին միայնակ չէ, նրա հետ  են սերիալային նաև դերասաններ Բեն Ավետիսյանն ու Հայկ Չոմոյանը: Նրանք ևս մասնակցել են ԱԺ պատգամավոր Նիկոլ Պաշինյանի #Իմքայլը  նախաձեռնության ակցիաներին:  

Կարդալ ավելին
/uploads/photos/

Ամերիկաբնակ երգչուհի Շպռոտն արձագանքել է Հայաստանի ներքաղաքական իրավիճակին: #ԻմՔայլը նախաձեռնության մասին նա գրառումներ է կատարել սոցիալական ցանցերի իր էջերում: «Իմ ողջ ընտանիքը Հայաստանում է ապրում և վատ չեն ապրում՝ միջին... Բայց գիտեմ, որ շատերն իմ երկրում հազիվ ծայրը ծայրին են հասցնում, հոգնել են, դավադիտ են եղել: Թող մեզ լավ նայեն, վերևից թող չնայեն... Կամ թող գնան, մենք մեզ կնայենք...»,- գրել է նա և կից հրապարակել հետևյալ լուսանկարը. Քիչ անց նա ևս մեկ գրառում է կատարել. «Աստված իմ, էս ի՞նչ է կատարվում... Ամեն տարի փորձում են մեր երիտասարդների դուխը կոտրել... Սա իմ երկիրն է հիմա... Իմ քաղցր երիտասարդ սերունդը պայքարում է ազատության համար»,- գրել է նա ու հրապարակել այս լուսանկարները.  

Կարդալ ավելին
/uploads/photos/

ԵՊՀ Ժուռնալիստիկայի ֆակուլտետի ուսանողուհի, Ֆեյսբուքյան ակտիվիստ Սիլվի Տիգրանյանը սկսել է շարք, որտեղ զրուցում է իր Ֆեյսբուքյան ընկերների հետ։ Այս անգամ զրուցակիցը ԵՊՀ  Տնտեսագիտության և կառավարման ֆակուլտետի ուսանողուհի Սյուզաննա Մարտիրոսյանն է:   1.Առավոտյան օրը սկսում եմ... -Անկասկած, մեկ բաժակ սուրճով՝ համադրելով այն նպատակնորով ու ժպիտով: 2.Եթե ոչ տնտեսագիտություն, ապա... -Դիզայն 3.Հայաստան ու ես… -Չնայած անվերջ անջատումներին ու վերադարձներին, հուսով եմ մի օր կմիաձուլվենք ու չենք բաժանվի... 4.Ըստ իս տղան պետք է լինի... -Ըստ իս չկան ինչ-որ հստակ բնորոշումներ կամ գծեր, որ տղան պետք է ունենա, սակայն, ավելի սուբյեկտիվ եթե մոտենամ հարցին, ապա ցանկալի է, որ լինի հասուն, ուշադիր, խոհեմ, անպայման չէ, որ փայլի իր բարձր ինտելեկտով, բայց կարծում եմ մի փոքր հումորը ամեն ինչի ճիշտ լրացումն է :) 5.Եթե ինձ բնութագրեի մեկ նախադասությամբ, ապա կասեի... -Ճիշտն ասած կարծում եմ, որ Ռեմարկն ինձ արդեն այնքան լավ է բնութագրել, որ ես պարզապես անզոր եմ ավելին ասել «Նա ինքը խմիչք էր խմելու ժամանակ, դառնում էր սեր սիրելու պահին, նա փոխվում էր հուսահատության, երբ սկսում էր հուսահատվել, նա ինքը մոռացություն էր՝ մոռացության մատնելիս» : 6.Իմ ներաշխարհն ու արտաքին աշխարհը... -(Հիանալի հարց է) Երկուսն էլ թեպետ հակասություններով լի են` փորձում եմ հնարավորինս մաքսիմալ  չափով զերծ ու մաքուր պահել ներաշխարհս արտաքին աշխարհի զեղումներից, չարությունից ու ագահությունից: 7. Թատրոն, թե՞ կինո -Ես թատրոնի մեծ սիրահար եմ, ոչինչ չեմ փոխարինի կենդանի էմոցիաների տարափի հետ, որ ստանում եմ թատրոնից: 8.Երբ սովածություն եմ զգում կեսգիշերից հետո... -Հեշտությամբ հաղթահարում եմ այն։ 9.Իմ երեք ամենասիրելի ուտեսնտերն են... -Lազանիա, թանապուր, մանթի 10.Երբեք չեմ ների… -Կարծում եմ մարդ իր բնույթով միտված է ներելո: Թերևս ամեն ինչ ( սուտը, դավաճանությունը, մոռացությունը...) հնարավոր է ներել, սակայն դժվարանում եմ հասկանալ ի զորու եմ ներել անտարբերությունը, թե ոչ... 11.Ասա ինձ` չես կարող և ես... Կհասկանամ, որ դու ինձ չես ճանաչում (ծիծաղում է) 12.Կյանքն ինձ համոզել է, որ... -Անիմաստ է պլաններ մշակել, անգամ մտածել ինչ-որ հեռահար իրադարձությունների մասին, քանի որ այն ինչ ունենք մենք մեր ներկան է ու երջանիկ է նա, ով կարողանում է լիովին կենտրոնանալ ներկայի վրա, ապրել դրա ամեն պահը ու լիարժեք վայելել այն... 13.Տուր ինձ հնարավորություն և ես ... -Եվ ես կփորձեմ հավատալ դրան: 14.Կուզեի ապրել մի տեղ, որտեղ... -Որտեղ կբացահայտեի «նոր» ինձ... 15.Ես Սյուզաննա Մարտիրոսյանն եմ ,ես ... -Ես հուսով եմ, որ դուք ինձ կընդունեք այնպիսին, ինչպիսին որ եմ :

Կարդալ ավելին
/uploads/photos/

ԵՊՀ Ժուռնալիստիկայի ֆակուլտետի ուսանողուհի, Ֆեյսբուքյան ակտիվիստ Սիլվի Տիգրանյանը սկսել է շարք, որտեղ զրուցում է իր Ֆեյսբուքյան ընկերների հետ։ Այս անգամ զրուցակիցս Armsport.am կայքի գլխավոր խմբագիր Արման Առաքելյանն է:   1.Երբ ես դեռահաս էի... -Երազում էի այն ամենի մասին, որոնց կեսին այժմ հասել եմ: 2.Կյանքն ինձ համար... -Իմ աշխատանքն է 3.Քչերը գիտեն, որ, ես... -Հուսահատ էլ եմ լինում (ընտիր հարց ա, շատ լավն ա) 4.Կսիրահարվեի նրան ,եթե... -Ունենար այն, ինչը չեմ գտել այլ աղջիկների մեջ, կամ էլ, եթե շիկահեր լիներ ( ծիծաղում է) 5.Ինձ համար հաճելի է... -Աշխատանքից հոգնելը: 6.Ում հետ սուրճ կխմեիր այս պահին -Քեզ հետ, Սիլվ (ժպտում է) 7.Գուցե հնարավոր է... -Ես հասնեմ իմ ամենակարևոր երազանքներից մեկին: 8.Եթե ինձ բնութագրեի մեկ նախադասությամբ,ապա կասեի… -Ես սպորտային լրագրող եմ: 9.Երևանում իմ ամենասիրելի վայրը... -«Հանրապետական» ստադիոնը, Ավանի ֆուտբոլի ակադեմիան 10. Իմ երեք ամենասիրելի ուտեստներն են… -Խինկալի, ձկնամթերք, տավարի սթեյք 11.Երբ սովածություն եմ զգում կեսգիշերից հետո… -Ուտում եմ այն, ինչ գտնում եմ սառնարանում (ծիծաղում է) 12.Ասա ինձ` չես կարող և ես... -Ասա ինձ` չես կարող և ես կհամոզեմ, որ կարող եմ: 13.Գուցե սխալվում եմ ,բայց ... -Բայց հավատով եմ լցված, որ ամեն ինչ շատ լավ է լինելու: 14.Եթե իմ մասին պատմող ֆիլմ լիներ, այն կկոչվեր... -Երևի  ,,Սպորտն ու աշխատանքը,, կամ ,,Սպորտային լրագրողը,, 15.Ես Արման Առաքելյանն եմ ,ես... -Ես խնդրում եմ օգնեք ինձ ամեն ինչ ավելի լավը դարձնելու համար:

Կարդալ ավելին
/uploads/photos/

ԵՊՀ Ժուռնալիստիկայի ֆակուլտետի ուսանողուհի, Ֆեյսբուքյան ակտիվիստ Սիլվի Տիգրանյանը սկսել է շարք, որտեղ զրուցում է իր Ֆեյսբուքյան ընկերների հետ։ Այս անգամ «Բլից հարցազրույց»-ի հյուրն է FBH.am կայքի հիմնադիր տնօրեն Տիգրան Խաչիկյանը: 1.Օրինակելի լինելն ու օրինակ վերցնելը ինձ համար... -Երազանք է: 2. Կա՞ աղջիկների կողմից արվող արտահայտություն, որ կարող է Ձեզ հունից հանել: -Չկա այդպիսի արտահայտություն, որը կարող է ինձ հունից հանել, բայց ես զզվում եմ, երբ աղջիկը ունենում է լպիրշ խոսելաձև։ 3. «Ի՞նչ կա չկա» հարցին ես պատասխանում եմ...  -Խառը, դու ասա (ծիծաղում է): 4.Իմ առաջին աշխատավարձով, ես ...  -Ֆինանսապես անկախ զգալու քաղցրությունը վայելեցի (ժպտում է): 5.Ես ինքնավստահ եմ երբ...  - Ես երբեք ինքնավստահության պակաս չեմ զգացել։ 6.Երևանում իմ ամենասիրելի վայրը... -Ամբողջ փոքր կենտրոնը։ 7.Երբ սովածություն եմ զգում կեսգիշերից հետո...  -Առանց ամաչելու բացում եմ սառնարանի դուռը և հավեսով հաց ուտում, քանի որ վստահ եմ, որ առավոտյան չեմ հասցնելու նախաճաշել (ծիծաղում է) 8.Ֆեյսբուքը...  Ֆեյսբուքը ինձ համար աշխատանքային գործիք է: 9.Ըստ իս աղջիկները սիրում են...  -Ըստ իստ շատ ճիշտ է ասված, որ աղջիկները սիրում են ականջներով, քանի որ աղջիկներին պետք է մի քանի սիրուն և քնքուշ բառեր ասել և նրանք արդեն կիսովչափ սիրահարված են (ծիծաղում է) 10. Այս հարցազրույցը... -Այս հարցազրույցը իր ձևաչափով տարբերվում է ամբողջ Ֆեյսբուքահայության շրջանում: 11.Ասա ինձ` չես կարող և ես...  -Եվ ես կփորձեմ օգնել քեզ: 12.Կորուստներն ու ձեռքբերումները...  -Դրանք կյանքից անբաժան են, չես կարող ունենալ միայն կորուստներ և միայն ձեռքբերումներ։ Կյանքը այնպես է ստեղծված, որ մի օր ունենում ես ձեռքբերում, մեկ օր էլ կորուստներ, պարզապես մենք շատ անգամներ անտեսում ենք ձեռքբերումները՝ տեսնելով միայն կորուստները: 13.Կյանքն ինձ համոզել է, որ...  -Կյանքը ինձ համոզել է, որ նա սիրում է միայն աշխատասեր և նպատակասլաց մարդկանց և եթե ցանկանում ես հաջողության հասնել պետք է անընդհատ աշխատես քեզ վրա, այլապես կյանքը կանտեսի քեզ: 14.Գուցե սխալվում եմ, բայց ...  -Գուցե սխալվում եմ, բայց ինձ թվում է բացի մեզանից կան այլ մոլորակներում ապրող մարդիկ։ 15. Ես Տիգրան Խաչիկյանն եմ, ես...  -Ես չեմ սիրում գլուխ գովել, այլ սիրում եմ լուռ աշխատել։

Կարդալ ավելին
/uploads/photos/

FBH.am-ը հարցազրույց է անկացրել Սամբոյի աշխարհի չեմպիոն Տիգրան Կիրակոսյանի հետ, որն էլ ստորև ներկայացնում ենք Ձեր ուշադրությանը։ Բարև Ձեզ հարգելի Տիգրան, Դուք Սոչիում 5։0 հաշվով հաղթեցիք ադրբեջանցի մարզիկին, ի՞նչ զգացողություններ ունեիք այդ պահին - Առանձնապես մեծ տպավորություն չունեի, քանի որ նույն մրցակցին մի քանի անգամ հաղթել եմ, այդ թվում Եվրոպայի առաջնության եզրափակչում ավելի խոշոր՝ 8-1 հաշվով: Ի՞նչ զգացողություններ էր, երբ 21-ամյա դադարից հետո, հենց Ձեր շնորհիվ Լոռու մարզը ունեցավ աշխարհի չեմպիոն։ - Ինձ համար մեծ պատիվ էր այսքան երկար դադարից հետո վերջապես չեմպիոնական տիտղոսը բերել իմ հարազատ ծննդավայր։ Դուք ունեք բազմաթիվ մեդալներ և տիտղոսներ, FBH.am-ի ընթերցողների համար, մի փոքր պատմեք, թե ինչ մրցանակներ ունեք։ - Անկեղծ ասաց արդեն շատ դժվար է ինձ համար հիշել ամբողջը, քանի որ շաք քիչ են եղել մրցաշարներ, որտեղից առանց մեդալ եմ վերադարձել: Փորձեմ խոսել ամենակարևորներից: Երեք անգամ նվաճել եմ եվրոպայի չեմպիոնի կոչումը, 2 անգամ փոխչեմպիոնի, իսկ արդեն 4 անգամ պատվավոր երրորդ հորիզոնականը: 4 անգամ նվաճել եմ աշխարհի գավաթը: 2013 թվականին Կազան քաղաքում հաղթել եմ 4 տարին մեկ տեղի ունեցող ուսանողական գավաթը: Այս տարի վերջապես դարձա աշխարհի չեմպիոն, 2 անգամ դարձել եմ փոխչեմպիոն, իսկ 4 անգամ էլ եղել եմ պատվավեր երրորդ հորիզոնականում: Ո՞րն է Ձեր համար ամենակարևոր և հիշարժան մրցանակը։ - Ցավոք սրտի Սամբո մարզաձևը օլիմպիական չդարձավ, իսկ ինձ համար ամենաբաղձալի տիտղոսը դա աշխարհի չեմպիոն հռչակվելն էր, որը այս տարի վերջապես իրականացրեցի։ Դուք այն եզակի մարզիկներից եք, ովքեր չվախեցան և մեկնեցին Ադրբեջան՝ մասնակցելու օլիմպիական խաղերին։ Մի փոքր պատմեք, թե ինչպես Ձեզ դիմավորեցին թշնամու հողում և արդյոք բարդ չէր մրցելը այնտեղ։ - Դիմավորելու և կազմակերպչական մասով ոչինի չունեմ ասելու, հարևան երկրում ամեն ինչ կազմակերպած էր բարձր մակարդակաով, իսկ անվտանգության միջոցառումերը լիարժեք իրականացնում էին: Ինչ վերաբերվում էր մրցաշարին, ես գիտակցում էի որ այտեղ հաղթելը գրեթե անհնար բան կլինի, քանի որ մրցավարական գործոնը շատ մեծ դեր ուներ: Դուք այժմ մրցում եք «Հայաստանի լավագույն մարզիկ» անվանակարգում, որքանով եք գնահատում Ձեր հաղթելու հավանականությունը։ -Ինձ համար տասնյակում հայտվելը արդեն հաղթանակ է։ Դուք գրեթե երբեք հարցազրույց չեք տալիս, չեք բարձրաձայնում Ձեր հաջողությունների համար և հանրությունը գրեթե չգիտի ձեր հաջողությունների և նվաճումների մասին, ինչո՞վ է այն պայմանավորված։ -Չգիտեմ, իմ բանավորությունն է այդպիսին, ես չեմ սիրուն հանրային ելույթներ ու քննարկումեներ, սիրում եմ իմ ուժերը չափել միայն գորգում: Շնորհակալություն հետաքրքիր հարցազրույցի համար։ - Ձեզ նույնպես։

Կարդալ ավելին
/uploads/photos/

Օգոստոսի 13-ին նշվում է Ձախլիկների միջազգային օր (International Left‑Handers Day): Օրը որոշվել է ըստ «Ձախլիկների օրինագծի», որը ընդունվել է 1976 թվականին, ԱՄՆ-ի Տոպիկա քաղաքում գտնվող Ձախլիկների միջազգային կոնֆեդերացիայի կողմից: Ձախլիկների օրը նպատակ ունի հանրության ուշադրությունը հրավիրել ձախլիկներին ստիպողաբար աջով գրելուն ուղղված խնդրին, ինչը կարող է հոգեբանական ծանր խնդիրների պատճառ դառնալ, ինչպես նաև ձախլիկների հարմարավետությունը հաշվի առնող կենցաղային իրերի արտադրությանը: Ազգաբնակչության մեջ հանդիպում են 7-17 տոկոս ձախլիկներ: FBH.am-ը փորձեց պարզել, թե Ֆեյսբուքահայ ձախլիկների հետ ինչ զվարճալի և հիշարժան դեպքեր են պատահել   Կիլիկիա Հայաստան Խորհրդային տարիներին ձախլիկությունը արատ էր համարվում, և դպրոցներում արգելվում էր ձախով գրելն ու ընդհանապես աջ ձեռքի փոխարեն ձախն օգտագործելը: Քանի որ ես չէի կարողանում աջով գրեի, հարմար պահին փոխում էի ձախով, դրա համար ինձ ստիպում էին, որ ձախ ձեռքս դնեմ տակս ու էդպես աջս օգտագործեմ: Դա արդեն հետագայում սովորություն էր դարձել, սնվելուց, գրելուց ՝ ձախ ձեռքս տակս էր: Մի անգամ ժամադրության էի գնացել, հետո գնացին ռեստորան ընթրելու, սովորության համաձայն , ես ձախս դրել էի տակս ու չէի էլ զգացել, տեսնեմ, աղջիկը կարեկցանքով է ինձ նայում, իսկ վերջում ասեց, որ իմ դեմ ոչինչ չունի , բայց չի պատրաստվում կյանքը կապի հաշվանդամի հետ: Մտածել էր, որ ձախ ձեռքս անշարժունակ ա ))))   Վահե Բեգոյան Ինձ հետ պատահած ամենածիծաղելի և տպավորիչներից կառանձնացնեմ այս 3-ը 1) բոլոր թվերը աջից ձախ էի (երբեմն հիմա էլ) կարդում ու գումարում ու ստանում անհեթեթ բաներ 19-ի փոխարեն 91... 2) մի հիմար ու նախկին «ընկեր» ունեի, դրա հայրը մի օր տեսնելով որ ձախով եմ գործ անում, ասաց. վա՜յ, էս ձախլի՞կ ես, բա ամոթ չի՞։ ԱՄՈԹ ՉԻ՞ 3) վերջերս մեր շաը սիրված ու նշանավոր անձերից մեկին իմ տան ճանապարհն էի բացատրում հեռախոսով, բոլոր աջ շրդաձարձերի փոխարեն ձախ էի ասել, գնացել հասել էր եսիմ ուր ))))))   Արմեն Մխիթարյան Կոնկրետ միջադեպ դժվար թե հիշեմ․․․ Չնայած երևի ծիծաղելիների մեջ կարելի ա համարել, երբ մի բան եմ գրում ու էդ պահին կողքիս անծանոթը գրելու ընթացքում մեկ էլ, թե՝ վա՜յ, էս ձախլիկ ես: Չէ, հա… դպրոցում ուղղակի արաբերեն եմ անցել )))   Որպես լրացում FBH.am-ը ձեր ուշադրությանն է ներկայացնում Սյունե Սևադայի գրառումը նվիրված ձախլիկներին -Վայ, էս ձախլիկ ե՞ս (չէ, էդ հարցն եմ շատ սիրում, հատուկ եմ անում) - Որ մարդ չի նայում, էլի ձախով ե՞ս գրում։ - Բա քեզ չի թվո՞ւմ, որ դու թարս ես։ - Հլը անունս գրի, նայեմ։ -Լուրջ հիմա չե՞ս կարողանում աջով գրիչ բռնես, թե՞ ձևեր ես թափում։ -Հաստատ կարաս գրես աջով, ուղղակի չես ուզում։ - Կսովորացնե՞ս ոնց ես ձախով գրում։ -Էդ կիթառը թարս ես բռնել, հը-հը-հը։ -Մատներիդ թանաք ա։ - Մի խփի արմունկով։ -Նորմալ բռնի էդ գդալը։ -Հաց էլ ե՞ս ձախով ուտում, իսկ հեռախոսն էլ ե՞ս ձախով բռնում, իսկ...Հեչ, լավ։ - Իսկ կուզեի՞ր աջլիկ լինել, այսինքն՝ նորմալ։ - Աջ ականջդ ձախ ձեռքո՞վ ես բռնում, հո-հո-հո։ - Ձախլիկները տաղանդավոր են, դու տաղանդավոր ե՞ս։ Հլը մի բան արա՝ տեսնեմ։ - Բա էդ ճիշտ ա՞, որ ձախլիկները ուշ են ծերանում/կանաչում/աբսուրդ էլի մի բան։ -Հիմա ես քո օգնական ձախ ձեռքն ե՞մ։ -Որ երկու ձախլիկ իրար տեսնում եք, երազանք ե՞ք պահում։ - Սաղ օրը լևի ե՞ք գնում, բա լևը չի բռնո՞ւմ, հըհըհը։ #Ձախլիկների_միջազգային_օր #Շնորհավոր_մեզ #Թարսը_դուք_եք   FBH.am-ը միանում է այսօրվա շնորհավորանքներին և հիշեցնում, որ՝ ԱՄՆ նախագահներից ձախլիկ են եղել Ջերալդ Ֆորդը, Բիլ Քլինթոնը, Ջորջ Բուշ կրտսերը և Բարաք Օբաման: Ձախլիկ են նաև արվեստագետներ Լեոնարդո դա Վինչին, Միքելանջելոն, Ռոդենը, Պիկասոն։ Գրողներից՝ Հանս Քրիստիան Անդերսենը, Նիցշեն, Լյուիս Քերոլը։ Երաժիշտներից՝ Նիկոլո Պագանինին, Մոցարտը, Ռախմանինովը։ Դերասաններից՝ Չարլի Չապլինը։ Գիտնականներից՝ Ալբերտ Էյնշտեյնը, Նյուտոնը և այլք

Կարդալ ավելին
/uploads/photos/

Ադրբեջանին ուղղված իմ մեղադրանքներն արդարացի վճիռ կունենան: Այս մասին Հայաստանում լրագրողների հետ զրույցում համոզմունք հայտնեց Բլոգեր Ալեքսանդր Լապշինը: Նա նշեց, որ իրենք Ադրբեջանին մեղադրում են Բաքվի բանտում իր նկատմամբ մահափորձ կատարելու, իր իրավունքները, արտահանման կանոնները խախտելու մեջ: Բլոգերը հայտնեց, որ Հայաստանից անմիջապես մեկնելու է Ստրասբուրգ՝ ԵԽԽՎ, և պատմելու է իր նկատմամբ Ադրբեջանի վարած քաղաքականության մասին: «Պատմելու եմ, թե ինչպես սեպտեմբերի 10-ին՝ մայրիկիս ծննդյան օրը՝, նրանք բանտախցում հարձակվեցին ինձ վրա, ծեծեցին, ջարդեցին ատամներս, հետո, երբ ես անգիտակից վիճակում էի, ինձ վրա գոտի ամրացրին և կախեցին զուգարանում, որ հետո լրատվամիջոցներով տարածեն, թե ես ինքնասպանության եմ դիմել: Նրանք դա հատուկ էին արել, մայրիկիս ծննդյան օրն էր: Դրան հաջորդեց Ադրբեջանի նախագահ Իլհամ Ալիևի համաներման որոշումը, և «ամբողջ ներկայացումը» դրանով ավարտվեց»,- պատմեց Լապշինը: Լապշինը նշեց, որ Ադրբեջանը տոտալիտար երկիր է՝ ղեկավարվող կլանների կողմից, որոնք, ինչպես շները, իրար «գզվռտում են» նավթի համար: «Նրանք ցանկանում էին ինձ օգտագործել իրենց ներքին խնդիրները լուծելու համար: Հատկապես Ալիևը, ով  փորձեց ցույց տալ, որ ինքը ուժեղ լիդեր է, որ կարող է չհարգել Ռուսաստանին, Իսրայելին և Եվրամիությանը»,- ասաց նա: Լապշինի խոսքով` Բաքվի բանտում ինքը մտածել է, որ եթե իր նախնիները, ինչպես հայերը, կարողացել են վերապրել ցեղասպանությունը, կարողացել են կառուցել իրենց երկիրը, ապա ինքն էլ կկարողանա «վերապրել Ադրբեջանը»: Ալեքսանդր Լապշինը անդրադարձ կատարեց նաև  Հայաստանում այս օրերին տեղի ունեցող ներքաղաքական իրադարձությունների վերաբերյալ: «Այստեղ ուկրաինական «մայդան» չէ: Չեմ տեսել որևէ բռնություն այստեղ, չնայած, գիտեմ, որ կան նաև տուժածներ, որոնք հիվանդանոցներում են: Ես տեսնում եմ, որ մարդիկ ցանկանում են փոփոխություն: Չեմ ուզում տպավորություն ստեղծվի, որ ես ինչ-որ մեկին պաշտպանում եմ: Դեռ հակառակը` ցանկանում եմ անձնապես շնորհակալություն հայտնել Նիկոլ Փաշինյանին, ով Բելառուսի դեսպանատան մոտ հանդես է եկել ի պաշտպանություն ինձ»,- ասաց նա:

Կարդալ ավելին
/uploads/photos/

Վարչապետ Սերժ Սարգսյանն այսօր հյուրընկալել է Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսին և Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսին:  Վարչապետի պաշտոնը ստանձնելուց հետո Սերժ Սարգսյանի հետ առաջին հանդիպմանը Վեհափառ Հայրապետը և Մեծի Տանն Կիլիկիո Կաթողիկոսը նախ իրենց շնորհավորանքներն են փոխանցել վարչապետին՝ մաղթելով նրան ուժ, կարողություն, համբերություն, տոկունություն: Զրուցակիցները հանդիպման ժամանակ անդրադարձել են նաև այս օրերին հանրապետությունում բողոքի արտահայտման զանգվածային միջոցառումներին՝ տեղի ունեցող հավաքներին, երթերին և իրենց մտահոգությունները հայտնել ստեղծված իրավիճակի կապակցությամբ: Բնական համարելով, որ ցանկացած երկրի ներսում կարող են լինել դժգոհություններ, պահանջներ, մտահոգություններ, կաթողիկոսները կարևորել են բողոքի արտահայտումը բացառապես քաղաքակիրթ եղանակով՝ հարգելով պետության սահմանադրական կարգն ու օրենքները: Ամենայն Հայոց Կաթողիկոսը և Մեծի Տանն Կիլիկիո Կաթողիկոսը միաժամանակ իրենց գոհունակությունն ու գնահատանքն են հայտնել, որ տեղի ունեցող գործընթացում ուժի կիրառումը, բախումները, ընդհարումները տեղ չունեն:  «Աղոթում ենք, որպեսզի աստիճանաբար այս իրավիճակը հանդարտվի, խաղաղվի, և մարդիկ լծվեն մեր հայրենաշինության, մեր երկրի անվտանգության նվիրական գործին: Մենք, այո՛, ունենք դժվարություններ մեր կյանքում, բայց նաև բազում մարտահրավերներ և այդ մարտահրավերների առջև կարող ենք կանգնել ու դիմակայել դրանք միայն ազգային համախմբվածությամբ և միասնականությամբ: Առջևում նաև ապրիլի 24-ն է՝ Մեծ եղեռնի հիշատակի օրը: Եվ այդ օրվա խորհուրդը պիտի որ յուրաքանչյուր հայորդու գիտակցության, ընկալումների մեջ լինի և առաջնորդի՝ շիտակ ապրելու և շիտակ մեր ընթացքը առաջնորդելու, որպեսզի մենք զերծ պահենք մեր երկիրը ողբերգություններից, կորուստներից:  Մենք ունենք Արցախ, մենք ունենք մեր հայրենիքի սահմանների վրա ծառայող երիտասարդ հայորդիներ, որոնց անվտանգությունը, գիտենք, պարո՛ն վարչապետ, Ձեր մշտական մտահոգությունն է: Մենք հաղորդ ենք եղել Ձեր մտածումներին այս առումով: Թող Աստված պահի, պահպանի մեր ժողովրդին սիրո, խաղաղության մեջ: Այս է մեր մաղթանքը, այս է մեր աղոթքը»,-ասել է Ամենայն Հայոց Կաթողիկոսը: Մեծի Տանն Կիլիկիո Կաթողիկոս Արամ Ա-ն, նշելով, որ միանգամայն կիսում է Գարեգին Վեհափառի մտահոգությունները, ընդգծել է, որ այս օրերին երկրում երիտասարդների, պատանիների ներգրավմամբ տեղի ունեցող իրադարձությունների ժամանակ գրգռիչ արտահայտություններով լարվածության, անորոշության մթնոլորտի ստեղծումը վնասում է թե՛ մեր ժողովրդին, թե՛ մեր երկրի ընկալմանն արտաքին աշխարհում: «Վերջիվերջո, այս ցույցերի հետևանքները կամ դրանց ընթացքում հասցված վնասների հաղթահարումը ամիսներ են տևելու: Այսինքն՝ երկիրը կարող է վնասվել: Մենք պետք է ցուցարարներին ասենք՝ սա մեր բոլորիս հայրենիքն է, բոլորս այս հայրենիքի զավակներն ենք, մի ընտանիք ենք: Դժվարություններ, հարցեր կլինեն, սակայն պետք է նստել, փոխադարձ հասկացողությամբ հարցերը քննել սեղանի շուրջ, ոչ թե փողոցում: Հարցերը քննելու միասնական այդ ճիգով դրանց լուծման ճամփաներ պետք է որոնել միասնաբար: Սա է, որ պետք է լինի: Այս մթնոլորտում նման ձևով շարունակելը վնաս է՝ վնաս է հայրենիքին, վնաս է մեր ժողովրդին: Հետևաբար, ես ուրախ եմ, որ նաև Դուք, պարո՛ն վարչապետ, այդ կոչը արել եք, որ ուժերը կողք կողքի գան և սեղանի շուրջ նստեն ու խոսեն: Նախագահի և Ձեր գլխավորությամբ այդ խոսակցությունը պետք է լինի, որովհետև այս կացության շարունակումը մեծապես կվնասի մեր հայրենիքին, մեր ժողովրդին, Արցախին մանավանդ: Ժամանակն է, որ համախմբվենք, որովհետև պաշարված ենք ոչ բարեկամ ուժերով: Հարցեր կան, բնականաբար, բայց այդ հարցերի մասին պետք է խոսենք փոխադարձ սիրո, հարգանքի սահմաններում: Սա է, որ ուզում էինք Ձեզ փոխանցել, պարո՛ն վարչապետ»,-ասել է Մեծի Տանն Կիլիկիո Կաթողիկոսը:

Կարդալ ավելին
/uploads/photos/

Արշակունյաց պողոտայում լարված իրավիճակ է: Մեքենաների վարորդները փակել են ճանապարհը: Մեքենաներից մեկի վարորդը հորիզոնական դիրքով կանգնել է և չի իջնում մեքենայից: Ճանապարհային ոստիկանության ծառայողները երկու քարշակ են  հրավիրել, սակայն վարորդը մեքենայից չի իջնում: Իրավապաշտպան Դանիել Իոաննիսյանը ՃՈ աշխատակցին ասաց, որ օրենքը թույլ չի տալիս քարշակել մեքենան, եթե ներսում մարդ կա:  Այնուամենայնիվ, մեքենան հեռացվեց, սակայն վարորդը հրաժարվեց իջնել մեքենայից և մնաց մեքենայում: Մինչ տեղափոխում էին երկրորդ մեքենան, այլ մեքենաներ եկան և կանգնեցին ճանապարհի երթևեկելի մասում: Ոստիկանները մտան մեքենայի մեջ և վարորդին բռնի ուժով հանեցին մեքենայից: Մինչ նրան  ուժով փորձում խցկել մեքենան, վարորդի ինքնազգացողությունը վատացավ: Ոստիկանները պառկեցրին նրան ասֆալտին, ինչից հետո խցկեցին մեքենան և տարան:

Կարդալ ավելին

Ինչպես են «Երազ»-ով բերման ենթարկվածները դուրս գալիս մեքենայի հետևի դռնից:

Կարդալ ավելին
/uploads/photos/

Shamshyan.com-ի տեղեկություննրով՝ երեկ՝ ապրիլի 19-ին, վիճաբանություն-ծեծկռտուք է տեղի ունեցել Երևանում։ Մարմնական վնասվածքներով հիվանդանոց է տեղափոխվել Երևանի բնակիչ՝ 24-ամյա Գագիկ Նուշիկյանը: Կայքի տեղեկություններով՝ ոստիկանները պարզել են, որ Գ. Նուշիկյանը ծեծի է ենթարկվել անհայտ անձի կողմից Թումանյան-Փարպեցի փողոցների խաչմերուկում գործող «Ջեմինի» սրճարանում վիճաբանության ժամանակ, ու նրան անծանոթ անձը հարվածել է նրա մարմնի տարբեր մասերին։ Կայքի տեղեկություններով՝ Գ. Նուշիկյանը Ազգային ժողովի պատգամավոր Գարեգին Նուշիկյանի տղան է, ով Երևանում գործող ՍՊԸ-ներից մեկի տնօրենն է։ Մանրամասները`սկզբնաղբյուր կայքում:

Կարդալ ավելին
/uploads/photos/

Նումերալոգիան հաճախ կարող է մեկնաբանել մարդու ընտրած ուղին, մտածողությունն ու հետագան։ Կարող եք նշել այն թիվը, որը ամենից հաճախ ընտրում եք և շատ բան իմանալ ձեր անձի մասին։ Եթե դա երկնիշ թիվ է, ապա գումարեք նիշերն իրար ու ստացեք միանիշ էիվ․օրինակ եթե 87 է, ապա 8+7=15, 1+5=6։ Աըսինքն 87 թվին համապատասխանում է 6-ի էներգետիկան։ 1․ եթե դա մեկն է,ապա ձեր կյանքի ուղին բավականին դժվար է։ Դուք հաճախ եք հայտնվում դատավորի դերում, ինչը բացասական է անդրադառնում շրջապատի հետ հարաբերություններում։ Փորձեք համբերատար լինել մարդկանց թերությունների հարցում։ 2․ երկուսը հիմնականում ընտրվում է այն մարդկանց կողմից, ովքեր կախվածություն ունեն ինչ-որ մեկից կամ ինչ-որ բանից։ Նման մարդիկ հիմնականում ունենում են վատ սովորությունների մի ամբողջ փունջ, որը բացասաբար է անդրադառնումկյանքի վրա։ Ամեն ինչ իդեալական կլինի, եթե ձեզ համար կյանքի հիմնական նպատակ ընտրեք։ 3․ դուք մտածողության էգոիստ տարբերակ ունեք․դուք բավականին ուժեղ մարդ եք,ում մոտ խիստ զարգացած է ինքնապաշտպանման բնազդը, բայց արժե երբեմն ուշադրություն դարձնել նաև այլ մարդկանց։ 4․այս թիվը սովորաբար ընտրումեն պերֆոկցիոնիստները․մաթեմատիկական մտածողության տեր մարդիկ։ Սովորաբար այսմարդիկնախընտրում են հանգիստը, այնպես որ փոփոխություններին վերաբերվում են ոչ այնքան լավ։ 5․այս տարեբրակն ընտրում են հիմնականում ստեղծագործող մարդիկ, որոնք հիմնականում փնտրումեն ոգեշնչման աղբյուր։ Նաև ընտրումեն սպորտի սիրահար մարդիկ։ Եթե դուք ուշադիր լինեք մանրուքներին, ապա ամեն ինչ լավ կընթանա։ 6․այս թիվը համարվում է շողոքորթության նշան։ Բայց դա չի նշանակում,որ ինքներդ եք այդպիսին։ Ուղղակի դուք շատ փակ մարդ եք։ Դա շատ հաճախ դժվարեցնում է ձեր կյանքը։ Ձեր շրջապատին թվում է, թե դուք իրականում բաց ու պարզ մարդ եք, բայց դա միայն այդպիսի տպավորություն է, որն օգնում է ձեզ ստվերի տակ պահել իրականությունը։ 7․այս թիվը դուր է գալիս բարի մարդկանց։ Ձեր բարությունը սովորաբար չի ճանաչում սահմաններ, որը մարդիկ հաճախ չարաշահում են։ դա ձեր կյանքի հիմնական վտանգն է։ Ինքներդ կարող եք չնկատել, թե ինչպես եք դառնում մանիպուլացիայի զոհ։ 8․այս թիվն ընտրում են մարդիկ, որոնք պատրաստ են ամեն ինչի՝ հանուն իրենց երջանկության։ Ձեզ կարող են կոպիտ ու համառ անվանել, բայց իրականում դուք չեք սիրում պարտվել։ Ձեզ կյանքում մեծ ու հաջողակ ուղի է սպասում։ 9․քաոսն է տիրում այն մարդկանց կյանքում, ովքեր ընտրում են այս թիվը։ Բայց դա բացասական չէ։ Ձեզ մոտ հաճախ ամեն ինչ թափրտված է, բայց դուք հոգեպես ձգտում ու կարողանում եք իրոք սիրել ու ընկերություն անել։

Կարդալ ավելին
/uploads/photos/

FBH.am-ը ներկայացնում է, թե ինչ է սպասվում Ձեզ այսօր` ըստ հորոսկոպի նշանի: Խոյ Խոյերին այսօր հակացուցված է ծուլությունը, սակայն արժե խուսափել նաև հակառակ երևույթներից՝ վազվզոցից, շտապողականությունից: Առավոտը խթան կտա գործերն ավարտելու համար, սակայն ակտիվությունը կարող է նվազել, եթե քիչ է ձեր էներգիան, կամ ձեզ վատ եք զգում: Չարժե անցնել նոր առաջադրանքների, հատկապես, եթե արած աշխատանքի վերաբերյալ դեռևս հարցեր են մնացել: Օրվա երկրորդ կեսը կարող է նորից հիշեցնել ինչ-որ անավարտ գործի մասին: Ցուլ Օրվա սկզբում Ցուլերը հակված են գործել իներցիայով, ինչն այնքան էլ վատ չէ: Հնարավոր է կարողանաք ավարտին հասցնել գործը, որում շատ ուժ եք ներդրել: Սակայն աստղերը հուշում են, որ շատ ոլորտներում ձեզ այժմ դժվար կլինի կայուն վերջակետի հույս ունենալ. ամենայն հավանականությամբ ստիպված կլինեք ստորակետ դնել: Օրվա երկրորդ կեսին կարող են ուժգնանալ ձեր անձնական կասկածները կամ փոխադարձ հարցեր ի հայտ գալ: Երկվորյակ Երկվորյակները կարող են նյարդայնանալ օբյեկտիվ ուշացումների, ազատության կամ հստակության պակասի պատճառով: Շատ Երկվորյակներ կբախվեն նախկինում իրենց անուշադրության, անփութության հետևանքների հետ: Արգելքների հաղթահարումը մանրակրկիտ մոտեցում կպահանջի: Արժե բացառել շտապողականությունն ու թեթևամտությունը: Օրվա երկրորդ կեսին ձեզ հետաքրքրող թեմայի վերաբերյալ նորություններ կստանաք: Խեցգետին Խեցգետինների համար առավել ներդաշնակ և կայուն կլինի առավոտը: Չարժե ավելի ուշ ժամանակի թողնել համատեղ պայմանավորվածությունների իրագործումը, ծառայություններով փոխանակումը, անձնական հանդիպումը: Օրվա ընթացքում աստղերը կարող են ձեր ուշադրությունն ուղղել պոտենցիալ վտանգների վրա, այդ թվում՝ կապված ձեր գործերի նյութական կողմի հետ: Լավագույն պահը չէ կապեր ձևավորելու համար, չարժե վստահել անծանոթ մարդկանց կամ ընկերություններին: Առյուծ Ֆինանսական բարեկեցության և ընդհանուր հավասարակշռության պահպանման համար Առյուծները պետք է լավ կողմնորոշվեն իրավիճակում: Կարևոր է նախաձեռնել ամեն անհրաժեշտը՝ խուսափելով ավելորդ և վաղաժամ գործողություններից: Արժե ավելի հանգիստ վերաբերվել ուշացումներին և ձգձգումներին: Օրվա երկրորդ կեսում նախադրյալներ կձևավորվեն տարընթերցումների, տարաձայնությունների համար: Կույս Կույսերի գործնական ջանքերն այսօր արդյունավետ կլինեն միայն առավոտյան և միայն սահմանափակ ոլորտում: Չնայած ընդհանուր լավ հիմքին՝ ցանկացած գործ կարող է դանդաղել փաստաթղթերում անճշտությունների, ինչ-որ մեկի բացակայության պատճառով: Բացառված չէ, որ ինքներդ պատրաստ չլինեք օպերատիվորեն անցկացնել այս կամ այն գործողությունները: Առավել կոնկրետ հուշումներ կտա օրվա երկրորդ կեսը: Կշեռք Առավոտը Կշեռքները կարող են հատկացնել կենցաղային և տեխնիկական հարցերին, հատկապես, եթե ավարտին է մոտենում բարդ աշխատանքների, բուժական գործընթացների փուլը: Կուրախացնի անհարմար շրջանի մոտալուտ ավարտը: Օրվա երկրորդ կեսը խոստանում է տրամադրության և ինքնազգացողության կայունացում, կհիշեցնի կանգնեցված գործերի և հաճելի հեռանկարների մասին: Կարիճ Կարիճների համար կարևոր է օրվա տեղեկատվական բաղկացուցիչը: Եթե առավոտն ակտիվ շրջան է, օրվա կեսին օգտակար կլինի ընդմիջումը, որպեսզի տրամադրվեք այլ ալիքի: Բացառված չէ, որ ձեզ հետաքրքրող մարդը հրաժարվի իր խոսքերից, վերանա տեսադաշտից, ժամանակ խնդրի մտորման համար, առաջարկի հավելյալ նյութ: Կարող են ավարտվել ընդհանուր գործերը, ընդհատվել բանակցությունները: Միաժամանակ, հնարավոր է ընտանեկան կամ ընկերական վեճի թարմացում: Աղեղնավոր Աղեղնավորներին խորհուրդ չի տրվում չշտապել գնահատել նորությունները, ընդունել առաջարկները. այսօր հնչած ամեն բան հետագա ճշգրտման կարիք է զգում: Հնարավոր է ընդմիջում մեկ առաջադրանքից մյուսին անցնելիս: Ավելի լավ է չծրագրել ձեզ այս կամ այն արձագանքի. հաճելի անակնկալներն ավելի հնարավոր են, երբ դրանց չեք սպասում: Օրվա երկրորդ կեսին կարող է ակտուալ դառնալ ուղևորությունը, հանդիպումը: Այծեղջյուր Այծեղջյուրների համար առավել բեղմնավոր է առավոտը: Շատերին կհաջողվի ավարտին հասցնել կարևոր գործը, հատկապես, եթե ավելի վաղ արթնանան: Օրվա հետագա իրադարձությունները ցույց կտան, որ ամեն ինչ այնքան ակնհայտ չէ, որքան ձեզ թվում է: Եթե իրավիճակի ըմբռնման հետ խնդիրներ չունեք, ապա շուտով ձեզ կարող են պետք գալ մարդիկ, որոնց հետ կապված եք: Բացառված չէ, որ նորից ստիպված լինեք վերահսկողության տակ առնել ձեր գործերի նյութական բազան: Ջրհոս Ջրհոսները ստիպված կլինեն համակերպվել իրադարձությունների դանդաղ ընթացքի հետ: Հնարավոր է տնային ձևափոխումների, բիզնես ծրագրերի հետաձգում, ֆինանսավորման, բնակարանի, կենցաղի դասավորման հետ կապված խնդիրներ: Ծրագրում, որն իդեալական էր թվում, կարող են երևան գալ թույլ տեղեր, այդ թվում՝ կապված նյութական մասի հետ: Մտերիմների, ազգականների հետ զրուցելու փորձը կարող է չստացվել: Ձկներ Ձկների համար նորից արդիական է կարևոր տեղեկատվության հավաքման փորձը: Այս պահին կարելի է վստահ լինել միայն այն արդյունքներում, որոնցում ոչ մի կասկած չկա: Մնացած բոլոր դեպքերում ավելի լավ է փորձել նորից ուսումնասիրել ձեզ հետաքրքրող թեմայի մանրամասները: Անհաջողության դեպքում չարժե վհատվել և նահանջել. փակուղին ձեր ուշադրությունը կուղղի որոնման ավելի օգտակար ուղղությունների վրա:

Կարդալ ավելին

Համատեղելի ես արդյոք սիրելիիդ հետ. պարզիր այս աղյուսակով

Կարդալ ավելին
/uploads/photos/

«Միսս Ռուսաստան-2018» գեղեցկության մրցույթում հաղթել է Չուվաշիայի ներկայացուցիչ Յուլյա Պոլյաչիխինան, որին շնորհվել է սպիտակ ոսկուց պատրաստված ու թանկարժեք քարերով զարդարված թագը, 3 մլն ռուբլի և նոր մեքենա: Յուլյան 18 տարեկան է, զբաղվում է սպորտով: Հատկանշական է, որ գեղեցկուհին դպրոցն ավարտել է ոսկե մեդալով: Այժմ նա հնարավորություն ունի Ռուսաստանը ներկայացնելու հեղինակավոր գեղեցկության մրցույթներում՝ «Միսս Աշխարհ»-ում և «Միսս Տիեզերք»-ում: Առաջին վիցե միսս է ճանաչվել Վիոլետա Տյուրկինան, երկրորդ վիցե միսս՝ Նատալյա Ստրոևան: Մինչդեռ SMS քվեարկության արդյունքում լավագույնն է ճանաչվել Նորգյանմա Մոնգուշը:  

Կարդալ ավելին
/uploads/photos/

Այն, թե ինչպես եք դուք նայում տարբեր իրերին, ձեր անձի մասին կարող է շատ բան պատմել։ Որպեսզի իմանաք ձեր անձի մասին նոր բաներ, դուք պետք է ուշադիր նայեք ստորև ներկայացվող նկարին և ասեք, թե քանի ձի եք այնտեղ տեսնում։ Հիշեք, որ չկա ճիշտ պատասխան։ Սակայն ձեր պատասխանը շատ բան կարող է պատմել ձեր մասին։     Այսպիսով, եթե դուք արդեն պատրաստ եք, ապա եկեք իմանանք, թե ինչ է պատմում ձեր մասին ձեր պատասխանը։ Մեկ ձի Եթե դուք համարում եք, որ նկարում կա ընդամենը մեկ ձի, դա խոսում է այն մասին, որ դուք նախընտրում եք նայել իրերին շատ խորը։ Ստացվում է, որ դուք արագ և իրատեսորեն ընդունում եք որոշումներ, սակայն չեք գնահատում մանրուքները։ Ձեզ համար ամբողջականն ավելի կարևոր է, քան մասերը և դուք միշտ փորձում եք կենտրոնանալ, որպեսզի ամեն ինչ ամբողջական լավ լինի։ Դուք սիրում եք աշխատել թիմում և չեք հավատում, որ հաջողության գաղտնիքը թաքնված է անհատականության մեջ։ 5-ից 10 ձի  Եթե դուք հաշվեցիք 5-ից 10 ձի, դա խոսում է այն մասին, որ դուք այն մարդկանցից եք, ովքեր ամեն ինչ լուրջ են ընկալում և միշտ փորձում են ամբողջ ուժերը ներդնել, երբ ինչ-որ բան են անում։ Դուք գերազանց եք հասնում ձեր նպատակներին։ Իրականում դուք ցանկացած աշխատանքի կատարումը ձգում եք մինչև վերջնաժամկետը։ Մեթոդական աշխատանքն ընդհանրապես ձեր մասին չէ։ Սակայն դուք էներգիայով լեցուն մարդ եք և սիրում եք շարժման մեջ գտնվել։ Դուք միշտ շարժվում եք ձեր նպատակների հետ հանդիպելու համար։ Երբեմն արագ, երբեմն դանդաղ, սակայն կարևորը, որ դուք երբեք կանգ չեք առնում։ Դուք շատ ինքնավստահ եք, խելացի և իսկական մարդ։ 11 և ավելի ձիեր Դուք այնպիսի մարդ եք, ով նկատում է, որ ուրիշների ուժերից վեր է ինչ-որ բան անելը։ Եթե ձեզ վստահվել է հանձնարարություն, դուք կատարում եք այն շատ մանրամասն և ոչինչ տեսադաշտից բաց չեք թողնում։ Ձեզ մոտ հաճախ են առաջանում խնդիրներ՝ զարգացման և առաջ շարժվելու հետ։ Երբեմն դուք հայտնվում եք փակուղում։ Ձեզ դուր են գալիս ճշգրիտ գիտությունները, դուք զգում եք ձեզ հարմար, երբ ունենում եք ամեն ինչի բացատրությունը և դուք միշտ փորձում եք գտնել այն։ Ձեզ չի բավարարում «ուղղակի որովհետև․․․» պատասխանը։ Դուք պետք է սովորեք թուլանալ և հասկանալ, որ դուք պետք է խելագարվեք, որպեսզի ձեզ մոտ ամեն ինչ գերազանց ստացվի, դուք առանց այդ էլ հրաշալի մարդ եք։

Կարդալ ավելին
Загрузка...

ՖԲՀ

Քաղաքականություն